OSHILESHWA 51

Ongahelipi to dulu okuhafifa Jehova monghedi omo ho popi navamwe?

Molupe la fa la pilindwa

Eshi Jehova e tu shita, okwe tu pa oshali ya denga mbada yokupopya. Mbela oha yandje ngoo elitulemo kunghee hatu longifa oshali oyo? Heeno osho lela! (Lesha Jakob 1:26.) Ongahelipi hatu dulu okulongifa oshali yetu yokupopya monghedi oyo tai hafifa Jehova?

1. Otu na okulongifa ngahelipi oshali yetu yokupopya?

Ombiibeli oye tu lombwela ya ti: “Twikileni okutwaafana omukumo nokutungafana.” (1 Ovatessalonika 5:11) Mbela ou shii umwe oo a pumbwa etwomukumo? Oshike wa pumbwa okuninga, opo u mu twe omukumo? Mu lombwela kutya ou na ko nasha naye. Oto dulu yo oku mu lombwela kutya oshike u hole kombinga yaye. Mbela ou shii omushangwa umwe, oo to dulu okulongifa, opo u twe umwe omukumo? Ope na omishangwa dihapu, odo to dulu okulongifa. Dimbuluka yo kutya onghedi omo to popi, oto dulu okutwa umwe omukumo neenghono. Onghee, kendabala alushe okupopya nonghenda nosho yo nengungumano.— Omayeletumbulo 15:1.

2. Eendjovo dilipi tu na okuhenuka?

Ombiibeli oya ti: “Momakanya eni inamu pita nandenande eendjovo dii.” (Lesha Ovaefeso 4:29.) Osho osha hala okutya inatu pumbwa okulongifa oitya ii, ile tu popye oshinima shonhumba, osho tashi dulu okuudifa nai umwe. Otwa pumbwa yo okuhenuka olwaambo nosho yo okupopila vamwe mowii.— Lesha Omayeletumbulo 16:28.

3. Oshike tashi tu kwafele tu popye monghedi oyo tai tu vamwe omukumo?

Luhapu oinima oyo hatu popi ohai ulike osho shi li momitima detu, ile momadiladilo. (Lukas 6:45) Onghee otwa pumbwa okulideula tu kale hatu yandje elitulemo koinima iwa ngaashi, oyo ya yuka, ya koshoka, i holike noya wana okupandulwa. (Ovafilippi 4:8) Opo tu yandje elitulemo koinima oyo, otwa pumbwa okuhoolola omalihafifo nookaume ketu pandunge. (Omayeletumbulo 13:20) Osha fimana yo okudiladila, ofimbo inatu popya. Diladila kunghee eendjovo odo wa hala okupopya tadi dulu okukuma vamwe. Ombiibeli oya ti: “Omunhu ta tu neendjovo ngaashi eongamukonda, ndelenee elaka lovanaendunge tali velula.”— Omayeletumbulo 12:18.

KONAKONA MOULE

Lihonga nghee to dulu okupopya monghedi oyo tai hafifa Jehova notai tu vamwe omukumo.

4. Kala ho pangele okupopya kwoye

Omafimbo amwe, ohatu popi oinima oyo hatu ke livela ombedi lwanima omolwayo. (Jakob 3:2) Lesha Ovagalati 5:22, 23, ndele tamu kundafana omapulo taa shikula:

Omaukwatya elipi to dulu okwiilikana kombinga yao, opo e ku kwafele u dule okupangela okupopya kwoye? Ongahelipi omaukwatya oo tashi dulika e ku kwafele?

Lesha 1 Ovakorinto 15:33, ndele tamu kundafana epulo tali shikula:

Ookaume koye nosho yo omalihafifo oo wa hoolola otai dulu okunwefa mo ngahelipi onghedi yoye yokupopya?

Omafano: Oinima oyo ya ningifa omushamane a popye nonyanya nomukulukadi waye. 1. Oha pwilikine keengalo di na sha nelongifo leenghono. 2. Oha tale omaudano eengonyo koTV nookaume kaye. — Oshike tashi dulu okunwefa mo onghedi yoye yokupopya?

Omafano: Oinima oyo ya ningifa omushamane oye tuu oo a popye nonghenda nomukulukadi waye. 1. Ta lesha Ombiibeli. 2. Ye nomukulukadi waye tava popi nakaume kavo pOlupale lOuhamba. — Oshike tashi dulu okunwefa mo onghedi yoye yokupopya?

Lesha Omuudifi 3:1, 7, ndele tamu kundafana epulo tali shikula:

Onaini tashi ka kala pandunge okukala wa mwena, ile okukonga efimbo tali wapalele, opo u popye?

5. Kala ho popi oinima iwa kombinga yavamwe

Ongahelipi hatu dulu okuhenuka okuudifa vamwe nai, ile okupopya oinima ii kombinga yavamwe? Dana OKAVIDIO, ndele tamu kundafana omapulo taa shikula.

OKAVIDIO: Popyeni “eendjovo diwa opo di pameke” vamwe (4:07)

Ngaashi sha ulikwa mokavidio, omolwashike omumwatate a li a hala okulundulula onghedi omo ha popi kombinga yavamwe?
Oshike a ninga po, opo a ninge omalunduluko oo?

Lesha Omuudifi 7:16, ndele tamu kundafana epulo tali shikula:

Oshike tu na okudimbuluka, ngeenge hatu yelekwa tu popile vamwe mowii?

Lesha Omuudifi 7:21, 22, ndele tamu kundafana epulo tali shikula:

Ongahelipi eevelishe odo tadi dulu oku ku kwafela uha handuke, ngeenge umwe e ku popila mowii?

6. Kala ho popi nonghenda novanhu vambuleni

Jehova okwa hala tu kale hatu popi novaneumbo letu nonghenda nosho yo nohole. Dana OKAVIDIO, ndele tamu kundafana epulo tali shikula.

OKAVIDIO: Ohole nefimaneko ohai hanganifa oukwaneumbo (3:08)

Oshike tashi dulu oku ku kwafela u popye nonghenda novanhu vambuleni?

Lesha Ovaefeso 4:31, 32, ndele tamu kundafana epulo tali shikula:

Eendjovo dilipi tadi dulu okutunga oukwaneumbo weni?

Jehova okwa popya nghee a li e uditile Omona waye, Jesus. Lesha Mateus 17:5, ndele tamu kundafana epulo tali shikula:

Ongahelipi to dulu okuhopaenena Jehova monghedi omo ho popi novanhu vambuleni?

Ina omudali ta pandula okamonakadona kaye, eshi ka mana okufaneka. — Konga eemhito u pandule vamwe

VAMWE OHAVA TI: “Ohandi popi osho ndi udite. Nghi na ko nasha kutya nee ovanhu ove shi hole, ile hasho.”

Mbela oto tu kumwe naasho? Omolwashike to tile ngaho?

ENGONGO

Osho hatu popi otashi dulu okutunga, ile okuyahameka vamwe. Otwa pumbwa okudiladila nawa kwaasho twa hala okupopya, nonokutya opomhito ilipi tu na oku shi popya, nanghee tu na oku shi popya.

Eendululo

Omeenghedi dimwe dilipi to dulu okulongifa oshali yokupopya, opo u tunge vamwe?
Eendjovo dilipi wa hala okuhenuka?
Oshike tashi dulu oku tu kwafela tu kale alushe hatu popi nonghenda nosho yo monghedi oyo tai tungu vamwe?

Efiku nda mana ko oshileshwa:

Omalalakano

Oshivike eshi, kendabala okupandula umwe wambuleni, ile meongalo.

Amwe vali:

Your other goal

TALA OUYELELE WA WEDWA PO

Oshike tashi dulu oku tu kwafela tu kale hatu popi monghedi oyo tai tungu vamwe?

Kala omunaendunge mokupopya (8:04)

Lihonga kombinga yanghee to dulu okuhenuka okupopya eendjovo dii.

“Mbela osha puka okutukana?” (Oshitukulwa shi li ko jw.org)

Tala nghee to dulu okuhenuka okuya momwiyo wolwaambo.

Ongahelipi handi dulu okuxulifa po olwaambo? (2:36)

Tala nghee Jehova a kwafela omulumenhu umwe, oo a li ta kondjo nokweefa po okulongifa elaka la honga.

“Onda li nda hovela okudiladila nda mana mo kutya onghalamwenyo yange oya finda peni” (Oshungonangelo, Septemba-Oktoba 2013)