OKUKALA OMUKRISTE WASHILI

Kala ho endafana naavo ve hole Jehova

Omolwashike tu na okukala hatu endafana naavo ve hole Jehova? Omolwaashi ovanhu ovo hatu endafana navo otava dulu oku tu nwefa mo nawa ile nai. (Omayel 13:20) Pashihopaenenwa, ohamba Joas oya “ninga osho sha wapalela moipafi yOmwene” eshi ya kala hai endafana nomupristeri omukulunhu Jehoiada. (2Omaf 24:2) Konima eshi Jehoiada a fya, Joas okwa efa po okulongela Jehova omolweendafano lii. — 2Omaf 24:17-19.

Mefelemudo lotete O.P., omuyapostoli Paulus okwa li a faafanifa eongalo lopaKriste ‘neumbo linene’ nosho yo oilyo yeongalo ‘noiyuma,’ ile oikwatelwa yomeumbo. Ngeenge otwa henuka okweendafana naavo ihava dulika kuJehova, kutya nee ovapambele vetu ile oilyo yeongalo, ohatu ka kala ‘oiyuma ya fimana’. (2Tim 2:20, 21) Onghee hano, natu twikile okupanga oukaume naavo ve hole Jehova nohave tu ladipike tu mu longele.

TALENI OKAVIDIO HENUKA EENDAFANO LII, NDELE TAMU KUNDAFANA OMAPULO TAA SHIKULA:

Ongahelipi eendafano lii tali dulu oku tu nwefa mo inatu shi didilika?
Ngaashi sha ulikwa mokavidio, mbela oshike sha kwafela Ovakriste vatatu va efe po eendafano lii?
Omafinamhango Ombiibeli elipi taa dulu oku ku kwafela u hoolole ookaume koye pandunge?

John ta tulile mo ovanailonga pamwe naye omaviinyu mouhalasha ofimbo ve li morestoulanda; Kristin ta tale komakwatafano opaintaneta; Jayden ta dana ougaima kointaneta; John noukwaneumbo waye, Kristin nosho yo Jayden ve li pokwoongala — Mbela ondi li “oshiyuma sha fimana”? — 2Tim 2:21