Natango pandja Ombibeli yoye kembo laJakob, omo hatu hange eendjovo edi tadi ladipike, tadi ti: “Ope na tuu umwe mokati keni ta vele? Oye na ifane ovakulunhu veongalo, ndele vo nave mu ilikanene ndele nave mu vaeke omaadi medina lOmwene. Neilikano leitavelo otali xupifa omunaudu, Omwene note mu yambukifa po, ndele ngenge okwa hangika a tula etimba, otae mu kufilwa po.” — Jakob 5:14, 15.

Shotete, ‘omunhu oku na okuvaekwa omaadi.’ Omaadi oo otaa ulike keenghono dokuvelula dEendjovo daKalunga. Omuyapostoli Paulus okwa yelifa a ti: “Ondjovo yaKalunga oi nomwenyo neenghono, . . . ndele i shii kutokola omadilongo nomadiladilo omutima,” hai i moule womadiladilo omunhu nomomutima waye. (Ovaheberi 4:12) Ovakulunhu veongalo otava dulu okulongifa noukeka Ombibeli opo va kwafele ovo tava vele pamhepo va mone kutya oshike sha etifa oupyakadi nonokutya oshike ve na okuninga opo va yukife eenghatu davo koshipala shaKalunga.