Edu “la pona omulonga”

Peemhito da yoolokafana mondjokonona, omapangelo okwa li a kwafela oshiwana shaJehova. (Esra 6:1-12; Est 8:10-13) Nokuli nopefimbo letu, otu wete nghee ‘edu,’ olo tali faneke ovanhu vomounyuni ovo ve na ondjele, tali pona po omeva “omulonga” womahepeko oo taa etifwa ‘kongadu,’ Satana Ondiaboli. (Eh 12:16) Jehova, “Kalunga Omuxupifi,” otashi dulika omafimbo amwe e linyengife ovapangeli vopanhu va mangulule oshiwana shaye. — Eps 68:20; Omayel 21:1.

Ongahelipi ngeenge owa tulwa modolongo omolweitavelo loye? Kala u na elineekelo kutya Jehova oku ku wete. (Gen 39:21-23; Eps 105:17-20) Kala u shii kutya oto ka pewa ondjabi omolweitavelo loye, noudiinini woye otau pameke ovamwaxo mounyuni aushe. — Fil 1:12-14; Eh 2:10.

TALENI OKAVIDIO, OVAMWATATE MOKOREA VA MANGULULWA MODOLONGO, NDELE TAMU KUNDAFANA OMAPULO TAA SHIKULA:

• Omolwashike ovamwatate omayovi moSouth Korea va li va tulwa modolongo oule womido da pita?

• Etokolo lopamhangu lilipi la li la mangululifa diva ovamwatate vamwe?

• Ongahelipi hatu dulu okukwafela ovamwatate mounyuni aushe ovo ve li modolongo omolweitavelo lavo?

• Ongahelipi hatu dulu okulongifa emanguluko olo tu na paife?

• Olyelye lela he tu kwafele tu findane meemhangu?