Omapulo okukonakona Embo lange lomahokololo Ombibeli

Ehokololo 1

Nghee Kalunga a hovela okushita oinima

1. Oinima aishe iwa oyo tu na oya dja peni? Yandja oshihopaenenwa.

2. Oshike osho Kalunga a shita tete?

3. Omolwashike omweengeli ou a shitwa tete a li a yooloka ko kovaengeli vakwao?

4. Hokolola kutya edu ola li monghalo ya tya ngahelipi pehovelo. (Tala mefano.)

5. Ongahelipi Kalunga a li a longekida edu opo ovanhu noinamwenyo va dule okukala kulo?

1. Omapulo a wedwa po:

   1. Lesha Jeremia 10:12.

   Omaukwatya elipi aKalunga e liwetikile meshito? (Jes. 40:26; Rom. 11:33)

2. Lesha Ovakolossi 1:15-17.

   Onghandangala ilipi Jesus a dana meshito, naasho oshi na okukuma ngahelipi etaleko letu li na sha naye? (Kol. 1:15-17)

3. Lesha Genesis 1:1-10.

   1. Edu ola dja peni? (Gen. 1:1)

   2. Oshike osho Kalunga a shita mefiku lotete? (Gen. 1:3-5)

   3. Hokolola kutya Kalunga okwa li a ninga po shike mefiku etivali leshito. (Gen. 1:7, 8)

Ehokololo 2

Oshikunino shiwa

1. Ongahelipi Kalunga a li a longekida edu opo tu dule okukala ko?

2. Tumbula oinamwenyo i lili noku lili oyo Kalunga a shita. (Tala mefano.)

3. Omolwashike oshikunino shaEden sha li she likalekelwa?

4. Kalunga okwa li a hala edu alishe li ninge shike?

Omapulo a wedwa po:

1. Lesha Genesis 1:11-25.

   1. Oshike osho Kalunga a li a shita mefiku etitatu? (Gen. 1:12)

   2. Kalunga okwa li a ninga po shike mefiku etine? (Gen. 1:16)

   3. Kalunga okwa li a shita omaludi oinamwenyo elipi mefiku etitano netihamano? (Gen. 1:20, 21, 25)

2. Lesha Genesis 2:8, 9.

   Kalunga okwa li a menifa omiti mbali de likalekelwa dilipi moshikunino, noda li tadi faneke shike?

Ehokololo 3

Ovanhu votete

1. Eyooloko lilipi li li pokati kefano lEhokololo eti-3 nefano olo li li mEhokololo eti-2?

2. Olyelye a shita omunhu wotete, nedina lomunhu oo olyelye?

3. Kalunga okwa li apa Adam oilonga yashike?

4. Omolwashike Kalunga a li a kofeka Adam eemhofi didjuu?

5. Adam naEva ova li tava ka kala nomwenyo oule wefimbo li fike peni, noilonga ilipi Jehova a li e va pa?

Omapulo a wedwa po:

1. Lesha Exodus 15:2, 3, OB-1954.

   Edina laKalunga olyelye, noku na ondodo ye likalekelwa ilipi meshito? (Jer. 16:21, NW; Dan. 4:17)

2. Lesha Genesis 1:26-31.

   1. Kalunga okwa li a shita shike mefiku etihamano, nongahelipi oshishitwa osho sha li sha yooloka ko koinamwenyo? (Gen. 1:26)

   2. Efiloshisho lilipi Jehova a li a pa ovanhu noinamwenyo? (Gen. 1:30)

3. Lesha Genesis 2:7-25.

   1. Oshinakuwanifwa osho Adam a li a pewa shokuluka oinamwenyo osha li sha kwatela mo shike? (Gen. 2:19)

   2. Ongahelipi Genesis 2:24 te tu kwafele tu shiive etaleko laJehova li na sha nohombo, etopoko neteyo lohombo? (Mat. 19:4-6, 9)

Ehokololo 4

Adam naEva ova li va tewa mo meumbo lavo

1. Oshike sha li sha ningilwa Adam naEva ngaashi tu shi wete mefano omo?

2. Omolwashike Jehova a li e va taataa mo moshikunino?

3. Eyoka ola li la lombwela Eva shike?

4. Olyelye a li a ningifa eyoka li popye naEva?

5. Osha li sha enda ngahelipi opo Adam naEva va tewatewe mo mOparadisa omo va li hava di?

Omapulo a wedwa po:

1. 1. Lesha Genesis 2:16, 17; 3:1-13, 24.

   1. Ongahelipi eyoka la li la popya oipupulu kombinga yaJehova eshi la li la pula Eva epulo? (Gen. 3:1-5; 1 Joh. 5:3)

   2. Ongahelipi oshihopaenenwa shaEva shi li elondwelo kufye? (Fil. 4:8; Jak. 1:14, 15; 1 Joh. 2:16)

   3. Omonghedi ilipi Adam naEva va anya okutambula ko epuko lavo? (Gen. 3:12, 13)

   4. Ongahelipi ovakerubi ovo va li va kelela komuvelo wokoushilo woshikunino shaEden va li va yambidida ounamapangelo waJehova? (Gen. 3:24)

2. Lesha Ehololo 12:9.

   Satana okwa pondola okwaamuna ko ovanhu ve fike peni kounamapangelo waKalunga? (1 Joh. 5:19)

Ehokololo 5

Onghalamwenyo ya ninga idjuu

1. Adam naEva ova li va taalela onghalamwenyo ya tya ngahelipi eshi va tewa mo moshikunino shaEden?

2. Adam naEva ova li va hovela okuninga shike nomolwashike?

3. Omolwashike ounona vaAdam naEva va li tava ka kulupa nokufya?

4. Ngeno Adam naEva ova li va dulika kuJehova ngeno ova ka kala nonghalamwenyo ya tya ngahelipi pamwe novana vavo?

5. Ongahelipi okuhadulika kwaEva kwa li kwe mu etela ouyahame?

6. Omadina ovanamati vavali votete vaAdam naEva oo oolyelye?

7. Ounona ovo u wete mefano omo ova dalwa koolyelye?

Omapulo a wedwa po:

1. Lesha Genesis 3:16-23; 4:1, 2.

   1. Okufingwa kwedu okwa li kwa kuma ngahelipi okukalamwenyo kwaAdam? (Gen. 3:17-19; Rom. 8:20, 22)

   2. Omolwashike sha li sha yeleka eshi edina laEva tali ti kutya “omunamwenyo”? (Gen. 3:20)

   3. Ongahelipi Jehova a li a ulika kutya oku na ko nasha naAdam naEva nokuli nokonima eshi va nyona? (Gen. 3:7, 21)

2. Lesha Ehololo 21:3, 4, OB-1986.

   Oinima “ikulu” ilipi wa halelela i ka xulifwe po monakwiiwa?

Ehokololo 6

Omonamati muwa nomonamati mwii

1. Kain naAbel ova li hava longo oilonga ilipi?

2. Kain naAbel ova li va etela Jehova eeshali dilipi?

3. Omolwashike Jehova a li a hokwa oshali yaAbel, ndele ka li a hokwa oshali yaKain?

4. Kain okwa li omunhu a tya ngahelipi, nongahelipi Jehova a li a kendabala oku mu pukulula?

5. Oshike osho Kain a li a ninga fimbo va li moixwa ovo aveke namumwaina?

6. Hokolola kutya oshike sha li sha ningwa po konima eshi Kain a dipaa mumwaina.

Omapulo a wedwa po:

1. Lesha Genesis 4:2-26.

   1. Ongahelipi Jehova kwa li a yelifila Kain kutya oku li monghalo ya nyika oshiponga? (Gen. 4:7)

   2. Ongahelipi Kain a li a holola oikala yaye yomutima? (Gen. 4:9)

   3. Jehova oha tale ko ngahelipi okutilwashi kwohonde ihe na etimba? (Gen. 4:10; Jes. 26:21)

2. Lesha 1 Johannes 3:11, 12.

   1. Omolwashike Kain a li a handuka neenghono, nomolwashike osho shi li elondwelo kufye kunena? (Gen. 4:4, 5; Omayel. 14:30; 28:22)

   2. Ongahelipi Ombibeli ye shi ulika kutya ohatu dulu okukala ovadiinini kuJehova nonande oilyo aishe youkwaneumbo wetu otai tu pataneke? (Eps. 27:10; Mat. 10:21, 22)

3. Lesha Johannes 11:25.

   Jehova okwa udanekela shike aveshe ovo tava dipaelwa ouyuki? (Joh. 5:24)

Ehokololo 7

Omulumenhu omuladi

1. Ongahelipi Henok a li a yooloka ko kovanhu vopefimbo laye?

2. Omolwashike ovanhu vopefimbo laHenok va li hava longo owii muhapu neenghono?

3. Ovanhu ovo ova li hava longo oilonga ii ilipi? (Tala mefano.)

4. Omolwashike Henok a li a pumbwa okukala omuladi?

5. Ovanhu vopefimbo opo ova li hava kala nomwenyo oule wefimbo li fike peni, ndele Henok okwa li a kala nomwenyo oule wefimbo li fike peni?

6. Oshike sha li sha ningwa po konima yokufya kwaHenok?

Omapulo a wedwa po:

1. Lesha Genesis 5:21-24, 27.

   1. Henok okwa li e na ekwatafano la tya ngahelipi naJehova? (Gen. 5:24)

   2. Omunhu oo a popiwa mOmbibeli a fya e na omido dihapu olyelye nokwa fya e na omido ngapi? (Gen. 5:27)

2. Lesha Genesis 6:5.

   Eenghalo oda li da naipala shi fike peni konima yefyo laHenok, nefaafano lilipi li li pokati keenghalo dopefimbo olo naado dopefimbo letu? (2 Tim. 3:13)

3. Lesha Ovaheberi 11:5.

   Oukwatya ulipi ‘Kalunga a li a hokwa’ muHenok, naasho osha ka etifa oidjemo ilipi? (Gen. 5:22)

4. Lesha Judas 14, 15.

   Ongahelipi Ovakriste vokunena tava dulu okuhopaenena ouladi waHenok eshi tava londwele ovanhu shi na sha noita oyo tai uya okuluwa puArmagedon? (2 Tim. 4:2; Heb. 13:6)

Ehokololo 8

Ovatongolume ovo va li kombada yedu

1. Oshike sha li sha ningwa po okudja eshi ovaengeli vaKalunga vamwe va li va pwilikina kuSatana?

2. Omolwashike ovaengeli vamwe va li va efa po oilonga yavo yomeulu ndele tave uya kombada yedu?

3. Omolwashike sha li sha puka eshi ovaengeli ve uya kombada yedu nokulundulukila momalutu opanhu?

4. Omolwashike ounona ovo va li va dalwa kovaengeli va li va yooloka ko kounona vakwao?

5. Ounona ovo va dalwa kovaengeli ova li hava ningi shike konima eshi va ninga ovatongolume? (Tala mefano.)

6. Omulumenhu muwa elipi a li kombada yedu konima yokufya kwaHenok, nomolwashike Kalunga a li e mu hole?

Omapulo a wedwa po:

1. Lesha Genesis 6:1-8.

   Genesis 6:6 ota ulike ngahelipi kutya elihumbato letu otali dulu okukuma Jehova? (Eps. 78:40, 41; Omayel. 27:11)

2. Lesha Judas 6.

   Ongahelipi ovaengeli vopefimbo laNoa ovo va li “inava diinina oulenga wavo” ve li elondwelo kufye? (1 Kor. 3:5-9; 2 Pet. 2:4, 9, 10)

Ehokololo 9

Noa ta tungu ongulu yomomeva

1. Noa okwa li e na oukwaneumbo u fike peni, novanamati vaye vatatu ovo oolyelye?

2. Kalunga okwa li a lombwela Noa a ninge oshinima inashi monika nande onale shilipi, nomolwashike?

3. Ovanhu vopefimbo laNoa ova li ve linyenga ngahelipi eshi Noa a li e va lombwela kombinga yongulu yomomeva?

4. WKalunga okwa li a lombwela Noa a ninge shike shi na sha noinamwenyo?

5. Noa noukwaneumbo waye ova li ve na okuninga shike konima eshi Kalunga a idila omuvelo wongulu yomomeva?

Omapulo a wedwa po:

1. Lesha Genesis 6:9-22.

   1. Oshike sha li sha ningifa Noa a kale omulongeli waJehova a tongomana? (Gen. 6:9, 22)

   2. Jehova oha tale ko ngahelipi elongifo leenghono, nongahelipi osho shi na oku tu nwefa mo ngeenge hatu hoolola omalihafifo? (Gen. 6:11, 12; Eps. 11:5)

   3. Ongahelipi hatu dulu okuhopaenena Noa ngeenge hatu pewa ewiliko okupitila mehangano laJehova? (Gen. 6:22; 1 Joh. 5:3)

2. Lesha Genesis 7:1-9.

   Ongahelipi oushili oo kutya Jehova okwa li a tala ko Noa omuyuki nonande ka li a wanenena tau tu tu omukumo kunena? (Gen 7:1; Omayel 10:16; Jes 26:7)

Ehokololo 10

Eyelu linene

1. Omolwashike paha li nande oumwe oo ta dulu okuya mongulu yomomeva konima eshi odula ya li ya hovela okuloka?

2. Jehova okwa li a lokifa odula oule womafiku angapi, nomeva okwa li male shi fike peni?

3. Ongulu yomomeva oya li ya hovela okuninga shike konima eshi edu alishe la li la yada omeva?

4. Ovatongolume ova li ngoo va xupa meyelu, nooxe yavo ova li va ninga po shike?

5. Oshike sha li sha ningwa po konima eshi ongulu yomomeva ya kala momeva oule weemwedi nhano?

6. Omolwashike Noa a li a pitifa mo ekola mongulu yomomeva?

7. Noa okwa li a shiiva ngahelipi kutya omeva okwa li a pwiinina?

8. Kalunga okwa li a lombwela Noa noukwaneumbo waye shike konima eshi va kala mongulu yomomeva oule wefimbo li dule pomudo umwe?

Omapulo a wedwa po:

1. Lesha Genesis 7:10-24.

   1. Ovanhu noinamwenyo oya li ya hanaunwa po shi fike peni kombada yedu? (Gen. 7:23)

   2. Osha li sha kwata oule wefimbo li fike peni opo omeva Eyelu a pwiinine? (Gen. 7:24)

2. Lesha Genesis 8:1-17.

   Ongahelipi Genesis 8:17 a ulika kutya elalakano laJehova lopehovelo li na sha nedu inali lunduluka? (Gen. 1:22)

3. Lesha 1 Petrus 3:19, 20.

   1. Etokolo lilipi la li la pewa ovaengeli ovanashibofa eshi va shuna meulu? (Jud. 6)

   2. Ongahelipi ehokololo laNoa noukwaneumbo waye tali pameke elineekelo letu kutya Jehova oha xupifa oshiwana shaye? (2 Pet. 2:9)

Ehokololo 11

Outa wodula wotete

1. Oshike osho Noa a li a ninga tete eshi a dja mongulu yomomeva? (Tala mefano.)

2. Kalunga okwa li a pa Noa noukwaneumbo waye oshipango shilipi konima yEyelu?

3. Kalunga okwa li a ninga eudaneko lilipi?

4. Otu na okudimbuluka shike kunena ngeenge otwa mono outa wodula?

Omapulo a wedwa po:

1. Lesha Genesis 8:18-22.

   1. Ongahelipi hatu dulu okuyambela Jehova omayambo ‘edimba liwa’ kunena? (Gen. 8:21; Heb. 13:15, 16)

   2. Jehova okwa li a mona shike eshi a li a konakona oikala yomutima womunhu, naasho oshi na oku tu linyengifa tu kale twa lungamena shike? (Gen. 8:21; Mat. 15:18, 19)

2. Lesha Genesis 9:9-17.

   1. Jehova okwa ninga ehangano lilipi noishitwa aishe yokombada yedu? (Gen. 9:10, 11)

   2. Ehangano louta wodula olo Jehova a ninga noishitwa aishe ola li tali ka kwisha naini? (Gen. 9:16)

Ehokololo 12

Ovanhu tava tungu oshungo inene

1. Nimrod oye lyelye na Kalunga okwa li e mu uditile ngahelipi?

2. Omolwashike ovanhu va li tava foloma eedopi ngaashi tu shi wete mefano?

3. Omolwashike Jehova a li ina hokwa oilonga oyo yokutunga oshungo?

4. Kalunga okwa li a ninga po shike opo a ye moshipala oilonga yokutunga oshungo?

5. Oshilando osho osha li hashi ifanwa shike, nedina loshilando osho otali ti shike?

6. Oshike sha li sha ningwa po konima eshi Kalunga a li a dongakanifa omalaka ovanhu?

Omapulo a wedwa po:

1. Lesha Genesis 10:1, 8-10.

   Nimrod okwa li a holola oikala ya tya ngahelipi, nongahelipi osho shi li elondwelo kufye? (Omayel. 3:31)

2. Lesha Genesis 11:1-9.

   Ovanhu ovo ova li tava tungu oshungo nelalakano lashike, nomolwashike oilonga yokutunga ya li ya xulila mounyengwi? (Gen. 11:4; Omayel. 16:18; Joh. 5:44)

Ehokololo 13

Abraham okwa li kaume kaKalunga

1. Ovanhu vomoshilando shaUr ova li hava ningi shike?

2. Omulumenhu oo tu wete mefano oye lyelye, okwa dalelwa peni nokwa li ha kala peni?

3. Kalunga okwa li a lombwela Abraham a ninge shike?

4. Omolwashike Abraham a li a ifanwa kaume kaKalunga?

5. Oolyelye va li va ya pamwe naAbraham okudja muUr?

6. Kalunga okwa li a lombwela Abraham shike eshi va li ve uya medu laKanaan?

7. Kalunga okwa li a udanekela Abraham shike fimbo Abraham a li e na omido 99?

Omapulo a wedwa po:

1. Lesha Genesis 11:27-32.

   1. Abraham naLot ova li va pambafana ngahelipi? (Gen. 11:27)

   2. Nonande Tera okwa tiwa kutya oye a li a kufa oukwaneumbo waye muUr nokutembukila kuKanaan, otu shi shii ngahelipi kutya Abraham oye lela a li a tembula oukwaneumbo wavo, nomolwashike? (Gen. 11:31; Oil. 7:2-4)

2. Lesha Genesis 12:1-7.

   Jehova okwa li a udanekela vali Abraham shike eshi va fika medu laKanaan shi na sha nehangano olo va li va ninga? (Gen. 12:7)

3. Lesha Genesis 17:1-8, 15-17.

   1. Elunduluko lilipi li na sha nedina laAbram la li la ningwa fimbo a li e na omido 99, nomolwashike? (Gen. 17:5)

   2. Jehova okwa li a udanekela Sara shike osho sha li tashi ka ningwa monakwiiwa? (Gen 17:15, 16)

4. Lesha Genesis 18:9-19.

   1. PaGenesis 18:19, oshinakuwanifwa shilipi ovadali ooxe ve na? (Deut. 6:6, 7; Ef. 6:4)

   2. Oshimoniwa shaSara shilipi tashi tu hololele kutya Jehova iha holekwa sha? (Gen. 18:12, 15; Eps. 44:22)

Ehokololo 14

Kalunga ta yeleke eitavelo laAbraham

1. Kalunga okwa li a udanekela Abraham shike, nongahelipi a li a wanifa po eudaneko laye?

2. Kalunga okwa li a yeleka ngahelipi eitavelo laAbraham? (Tala mefano.)

3. Abraham okwa li a ninga po shike, nonande ka li e udite ko kutya omolwashike Kalunga a li e mu lombwela a ninge ngaho?

4. Oshike sha li sha ningwa po fimbo Abraham a li a kufa ombele opo ngeno a dipae omonamati?

5. Abraham okwa li e na eitavelo muKalunga la pama shi fike peni?

6. Kalunga okwa li a pa Abraham shike osho a ninge exwikiloyambo, nokwa li e shi pewa ngahelipi?

Omapulo a wedwa po:

1. Lesha Genesis 21:1-7.

   Omolwashike Abraham a li a pitifa etanda omonamati mefiku etihetatu? (Gen. 17:10-12; 21:4)

2. Lesha Genesis 22:1-18.

   Ongahelipi Isak a li a ulika kutya oha dulika kuxe Abraham, naasho osha li tashi faneke oshinima sha fimanenena shilipi osho sha li tashi ka ningwa monakwiiwa? (Gen. 22:7-9; 1 Kor. 5:7; Fil. 2:8, 9)

Ehokololo 15

Omukulukadi waLot ta tale konima

1. Omolwashike Abraham naLot va li va tukauka?

2. Omolwashike Lot a li a hoolola okukala muSodom?

3. Ovanhu vomuSodom ova li ve na oikala ya tya ngahelipi?

4. Ovaengeli vavali ova li va londwela Lot shi na sha nashike?

5. Omolwashike omukulukadi waLot a li a shituka oshivanda shomongwa?

6. Oshike hatu lihongo moshiningwanima shi na sha nomukulukadi waLot?

Omapulo a wedwa po:

1. Lesha Genesis 13:5-13.

   Oshike hatu lihongo moshihopaenenwa shaAbraham ngeenge tashi uya pokukandula po omaupyakadi pokati ketu navamwe? (Gen. 13:8, 9; Rom. 12:10; Fil. 2:3, 4)

2. Lesha Genesis 18:20-33.

   Ongahelipi onghedi omo Jehova a li a ungaunga naAbraham tai tu pe elineekelo kutya Jehova naJesus otava ka tokola pauyuki? (Gen. 18:25, 26; Mat. 25:31-33)

3. Lesha Genesis 19:1-29.

   1. Ehokololo olo lOmbibeli otali tu hololele shike kombinga yetaleko laKalunga li na sha noushenge? (Gen. 19:5, 13; Lev. 20:13)

   2. Eyooloko lilipi twa mona pokati kaLot naAbraham shi na sha nanghee va li ve linyenga komalombwelo aJehova, noshike hatu lihongo mwaasho? (Gen. 19:15, 16, 19, 20; 22:3)

4. Lesha Lukas 17:28-32.

   Omukulukadi waLot okwa li a tala ko ngahelipi oinima yopamaliko, nomolwashike osho shi li elondwelo kufye? (Luk. 12:15; 17:31, 32; Mat. 6:19-21, 25)

5. Lesha 2 Petrus 2:6-8.

   Ngaashi Lot, otu na okukala twa tala ko ngahelipi ounyuni wovahenakalunga ou wetu dingilila? (Hes. 9:4; 1 Joh. 2:15-17)

Ehokololo 16

Isak ta hombola omukainhu muwa

1. Omulumenhu nomukainhu ovo tu wete mefano omo ovo oolyelye?

2. Abraham okwa li a ninga po shike opo a kongele omonamati okakadona, nomolwashike?

3. Ongahelipi eilikano lomupiya waAbraham la li la nyamukulwa?

4. Rebekka okwa li a nyamukula a ti ngahelipi eshi a li a pulwa ngeenge okwa hala oku ka hombolwa kuIsak?

5. Oshike sha li sha hafifa Isak natango nonande okwa hangwa a nyika oluhodi?

Omapulo a wedwa po:

1. Lesha Genesis 24:1-67.

   1. Omaukwatya mawa elipi oo Rebekka a ulika eshi a li a shakena nomupiya waAbraham pomufima? (Gen. 24:17-20; Omayel. 31:17, 31)

   2. Ongahelipi onghedi omo Abraham a li a unganeka oinima pefimbo opo Isak a li ta kongo okakadona i li oshihopaenenwa shiwa kOvakriste kunena? (Gen. 24:37, 38; 1 Kor. 7:39; 2 Kor. 6:14)

   3. Ngaashi Isak, omolwashike sha fimana okukonga efimbo lokudilonga? (Gen. 24:63; Eps. 77:13; Fil. 4:8)

Ehokololo 17

Oumati va dalwa epasha, ndele inava faafana

1. Esau naJakob ova li oolyelye nova li va yoolokafana ngahelipi?

2. Esau naJakob ova li ve na omido ngapi eshi xekulu Abraham a fya?

3. Esau okwa li a ninga shike osho sha li sha handukifa neenghono ina naxe?

4. Omolwashike Esau a li a handukila nai omumwaina Jakob?

5. Isak okwa li a lombwela omonamati Jakob shike?

Omapulo a wedwa po:

1. Lesha Genesis 25: 5-11, 20-34.

   1. Jehova okwa li a xunganeka shike shi na sha novanamati vavali vaRebekka? (Gen. 25:23)

   2. Esau naJakob ova li ve na omataleko a yoolokafana elipi shi na sha noushiveli? (Gen. 25:31-34)

2. Lesha Genesis 26:34, 35; 27:1-46; 28:1-5.

   1. Oshike osho tashi ulike kutya Esau ka li e na olupandu loinima yopamhepo? (Gen. 26:34, 35; 27:46)

   2. Isak okwa li a lombwela Jakob a ninge shike opo a dule okunangekwa noupuna kuKalunga? (Gen. 28:1-4)

3. Lesha Ovaheberi 12:16, 17.

   Oshihopaenenwa shaEsau otashi ulike shike shi na sha noilanduliko oyo hai hange ovo inava fimaneka oinima iyapuki?

Ehokololo 18

Jakob ta i kuHaran

1. Omukainhu omunyasha oo tu wete mefano omo olyelye, nongahelipi Jakob a li a kwafela omukainhu oo?

2. Jakob okwa li a tokola okuninga shike nehalo liwa opo a pewe Rakel e mu hombole po?

3. Laban okwa li a ninga po shike eshi Jakob naRakel va li va fika okuhombola?

4. Jakob okwa li a dimina okuninga shike opo a pewe Rakel?

Omapulo a wedwa po:

1. Lesha Genesis 29:1-30.

   1. Nonande Laban okwa li a kengelela Jakob, ongahelipi Jakob a li a ulika oulineekelwa waye, noshike hatu lihongo moshihopaenenwa osho? (Gen. 25:27; 29:26-28; Mat. 5:37)

   2. Ongahelipi oshihopaenenwa shaJakob tashi yandje eyooloko pokati kohole yashili nokukala ashike wa fuukila omunhu? (Gen 29:18, 20, 30; Eimb. lela. 8:6)

   3. Ovakainhu vane velipi va li va ninga ovakulukadi vaJakob nove ke mu dalela ovanamati? (Gen. 29:23, 24, 28, 29)

Ehokololo 19

Oukwaneumbo waJakob tau hapupala

1. Tumbula omadina ovanamati vaJakob vahamano ovo va dalwa kuLea, omukulukadi waye wotete.

2. Omupiya waLea, Silpa, okwa li a dalela Jakob ovanamati vavali velipi?

3. Tumbula omadina ovanamati vaJakob vavali ovo va dalwa kuBilha, omupiya waRakel.

4. Rakel okwa li a dala ovanamati vavali velipi, noshike sha li sha ningwa po eshi okamonamati okativali ka dalwa?

5. Jakob okwa li e na ovanamati vangapi, nomuvo omwa li mwa dja shike? (Tala mefano.)

Omapulo a wedwa po:

1. Lesha Genesis 29:32-35; 30:1-26; 35:16-19.

   Ngaashi ovanamati vaJakob 12, ovamati Ovaheberi vonale luhapu ova li hava lukwa omadina a tya ngahelipi?

2. Lesha Genesis 37:35.

   Otu shi shii ngahelipi kutya Jakob okwa li e na ovanakadona ve dulife puumwe, nonande mOmbibeli omwa tumbulwa ashike Dina kedina? (Gen. 37:34, 35)

Ehokololo 20

Dina ta i moupyakadi

1. Omolwashike Abraham naIsak va li inava hala ovana vavo va hombole ovanhu vomedu laKanaan?

2. Mbela Jakob okwa li a hokwa omonakadona eshi a li a panga oukaume noukadona Ovakanaan?

3. Omulumenhu oo tu wete mefano ta tale Dina oye lyelye, nokwa li a ninga oshinima shii shilipi?

4. Ovamwainamati vaDina, Simeon naLevi ova li va ninga po shike eshi va uda osho sha li sha ningilwa omumwainakadona?

5. Mbela Jakob okwa li ngoo a panda osho sha li sha ningwa po kuSimeon naLevi?

6. Olyelye lela a li a etifa oupyakadi aushe oo wa li wa holoka moukwaneumbo waJakob?

Omapulo a wedwa po:

1. Lesha Genesis 34:1-31.

   1. Mbela osho osha li oshikando shotete Dina a li ta endafana noukadona Ovakanaan? Shi yelifa. (Gen. 34:1)

   2. Omolwashike Dina a li yo e na okupewa oushima omolwokukanifa oukadona waye? (Gal. 6:7)

   3. Ongahelipi ovanyasha vokunena tava dulu okuulika kutya ove lihonga mo sha moshimoniwa shaDina tashi londwele? (Omayel. 13:20; 1 Kor. 15:33; 1 Joh. 5:19)

Ehokololo 21

Josef a tondwa kovamwaxe

1. Omolwashike ovamwaxe vaJosef va li ve mu twila ondubo, nova li va ninga po shike?

2. Ovamwaxe vaJosef ova li va hala oku mu ninga shike, ndele Ruben okwa li e va lombwela shike?

3. Oshike va li va ninga po eshi va mona ovashingifi Ovaismael va li tava ende po?

4. Ovamwaxe vaJosef ova li va ninga po shike opo va diladilife xe kutya Josef okwa fya?

Omapulo a wedwa po:

1. Lesha Genesis 37: 1-35.

   1. Ongahelipi Ovakriste tava dulu okuhopaenena Josef mokuhaholeka omanyono oo taa ningwa kuvamwe meongalo? (Gen. 37:2; Lev. 5:1; 1 Kor. 1:11)

   2. Oshike sha li sha ningifa ovamwaxe vaJosef va kale tava ungaunga naye nonyanya? (Gen. 37:11, 18; Omayel. 27:4; Jak. 3:14-16)

   3. Oshike Jakob a li a ninga osho hashi ningwa alushe paushitwe omolwokunyika oluhodi? (Gen. 37:35)

Ehokololo 22

Josef ta tulwa modolongo

1. Josef okwa li e na omido ngapi eshi a li a twalwa kuEgipti, noshike sha li sha ningwa po eshi a fika muEgipti?

2. Osha li sha enda ngahelipi opo Josef a tulwe modolongo?

3. Josef okwa li a pewa oshinakuwanifwa shashike konima eshi a tulwa modolongo?

4. Josef okwa li a ningila shike omupindili nomuteleki waFarao fimbo va li modolongo?

5. Oshike sha li sha ningwa po eshi omupindili waFarao a li a mangululwa mo modolongo?

Omapulo a wedwa po:

1. Lesha Genesis 39:1-23.

   Nonande kapa li omhango yaKalunga ya shangwa pefimbo laJosef oyo ya li tai dilike oluhaelo, oshike sha li she linyengifa Josef opo a ye onhapo omukulukadi waPotifar? (Gen. 2:24; 20:3; 39:9)

2. Lesha Genesis 40:1-23.

   1. Hokolola pauxupi ondjodi yomupindili waFarao nefatululo layo olo Jehova a li a pa Josef. (Gen. 40:9-13)

   2. Omuteleki womingome okwa li a twa ondjodi ilipi nefatululo layo otali ti ngahelipi? (Gen. 40:16-19)

   3. Ongahelipi ongudu yomupiya omudiinini nomunaendunge kunena hai hopaenene oikala yaJosef? (Gen. 40:8; Eps. 36:9; Joh. 17:17; Oil. 17:2, 3)

   4. Ongahelipi Genesis 40:20 a kwafela Ovakriste shi na sha nanghee ve na okutala ko omadano omafiku omadalo? (Omuud. 7:1; Mark. 6:21-28)

Ehokololo 23

Eendjodi daFarao

1. Farao okwa li a ninga shike fimbo a li a kofa oufiku?

2. Oshike sha li sha ningifa omupindili waFarao a dimbuluke Josef kohainga?

3. Farao okwa li a twa eendjodi mbali dilipi? (Tala mefano.)

4. Josef okwa li a fatulula ngahelipi eendjodi odo?

5. Osha li sha enda ngahelipi opo Josef a ninge omulumenhu a fimanenena muEgipti e li omutivali kuFarao?

6. Omolwashike ovamwaxe vaJosef va li ve uya kuEgipti, nomolwashike va li inava dimbuluka Josef?

7. Josef okwa li a dimbuluka ondjodi ilipi, naasho osha li she mu kwafela a didilike shike?

Omapulo a wedwa po:

1. Lesha Genesis 41:1-57.

   1. Ongahelipi Josef a li a yandja efimano kuJehova, nongahelipi Ovakriste tava dulu okulandula oshihopaenenwa shaJosef kunena? (Gen. 41:16, 25, 28; Mat. 5:16; 1 Pet. 2:12)

   2. Ongahelipi omido delooloo muEgipti odo da li da landulwa komido dondjala tadi ulike eyooloko la twa lopamhepo olo li li pokati kovapiya vaJehova noilyo yOukwakriste? (Gen. 41:29, 30; Amos 8:11, 12)

2. Lesha Genesis 42:1-8; 50:20.

   Mbela osha puka ngoo komupiya waJehova okulinyongamena koshipala shomunhu wonhumba onga onghedi yoku mu fimaneka omolwondodo yaye ngeenge osho onghedindjikilile yomoshilongo osho? (Gen. 42:6)

Ehokololo 24

Josef ta yeleke ovamwaxe

1. Omolwashike Josef a li ta ula ovamwaxe kutya vo eendadi?

2. Omolwashike Jakob a li a pitika omonamati waye ou munininini, Benjamin, a ye kuEgipti?

3. Osha li sha enda ngahelipi opo eholo laJosef loshisilveri li ka hangwe mekutu laBenjamin?

4. Juda okwa li e liyamba a ninge shike opo Benjamin a efuwe?

5. Ovamwaxe vaJosef ova li va lundulula oikala yavo shi fike peni?

Omapulo a wedwa po:

1. Lesha Genesis 42:9-38.

   PaGenesis 42:18, ongahelipi Josef a tulila po oshihopaenenwa shiwa aveshe ovo ve na oinakuwanifwa mehangano laJehova kunena? (Neh. 5:15; 2 Kor. 7:1, 2)

2. Lesha Genesis 43:1-34.

   1. Nonande Ruben oye a li oshiveli shaJakob, oshi liwetikile mo ngahelipi kutya Juda oye a li omupopikalelipo wovamwaxe? (Gen. 43:3, 8, 9; 44:14, 18; 1 Omaf. 5:2)

   2. Ongahelipi sha li shi liwetikile mo kutya Josef okwa li ta yeleke ovamwaxe, nomolwashike? (Gen. 43:33, 34)

3. Lesha Genesis 44:1-34.

   1. Josef okwa li te lihumbata ngaashi omunhu ha ningi shike opo aha dimbulukiwe kovamwaxe kutya oye lyelye? (Gen. 44:5, 15; Lev. 19:26)

   2. Ongahelipi ovamwaxe vaJosef va li va ulika kutya kave na vali oikala yonyanya ngaashi nale? (Gen. 44:13, 33, 34)

Ehokololo 25

Oukwaneumbo waJakob tau tembukile kuEgipti

1. Oshike sha li sha ningwa po konima eshi Josef a li e lihololela ovamwaxe?

2. Josef okwa li a yelifila ovamwaxe shike eshi a li ta popi navo neendjovo donghenda?

3. Farao okwa li a lombwela Josef shike eshi a li a uda kombinga yovamwaxe vaJosef?

4. Oukwaneumbo waJakob owa li u fike peni eshi wa tembukila kuEgipti?

5. Oukwaneumbo waJakob owa li hau ifanwa shike, nomolwashike?

Omapulo a wedwa po:

1. Lesha Genesis 45:1-28.

   Ongahelipi ehokololo laJosef olo tali hangwa mOmbibeli tali tu kwafele tu mone kutya Jehova oha dulu okulundulula oshinima keshe osho sha nuninwa okuyahameka ovapiya vaye ndele ta etifa oidjemo iwa? (Gen. 45:5-8; Jes. 8:10; Fil. 1:12-14)

2. Lesha Genesis 46:1-27.

   Jehova okwa li a shilipaleka natango Jakob a ti ngahelipi fimbo a li molweendo lokuya kuEgipti? (Gen. 46:1-4)

Ehokololo 26

Job okwa li omudiinini kuKalunga

1. Olyelye a li Job?

2. Satana okwa li ta kendabala okuninga shike, nokwa li ngoo a pondola?

3. Jehova okwa li a pitika Satana a ninge shike, nomolwashike?

4. Omolwashike omukulukadi waJob a li ta lombwele Job kutya na ‘efe Kalunga a fye’? (Tala mefano.)

5. Ngaashi tu shi wete mefano olo li li pedu, ongahelipi Jehova a li a nangeka noupuna Job, nomolwashike?

6. Ngeenge nafye otwa kala ovadiinini kuJehova ngaashi Job, ohatu ka mona omanangeko noupuna elipi?

Omapulo a wedwa po:

1. Lesha Job 1:1-22.

   Ongahelipi Ovakriste tava dulu okuhopaenena Job kunena? (Job 1:1; Fil. 2:15; 2 Pet. 3:14)

2. Lesha Job 2:1-13.

   Ongahelipi onghedi omo Job a li e linyenga komayeleko aSatana ya yooloka ko kwaayo yomukulukadi waye? (Job 2:9, 10; Omayel. 19:3; Mika 7:7; Mal. 3:14)

3. Lesha Job 42:10-17.

   1. Efaafano lilipi li li pokati kondjabi oyo Job a li a pewa naayo Jesus a li a pewa omolwokukala kwavo ovadiinini? (Job 42:12; Fil. 2:9-11)

   2. Ongahelipi okunangekwa noupuna kwaJob omolwoudiinini waye kuKalunga taku tu tu yo omukumo kunena? (Job 42:10, 12; Heb. 6:10; Jak. 1:2-4, 12; 5:11)

Ehokololo 27

Ohamba i na onyanya tai pangele muEgipti

1. Omulumenhu oo tu wete mefano e kwete ongola omukwashike, nota denge omukwashike?

2. Ovaisrael ova li tava ningilwa shike konima eshi Josef a fya?

3. Omolwashike Ovaegipti va li va tila Ovaisrael?

4. Farao okwa li a lombwela ovakainhu ovo va li hava dalifa ovakulukadi Ovaisrael va ninge shike?

Omapulo a wedwa po:

1. Lesha Exodus 1:6-22.

   1. Jehova okwa li a hovela ngahelipi okuwanifa po eudaneko laye olo a li a udanekela Abraham? (Ex. 1:7; Gen. 12:2; Oil. 7:17)

   2. Ongahelipi ovadalifi Ovaheberi va li va ulika kutya ova fimaneka ouyapuki womwenyo? (Ex. 1:17; Gen. 9:6)

   3. Ovadalifi ova li va pewa ondjabi ilipi omolwokukala kwavo ovadiinini kuJehova? (Ex. 1:20, 21; Omayel. 19:17)

   4. Ongahelipi Satana a li ta kendabala okuya moshipala elalakano laJehova li na sha noludalo olo Jehova a li a udanekela Abraham? (Ex. 1:22; Mat. 2:16)

Ehokololo 28

Nghee Moses a xupifwa fimbo a li okahanana

1. Okahanana oko tu wete mefano olo oko lyelye, noke kwete omunwe walyelye?

2. Ina yaMoses okwa li a ninga po shike opo e mu xupife?

3. Okakadona kanini oko ke li mefano omo oko lyelye, notaka ningi shike?

4. Eshi omonakadona waFarao a li a mona okahanana oko, Miriam okwa li e mu pa ondungediladilo ilipi?

5. Okamonakadona kohamba oka li ka lombwela ina yaMoses shike?

Epulo la wedwa po:

1. Lesha Exodus 2:1-10.

   Ina yaMoses okwa li a mona omhito yokutekula nokuhonga Moses shike okudja kounona waye, nongahelipi osho shi li oshihopaenenwa shiwa kovadali kunena? (Ex. 2:9, 10; Deut. 6:6-9; Omayel. 22:6; Ef. 6:4; 2 Tim. 3:15)

Ehokololo 29

Moses ta i onhapo okudja muEgipti

1. Moses okwa kulila peni, nokwa li e shii shike kombinga yovadali vaye?

2. Moses okwa li a ninga shike eshi a li e na omido 40?

3. Moses okwa li a lombwela shike omulumenhu oo a li ta lu nOmuisrael mukwao, nomulumenhu oo okwa li a nyamukula Moses a ti ngahelipi?

4. Omolwashike Moses a li a faduka po okudja muEgipti?

5. Moses okwa li a ka konga ouhondameno koshilongo shilipi, nokwa li a shakeneka ko lyelye?

6. Moses okwa li ha ningi shike oule womido 40 konima eshi a ya onhapo okudja muEgipti?

Omapulo a wedwa po:

1. Lesha Exodus 2:11-25.

   Nonande Moses okwa li a hongwa ounongo aushe womuEgipti, okwa li a ulika ngahelipi oudiinini waye kuJehova nokoshiwana shavo? (Ex. 2:11, 12; Heb. 11:24)

2. Lesha Oilonga 7:22-29.

   Oshilihongomwa shilipi hatu lihongo kuMoses eshi a li ta kendabala kuye mwene okumangulula Ovaisrael moupika waEgipti? (Oil. 7:23-25; 1 Pet. 5:6, 10)

Ehokololo 30

Oshixwa sheno sha tema omundilo

1. Omhunda oyo tu wete mefano omo ohai ifanwa shike?

2. Hokolola kutya Moses okwa li a mona oshikumwifilonga shashike fimbo a li ta lifa eedi daye popepi nomhunda.

3. Ondaka oyo ya li ya dja moshixwa osho sha li tashi pi oya li tai ti ngahelipi, noya li ondaka yalyelye?

4. Moses okwa li a nyamukula Kalunga a ti ngahelipi eshi a lombwelwa kutya ota ka kwatela oshiwana shaKalunga komesho okudja muEgipti?

5. Kalunga okwa li a lombwela Moses a tye shike ngeenge oshiwana oshe ke mu pula kutya okwa tumwa kulyelye?

6. Ongahelipi Moses a li ta dulu oku ke shi ulika kutya okwa tumwa shili kuKalunga?

Omapulo a wedwa po:

1. Lesha Exodus 3:1-22.

   Ongahelipi oshimoniwa shaMoses tashi tu pe elineekelo kutya nonande otu kale tu udite twa fa inatu wana okuwanifa po oinakuwanifwa yopauteokratika, Jehova ote ke tu yambidida? (Ex. 3:11, 13; 2 Kor. 3:5, 6)

2. Lesha Exodus 4:1-20.

   1. Omalunduluko elipi Moses a li a ninga shi na sha noikala yaye momukokomoko womido 40 odo a kala muMidian, noshike osho ovo tava lalakanene omaufembanghenda onhumba meongalo tava dulu okulihonga kuye? (Ex. 2:11, 12; 4:10, 13; Mika 6:8; 1 Tim. 3:1, 6, 10)

   2. Oshike hatu lihongo moshihopaenenwa shaMoses, ngeenge hatu pewa outekuduliko kuJehova okupitila mehangano laye? (Ex. 4:12-14; Eps. 103:14; Heb. 12:4-11)

Ehokololo 31

Moses naAron tava i kuFarao

1. Ovaisrael ova li ve linyenga ngahelipi koikumwifilonga oyo Moses naAron va li va longa?

2. Moses naAron ova li va lombwela Farao shike, na Farao okwa li e va nyamukula ngahelipi?

3. Oshike sha li sha ningwa po eshi Aron a ekela onhaili yaye pedu? (Tala mefano.)

4. Ongahelipi Jehova a li a honga Farao oshilihongomwa, na Farao okwa li e linyenga ngahelipi?

5. Oshike sha li sha ningwa po konima yehandukilo eti-10?

Omapulo a wedwa po:

1. Lesha Exodus 4:27-31; 5:1-23.

   Farao okwa li ta ti lelalela shike eshi a ti: “Jehova kandi mu shii nandenande”? (Ex. 5:2, NW; 1 Sam. 2:12; Rom. 1:21)

2. Lesha Exodus 6:1-13, 26-30.

   1. Omeityo lilipi Jehova a li ine lihololela Abraham, Isak naJakob? (Ex. 3:13, 14; 6:3; Gen. 12:8)

   2. Ou udite ngahelipi eshi wa shiiva kutya Jehova okwa li a twikila okulongifa Moses nonande Moses ka li e wete a wana okuwanifa po oshinakuwanifwa osho a li a pewa? (Ex. 6:12, 30; Luk. 21:13-15)

3. Lesha Exodus 7:1-13.

   1. Moses naAron ova tulila po ovapiya vaJehova vokunena oshihopaenenwa shilipi eshi va li va lombwela Farao etumwalaka laJehova letokolo nouladi? (Ex. 7:2, 3, 6; Oil. 4:29-31)

   2. Ongahelipi Jehova a li a ulika kutya omunaenghono e dule oikalunga yomuEgipti? (Ex. 7:12; 1 Omaf. 29:12)

Ehokololo 32

Omahandukilo 10

1. Tumbula omahandukilo atatu otete oo Jehova a li a etela Ovaegipti. (Tala kefano.)

2. Eyooloko lilipi la li pokati komahandukilo atatu otete nomahandukilo makwao oo a ka landula ko?

3. Tumbula ehandukilo etine, etitano, netihamano.

4. Ehandukilo etiheyali, etihetatu nosho yo etimuwoi ola li shike?

5. Jehova okwa li a lombwela Ovaisrael va ninge shike fimbo ehandukilo eti-10 inali ningwa?

6. Ehandukilo eti-10 ola li shike, noshike sha li sha ningwa po konima yalo?

Omapulo a wedwa po:

1. Lesha Exodus 7:19–8:23.

   1. Nonande eemhule domuEgipti oda li da dula okuhopaenena omahandukilo aJehova otete, oda li da fininikwa di dimine shike konima yehandukilo eti-3? (Ex. 8:18, 19; Mat. 12:24-28)

   2. Ehandukilo eti-4 ola li la ulika ngahelipi kutya Jehova oku na eenghono dokwaamena ovapiya vaye, naasho otashi kwafele ovapiya vaye vokunena va kale ve udite ngahelipi eshi va taalela ‘oudjuu munene’? (Ex. 8:22, 23; Eh. 7:13, 14, NW; 2 Omaf. 16:9)

2. Lesha Exodus 8:24; 9:3, 6, 10, 11, 14, 16, 23-25; 10:13-15, 21-23.

   1. Eengudu mbali dilipi da li da nyanekwa pomutenya komahandukilo 10, naasho osha kuma ngahelipi etaleko letu shi na sha neengudu odo kunena? (Ex. 8:10, 18, 19; 9:14)

   2. Ongahelipi Exodus 9:16 te tu kwafele tu ude ko kutya omolwashike Jehova a efela Satana a kale po fiyo opaife? (Rom. 9:21, 22)

3. Lesha Exodus 12:21-32.

   Ongahelipi Opaasa ye shi ningifa tashi shiiva opo ovanhu vahapu va xupifwe, noya li tai faneke shike? (Ex. 12:21-23; Joh. 1:29; Rom. 5:18, 19, 21; 1 Kor. 5:7)

Ehokololo 33

Ovaisrael tava tauluka Efuta Litilyana

1. Ovalumenhu vangapi Ovaisrael ovo va li va dja muEgipti pamwe novakainhu nounona, nova li yo va ya pamwe noolyelye?

2. Farao okwa li e udite ngahelipi eshi a li a efa Ovaisrael va ye, nokwa li a ninga po shike?

3. Jehova okwa li a ninga po shike opo a amene Ovaisrael vaha ponokelwe kOvaegipti?

4. Oshike sha li sha ningwa po eshi Moses a li a yelula onhaili yaye kombada yEfuta Litilyana, nOvaisrael ova li va ninga shike?

5. Oshike sha li sha ningwa po eshi Ovaegipti va li va shikulila mo Ovaisrael mefuta?

6. Ovaisrael ova li va ulika ngahelipi ehafo lavo nolupandu lavo eshi Jehova e va xupifa?

Omapulo a wedwa po:

1. Lesha Exodus 12:33-36.

   Ongahelipi Jehova a li a fya oshisho opo oshiwana shaye shi mone ouwa omolwomido adishe odo sha kala moupika waEgipti? (Ex. 3:21, 22; 12:35, 36)

2. Lesha Exodus 14:1-31.

   Eendjovo daMoses odo di li muExodus 14:13, 14 odi na okukala da kuma ngahelipi ovapiya vaJehova vokunena eshi va taalela oita oyo tai kaluwa puHarmagedon? (2 Omaf. 20:17; Eps. 91:8)

3. Lesha Exodus 15:1-8, 20, 21.

   1. Omolwashike ovapiya vaJehova ve na okukala have mu imbile omaimbilohambelelo? (Ex. 15:1, 2; Eps 105:2, 3; Eh. 15:3, 4)

   2. Mirjam novakainhu vakwao ovo va li tava tange Jehova nomaimbilo pEfuta Litilyana, ova tulila po ovakainhu Ovakriste vokunena oshihopaenenwa shilipi? (Ex. 15:20, 21; Eps. 68:12)

Ehokololo 34

Oikulya ipe

1. Ovanhu ovo tu wete mefano omo otava toola shike pedu, nohashi ifanwa shike?

2. Moses okwa li a yandja elombwelo lilipi koshiwana shi na sha nokutoola omanna?

3. Jehova okwa li a lombwela ovanhu va ninge shike mefiku etihamano, nomolwashike?

4. Oshikumwifilonga shilipi Jehova a li ha ningi ngeenge ovanhu ova ongele omanna omefiku etiheyali?

5. Jehova okwa li a palula ovanhu nomanna oule wefimbo li fike peni?

Omapulo a wedwa po:

1. Lesha Exodus 16:1-36 nosho yo Numeri 11:7-9.

   1. Ongahelipi Exodus 16:8 ta ulike kutya otu na okukala hatu fimaneke ovo va nangekwa po meongalo lopaKriste? (Heb. 13:17)

   2. Eshi Ovaisrael va li mombuwa, okwa li hava dimbulukifwa ngahelipi kutya ova pumbwa ekwafo laJehova efiku keshe? (Ex. 16:14-16, 35; Deut. 8:2, 3)

   3. Jesus okwa li a popya kutya omanna otaa faneke shike, nongahelipi hatu dulu okumona ouwa ‘momungome oo wa dja keulu’? (Joh 6:31-35, 40)

2. Lesha Josua 5:10-12.

   Ovaisrael ova kala tava li omanna oule wefimbo li fike peni, nongahelipi osho sha li eyeleko kuvo, noshike hatu dulu okulihonga mehokololo olo? (Ex. 16:35; Num. 11:4-6; 1 Kor. 10:10, 11)

Ehokololo 35

Jehova ta yandje oipango

1. Ovaisrael ova li va onga onhanda peni konima yeemwedi mbali eshi va dja muEgipti?

2. Jehova okwa li a pula oshiwana shaye shi ninge shike, noshiwana osha li sha nyamukula ngahelipi?

3. Omolwashike Jehova a li a pa Moses oipelende ivali yomamanya?

4. Kakele kOipango Omulongo, Jehova okwa li yo a pa Ovaisrael eemhango dilipi?

5. Jesus okwa ti kutya oipango ivali inenenene oilipi?

Omapulo a wedwa po:

1. Lesha Exodus 19:1-25; 20:1-21; 24:12-18; 31:18.

   Ongahelipi eendjovo odo tadi hangwa muExodus 19:8 tadi tu kwafele tu ude ko kutya eliyapulo lopaKriste ola kwatela moshike? (Mat. 16:24; 1 Pet. 4:1-3)

2. Lesha Deuteronomion 6:4-6; Leviticus 19:18; nosho yo Mateus 22:36-40.

   Ongahelipi Ovakriste tava dulu okuulika kutya ove hole Kalunga nosho yo ovanhu vakwao? (Mark. 6:34; Oil. 4:20; Rom. 15:2)

Ehokololo 36

Onhana yoshingoli

1. Oshike osho ovanhu tava ningi mefano omo, nomolwashike?

2. Omolwashike Jehova a li a handuka, na Moses okwa li a ninga po shike eshi a mona osho ovanhu va li tava ningi?

3. Moses okwa li a lombwela ovalumenhu vamwe va ninge shike?

4. Ehokololo eli otali tu hongo shike?

Omapulo a wedwa po:

1. Lesha Exodus 32:1-35.

   1. Ongahelipi ehokololo eli la ulika nghee Jehova ha kala e udite ngeenge elongelokalunga lashili lelimbwanga mumwe naali loipupulu? (Ex. 32:4-6, 10; 1 Kor. 10:7, 11)

   2. Ovakriste ove na okukala va lungamena shike ngeenge tava hoolola omalihafifo, ngaashi okwiimba nokundanisha? (Ex. 32:18, 19; Ef. 5:15, 16; 1 Joh. 2:15-17)

   3. Ongahelipi epata laLevi la tula po oshihopaenenwa shiwa shi na sha nokuyambidida ouyuki? (Ex. 32:25-28; Eps. 18:26)

Ehokololo 37

Etwali lelongelokalunga

1. Etungo olo li li mefano olo ohali ifanwa shike, nohali longifwa shike?

2. Omolwashike Jehova a li a lombwela Moses kutya na ninge etwali olo hali dulu okupangelwa nokupangululwa mo noupu?

3. Oshikefa osho shi li medimo linini letwali ohashi ifanwa shike, nomu na shike?

4. Jehova okwa li a hoolola lyelye oye a ninge omupristeri omukulunhu, noshilonga shaye osha li shashike?

5. Tumbula oinima itatu oyo ya li medimo lakula letwali?

6. Oinima ivali ilipi ya li moluumbo letwali liyapuki, noya li hai longifwa shike?

Omapulo a wedwa po:

1. Lesha Exodus 25:8-40; 26:1-37; 27:1-8; 28:1.

   Ovakerubi ovo va li kombada ‘yoshikefa omo mwa li mu na omhango’ otava faneke shike? (Ex. 25:20, 22; Num. 7:89; 2 Eeh. 19:15)

2. Lesha Exodus 30:1-10, 17-21; 34:1, 2; nosho yo Ovaheberi 9:1-5.

   1. Omolwashike Jehova a li a divilika kutya osha fimana kovapristeri ovo va li hava longo metwali va kale va koshoka palutu, noshike hatu lihongo mo moshinima osho kunena? (Ex. 30:18-21; 40:30, 31; Heb. 10:22)

   2. Ongahelipi omuyapostoli Paulus a li a ulika kutya oinima ngaashi etwali nosho yo Omhango yehangano kaya li vali tai longo pefimbo olo a li a shangela Ovakriste Ovaheberi onhumwafo? (Heb. 9:1, 9; 10:1)

Ehokololo 38

Eendadi 12

1. Oshike wa didilika shi na sha neshila lomandjebele olo u wete mefano omo, nola dja peni?

2. Omolwashike Moses a li a tuma eendadi 12 di ye di ka lave edu laKanaan?

3. Eendadi omulongo oda li da etela Moses onghundana ya tya ngahelipi?

4. Ongahelipi eendadi mbali da li da ulika kutya ode lineekela muJehova, nomadina ado oo oolyelye?

5. Omolwashike Jehova a li a handuka, nokwa li a lombwela Moses shike?

Omapulo a wedwa po:

1. Lesha Numeri 13:1-33.

   1. Oolyelye va li va hoololwa va ka lave edu laKanaan, nova li ve na oufembanghenda munene ulipi? (Num. 13:2, 3, 18-20)

   2. Omolwashike Josua naKaleb va li ve na etaleko la yooloka ko kwaalo leendadi dikwao, naasho otashi tu hongo shike? (Num. 13:28-30; Mat. 17:20; 2 Kor. 5:7)

2. Lesha Numeri 14:1-38.

   1. Otu na okudulika kelondwelo lilipi li na sha nokungongotela ovakalelipo vaJehova vokombada yedu? (Num. 14:2, 3, 27; Mat. 25:40, 45; 1 Kor. 10:10)

   2. Ongahelipi Numeri 14:24 ta ulike kutya Jehova oku na ko nasha novapiya vaye aveshe pauhandimwe? (1 Eeh. 19:18; Omayel. 15:3)

Ehokololo 39

Onhaili yaAron ya mena eengala

1. Oolyelye va li va tukululila Moses naAron oshibofa omolweendodo davo, nova li va lombwela Moses shike?

2. Moses okwa li a lombwela Kora novashikuli vaye 250 a ti ngahelipi?

3. Moses okwa li a lombwela oshiwana shike, noshike sha li sha ningwa po diva konima eshi a mana okupopya?

4. Oshike sha li sha ningilwa Kora novashikuli vaye 250?

5. Omonamati waAron, Eleasar, okwa li a ninga po shike shi na sha noikwatelwa yomakala yovalumenhu ovo va li va dipawa, nomolwashike?

6. Omolwashike Jehova a li a menifa eengala konhaili yaAron? (Tala kefano.)

Omapulo a wedwa po:

1. Lesha Numeri 16:1-49.

   1. Kora novashikuli vaye ova li va ninga shike, nomolwashike sha yela kutya ova li lela va tukulila Jehova oshibofa? (Num. 16:9, 10, 18; Lev. 10:1, 2; Omayel. 11:2)

   2. Etaleko la puka lilipi Kora ‘novakulunhu voshiongalele shoshiwana’ 250 va li ve na? (Num. 16:1-3; Omayel. 15:33; Jes. 49:7)

2. Lesha Numeri 17:1-11; 26:10.

   1. Eengala odo da li da mena konhaili yaAron oda li tadi ulike shike, nomolwashike Jehova a li a yandja elombwelo kutya onhaili oyo nai tuvikilwe moshikefa? (Num. 17:5, 8, 10)

   2. Oshilihongomwa sha fimana shilipi hatu lihongo moshinima shi na sha nonhaili yaAron? (Num. 17:10; Oil. 20:28; Fil. 2:14; Heb. 13:17)

Ehokololo 40

Moses ta denge emanya

1. Ongahelipi Jehova a li a fila oshisho Ovaisrael fimbo va li mombuwa?

2. Ovaisrael ova li tava ngongota shike fimbo va li va onga onhanda puKades?

3. Ongahelipi Jehova a li a pa ovanhu nosho yo oinamwenyo yavo omeva?

4. Omulumenhu olyelye oo te liulike mefano omo, nomolwashike te liulike?

5. Omolwashike Jehova a li a handukila Moses naAron, nokwe va pa ehandukilo lashike?

6. Oshike sha li sha ningwa po pomhunda yaHor, nolyelye a li a ninga omupristeri omukulunhu wOvaisrael

Omapulo a wedwa po:

1. Lesha Numeri 20:1-13, 22-29 nosho yo Deuteronomion 29:5.

   1. Oshike hatu lihongo monghedi omo Jehova a li a fila oshisho Ovaisrael eshi va li mombuwa? (Deut. 29:5; Mat. 6:31; Heb. 13:5; Jak. 1:17)

   2. Jehova okwa li a tala ko ngahelipi Moses naAron eshi va li inave mu fimanekifa moipaifi yOvaisrael? (Num. 20:12; 1 Kor. 10:12; Eh. 4:11)

   3. Oshike hatu lihongo moshihopaenenwa shaMoses shi na sha nanghee a li e linyenga koutekuduliko oo a li a pewa kuJehova? (Num. 12:3; 20:12, 27, 28; Deut. 32:4; Heb. 12:7-11)

Ehokololo 41

Eyoka loshivela shitwima

1. Oshike osho she lidingila koshiti mefano omo, nomolwashike Jehova a li a lombwela Moses e shi dingile koshiti oko?

2. Ongahelipi ovanhu va li va ulika okuhenolupandu shi na sha naashishe osho Jehova a li e va ningila?

3. Ovanhu ova li va pula Moses a ninge shike konima eshi Jehova a li a tuma omayoka oudiyo e va lye?

4. Omolwashike Jehova a li a lombwela Moses a ninge eyoka loshivela shitwima?

5. Oshike hatu lihongo mehokololo eli?

Omapulo a wedwa po:

1. Lesha Numeri 21:4-9.

   1. Omolwashike okungongota kwOvaisrael shi na sha nomafiloshisho aJehova ku li elondwelo kufye? (Num. 21:5, 6; Rom. 2:4)

   2. Konima yomafelemido, Ovaisrael ova li hava longifa ngahelipi eyoka loshivela shitwima, nohamba Hiskia oya li ya katuka eenghatu dilipi? (Num. 21:9; 2 Eeh. 18:1-4)

2. Lesha Johannes 3:14, 15.

   Ongahelipi okutulikwa kweyoka loshivela shitwima koshiti taku faneke nawa okuvalelwa kwaJesus Kristus? (Gal. 3:13; 1 Pet. 2:24)

Ehokololo 42

Ondongi tai popi

1. Balak olyelye, nomolwashike a li a ifana Bileam e uye kuye?

2. Omolwashike ondongi yaBileam ya li ya nangala mondjila?

3. Bileam okwa li a uda ondongi yaye tai ti ngahelipi?

4. Omweengeli umwe okwa li a lombwela Bileam shike?

5. Oshike sha li sha ningwa po eshi Bileam a li ta kendabala okufinga Ovaisrael?

Omapulo a wedwa po:

1. Lesha Numeri 21:21-35.

   Omolwashike Ovaisrael va li va dula okufinda Sihon, ohamba yOvaamori nosho yo Og, ohamba yaBasan? (Num. 21:21, 23, 33, 34)

2. Lesha Numeri 22:1-40.

   Oshike sha li she linyengifa Bileam a kendabale okufinga Ovaisrael, noshike hatu lihongo mo moshinima osho? (Num. 22:16, 17; Omayel. 6:16, 18; 2 Pet. 2:15; Jud. 11)

3. Lesha Numeri 23:1-30.

   Nonande Bileam okwa li ta popi a fa ngeno omulongeli waJehova, ongahelipi eenghatu daye da holola kutya ka li shili omulongeli waJehova? (Num. 23:3, 11-14; 1 Sam. 15:22)

4. Lesha Numeri 24:1-25.

   Ongahelipi ehokololo eli tali pameke eitavelo letu kutya Jehova ita kala ina wanifa po omaudako aye? (Num. 24:10; Jes. 54:17)

Ehokololo 43

Josua ta ningi omuwiliki

1. Ovalumenhu vavali ovo ve li naMoses ofika mefano omo ovo oolyelye?

2. Jehova okwa li a lombwela Josua shike?

3. Omolwashike Moses a li a londa komhunda yaNebo, noshike osho Jehova a li e mu lombwela?

4. Moses okwa fya e na omido ngapi?

5. Omolwashike oshiwana sha li sha nyika oluhodi, nosha li shi na etomheno lilipi lokukala sha hafa?

Omapulo a wedwa po:

1. Lesha Numeri 27:12-23.

   Josua okwa li a pewa oshinakuwanifwa shidjuu kuJehova shilipi, nongahelipi Jehova ha file oshisho ovapiya vaye vokunena? (Num. 27:15-19; Oil. 20:28; Heb. 13:7)

2. Lesha Deuteronomion 3:23-29.

   Omolwashike Jehova a li ina pitika Moses naAron va ye medu leudaneko, noshike hatu lihongo mo moshinima osho? (Deut. 3:25-27; Num. 20:12, 13)

3. Lesha Deuteronomion 31:1-8, 14-23.

   Ongahelipi eendjovo odo Moses a li a lekela nado Ovaisrael tadi ulike kutya okwa li a tambula ko nelininipiko outekuduliko oo a li a pewa kuJehova? (Deut. 31:6-8, 23)

4. Lesha Deuteronomion 32:45-52.

   Eendjovo daKalunga odi na okunwefa mo ngahelipi onghalamwenyo yetu? (Deut. 32:47; Lev. 18:5; Heb. 4:12)

5. Lesha Deuteronomion 34:1-12.

   Nonande Moses ka li a mona oshipala shaJehova sho venevene, Deuteronomion 34:10 ota holola shike shi na sha nekwatafano laye naJehova? (Ex. 33:11, 20; Num. 12:8)

Ehokololo 44

Rahab ta holeke eendadi

1. Rahab okwa li ha di peni?

2. Ovalumenhu vavali ovo u wete mefano omo ovo oolyelye, nomolwashike ve li muJeriko?

3. Ohamba yaJeriko oya li ya lombwela Rahab a ninge shike, na Rahab okwa li a nyamukula ngahelipi?

4. Ongahelipi Rahab a li a kwafela ovalumenhu ovo vavali, nokwa li e va pula ve mu udanekele shike?

5. Eendadi odo mbali oda li da udanekela Rahab shike?

Omapulo a wedwa po:

1. Lesha Josua 2:1-24.

   Ongahelipi eudaneko laJehova olo tali hangwa muExodus 23:28 la wanifwa eshi Ovaisrael va li tava lwifa Jeriko? (Jos. 2:9-11)

2. Lesha Ovaheberi 11:31.

   Ongahelipi oshihopaenenwa shaRahab sha divilika efimano lokukala neitavelo? (Rom. 1:17; Heb. 10:39; Jak. 2:25)

Ehokololo 45

Ovaisrael tava tauluka omulonga waJordan

1. Jehova okwa li a longa oshikumwifilonga shilipi opo Ovaisrael va dule okutauluka omulonga waJordan?

2. Ovaisrael ova li ve na okuulika ngahelipi kutya ove na eitavelo opo va dule okutauluka omulonga waJordan?

3. Omolwashike Jehova a li a lombwela Josua a kufe omamanya 12 manene momulonga?

4. Oshike sha li sha ningwa po diva konima eshi ovapristeri va li va dja mo momulonga waJordan?

Omapulo a wedwa po:

1. Lesha Josua 3:1-17.

   1. Otwa pumbwa okuninga shike opo Jehova e tu kwafele noku tu nangeke noupuna, ngaashi sha ulikwa mehokololo eli? (Jos. 3:13, 15; Omayel. 3:5; Jak. 2:22, 26)

   2. Omulonga waJordan owa li monghalo ya tya ngahelipi pefimbo opo Ovaisrael va li tave u taulula, nongahelipi osho sha li sha tumbalekifa edina laJehova? (Jos. 3:15; 4:18; Eps. 66:5-7)

2. Lesha Josua 4:1-18.

   Omamanya 12 oo a li a kufwa momulonga waJordan okwa li a dikwa puGilgal nelalakano lashike? (Jos. 4:4-7)

Ehokololo 46

Okuteka po kwomakuma aJeriko

1. Jehova okwa li a lombwela ovakwaita novapristeri va ninge shike oule womafiku ahamano?

2. Ovalumenhu ovo ova li ve na okuninga shike mefiku etiheyali?

3. Oshike tashi ningwa po shi na sha nekuma laJeriko ngaashi u shi wete mefano omo?

4. Omolwashike mekende longulu oyo mwa uluka ongodi itilyana ya endjelela?

5. Josua okwa li a lombwela ovakwaita vaye va ningile ovanhu shike nosho yo oshilando, ndele okwa ti yo shike shi na sha noshingoli noshishiliveri, noshivela shitwima nosho yo oshivela shilaula?

6. Eendadi mbali oda li da lombwelwa di ninge shike?

Omapulo a wedwa po:

1. Lesha Josua 6:1-25.

   1. Ongahelipi okudingilila kwOvaisrael oshilando shaJeriko mefiku etiheyali kwa faafana noilonga yokuudifa yEendombwedi daJehova oyo tai longwa momafiku aa axuuninwa? (Jos. 6:15, 16; Jes. 60:22; Mat. 24:14; 1 Kor. 9:16)

   2. Ongahelipi exunganeko olo li li muJosua 6:26 la li la wanifwa konima yomido 500 lwaapo, naasho otashi tu hongo shike shi na sha nomaudaneko aJehova? (1 Eeh. 16:34; Jes. 55:11)

Ehokololo 47

Ombudi oyo ya li mokati kovaIsrael

1. Omulumenhu oo tu wete mefano omo ta holeke omamona oo a kufwa muJeriko olyelye, noolyelye ovo tave mu kwafele?

2. Omolwashike oshinima osho Akan noukwaneumbo waye va ninga sha li sha kwata moiti neenghono?

3. Jehova okwa li a lombwela Josua shike eshi Josua a li e mu pula kutya omolwashike Ovaisrael va li va findwa molwoodi olo la li tali luwa puAi?

4. Akan noukwaneumbo waye ova li va ningilwa shike eshi va etwa kuJosua?

5. Oshilihongomwa sha fimana shilipi hatu lihongo moshinima shi na sha nokutokolwa kwaAkan?

Omapulo a wedwa po:

1. Lesha Josua 7:1-26.

   1. Omailikano aJosua otaa holola shike shi na sha nekwatafano laye nOmushiti? (Jos. 7:7-9; Eps. 119:145; 1 Joh. 5:14)

   2. Oshiningwanima shi na sha naAkan otashi ulike shike, nongahelipi osho shi li elondwelo kufye? (Jos. 7:11, 14, 15; Omayel. 15:3; 1 Tim. 5:24; Heb. 4:13)

2. Lesha Josua 8:1-29.

   Tu li Ovakriste, otu na oshinakuwanifwa shilipi pauhandimwe shi na sha neongalo lopaKriste? (Jos. 7:13; Lev. 5:1; Omayel. 28:13)

Ehokololo 48

Ovagibeon ovanaendunge

1. Ongahelipi Ovagibeon va li va yooloka ko kOvakanaan ovo va li hava di moilando yopoushiinda?

2. Ngaashi sha ulikwa mefano omo, Ovagibeon ova li va ninga shike nomolwashike?

3. Josua novakulunhu vomuIsrael ova li va udanekela Ovagibeon shike, ndele oshike osho va li va didilika mo konima yomafiku atatu?

4. Oshike sha li sha ningwa po eshi eehamba domoilando yopoushiinda da uda kutya Ovagibeon ova li va panga ombili nOvaisrael?

Omapulo a wedwa po:

1. Lesha Josua 9:1-27.

   1. Nonande Jehova okwa li a lombwela oshiwana shaIsrael kutya nashi ‘hanaune po oonakukala mo aveshe vomuKanaan,’ omaukwatya elipi Jehova a li a ulika eshi a xupifa Ovagibeon? (Jos. 9:22, 24; Mat. 9:13; Oil. 10:34, 35; 2 Pet. 3:9)

   2. Ongahelipi Josua a tulila po Ovakriste vokunena oshihopaenenwa shiwa eshi a diinina ehangano olo a li a ninga nOvagibeon? (Jos. 9:18, 19; Mat. 5:37; Ef. 4:25)

2. Lesha Josua 10:1-5.

   Ongahelipi ongudu inene tai hopaenene Ovagibeon kunena, noya ninga oshishonekwa shashike? (Jos. 10:4; Sak. 8:23; Mat. 25:35-40; Eh. 12:17)

Ehokololo 49

Etango la kanghama pokati keulu

1. Josua oo u wete mefano omo ota popi shike, nomolwashike?

2. Ongahelipi Jehova a li a kwafela Josua novakwaita vaye?

3. Josua okwa li a finda eehamba ngapi, nosha li she mu pula oule wefimbo li fike peni?

4. Omolwashike Josua a li a topola edu laKanaan?

5. Josua okwa fya e na omido ngapi, noshike sha li sha ningilwa Ovaisrael konima yaasho?

Omapulo a wedwa po:

1. Lesha Josua 10:6-15.

   Okukala tu shii kutya Jehova okwa li a kangheka etango nomwedi ofimbo Ovaisrael tava lu, otashi tu pe elineekelo lilipi kunena? (Jos. 10:8, 10, 12, 13; Eps. 18:4; Omayel. 18:10)

2. Lesha Josua 12:7-24.

   Paulelalela, olyelye a li a finda eehamba 31 domedu laKanaan, nomolwashike oushili oo wa fimanenena nokufye kunena? (Jos. 12:7; 24:11-13; Deut. 31:8; Luk. 21:9, 25-28)

3. Lesha Josua 14:1-5.

   Ongahelipi omapata aIsrael a li a tukulilwa edu laKanaan, nongahelipi osho tashi ulike kwaasho tashi ka ningwa po shi na sha nefyuululo mOparadisa? (Jos. 14:2; Jes. 65:21; Hes. 47:21-23; 1 Kor. 14:33)

4. Lesha Ovatokolipangeli 2:8-13.

   Ngaashi ashike Josua a li ta kondjifa oushunimonima muIsrael, oolyelye kunena ovo tava kondjifa oushunimonima? (Ovatok. 2:8, 10, 11; Mat. 24:45-47; 2 Tes. 2:3-6; Tit. 1:7-9; Eh. 1:1; 2:1, 2)

Ehokololo 50

Ovakainhu vavali omapenda

1. Oolyelye va li ovatokolipangeli? Tumbula omadina ovatokolipangeli vamwe.

2. Debora okwa li e na oufembanghenda we likalekelwa ulipi, naasho osha li sha kwatela mo shike?

3. Eshi Ovaisrael va li tava hepekwa kohamba Jabin nokomukulunhu wetangakwaita laye Sisera, Jehova okwa li a tuma Debora a lombwele Barak shike, na Debora okwa ti kutya olyelye a li ta ka pewa efimano?

4. Ongahelipi Jael a li a ulika ouladi waye?

5. Oshike sha li sha ningwa po konima yefyo lohamba Jabin?

Omapulo a wedwa po:

1. Lesha Ovatokolipangeli 2:14-22.

   Ongahelipi Ovaisrael va li va handukifa Jehova, noshike hatu dulu okulihonga moshinima osho? (Ovatok. 2:20; Omayel. 3:1, 2; Hes. 18:21-23)

2. Lesha Ovatokolipangeli 4:1-24.

   Oshike ovakainhu Ovakriste tava dulu okulihonga moshihopaenenwa shaDebora naJael shi na sha neitavelo nosho yo ouladi? (Ovatok. 4:4, 8, 9, 14, 21, 22; Omayel. 31:30; 1 Kor. 16:13)

3. Lesha Ovatokolipangeli 5:1-31.

   Ongahelipi eimbilohambelelo olo la li la imbwa kuBarak naDebora tali dulu okulongifwa ngaashi eilikano li na sha noita yopuHarmagedon oyo tai ke uya? (Ovatok. 5:3, 31; 1 Omaf. 16:8-10; Eh. 7:9, 10; 16:16; 19:19-21)

Ehokololo 51

Rut naNaomi

1. Osha li sha enda ngahelipi opo Naomi va tembukile kedu lOvamoab?

2. Rut naOrpa ovo oolyelye?

3. Rut naOrpa ova li va nyamukula Naomi ngahelipi eshi a li e va lombwela va shune koshiwana shavo?

4. Boas olyelye, nongahelipi a li a kwafela Rut naNaomi?

5. Edina lokaana kaBoas naRut olyelye, nomolwashike tu na oku ka dimbuluka?

Omapulo a wedwa po:

1. Lesha Rut 1:1-17.

   1. Eendjovo dihokwifa odo tadi ulike ohole yashili dilipi Rut a li a popya? (Rut 1:16, 17)

   2. Ongahelipi oikala yaRut yopamadiladilo tai tu kumwe naayo ‘eedi dimwe’ di na shi na sha novavaekwa ovo ve li kombada yedu kunena? (Joh 10:16, OB-1986; Sak 8:23)

2. Lesha Rut 2:1-23.

   Ongahelipi Rut a tulila po ovakainhu ovanyasha oshihopaenenwa shiwa kunena? (Rut. 2:17, 18; Omayel. 23:22; 31:15)

3. Lesha Rut 3:5-13.

   1. Boas okwa li e udite ngahelipi eshi Rut a dimina nehalo liwa okuhombola naye, ponhele yokuhombola novalumenhu ovanyasha?

   2. Oikala yaRut otai tu hongo shike kombinga yohole i na oudiinini? (Rut. 3:10; 1 Kor. 13:4, 5)

4. Lesha Rut 4:7-17.

   Ongahelipi ovalumenhu Ovakriste vokunena tava dulu okuhopaenena Boas? (Rut 4:9, 10; 1 Tim. 3:1, 12, 13; 5:8)

Ehokololo 52

Gideon novakwaita vaye 300

1. Ovaisrael ova li va ya ngahelipi moupyakadi munene, nomolwashike?

2. Omolwashike Jehova a li a lombwela Gideon kutya ovakwaita ovo a ongela ovahapu unene?

3. Gideon okwa li a fyaala po novalumenhu vangapi konima eshi a lombwela ovakwaita ovo va li va tila va shune komaumbo?

4. Popya kutya osha li sha enda ngahelipi opo Jehova a ninipike omuvalu wovakwaita vaGideon u kale ashike 300.

5. Gideon okwa li a unganeka ovakwaita vaye 300 ngahelipi, nongahelipi Ovaisrael va li va findana molwoodi olo?

Omapulo a wedwa po:

1. Lesha Ovatokolipangeli 6:36-40.

   1. Gideon okwa li a shilipaleka ngahelipi kutya Jehova okwa hala shike?

   2. Ongahelipi kunena hatu dulu okumona kutya ehalo laJehova olilipi? (Omayel. 2:3-6; Mat. 7:7-11; 2 Tim. 3:16, 17)

2. Lesha Ovatokolipangeli 7:1-25.

   1. Oshike hatu lihongo moshihopaenenwa shovakwaita 300 ovo va li alushe ve lilongekida, mepingafano naavo va li inave lilongekida? (Ovatok. 7:3, 6; Rom. 13:11, 12; Ef. 5:15-17)

   2. Ngaashi ovakwaita 300 va li va tala koshihopaenenwa shaGideon, ongahelipi nafye hatu dulu okulihonga shihapu mokutala koshihopaenenwa shaGideon Munene, Jesus Kristus? (Ovatok. 7:17; Mat. 11:29, 30; 28:19, 20; 1 Pet. 2:21)

   3. Ongahelipi Ovatokolipangeli 7:21 tave tu kwafele tu kale twa wanenwa koshinakuwanifwa keshe osho twa pewa mehangano laJehova? (1 Kor. 4:2; 12:14-18; Jak. 4:10)

3. Lesha Ovatokolipangeli 8:1-3.

   Oshike hatu lihongo moshihopaenenwa shaGideon eshi a li a kandula po okuhaudafana oko kwa li pokati kaye nOvaefraim, ngeenge pa holoka okuhaudafana pokati ketu nomumwatate ile nomumwameme? (Omayel. 15:1; Mat. 5:23, 24; Luk. 9:48)

Ehokololo 53

Jefta ta udanekele Jehova eudaneko

1. Olyelye a li Jefta, nokwa li ko pefimbo lilipi?

2. Jefta okwa li a udanekela Jehova shike?

3. Omolwashike Jefta a li a nyika oluhodi eshi a alukila keumbo konima eshi a findana olwoodi olo va li tava lu nOvaamori?

4. Okamonakadona kaJefta oka ti ngahelipi konima eshi ka uda kombinga yeudaneko olo xe a li a ninga?

5. Omolwashike ovanhu va li ve hole okamonakadona kaJefta?

Omapulo a wedwa po:

1. Lesha Ovatokolipangeli 10:6-18.

   Ngeenge hatu tale kondjokonona youhenoudiinini wOvaisrael oyo tai hangwa mOmishangwa, oshiponga shilipi tu na okuhenuka kunena? (Ovatok. 10:6, 15, 16; Rom. 15:4; Eh. 2:10)

2. Lesha Ovatokolipangeli 11:1-11, 29-40.

   1. Otu shi shii ngahelipi kutya eshi Jefta a li ta yandje po omonakadona onga “exwikiloyambo” inashi hala kutya ota xwike po omonakadona momundilo e li eyambo? (Ovatok. 11:31; Lev. 16:24; Deut. 18:10, 12)

   2. Omeityo lilipi Jefta a li a yamba po omonakadona?

   3. Oshike hatu dulu okulihonga moshihopaenenwa shaJefta shi na sha nokuningila Jehova eudaneko? (Ovatok. 11:35, 39; Omuud. 5:4, 5; Mat. 16:24)

   4. Ongahelipi omonakadona waJefta a tulila po oshihopaenenwa ovanyasha Ovakriste shi na sha nokulalakanena oilonga yefimbo liyadi? (Ovatok. 11:36; Mat. 6:33; Fil. 3:8)

Ehokololo 54

Omulumenhu omunaenghono

1. Edina lomulumenhu omunaenghono oo a li kombada yedu olyelye, na olyelye a li e mu pa eenghono?

2. Pomhito imwe Simson okwa li a ningila onghoshi shike? (Tala mefano.)

3. Simson ota lombwele Delila oshiholekwa shilipi mefano omo, nongahelipi osho sha li sha ningifa Simson a kwatwe po kOvafilisti?

4. Ongahelipi Simson a li a dipaa Ovafilisti 3000 lwaapo ovo va li ovatondi vaye mefiku lokufya kwaye?

Omapulo a wedwa po:

1. Lesha Ovatokolipangeli 13:1-14.

   Ongahelipi Manoah nomukulukadi waye va tulila po ovadali vokunena oshihopaenenwa shiwa shokutekula ovana vavo? (Ovatok. 13:8; Eps. 127:3; Ef. 6:4)

2. Lesha Ovatokolipangeli 14:5-9; 15:9-16.

   1. Ongahelipi omahokololo e na sha naashi Simson a li a dipaa onghoshi, a tokaula eengodi odo a li a mangifwa, naashi a li a dipaa ovalumenhu 1000 noluhamama londongi yondume taa ulike nghee omhepo iyapuki yaJehova hai longo?

   2. Omhepi iyapuki ohai tu kwafele ngahelipi kunena? (Ovatok. 14:6; 15:14; Sak. 4:6; Oil. 4:31)

3. Lesha Ovatokolipangeli 16:18-31.

   Ongahelipi Simson a li a nwefwa mo keendafano lii, noshike hatu dulu okulihonga mo moshihopaenenwa shaye? (Ovatok. 16:18, 19; 1 Kor. 15:33)

Ehokololo 55

Okamati kanini taka longele Kalunga

1. Okamati kanini oko ke li mefano olo edina lako olyelye, noolyelye ovo ve li nako?

2. Efiku limwe Hanna okwa li a indila shike fimbo a li e uya okutalela po ketwali laJehova, nongahelipi Jehova a li a nyamukula eilikano laye?

3. Samuel okwa li e na omido ngapi eshi a li a twalwa ketwali a ka longele Jehova, naina okwa li he mu etele shike omudo keshe?

4. Omadina ovanamati vaEli oo oolyelye, nova li ovalumenhu ve na oikala ya tya ngahelipi?

5. Ongahelipi Jehova a li a ifana Samuel, nokwa li a lombwela Samuel shike?

6. Samuel okwa li a ninga shike eshi a ninga omukulunhu, noshike sha li sha ningwa po eshi a kulupa?

Omapulo a wedwa po:

1. Lesha 1 Samuel 1:1-28.

   1. Elkana okwa tulila po omitwe domaukwaneumbo oshihopaenenwa shiwa shilipi ngeenge tashi uya pokukwatela komesho melongelokalunga lashili? (1 Sam. 1:3, 21; Mat. 6:33; Fil. 1:10)

   2. Oshike hatu lihongo moshihopaenenwa shaHanna shi na sha nokuungaunga nomaupyakadi a kwata moiti? (1 Sam. 1:10, 11; Eps. 55:22; Rom. 12:12)

2. Lesha 1 Samuel 2:11-36.

   Ongahelipi Eli a li a fimaneka neenghono ovanamati vaye komesho yokufimaneka Jehova, nongahelipi osho shi li elondwelo kufye? (1 Sam. 2:22-24, 27, 29; Deut. 21:18-21; Mat. 10:36, 37)

3. Lesha 1 Samuel 4:16-18.

   Eli okwa li a uda eenghundana nhee dii dilipi da dja kolwoodi, naasho osha li she mu kuma ngahelipi?

4. Lesha 1 Samuel 8:4-9.

   Ongahelipi Ovaisrael va li va shinda Jehova neenghono, nongahelipi hatu dulu okuyambidida Ouhamba waJehova kunena? (1 Sam. 8:5, 7; Joh. 17:16; Jak. 4:4)

Ehokololo 56

Saul ta vaekwa a ninge ohamba yotete yaIsrael

1. Samuel ota ningi shike mefano omo, nomolwashike?

2. Omolwashike Jehova a li a hokwa Saul, naSaul okwa li omulumenhu a tya ngahelipi?

3. Omonamati waSaul olyelye, nokwa li a ninga shike?

4. Omolwashike Saul a li a ninga exwikiloyambo ponhele yokuteelela Samuel e uye e li ninge?

5. Oilihongomwa ilipi hatu lihongo mehokololo laSaul?

Omapulo a wedwa po:

1. Lesha 1 Samuel 9:15-21; 10:17-27.

   Ongahelipi elininipiko la li la kwafela Saul aha katuke shihe li pandunge eshi ovalumenhu vonhumba va li tave mu sheke? (1 Sam. 9:21; 10:21, 22, 27; Omayel. 17:27)

2. Lesha 1 Samuel 13:5-14.

   Saul okwa li a nyona enyono lilipi fimbo a li puGilgal? (1 Sam. 10:8; 13:8, 9, 13)

3. Lesha 1 Samuel 15:1-35.

   1. Enyono la kwata moiti lilipi Saul a li a nyona moshinima shi na sha naAgag, ohamba yOvaamelek? (1 Sam. 15:2, 3, 8, 9, 22)

   2. Ongahelipi Saul a li ta kendabala okuyukipalifa eenghatu daye nokulimonikifa a fa ehe na ondjo? (1 Sam. 15:24)

   3. Elondwelo lilipi tu na okukaleka momadiladilo ngeenge hatu pewa omayele? (1 Sam. 15:19-21; Eps. 141:5; Omayel. 9:8, 9; 11:2)

Ehokololo 57

Kalunga ta hoolola David

1. Omumati oo e li mefano omo edina laye olyelye, notu shi shii ngahelipi kutya okwa li ependa?

2. David okwa li ha di peni, edina laxe olyelye nolaxekulu?

3. Omolwashike Jehova a li a lombwela Samuel a ye keumbo laIsai kuBetlehem?

4. Oshike sha li sha ningwa po eshi Isai a li a eta ovanamati vaye vaheyali kuSamuel?

5. Jehova okwa li a lombwela Samuel shike eshi David a etwa?

Omapulo a wedwa po:

1. Lesha 1 Samuel 17:34, 35.

   Ongahelipi oiningwanima oyo ya divilika kutya David okwa li omuladi nokwe lineekela muJehova? (1 Sam. 17:37)

2. Lesha 1 Samuel 16:1-14.

   1. Ongahelipi eendjovo daJehova odo tadi hangwa mu 1 Samuel 16:7 tadi tu kwafele tuha kale nonhondo ile tuha kale hatu tokola ovanhu she likolelela keholokepo lavo lokombada? (Oil. 10:34, 35; 1 Tim. 2:4)

   2. Ongahelipi oshihopaenenwa shaSaul tashi ulike kutya ngeenge Jehova okwa kufa po omhepo yaye iyapuki pufye, ohatu ka kwatwa noupu komhepo yowii ile tu fininikwe tu longe owii komunhu wetu womeni? (1 Sam. 16:14; Mat. 12:43-45; Gal. 5:16)

Ehokololo 58

David naGoljat

1. Ongahelipi Goljat a li ta shongo etangakwaita laIsrael?

2. Goljat okwa li omulumenhu e fike peni, nohamba Saul oya li ya udanekela shike omunhu oo ta dipaa Goljat?

3. David okwa li a lombwela Saul shike eshi Saul a ti kutya David ita dulu okulwifa Goljat molwaashi okwa li okamatyona natango?

4. David okwa li a ulika ngahelipi kutya okwe lineekela muJehova eshi a li ta nyamukula Goljat?

5. Oshike osho David a li a longifa opo a dipae Goljat ngaashi sha ulikwa mefano omo, nOvafilisti ova li va ninga po shike konima yaasho?

Omapulo a wedwa po:

1. Lesha 1 Samuel 17:1-54.

   1. David okwa li e lineekela lyelye eshi a li ehe na oumbada, nongahelipi hatu dulu okuhopaenena ouladi waye? (1 Sam. 17:37, 45; Ef. 6:10, 11)

   2. Omolwashike Ovakriste ve na okuhenuka omhepo yefiyafanepo oyo ya li i niwe kuGoljat, ngeenge tashi uya pomaudano ile pomalihafifo? (1 Sam. 17:8; Gal. 5:26; 1 Tim. 4:8)

   3. Ongahelipi eendjovo daDavid tadi ulike kutya okwa li e lineekela muKalunga? (1 Sam. 17:45-47; 2 Omaf. 20:15)

   4. Oshike tashi ulike kutya olwoodi olo kala li ashike pokati komatanga aIsrael nOvafilisti, ndele ola li lela pokati kaJehova Kalunga kashili noikalunga? (1 Sam. 17:43, 46, 47)

   5. Ongahelipi oshixupe shovavaekwa hashi hopaenene oshihopaenenwa shaDavid shokukala she lineekela muJehova? (1 Sam. 17:37; Jer. 1:17-19; Eh. 12:17)

Ehokololo 59

David ta i onhapo

1. Omolwashike Saul a li a twila David ondubo, ndele ongahelipi omonamati waye Jonatan a li ehe na oikala ya fa yaxe?

2. Oshike sha li sha ningwa efiku limwe fimbo David a li ta shikile Saul okahumbafeta?

3. Saul okwa li a lombwela David a ninge shike tete ofimbo ina hombola omonakadona waye Mikal, nomolwashike Saul a li a pula David a ninge ngaho?

4. Oshike sha li sha ningwa po oshikando oshititatu David fimbo a li ta shikile Saul okahumbafeta? (Tala mefano.)

5. Ongahelipi Mikal a li a xupifa omwenyo waDavid, na David okwa li e na okuninga shike oule womido heyali?

Omapulo a wedwa po:

1. Lesha 1 Samuel 18:1-30.

   1. Ongahelipi ohole yaJonatan yokuhola David ihai tengauka ya li tai faneke ohole oyo ili pokati ‘keedi dimwe’ ‘noshiunda shinini’? (1 Sam. 18:1; Joh. 10:16, OB-1986; Luk. 12:32, OB-1986; Sak. 8:23)

   2. Nonande Jonatan oye a li ngeno e na okukala omufyuululi waxe, Saul, ongahelipi 1 Samuel 18:4 a ulika kutya Jonatan okwa li a fimaneka neenghono oo a li a hoololwa kuKalunga a ninge ohamba?

   3. Ongahelipi oshihopaenenwa shaSaul tashi ulike kutya okutwila vamwe ondubo otaku dulu okutwala momanyono a kwata moiti, nongahelipi osho shi li elondwelo kufye? (1 Sam. 18:7-9, 25; Jak. 3:14-16)

2. Lesha 1 Samuel 19:1-17.

   Ongahelipi Jonatan a li a tula omwenyo waye moshiponga eshi a li ta popi naxe, Saul, shi na sha na David? (1 Sam. 19:1, 4-6; Omayel. 16:14)

Ehokololo 60

Abigail naDavid

1. Omukainhu oo u wete mefano omo te uya okushakeneka David oye lyelye, nokwa li omukainhu a tya ngahelipi?

2. Nabal oye lyelye?

3. Omolwashike David a li a tuma vamwe vomovakwaita vaye va ka konge ekwafo kuNabal?

4. Nabal okwa li a lombwela ovakwaita vaDavid shike, na David okwa li e linyenga ngahelipi?

5. Ongahelipi Abigail a li a ulika kutya ye omukainhu omunaendunge?

Omapulo a wedwa po:

1. Lesha 1 Samuel 22:1-4.

   Ongahelipi oukwaneumbo waDavid we tu tulila po oshihopaenenwa shiwa shi na sha nanghee tu na okuyambididafana moumwainafana wetu wopaKriste? (Omayel. 17:17; 1 Tes. 5:14)

2. Lesha 1 Samuel 25:1-43.

   1. Omolwashike Nabal a ulwa taku tiwa kutya ke na eenghedi? (1 Sam. 25:2-5, 10, 14, 21, 25)

   2. Ovakulukadi Ovakriste vokunena otava dulu okulihonga shike moshihopaenenwa shaAbigail? (1 Sam. 25:32, 33; Omayel. 31:26; Ef. 5:24)

   3. Abigail okwa li a amena David a ha ninge oinima ivali ii ilipi? (1 Sam. 25:31, 33; Rom. 12:19; Ef. 4:26)

   4. Ongahelipi onghedi omo David a li e linyenga keendjovo daAbigail tai kwafele ovalumenhu kunena va kale hava tale ko ovakainhu ngaashi Jehova he va tale ko? (Oil. 21:8, 9; Rom. 2:11; 1 Pet. 3:7)

Ehokololo 61

David ta ningi ohamba

1. David naAbisai ova li va ninga shike fimbo Saul a li a kofela monhanda yaye?

2. David okwa li a pula Saul omapulo elipi?

3. Eshi David va tukauka naSaul, David okwa ka ya peni?

4. Oshike sha li sha nyemateka David neenghono osho sha li she mu ningifa a shange eimbilo liwa?

5. David okwa li e na omido ngapi eshi a li a nangekwa po e li ohamba muHebron, nomadina ovanamati vaye vamwe oo oolyelye?

6. Lwanima David okwa li ta pangele peni e li ohamba?

Omapulo a wedwa po:

1. Lesha 1 Samuel 26:1-25.

   1. Ongahelipi eendjovo daDavid odo di li mu 1 Samuel 26:11 tadi ulike nghee tu na okutala ko elongekido li na sha noinima yopauteokratika? (Eps. 37:7; Rom. 13:2)

   2. Nonande otu ninge eenghendabala da mana mo hatu ningile omunhu wonhumba ouwa ndele omunhu a tya ngaho ke na olupandu, ongahelipi eendjovo daDavid odo di li mu 1 Samuel 26:23 tadi tu kwafele tu kale tu na etaleko liwa? (1 Eeh. 8:32; Eps. 18:21)

2. Lesha 2 Samuel 1:26.

   Oshike Ovakriste tava dulu okuninga po kunena opo ‘ohole yavo yokuholafana i kale ya xwama’ ngaashi oyo ya li pokati kaDavid naJonatan? (1 Pet. 4:8; Kol. 3:14; 1 Joh. 4:12)

3. Lesha 2 Samuel 5:1-10.

   1. David okwa li a pangela oule womido ngapi e li ohamba, nongahelipi efimbo lokupangela kwaye la li la tukaulwa? (2 Sam. 5:4, 5)

   2. Olyelye a li a kwafela David a pondole pefimbo lokupangela kwaye, nongahelipi osho shi li edimbulukifo kufye kunena? (2 Sam. 5:10; 1 Sam. 16:13; 1 Kor. 1:31; Fil. 4:13)

Ehokololo 62

Oupyakadi tau holoka meumbo laDavid

1. Hauxuuninwa David okwa li a kwafelwa kuJehova a ninge shike shi na sha nedu laKanaan?

2. Oshike sha li sha ningwa po efiku limwe komatango fimbo David a li kombada yongulu mombala yaye?

3. Omolwashike Jehova a li a handukila David neenghono?

4. Omulumenhu oo tu wete mefano omo a tumwa kuJehova a ka lombwele David shi na sha nomanyono aye olyelye, nokwa ti kutya oshike tashi ka ningilwa David?

5. David okwa li a hangwa komaupyakadi elipi?

6. Olyelye a li a ninga ohamba yaIsrael eshi David a fya?

Omapulo a wedwa po:

1. Lesha 2 Samuel 11:1-27.

   1. Omolwashike okukala twe lipyakidila moilonga yaJehova hashi kala eameno kufye?

   2. Ongahelipi David a li a kokelwa menyono, nongahelipi osho shi li elondwelo kovapiya vaJehova vokunena? (2 Sam. 11:2; Mat. 5:27-29; 1 Kor. 10:12; Jak. 1:14, 15)

2. Lesha 2 Samuel 12:1-18.

   1. Oshilihongomwa shilipi ovakulunhuongalo novadali tava dulu okulihonga shi na sha nonghedi omo Natan a li a pa David omayele? (2 Sam. 12:1-4; Omayel. 12:18; Mat. 13:34)

   2. Omolwashike Jehova a li a fila David onghenda? (2 Sam. 12:13; Eps. 32:5; 2 Kor. 7:9, 10)

Ehokololo 63

Ohamba inaendunge Salomo

1. Jehova okwa li a pula Salomo shike, na Salomo okwa li a nyamukula ngahelipi?

2. Molwaashi Jehova okwa li a hokwa osho Salomo a indila, Jehova okwa li e mu udanekela shike?

3. Ovakainhu ovo vavali ova li ve uya kuSalomo opo a kandule po oupyakadi wa kwata moiti ulipi?

4. Ongahelipi Salomo a li a kandula po oupyakadi oo? (Tala mefano.)

5. Eenghalo oda li da tya ngahelipi muIsrael pefimbo lokupangela kwaSalomo, nomolwashike?

Omapulo a wedwa po:

1. Lesha 1 Eehamba 3:3-28.

   1. Ovalumenhu ovo va pewa oinakuwanifwa mehangano laJehova kunena otava dulu okulihonga shike meendjovo daSalomo da dja komutima odo di li 1 Eehamba 3:7? (Eps. 119:105; Omayel. 3:5, 6)

   2. Ongahelipi Salomo a tula po oshihopaenenwa shiwa shi na sha noinima oyo twa pumbwa okwiindila? (1 Eeh. 3:9, 11; Omayel. 30:8, 9; 1 Joh. 5:14)

   3. Onghedi omo Salomo a li a kandula po eenhamanana odo da li pokati kovakainhu ovo vavali otai tu pe elineekelo lilipi shi na sha naSalomo Munene, Jesus Kristus, oo ta ka pangela monakwiiwa? (1 Eeh. 3:28; Jes. 9:6, 7; 11:2-4)

2. Lesha 1 Eehamba 4:29-34.

   1. Jehova okwa li a nyamukula Salomo ngahelipi eshi a li a indila a pewe omutima u na eduliko? (1 Eeh. 4:29)

   2. Ngeenge hatu tale keenghendabala odo ovanhu va li va ninga opo ve uye okupwilikina kounongo waSalomo, mbela osho oshi na oku tu linyengifa tu kale tu na oikala ya tya ngahelipi shi na sha nokukonakona Eendjovo daKalunga? (1 Eeh. 4:29, 34; Joh. 17:3; 2 Tim. 3:16)

Ehokololo 64

Salomo ta tungu otembeli

1. Osha li sha pula Salomo oule wefimbo li fike peni opo a mane okutungila Jehova otembeli, nomolwashike etungo olo la li la kosha oimaliwa ihapu?

2. Otembeli oya li i na omadimo manene angapi, noshike sha li sha tulwa medimo olo linini kulikwao?

3. Salomo okwa li a ilikana kombinga yashike konima eshi otembeli ya pwa okutungwa?

4. Ongahelipi Jehova a li a ulika kutya okwa hokwa eilikano laSalomo?

5. Ovakulukadi vaSalomo ova li ve mu ningifa a longe shike, nokwa li a hovela okupangela ngahelipi?

6. Omolwashike Jehova a li a handukila Salomo, nokwa li a lombwela Salomo a ti ngahelipi?

Omapulo a wedwa po:

1. Lesha 1 Omafimbo 28:9, 10.

   Mokutala keendjovo daDavid odo di li 1 Omafimbo 28:9, 10, oshike osho tu na okukendabala okuninga alushe monghalamwenyo yetu yakeshe efiku? (Eps. 19:15; Fil. 4:8, 9)

2. Lesha 2 Omafimbo 6:12-21, 32-42.

   1. Ongahelipi Salomo a ulika kutya Kalunga Omukombadambada ita dulu okukala mongulu ya tungwa kovanhu? (2 Omaf. 6:18; Oil. 17:24, 25)

   2. Eendjovo daSalomo odo tadi hangwa 2 Omafimbo 6:32, 33 otadi holola shike kombinga yaJehova? (Oil. 10:34, 35; Gal. 2:6)

3. Lesha 2 Omafimbo 7:1-5.

   Ngaashi ovana vaIsrael va li ve linyengifwa va hambelele Jehova eshi va mona oshinge shaye, ongahelipi shi na sha nafye ngeenge hatu dilonga kombinga yomanangeko noupuna oo Jehova hape oshiwana shaye kunena? (2 Omaf. 7:3; Eps. 22:23; 34:1, 2; 96:2)

4. Lesha 1 Eehamba 11:9-13.

   Ongahelipi onghedi yaSalomo yokukalamwenyo tai ulike kutya osha fimana okukala ovadiinini fiyo okexulilo? (1 Eeh. 11:4, 9; Mat. 10:22; Eh. 2:10)

Ehokololo 65

Ouhamba waIsrael tau tukulwa pokati

1. Omadina ovalumenhu vavali ovo tu wete mefano omo oolyelye, nohava longo shike?

2. Ahia ota ningi ngahelipi oshikutu osho a li a djala, naasho osha hala okutya shike?

3. Salomo okwa li ta kendabala okuningila Jerobeam shike?

4. Omolwashike ovanhu va hoolola Jerobeam a ninge ohamba yomapata omulongo?

5. Omolwashike Jerobeam a li a ninga eenhana mbali doshingoli, noshike sha li sha ningwa po diva konima yaasho?

6. Oshike sha li sha ningilwa ouhamba womapata avali aIsrael nosho yo otembeli yaJehova yomuJerusalem?

Omapulo a wedwa po:

1. Lesha 1 Eehamba 11:26-43.

   Jerobeam okwa li omunhu a tya ngahelipi, noshike Jehova a li e mu udanekela ngeenge okwa diinine eemhango daye? (1 Eeh. 11:28, 38)

2. Lesha 1 Eehamba 12:1-33.

   1. Ovadali novakulunhuongalo otava dulu okulihonga mo shike moshihopaenenwa shii shaRehabeam shi na sha nokulongifa nai eenghonopangelo? (1 Eeh. 12:13; Omuud. 7:7; 1 Pet. 5:2, 3)

   2. Ovanyasha vokunena ove na oku ka konga omayele e shii okulineekelwa peni ngeenge tava ningi omatokolo a kwata moiti? (1 Eeh. 12:6, 7; Omayel. 1:8, 9; 2 Tim. 3:16, 17; Heb. 13:7)

   3. Oshike sha li sha ningifa Jerobeam a tote po eenhele mbali di li ondingandinga yelongelokalunga lokwiilikana onhana, nongahelipi osho sha ulika kutya ka li e na eitavelo muJehova? (1 Eeh. 11:37; 12:26-28)

   4. Olyelye a li a ningifa ovanhu vomouhamba womapata omulongo va tukulile elongelokalunga lashili ounashibofa? (1 Eeh. 12:32, 33)

Ehokololo 66

Ohambanghainhu ikolokoshi yedina Isebel

1. Isebel oye lyelye?

2. Omolwashike ohamba Ahab ya li ya handuka efiku limwe?

3. Isebel okwa li a ninga po shike opo a yandje po oshikokola shaNabot shomiviinyu komushamane waye Ahab?

4. Jehova okwa li a tuma lyelye a katukile Isebel onghatu?

5. Ngaashi tu shi wete mefano olo, oshike sha li sha ningwa po eshi Jehu a li a fika mombala yaIsebel?

Omapulo a wedwa po:

1. Lesha 1 Eehamba 16:29-33; 18:3, 4.

   Eenghalo oda li da naipala shi fike peni muIsrael pefimbo lohamba Ahab? (1 Eeh. 14:9)

2. Lesha 1 Eehamba 21:1-16.

   1. Nabot okwa li a ulika ngahelipi ouladi nosho yo oudiinini waye muJehova? (1 Eeh. 21:1-3; Lev. 25:23-28)

   2. Oshike hatu dulu okulihonga moshinima shaAhab, ngeenge inatu pondola moshinima shonhumba? (1 Eeh. 21:4; Rom. 5:3-5)

3. Lesha 2 Eehamba 9:30-37.

   Oshike hatu lihongo mouladi waJehu shi na sha nokulonga ehalo laJehova? (2 Eeh. 9:4-10; 2 Kor. 9:1, 2; 2 Tim. 4:2)

Ehokololo 67

Josafat okwa li e lineekela Jehova

1. Josafat oye lyelye, nokwa li ko pefimbo lilipi?

2. Omolwashike Ovaisrael va li va tila, nOvaisrael vahapu ova li va ninga po shike?

3. Jehova okwa li a nyamukula ngahelipi eilikano laJosafat?

4. Jehova okwa li a etifa shike mokati kovatondi vOvaisrael fimbo olwoodi inali hovela?

5. Oshike hatu dulu okulihonga moshihopaenenwa shaJosafat?

Omapulo a wedwa po:

1. Lesha 2 Omafimbo 20:1-30.

   1. Ongahelipi Josafat a tulila po ovapiya vaKalunga ovadiinini oshihopaenenwa shi na sha naasho ve na okuninga po ngeenge va taalela eenghalo ditilifa? (2 Omaf. 20:12; Eps. 25:15; 62:2)

   2. Molwaashi Jehova okwa li ha longifa alushe oupitilo wonhumba ngeenge ta ungaunga noshiwana shaye, ota longifa oupitilo ulipi kunena? (2 Omaf. 20:14, 15; Mat. 24:45-47; Joh. 15:15)

   3. Eshi Kalunga ta ka eta “oita mefiku linene laKalunga omunamapangelo aeshe,” ongahelipi onghalo yetu tai ka kala ngaashi yopefimbo laJosafat? (2 Omaf. 20:15, 17; 32:8; Eh. 16:14, 16)

   4. Ngaashi Ovalevi, ongahelipi ovakokolindjila novatumwa hava yambidida kunena oilonga yokuudifa yomounyuni aushe? (2 Omaf. 20:19, 21; Rom. 10:13-15; 2 Tim. 4:2)

Ehokololo 68

Oumati vavali tava nyumunwa

1. Ovanhu vatatu ovo ve li mefano omo ovo oolyelye, noshike sha li sha ningilwa okamati oko kanini?

2. Elia okwa li a ilikanena okamati ka ninge shike, noshike sha li sha ningwa po?

3. Edina lomuyakuli waElia olyelye?

4. Omolwashike Elisa a li a ifanwa keumbo lomukulukadi wokuSunem?

5. Elisa okwa li a ninga po shike eshi a fika, noshike sha li sha ningilwa okamati oko ka li ka fya?

6. Jehova oku na eenghono dokuninga shike, ngaashi e shi ulika okupitila muElia naElisa?

Omapulo a wedwa po:

1. Lesha 1 Eehamba 17:8-24.

   1. Ongahelipi oudiinini neitavelo laElia la li la yelekwa? (1 Eeh. 17:9; 19:1-4, 10)

   2. Omolwashike eitavelo lomufiyekadi wokuSarfat la li la tongomana? (1 Eeh. 17:12-16; Luk. 4:25, 26)

   3. Ongahelipi oshimoniwa shomufiyekadi wokuSarfat tashi koleke oushili weendjovo daJesus odo tadi hangwa muMateus 10:41, 42? (1 Eeh. 17:10-12, 17, 23, 24)

2. Lesha 2 Eehamba 4:8-37.

   1. Oshike hatu lihongo moshihopaenenwa shomukulukadi wokuSunem shi na sha nokuyakula ovaenda? (2 Eeh. 4:8; Luk. 6:38; Rom. 12:13; 1 Joh. 3:17)

   2. Omeenghedi dilipi hatu dulu okuyakula nonghenda ovapiya vaKalunga vokunena? (Oil. 20:35; 28:1, 2; Gal. 6:9, 10; Heb. 6:10)

Ehokololo 69

Okakadona kanini taka kwafele omunenenhu

1. Okakadona oko tu wete mefano omo otaka lombwele shike omukulukadi oo?

2. Omukulukadi oo olyelye, nokakadona oko kanini otaka ningi mo shike meumbo lavo?

3. Elisa okwa li a lombwela omupiya waye a lombwele Naeman shike, nomolwashike Naeman a li a handuka?

4. Oshike sha li sha ningwa po konima eshi Naeman a li a pwilikina komupiya waye?

5. Omolwashike Elisa a li a anya okutambula ko oshali yaNaeman, ndele Gehasi okwa li a ninga po shike?

6. Oshike sha li sha ningilwa Gehasi, noshike hatu dulu okulihonga moshiningwanima osho?

Omapulo a wedwa po:

1. Lesha 2 Eehamba 5:1-27.

   1. Ongahelipi oshihopaenenwa shokakadona kanini Okaisrael tashi dulu okuladipika ovanyasha kunena? (2 Eeh. 5:3; Eps. 8:3; 148:12, 13)

   2. Omolwashike shiwa alushe okukaleka momadiladilo oshihopaenenwa shaNaeman ngeenge hatu pewa omayele opamishangwa? (2 Eeh. 5:15; Heb. 12:5, 6; Jak. 4:6)

   3. Oilihongomwa ilipi hatu dulu okulihonga mokuyelekanifa oshihopaenenwa shaElisa naasho shaGehasi? (2 Eeh. 5:9, 10, 14-16, 20; Mat. 10:8; Oil. 5:1-5; 2 Kor. 2:17)

Ehokololo 70

Jona noshi inene

1. Jona oye lyelye, nokwa li a lombwelwa kuJehova a ninge shike?

2. Molwaashi Jona ka li a hala okuya oku a li a tumwa kuJehova, okwa li a ninga po shike?

3. Jona okwa li a lombwela ovaendifuta ve mu ninge shike opo oshikungulu shomhepo shi lote?

4. Ngaashi tu shi wete mefano omo, oshike sha li sha ningilwa Jona eshi a umbilwa momeva?

5. Jona okwa li a kala medimo loshi oyo inene oule wefimbo li fike peni, nokwa kala mo ta ningi shike?

6. Jona okwa ka ya peni konima eshi a dja mo medimo loshi, naasho otashi tu hongo shike?

Omapulo a wedwa po:

1. Lesha Jona 1:1-17.

   Nopehe na omalimbililo, Jona okwa li e udite ngahelipi shi na sha noshinakuwanifwa osho a li a pewa shoku ka udifila Ovaninive? (Jona 1:2, 3; Omayel. 3:7; Omuud. 8:12)

2. Lesha Jona 2:1, 2, 10.

   Ongahelipi oshimoniwa shaJona tashi tu pe elineekelo kutya Jehova oha nyamukula omailikano etu? (Eps. 22:25; 34:7; 1 Joh. 5:14)

3. Lesha Jona 3:1-10.

   1. Etwomukumo lilipi hatu mono moushili oo kutya Jehova okwa li natango a twikila okulongifa Jona, nonande Jona okwa li a dopa okuwanifa po oshinakuwanifwa shaye pehovelo? (Eps. 103:14; 1 Pet. 5:10)

   2. Oshimoniwa shaJona shi na sha nOvaninive otashi tu hongo shike shi na sha nokutokola ovanhu ovo ve li moshitukulwa shetu? (Jona 3:6-9; Omuud. 11:6; Oil. 13:48)

Ehokololo 71

Kalunga ta udaneke Oparadisa ipe

1. Jesaja oye lyelye, okwa li ko pefimbo lilipi, noshike a li a ulikilwa kuJehova?

2. Oshitya “oparadisa” otashi ti shike, notashi tu dimbulukifa shike?

3. Jehova okwa li a lombwela Jesaja a shange shike shi na sha nOparadisa?

4. Omolwashike Adam naEva va li va kanifa eumbo lavo liwa?

5. Jehova okwa udanekela shike ovanhu ovo ve mu hole?

Omapulo a wedwa po:

1. Lesha Jesaja 11:6-9.

   1. Ongahelipi Eendjovo daKalunga tadi holola ombili oyo tai ka kala pokati kovanhu noinamwenyo mounyuni mupe? (Eps. 148:10, 13; Jes. 65:25; Hes. 34:25)

   2. Eendjovo daJesaja dopaxunganeko dilipi tadi wanifilwa oshiwana shaJehova kunena? (Rom. 12:2; Ef. 4:23, 24)

   3. Olyelye a wana okupandulwa omolwokulunduluka kwoikala yovanhu paife nosho yo oko taku ka ningwa mounyuni mupe? (Jes. 48:17, 18; Gal. 5:22; Fil. 4:7)

2. Lesha Ehololo 21:3, 4.

   1. Ongahelipi Omishangwa tadi ulike kutya okutula kwaKalunga povanhu kombada yedu okwopafaneko, ndele hapambelela? (Lev. 26:11, 12; 2 Omaf. 6:18; Jes. 66:1; Eh. 21:2, 3, 22-24)

   2. Ouyahame noluhodi lilipi tali ka xulifwa po monakwiiwa? (Luk. 8:49-52; Rom. 8:21, 22; Eh. 21:4)

Ehokololo 72

Kalunga ta kwafele ohamba Hiskia

1. Omulumenhu oo tu wete mefano omo oye lyelye, nomolwashike e li moupyakadi munene?

2. Eenhumwafo odashike odo Hiskia a tula koshipala shaKalunga, nota ilikana kombinga yashike?

3. Hiskia okwa li ohamba ya tya ngahelipi, na Jehova okwa li e mu tumina etumwalaka lilipi okupitila momuprofeti Jesaja?

4. Ngaashi sha ulikwa mefano olo, omweengeli waJehova umwe okwa li a ningila shike ovakwaita Ovaassiria?

5. Nonande omapata avali ouhamba wokolundume okwa kala e na ombili oule wefimbo, oshike sha li sha ningwa po konima yefyo laHiskia?

Omapulo a wedwa po:

1. Lesha 2 Eehamba 18:1-36.

   1. Ongahelipi Rabsake, omupopikalelipo wOvaassiria, a li ta kendabala okunghundipaleka eitavelo lOvaisrael? (2 Eeh. 18:19, 21; Ex. 5:2; Eps. 64:4)

   2. Ongahelipi Eendombwedi daJehova hadi landula oshihopaenenwa shaHiskia ngeenge tadi ungaunga novapataneki? (2 Eeh. 18:36; Eps. 39:2; Omayel. 26:4; 2 Tim. 2:24)

2. Lesha 2 Eehamba 19:1-37.

   1. Ongahelipi ovapiya vaJehova vokunena hava hopaenene Hiskia ngeenge ve li meenghalo didjuu? (2 Eeh. 19:1, 2; Omayel. 3:5, 6; Heb. 10:24, 25; Jak. 5:14, 15)

   2. Ohamba Sanherib oya li ya findwa momalwoodi atatu elipi, naasho osha li tashi faneke shike? (2 Eeh. 19:32, 35, 37; Eh. 20:2, 3)

3. Lesha 2 Eehamba 21:1-6, 16.

   Omolwashike taku dulu okutiwa kutya Manasse okwa li ohamba yomeehamba dii neenghono odo da li da pangela muJerusalem? (2 Omaf. 33:4-6, 9)

Ehokololo 73

Ohamba iwa yaxuuninwa muIsrael

1. Josia okwa li e na omido ngapi eshi a ninga ohamba, nokwa li a hovela okuninga shike konima eshi a kala ta pangele oule womido heyali?

2. Josia ota ningi shike mefano olo li li kolumosho?

3. Omupristeri omukulunhu okwa li a mona shike fimbo va li tava wapalekulula otembeli?

4. Omolwashike Josia ta pombaula po oikutu yaye? (Tala efano kolulyo)

5. Jehova okwa li a yandja etumwalaka lilipi kuJosia okupitila momuprofeti omukainhu wedina Hulda?

Omapulo a wedwa po:

1. Lesha 2 Omafimbo 34:1-28.

   1. Josia okwa tula po oshihopaenenwa shilipi shi na sha naavo tashi dulika tave lididimikile eenghalo didjuu kounona wavo? (2 Omaf. 33:21-25; 34:1, 2; Eps. 27:10)

   2. Eenghatu da fimana dilipi Josia a li a katuka opo a xumife komesho elongelokalunga lashili momudo omuti-8, omuti-12 nosho yo omuti-18 wokupangela kwaye? (2 Omaf. 34:3, 8)

   3. Oilihongomwa ilipi hatu dulu okulihonga moshihopaenenwa shohamba Josia nosho yo shomupristeri omukulunhu Hilkia shi na sha nokukaleka po eenhele detu delongelokalunga? (2 Omaf. 34:9-13; Omayel. 11:14; 1 Kor. 10:31)

Ehokololo 74

Omulumenhu oo a li iha tila

1. Omulumenhu omunyasha oo tu wete mefano omo oye lyelye?

2. Jeremia okwa li ta diladila ngahelipi eshi a li ta ningwa omuprofeti, ndele Jehova okwa li e mu lombwela shike?

3. Jeremia okwa li a twikila okulombwela ovanhu etumwalaka lilipi?

4. Ongahelipi ovapristeri va li tava kendabala okuya moshipala oilonga yaJeremia, ndele ongahelipi a li a ulika kutya ina tila?

5. Oshike sha li sha ningwa po eshi Ovaisrael va li inave lialuluka keendjila davo dii?

Omapulo a wedwa po:

1. Lesha Jeremia 1:1-8.

   1. Ngaashi sha ulikwa moshihopaenenwa shaJeremia, oshike hashi ningifa omunhu a kale a wana okulonga oilonga yaJehova? (2 Kor. 3:5, 6)

   2. Ongahelipi oshihopaenenwa shaJeremia tashi ladipike Ovakriste ovanyasha kunena? (Omuud. 12:1; 1 Tim. 4:12)

2. Lesha Jeremia 10:1-5.

   Efaneko li na eenghono lilipi Jeremia a li a longifa olo tali ulike kutya osha nyika oulai okukala twe lineekela oihongwafano? (Jer. 10:5; Jes. 46:7; Hab. 2:19)

3. Lesha Jeremia 26:1-16.

   1. Eshi oshixupe shovavaekwa tashi yandje etumwalaka lelondwelo kunena, ongahelipi hashi tula moilonga eendjovo odo Jehova a li a lombwela Jeremia a ti kutya ‘ino kufa po nande ondjovo imwe’? (Jer. 26:2; Deut. 4:2; Oil. 20:27)

   2. Jeremia okwa tulila po Eendombwedi daJehova dokunena oshihopaenenwa shiwa shilipi ngeenge tadi udifile oiwana etumwalaka laJehova lelondwelo? (Jer. 26:8, 12, 14, 15; 2 Tim. 4:1-5)

4. Lesha 2 Eehamba 24:1-17.

   Ovajuda ova li va hangwa koilanduliko inyikifa oluhodi ilipi omolwokuhe na oudiinini kwavo muJehova? (2 Eeh. 24:2-4, 14)

Ehokololo 75

Ovamati vane ve li moukwatwa muBabilon

1. Ovamati vane ovo tu wete mefano omo ovo oolyelye, nomolwashike ve li muBabilon?

2. Nebukadnesar okwa li a konga ondungediladilo ilipi shi na sha novamati ovo vane, nokwa li a yandja omalombwelo elipi kovapiya vaye?

3. Daniel okwa li a indila a ningilwe shike shi na sha noikulya noikunwa yaye nosho yo yookaume kaye vatatu?

4. Daniel nookaume kaye vatatu ova li tava monika ngahelipi konima eshi va kala tava li oikwambidi oule womafiku omulongo mokuyelekanifa novalumenhu vakwao ovanyasha ovo va li hava li poshililo shohamba?

5. Osha li sha enda ngahelipi opo Daniel nookaume kaye vatatu va kale hava di mombala yohamba, nova li ve dule ovapristeri novanongo vohamba mushike?

Omapulo a wedwa po:

1. Lesha Daniel 1:1-21.

   1. Otu na okuninga eenghendabala di fike peni ngeenge otwa hala okukondjifa omayeleko nokufinda omaunghundi etu? (Dan. 1:8; Gen. 39:7, 10; Gal. 6:9)

   2. Omeenghedi dilipi ovanyasha kunena tava dulu okuyelekwa ile okukondjifilwa moinima oyo vamwe ve i tala ko i li ngaashi “eendja dohamba”? (Dan. 1:8; Omayel. 20:1; 2 Kor. 6:17–7:1)

   3. Ehokololo lOmbibeli lovalumenhu vane ovanyasha otali tu pe eudeko lilipi li na sha nounongo womounyuni? (Dan. 1:20; Jes. 54:13; 1 Kor. 3:18-20)

Ehokololo 76

Jerusalem tashi hanaunwa po

1. Oshike sha li sha ningilwa Jerusalem nOvaisrael ovo tu wete mefano omo?

2. Hesekiel oye lyelye, nokwa li a ulikilwa oixuna ilipi kuJehova?

3. Jehova okwa li a udanekela Ovaisrael shike omolwokuhadulika kwavo?

4. Ohamba Nebukadnesar oya li ya ninga po shike konima eshi Ovaisrael va li ve mu tukululila oshibofa?

5. Omolwashike Jehova a li a efa Ovaisrael va hanaunwe po monghedi oyo inyanyalifi?

6. Osha li sha enda ngahelipi opo edu laIsrael li ninge eputu, nola li la kala eputu oule wefimbo li fike peni?

Omapulo a wedwa po:

1. Lesha 2 Eehamba 25:1-26.

   1. Olyelye a li Sedekia, nokwa li a ningilwa shike, nongahelipi osho sha li ewanifo lexunganeko lOmbibeli? (2 Eeh. 25:5-7; Hes. 12:13-15)

   2. Olyelye a li a pewa oushima kuJehova omolwowii aushe oo wa li tau longwa muIsrael? (2 Eeh. 25:9, 11, 12, 18, 19; 2 Omaf. 36:14, 17)

2. Lesha Hesekiel 8:1-18.

   Ongahelipi Oukwakriste hau hopaenene Ovaisrael ovashunimonima ovo va li hava ilikana etango? (Hes. 8:16; Jes. 5:20, 21; Joh. 3:19-21; 2 Tim. 4:3)

Ehokololo 77

Ovalumenhu vatatu tava anye okulinyongamena oshihongwafano

1. Ohamba yaBabilon, Nebukadnesar, oya li ya yandja oshipango shilipi?

2. Omolwashike ookaume kaDaniel vatatu va li va anya okulinyongamena oshihongwafano osho shoshingoli?

3. Ongahelipi Ovaheberi ovo vatatu va ulika kutya ove lineekela muJehova, konima eshi Nebukadnesar a li e va pa omhito onhivali opo ngeno ve linyongamene koshihongwafano shaye?

4. Nebukadnesar okwa li a lombwela ovapiya vaye va ningile shike Sadrak, Mesak naAbednego?

5. Nebukadnesar okwa li a mona shike mediko lomundilo eshi a tala mo?

6. Omolwashike ohamba ya li ya fimaneka Kalunga kaSadrak, Mesak naAbednego, novalumenhu ovo vatatu ove tu tulila po oshihopaenenwa shilipi?

Omapulo a wedwa po:

1. Lesha Daniel 3:1-30.

   1. Ovalumenhu vatatu Ovaheberi ova li va ulika oikala ilipi oyo ovapiya vaKalunga aveshe ve na okukala hava ulike ngeenge oudiinini wavo tau yelekwa? (Dan. 3:17, 18; Mat. 10:28; Rom. 14:7, 8)

   2. Jehova Kalunga okwa li a honga Nebukadnesar oshilihongomwa sha fimana shilipi? (Dan. 3:28, 29; 4:34, 35)

Ehokololo 78

Eshangelo lokekuma

1. Oshike sha li sha ningwa po fimbo ohamba yaBabilon ya li ya ninga oshivilo shinene omo ya li tai longifa omaholo noiyasha oyo ya kufilwe motembeli yaJehova kuJerusalem?

2. Belsassar okwa li a lombwela ovanongo vaye shike, ndele ovanongo ova li va nyengwa okuninga shike?

3. Ina yohamba okwa li a lombwela omona a ninge shike?

4. Daniel okwa li a hepaululila ohamba shike, nomolwashike Kalunga a tuma eke li shange kekuma?

5. Ongahelipi Daniel a li a fatulula eshangelo lokekuma?

6. Oshike sha li sha ningwa po fimbo Daniel a li ta popi?

Omapulo a wedwa po:

1. Lesha Daniel 5:1-31.

   1. Yandja eyooloko olo li li pokati koutile oo wa li wa kwata Belsassar eshi a mona eshangelo lokekuma netilokalunga. (Dan. 5:6, 7; Eps. 19:10; Rom. 8:35-39)

   2. Ongahelipi Daniel a li a ulika ouladi munene eshi a li ta popi naBalsassar novanenenhu vaye? (Dan. 5:17, 18, 22, 26-28; Oil. 4:29)

   3. Omonghedi ilipi Daniel etukulwa 5 a divilika ounamapangelo waJehova weshito alishe? (Dan. 4:17, 25; 5:21)

Ehokololo 79

Daniel mekololo leenghoshi

1. Darius okwa li lyelye, nokwa li a tala ko Daniel ngahelipi?

2. Ovalumenhu vamwe ovanandubo ova li va ningifa Darius shike?

3. Daniel okwa li a ninga po shike eshi a mona kutya opa li pa totwa omhango ipe?

4. Oshike sha li sha handukifa Darius neenghono noshe mu londokifa keemhofi, nokwa li a ninga po shike ongula yefiku la landula ko?

5. Daniel okwa li a nyamukula Darius a ti ngahelipi?

6. Oshike sha li sha ningilwa ovalumenhu ovo va li tava kendabala okudipaifa Daniel, na Darius okwa li a shangela ovanhu vomouhamba waye aveshe a ti shike?

Omapulo a wedwa po:

1. Lesha Daniel 6:2-29.

   1. Ongahelipi omhangela yomonanguwi yokuya moshipala okulongelakalunga kwaDaniel tai tu dimbulukifa osho ovapataneki vEendombwedi daJehova kunena hava ningi eshi tava kendabala okuya moshipala oilonga yokuudifa? (Dan. 6:8; Eps. 94:20; Jes. 10:1; Rom. 8:31)

   2. Ongahelipi ovapiya vaKalunga vokunena tava dulu okuhopaenena Daniel mokukala hava dulika ‘kovapangeli ovo have va pangele’? (Dan. 6:6, 11; Rom. 13:1; Oil. 5:29)

   3. Ongahelipi hatu dulu okuhopaenena Daniel mokukala hatu longele Jehova “alushe”? (Dan. 6:17, 21; Fil. 3:16; Eh. 7:15)

Ehokololo 80

Oshiwana shaKalunga tashi di muBabilon

1. Ngaashi tu shi wete mefano omo, Ovaisrael otava ningi shike?

2. Ongahelipi Kores a li a wanifa exunganeko olo Jehova a xunganeka okupitila muJesaja?

3. Kores okwa li a lombwela Ovaisrael shike ovo va li itava dulu okushuna kuJerusalem?

4. Kores okwa li a pa Ovaisrael shike ve shi shunife kuJerusalem?

5. Olweendo lOvaisrael lokushuna kuJerusalem ola li la kufa oule efimbo li fike peni?

6. Jerusalem osha li sha kala eputu oule womido ngapi?

Omapulo a wedwa po:

1. Lesha Jesaja 44:28; 45:1-4.

   1. Ongahelipi Jehova a li a divilika oushili wokuwanifwa kwexunganeko li na sha naKores? (Jes. 55:10, 11; Rom. 4:17)

   2. Exunganeko laJesaja li na sha naKores otali tu hololele shike shi na sha nokudula kwaJehova Kalunga okuxunganeka kombinga yonakwiiwa? (Jes. 42:9; 45:21; 46:10, 11; 2 Pet. 1:20)

2. Lesha Esra 1:1-11.

   Ongahelipi hatu dulu okuhopaenena Ovaisrael ovo va li itava dulu okushuna kuJerusalem, mokukala hatu ‘kwafele’ ovo tava dulu okuya moilonga yefimbo liyadi kunena? (Esra 1:4, 6; Rom. 12:13; Kol. 4:12)

Ehokololo 81

Ovaisrael ova li ve lineekela Jehova

1. Ovanhu ve fike peni va li va ya molweendo lokudja muBabilon tava i kuJerusalem, nova li va hanga Jerusalem monghalo ya tya ngahelipi?

2. Ovaisrael ova li va hovela okutunga shike konima eshi va fika, ndele ovatondi vavo ova li va ninga po shike?

3. Haggai naSakaria ovo oolyelye, nova li va lombwela oshiwana shike?

4. Omolwashike Tattenai a li a shangela onhumwafo kuBabilon, nokwa li a nyamukulwa ngahelipi?

5. Esra okwa li a ninga po shike eshi a li a uda kutya otembeli yaKalunga oya li ya pumbwa okuwapalekwa?

6. Esra ota ilikana shike ngaashi tu mu wete mefano olo, neilikano laye ola li la nyamukulwa ngahelipi, noshike hatu dulu okulihonga moshinima osho?

Omapulo a wedwa po:

1. Lesha Esra 3:1-13.

   Ngeenge otwe ke lihanga efiku limwe tu li moitukulwa omo muhe na eongalo lopaKriste, otu na okutwikila okuninga shike? (Esra 3:3, 6; Oil. 17:16, 17; Heb. 13:15)

2. Lesha Esra 4:1-7.

   Ovapiya vaJehova otava dulu okulihonga shike moshihopaenenwa shaSerubbabel shi na sha nokulimbwangamumwe kwomaitavelo? (Ex. 34:12; 1 Kor. 15:33; 2 Kor. 6:14-17)

3. Lesha Esra 5:1-5, 17; 6:1-22.

   1. Omolwashike ovapataneki vOvaisrael va li va nyengwa okukangheka oilonga yokutunga otembeli? (Esra 5:5; Jes. 54:17)

   2. Ongahelipi eenghatu odo da li da katukwa kovakulunhu vomuJuda tadi ladipike ovakulunhuongalo Ovakriste va kale hava kongo ewiliko kuJehova ngeenge va shakeneka omapataneko? (Esra 6:14; Eps. 32:8; Rom. 8:31; Jak. 1:5)

4. Lesha Esra 8:21-23, 28-36.

   Esra okwe tu tulila po oshihopaenenwa shiwa shilipi shi na sha naasho tu na okuninga po fimbo inatu ninga etokolo moshinima shonhumba ile shongadi? (Esra 8:23; Eps. 127:1; Omayel. 10:22; Jak. 4:13-15)

Ehokololo 82

Mordekai naEster

1. Mordekai naEster ovo oolyelye?

2. Omolwashike ohamba Ahasveros ya li ya hala omukulukadi umwe, noya li ya konga lyelye a ninge omukulukadi wayo?

3. Haman oye lyelye, noshike sha li she mu handukifa neenghono?

4. Opa li pa totwa omhango ipe ilipi, na Ester okwa li a ninga po shike konima eshi a pewa etumwalaka olo la dja kuMordekai?

5. Oshike sha li sha ningilwa Haman, noshike sha li sha ningilwa Mordekai?

6. Osha li sha enda ngahelipi opo Ovaisrael va xupifwe momake ovatondi vavo?

Omapulo a wedwa po:

1. Lesha Ester 2:12-18.

   Ongahelipi Ester a li a ulika kutya osha fimana okukulika ‘omhepo yombili noyelimweneneno’? (Est. 2:15; 1 Pet. 3:1-5)

2. Lesha Ester 4:1-17.

   Ngaashi ashike Ester a li a pewa oufembanghenda wokupopila elongelokalunga lashili, kunena otwa pewa oufembanghenda ulipi opo tu ulike eliyandjo letu lometilokalunga nosho yo oudiinini wetu kuJehova? (Est. 4:13, 14; Mat. 5:14-16; 24:14)

3. Lesha Ester 7:1-6.

   Ongahelipi ovapiya vaKalunga vahapu vokunena hava tula eemwenyo davo moshiponga omolwokupopila elongelokalunga lashili ngaashi Ester a li a ninga? (Est. 7:4; Mat. 10:16-22; 1 Pet. 2:12)

Ehokololo 83

Okutungululwa kwekuma laJerusalem

1. Ovaisrael ova li ve udite ngahelipi eshi oshilando shavo Jerusalem sha li inashi dingililwa vali kekuma?

2. Nehemia oye lyelye?

3. Nehemia okwa li ha longo shike, nomolwashike oshilonga shaye sha li sha fimana?

4. Onghundana ilipi ya li ya udifa nai Nehemia, nokwa li a ninga po shike?

5. Ongahelipi ohamba Artasasta ya li ya fila Nehemia onghenda?

6. Nehemia okwa li a unganeka ngahelipi oilonga yokutunga ekuma loshilando opo ovatondi vOvaisrael vaha dule oku i kangheka?

Omapulo a wedwa po:

1. Lesha Nehemia 1:4-6; 2:1-20.

   Ongahelipi Nehemia a li a konga ewiliko kuJehova? (Neh. 2:4, 5; Rom. 12:12; 1 Pet. 4:7)

2. Lesha Nehemia 3:3-5.

   Ovakulunhuongalo novayakuliongalo otava dulu okulihonga shike ngeenge tava tale ketongoko olo la li pokati kOvatekoa ‘novanenenhu vomuvo’? (Neh. 3:5, 27; 2 Tes. 3:7-10; 1 Pet. 5:5)

3. Lesha Nehemia 4:1-23.

   1. Oshike sha li sha kwafela Ovaisrael va twikile noilonga yavo yokutunga nonande ova li tava patanekwa neenghono? (Neh. 4:6, 8, 9; Eps. 50:15; Jes. 65:13, 14)

   2. Ongahelipi oshihopaenenwa shOvaisrael tashi dulu oku tu twa omukumo kunena?

4. Lesha Nehemia 6:15.

   Ongahelipi oushili oo kutya ekuma laJerusalem ola li la pwa okutungwa meni leemwedi mbali tau ulike kutya eitavelo oli na eenghono? (Eps. 56:4, 5; Mat. 17:20; 19:26)

Ehokololo 84

Omweengeli te lihololele Maria

1. Omukainhu oo tu wete mefano omo olyelye?

2. Omweengeli Gabriel okwa li a lombwela Maria shike?

3. Ongahelipi omweengeli Gabriel a li a yelifila Maria kutya ota ka dala okaana nonande ka li a kala pamwe nomulumenhu?

4. Oshike sha li sha ningwa po eshi Maria a li a ka talela po omupambele waye Elisabet?

5. Josef okwa li ta diladila okuninga po shike eshi a mona kutya Maria okwa ninga oufimba, ndele oshike she ke mu ningifa a lundulule ediladilo laye?

Omapulo a wedwa po:

1. Lesha Lukas 1:26-56.

   1. PaLukas 1:35, oshike tashi ulike kutya Omona waKalunga ka li a fyuulula okuhawanenena kwopaAdam eshi omwenyo waye wa li wa lundululilwa mei laMaria olo la li la fimbapala? (Hag. 2:11-13; Joh. 6:69; Heb. 7:26; 10:5)

   2. Ongahelipi Jesus a li a pewa efimano nokuli nofimbo ina dalwa? (Luk. 1:41-43)

   3. Oshihopaenenwa shiwa shilipi Maria a tulila po Ovakriste vokunena ovo hava pewa oinakuwanifwa ye likalekelwa? (Luk. 1:38, 46-49; 17:10; Omayel. 11:2)

2. Lesha Mateus 1:18-25.

   Nonande Jesus ka li a lukwa Immanuel, ongahelipi onghandangala oyo a li a dana kombada yedu e li omunhu ya li ya wanifa po eityo ledina olo? (Mat. 1:22, 23; Joh. 14:8-10; Heb. 1:1-3)

Ehokololo 85

Jesus ta dalelwa moshiunda shoimuna

1. Okahanana oko ke li mefano olo oko lyelye, na Maria okwa li teka nangeke peni?

2. Omolwashike Jesus a li a dalelwa moshiunda shoimuna?

3. Ovalumenhu ovo tave uya moshiunda ovo oolyelye, nova li va lombwelwa shike komweengeli? (Tala mefano kolulyo.)

4. Omolwashike Jesus a li omunhu e likalekelwa?

5. Omolwashike Jesus ta ifanwa Omona waKalunga?

Omapulo a wedwa po:

1. Lesha Lukas 2:1-20.

   1. Ongahelipi Omukesari Augustus a li a kufa ombinga mokuwanifwa kwexunganeko li na sha nokudalwa kwaJesus? (Luk. 2:1-4; Mika 5:1)

   2. Ongahelipi omunhu pauhandimwe ta dulu okukwatelwa mokati kaavo taku tiwa ova ‘hokiwa’ kuKalunga? (Luk. 2:14; Mat. 16:24; Joh. 17:3; Oil. 3:19; Heb. 11:6)

   3. Ngeenge ovafita voimuna Ovajuda ova li va kwatwa kehafo linene eshi va li va dalelwa Omuxupifi, mbela ovapiya vaKalunga vokunena ove na etomheno la kola lilipi lokukala va hafa? (Luk. 2:10, 11; Ef. 3:8, 9; Eh. 11:15; 14:6)

Ehokololo 86

Ovalumenhu tava kwatelwa komesho konyofi

1. Ovalumenhu ovo tu wete mefano olo ovo oolyelye, nomolwashike omulumenhu umwe ta ulike konyofi oyo tai vilima?

2. Omolwashike ohamba Herodes ya li ya handuka, noya li ya ninga po shike?

3. Onyofi oyo tai vilima oya li ya kwatela komesho ovanongo veenyofi fiyo openi, nomolwashike ovalumenhu ovo va li va ya nondjila imwe i lili eshi va shuna koshilongo shavo?

4. Ohamba Herodes oya li ya yandja oshipango shilipi, nomolwashike?

5. Jehova okwa li a lombwela Josef a ninge shike?

6. Olyelye a li a ningifa onyofi oyo i kale tai vilima, nomolwashike?

Epulo la wedwa po:

1. Lesha Mateus 2:1-23.

   Jesus okwa li e fike peni, nokwa li ha di peni eshi ovanongo veenyofi va li ve uya oku mu talela po? (Mat. 2:1, 11, 16)

Ehokololo 87

Omunyasha Jesus e li motembeli

1. Jesus oo tu wete mefano omo oku na omido ngapi pefimbo opo, noku li peni ngaho?

2. Josef noukwaneumbo waye ova li hava ningi shike omudo keshe?

3. Konima yolweendo lefiku limwe fimbo va li mondjila tava shuna keumbo, omolwashike Josef naMaria va li va shuna kuJerusalem?

4. Josef naMaria ova li va hanga Jesus peni, novanhu ovo va li konhele oko va hanga Jesus ova li va kumwa kushike?

5. Jesus okwa li a lombwela ina, Maria, shike?

6. Ongahelipi hatu dulu okulihonga kombinga yaKalunga ngaashi Jesus?

Omapulo a wedwa po:

1. Lesha Lukas 2:41-52.

   1. Nonande ovalumenhu ovo ashike va li va pitikwa okukala poivilo yokomudo paMhango yaMoses, Josef naMaria ova tulila po ovadali vokunena oshihopaenenwa shiwa shilipi? (Luk. 2:41; Deut. 16:16; 31:12; Omayel. 22:6)

   2. Ongahelipi Jesus a tulila po ovanyasha vokunena oshihopaenenwa shiwa shi na sha nokudulika kovadali vavo? (Luk. 2:51; Deut. 5:16; Omayel. 23:22; Kol. 3:20)

2. Lesha Mateus 13:53-56.

   Ovamwainamati vaJesus vane vopambelela velipi va tumbulwa mOmbibeli, navavali vomuvo lwanima ova li va dana onghandangala ilipi meongalo lopaKriste? (Mat. 13:55; Oil. 12:17; 15:6, 13; 21:18; Gal. 1:19; Jak. 1:1; Jud. 1)

Ehokololo 88

Johannes ta ninginifa Jesus

1. Ovalumenhu vavali ovo tu wete mefano olo ovo oolyelye?

2. Omunhu oha ninginifwa ngahelipi?

3. Johannes okwa li ha ninginifa ovanhu velipi?

4. Jesus okwa li a pula Johannes e mu ninginife omolwetomheno le likalekelwa lilipi?

5. Kalunga okwa li a ulika ngahelipi kutya okwa hokwa okuninginifwa kwaJesus?

6. Oshike sha li sha ningwa po fimbo Jesus a li a ya konhele ye likalela oko a kala oule womafiku 40?

7. Vamwe vomovahongwa vaJesus votete ovo oolyelye, noshikumwifilonga shilipi Jesus a li a longa tete?

Omapulo a wedwa po:

1. Lesha Mateus 3:13-17.

   Jesus okwa tulila po ovahongwa vaye oshihopaenenwa shilipi shi na sha nokuninginifwa? (Eps. 40:8, 9; Mat. 28:19, 20; Luk. 3:21, 22)

2. Lesha Mateus 4:1-11.

   Ongahelipi onghedi omo Jesus a li ha longifa omishangwa noukeka tai tu ladipike tu kale hatu konakona Ombibeli pandjikilile? (Mat. 4:5-7; 2 Pet. 3:17, 18; 1 Joh. 4:1)

3. Lesha Johannes 1:29-51.

   Johannes Omuninginifi okwa li a yukifa elitulemo lovahongwa vaye kulyelye, nongahelipi hatu dulu oku mu hopaenena kunena? (Joh. 1:29, 35, 36; 3:30; Mat. 23:10)

4. Lesha Johannes 2:1-12.

   Ongahelipi oshikumwifilonga shaJesus shotete tashi ulike kutya Jehova iha anyene nande osha shiwa ovapiya vaye? (Joh. 2:9, 10; Eps. 84:12; Jak. 1:17)

Ehokololo 89

Jesus ta taataa ovashingifi motembeli

1. Omolwashike ovanhu tava landifile oinamwenyo motembeli? (Tala mefano.)

2. Oshike sha li sha handukifa Jesus?

3. Ngaashi tu shi wete mefano olo, Jesus okwa li a ninga po shike eshi a hanga ovanhu tava landifile motembeli, nokwa li a yandja oshipango shilipi kovalumenhu ovo va li tava landifa eenghuti?

4. Eshi ovashikuli vaJesus va mona osho Jesus a li ta ningi, osha li she va dimbulukifa shike?

5. Jesus okwa li a tavakana moshitukulwa shilipi fimbo a li molweendo lokushuna kuGalilea?

Epulo la wedwa po:

1. Lesha Johannes 2:13-25.

   Okutala kunghee Jesus a li a handuka neenghono omolwovashingifi ovo va li motembeli, otashi tu kwafele tu kale tu na etaleko la yuka lilipi shi na sha nokukundafana oinima yopangeshefa ile okushingifa oinima mOlupale lOuhamba? (Joh. 2:15, 16; 1 Kor. 10:24, 31-33)

Ehokololo 90

Jesus a shakena nomukainhu pondungu

1. Omolwashike Jesus a li a kala omutumba pondungu muSamaria, nokwa li a indila omukainhu oo shike?

2. Omukainhu oo okwa li a kumwa kushike, ndele Jesus okwa li e mu lombwela shike, nomolwashike?

3. Omukainhu oo okwa li ta diladila kutya Jesus ota popi kombinga yomeva oludi lilipi, ndele paulelalela Jesus okwa li ta popi kombinga yomeva elipi?

4. Omolwashike omukainhu oo a li a kumwa kwaasho Jesus a li e shii kombinga yaye, na Jesus okwa li a shiiva ngahelipi ouyelele wa tya ngaho?

5. Oilihongomwa ilipi hatu dulu okulihonga mehokololo olo?

Omapulo a wedwa po:

1. Lesha Johannes 4:5-43.

   1. Ngaashi Jesus, otu na okukala hatu tale ko ovanhu ngahelipi ovo va dja momihoko dimwe di lili ile momaputuko amwe e lili? (Joh. 4:9; 1 Kor. 9:22; 1 Tim. 2:3, 4; Tit. 2:11)

   2. Omunhu oha mono omauwa opamhepo elipi ngeenge okwa ningi omuhongwa waJesus? (Joh. 4:14; Jes. 58:11; 2 Kor. 4:16)

   3. Ongahelipi hatu dulu okuulika olupandu letu ngaashi omukainhu Omusamaria oo a li a halelela okulombwela vamwe kombinga yaasho e lihonga? (Joh. 4:7, 28; Mat. 6:33; Luk. 10:40-42)

Ehokololo 91

Jesus ta udifile ovanhu komhunda

1. Ngaashi tu shi wete mefano olo, Jesus ota hongele ovanhu peni, novanhu ovo ve li omutumba popepi naye ovo oolyelye?

2. Tumbula omadina ovayapostoli vaJesus 12.

3. Ouhamba oo Jesus a li ta udifa kombinga yao oshike?

4. Jesus okwa li a honga ovanhu va kale hava ilikana kombinga yashike?

5. Jesus okwa li a lombwela ovanhu kutya ove na okukala hava ungaunga ngahelipi novanhu vakwao?

Omapulo a wedwa po:

1. Lesha Mateus 5:1-12.

   Omeenghedi dilipi hatu dulu okuulika kutya otu shii omhumbwe yetu yopamhepo? (Mat. 5:3, NW; Rom. 10:13-15; 1 Tim. 4:13, 15, 16)

2. Lesha Mateus 5:21-26.

   Ongahelipi Mateus 5:23, 24 a divilika kutya ekwatafano letu novamwatate ohali kumu yo ekwatafano letu naJehova? (Mat. 6:14, 15; Eps. 133:1; Kol. 3:13; 1 Joh. 4:20)

3. Lesha Mateus 6:1-8.

   Oikala yokukala tu lishii ouyuki ilipi Ovakriste ve na okuhenuka? (Luk. 18:11, 12; 1 Kor. 4:6, 7; 2 Kor. 9:7)

4. Lesha Mateus 6:25-34.

   Jesus okwa li a honga ovanhu shike shi na sha nokukala ve lineekela Jehova ngeenge tashi uya poipumbiwa yonghalamwenyo? (Ex. 16:4; Eps. 37:25; Fil. 4:6)

5. Lesha Mateus 7:1-11.

   Oshike hatu dulu okulihonga mefaneko laJesus la tongomana olo tali hangwa muMateus 7:5? (Omayel. 26:12; Rom. 2:1; 14:10; Jak. 4:11, 12)

Ehokololo 92

Jesus ta nyumuna ovafi

1. Edina laxe yokakadona oko tu wete mefano omo olyelye, nomolwashike omushamane oo nomukulukadi waye va li va tila neenghono efiku limwe?

2. Jairus okwa li a ninga po shike eshi a fika kuJesus?

3. Oshike sha li sha ningwa po fimbo Jesus va li tava i keumbo laJairus, netumwalaka lilipi Jairus a li a etelwa fimbo va li mondjila?

4. Omolwashike ovanhu ovo va li meumbo laJairus va li tava yolo Jesus?

5. Jesus okwa li a ninga po shike konima eshi va li va ya monduda novayapostoli vaye vatatu nosho yo xe naina yokakadona?

6. Ovanhu vamwe vali velipi va li va nyumunwa kuJesus koufi, naasho otashi ulike shike?

Omapulo a wedwa po:

1. Lesha Lukas 8:40-56.

   Ongahelipi Jesus a li a ulikila omukainhu umwe olukeno, oo a li e na oupyakadi wetiko lohonde, noshike osho ovakulunhuongalo Ovakriste tava dulu okulihonga moshinima osho? (Luk. 8:43, 44, 47, 48; Lev. 15:25-27; Mat. 9:12, 13; Kol. 3:12-14)

2. Lesha Lukas 7:11-17.

   Omolwashike aveshe ovo va filwa ovaholike vavo tava dulu okumona ehekeleko linene meendjovo daJesus eshi a li ta ungaunga nomufiyekadi womoshilando shedina Nain? (Luk. 7:13; 2 Kor. 1:3, 4; Heb. 4:15)

3. Lesha Johannes 11:17-44.

   Ongahelipi Jesus a li a ulika kutya oshi li paushitwe okukala twa nyika oluhodi ngeenge twa filwa omuholike wetu? (Joh. 11:33-36, 38; 2 Sam. 18:33; 19:1-4)

Ehokololo 93

Jesus ta palula eemhunga dovanhu

1. Johannes Omuninginifi okwa li a ningilwa oshinima shinyanyalifi shilipi, naasho osha li sha udifa Jesus ngahelipi?

2. Jesus okwa li a palula ngahelipi eemhunga dovanhu odo da li tadi mu landula, nopa li pa xupa oikulya i fike peni?

3. Omolwashike ovahongwa vaJesus va li va tila oufiku wefiku limwe, noshike sha li sha ningilwa Petrus?

4. Ongahelipi Jesus a li a palula ovanhu omayovi oshikando oshitivali?

5. Omolwashike tashi ka kala shihafifa eshi Jesus ta ka pangela kombada yedu e li Ohamba ya nangekwa po kuKalunga?

Omapulo a wedwa po:

1. Lesha Mateus 14:1-32.

   1. Ehokololo laMateus 14:23-32 otali holola shike shi na sha nomaukwatya aPetrus?

   2. Omishangwa otadi ulike ngahelipi kutya Petrus okwa ka pyokoka pamhepo nokwa ka efa po oikala yaye yosheendelela? (Mat. 14:27-30; Joh. 18:10; 21:7; Oil. 2:14, 37-40; 1 Pet. 5:6, 10)

2. Lesha Mateus 15:29-38.

   Jesus okwa ulika ngahelipi kutya okwa li a lenga omafiloshisho opalutu oo Xe ha yandje? (Mat. 15:37; Joh. 6:12; Kol. 3:15)

3. Lesha Johannes 6:1-21.

   Ongahelipi Ovakriste kunena tava dulu okulandula oshihopaenenwa shaJesus shi na sha nokufimaneka omapangelo? (Joh. 6:15; Mat. 22:21; Rom. 12:2; 13:1-4)

Ehokololo 94

Jesus okwa li e hole ounona vanini

1. Ovayapostoli vaJesus ova li tava tu eemhata kombinga yashike fimbo va li mondjila tava di molweendo lile?

2. Omolwashike Jesus a li a ifana okaana kanini ndele te ka kaleke ofika mokati kovayapostoli vaye?

3. Ovayapostoli ova li ve na okulihonga okukala ngaashi ounona meityo lilipi?

4. Jesus okwa li a ulika ngahelipi kutya oku hole ounona konima yeemwedi donhumba da ka landula ko?

Omapulo a wedwa po:

1. Lesha Mateus 18:1-4.

   Omolwashike Jesus a li ha longifa omafaneko mokuhonga kwaye? (Mat. 13:34, 36; Mark. 4:33, 34)

2. Lesha Mateus 19:13-15.

   Otwa pumbwa okuhopaenena omaukwatya ounona elipi ngeenge otwa hala oku ka mona omanangeko noupuna Ouhamba? (Eps. 25:9; 138:6; 1 Kor. 14:20)

3. Lesha Markus 9:33-37.

   Jesus okwa li a honga ovahongwa vaye shike shi na sha nokukala ve lihalela eendodo da tumbala? (Mark. 9:35; Mat. 20:25, 26; Gal. 6:3; Fil. 2:5-8)

4. Lesha Markus 10:13-16.

   Jesus okwa li ngoo ha popiwa naye noupu, novakulunhuongalo Ovakriste otava dulu okulihonga shike moshihopaenenwa shaye? (Mark. 6:30-34; Fil. 2:1-4; 1 Tim. 4:12)

Ehokololo 95

Onghedi yaJesus yokuhonga

1. Epulo lilipi Jesus a li a pulwa komulumenhu wonhumba, nomolwashike?

2. Omafimbo amwe Jesus okwa li ha longifa shike mokuhonga kwaye, notwe lihonga shike nale kombinga yOvajuda nOvasamaria?

3. Pahokololo laJesus, oshike sha li sha ningilwa Omujuda umwe fimbo a li mondjila oyo ya finda kuJeriko?

4. Omupristeri umwe Omujuda nOmulevi umwe ova li va ninga po shike eshi va mona omulumenhu oo a li a dengwa kovalunga?

5. Ngaashi tu shi wete mefano omo, olyelye oo ta kwafele Omujuda oo a li a dengwa kovalunga?

6. Eshi Jesus a mana okuhokolola ehokololo olo, okwa li a pula omulumenhu ou ta hokololele epulo lilipi, nomulumenhu oo okwa li a nyamukula ngahelipi?

Omapulo a wedwa po:

1. Lesha Lukas 10:25-37.

   1. Ponhele yokupa omulumenhu oo enyamukulo sha yukilila, Jesus okwa li a kwafela ngahelipi omulumenhu oo e shii nawa Omhango a fike pexulifodiladilo li li mondjila kuye mwene? (Luk. 10:26; Mat. 16:13-16)

   2. Ongahelipi Jesus a li a longifa omafaneko opo a kwafele ovapwilikini vaye va efe po okukala nonhondo? (Luk. 10:36, 37; 18:9-14; Tit. 1:9)

Ehokololo 96

Jesus ta velula ovanaudu

1. Jesus okwa li ha ningi shike eshi a kala ta endaenda kombada yedu?

2. Jesus okwa li a lombwela ovayapostoli vaye shike konima yomido nhatu lwaapo okudja eshi a ninginifwa?

3. Ovanhu ovo tu wete mefano omo ovo oolyelye, na Jesus okwa li a ningila shike omukainhu oo?

4. Omolwashike ovawiliki velongelokalunga lOshijuda ovo va li tava pataneke Jesus va li va fifwa ohoni kenyamukulo laye?

5. Eshi Jesus novayapostoli vaye va li popepi naJeriko, Jesus okwa li a ningila shike ovaeheli vavali ovo va li ovapofi?

6. Omolwashike Jesus a li a longa oikumwifilonga?

Omapulo a wedwa po:

1. Lesha Mateus 15:30, 31.

   Ongahelipi Jesus a holola nawanawa eenghono daJehova, naasho oshi na okukuma ngahelipi eudeko letu li na sha nounyuni mupe oo Jehova a udaneka? (Eps. 37:29; Jes. 33:24)

2. Lesha Lukas 13:10-17.

   Ongahelipi oushili oo kutya Jesus okwa li a longa oikumwifilonga imwe inene mefiku lEshabata tau ulike kutya ota ka etela ovanhu epepelelwo pefimbo lokupangela kwaye oule womido eyovi? (Luk. 13:10-13; Eps. 46:10; Mat. 12:8; Kol. 2:16, 17; Eh. 21:1-4)

3. Lesha Mateus 20:29-34.

   Ongahelipi ehokololo olo tali ulike kutya Jesus okwa li ha kongo eemhito opo a kwafele ovanhu nonande okwa li ha kala e lipyakidila omafimbo amwe, noshike hatu dulu okulihonga moshihopaenenwa shaye? (Deut. 15:7; Jak. 2:15, 16; 1 Joh. 3:17)

Ehokololo 97

Jesus te uya muJerusalem e li ngaashi Ohamba

1. Konima eshi Jesus a li e uya mokamukunda kanini ke li popepi naJerusalem, okwa li a lombwela ovahongwa vaye va ninge shike?

2. Ngaashi tu shi wete mefano omo, oshike sha li sha ningwa po eshi Jesus a li e uya popepi noshilando shaJerusalem?

3. Ounona vanini ova li va ninga shike eshi va mona Jesus ta twikulula ovapofi nokuvelula oingudu?

4. Jesus okwa li a nyamukula ngahelipi ovapristeri ovo va li va handuka?

5. Ongahelipi hatu dulu okuhopaenena ounona ovo va li tava tange Jesus?

6. Ovahongwa vaJesus ova li va hala okushiiva kombinga yashike?

Omapulo a wedwa po:

1. Lesha Mateus 21:1-17.

   1. Ongahelipi okuuya kwaJesus muJerusalem e li ngaashi Ohamba kwa li kwa yooloka ko kwaasho sha li hashi ningwa keendjai doita dopefimbo laRoma ngeenge da findana? (Mat. 21:4, 5; Sak. 9:9; Fil. 2:5-8; Kol. 2:15)

   2. Oshike osho ovanyasha vokunena tava dulu okulihonga moshihopaenenwa shovamati Ovaisrael ovo va li va tofa eendjovo dEpsalme 118 pefimbo olo Jesus a li ta i motembeli? (Mat. 21:9, 15; Eps. 118:25, 26; 2 Tim. 3:15; 2 Pet. 3:18)

2. Lesha Johannes 12:12-16.

   Oivale yomilunga oyo ya li i kwetiwe kovanhu ovo va li tava hambelele Jesus oya li tai faneke shike? (Joh. 12:13; Fil. 2:10; Eh. 7:9, 10)

Ehokololo 98

Jesus e li kOmhunda yEemono

1. Jesus elipipo mefano omo, novalumenhu ovo ve li naye ovo oolyelye?

2. Ovapristeri ova li tava kendabala okuninga shike fimbo Jesus a li motembeli, nokwa ti shike shi na sha navo?

3. Ovayapostoli ova li va pula Jesus shike?

4. Omolwashike Jesus a li a lombwela ovayapostoli vaye kombinga yoinima imwe oyo tai ka ningwa kombada yedu pefimbo lokupangela kwaye meulu e li Ohamba?

5. Jesus okwa ti kutya oshike tashi ka ningwa po tete omanga ina xulifa po oukolokoshi aushe oo u li kombada yedu?

Omapulo a wedwa po:

1. Lesha Mateus 23:1-39.

   1. Nonande Omishangwa otadi ulike kutya inashi puka okulongifa omadinafimaneko omounyuni, eendjovo daJesus odo tadi hangwa muMateus 23:8-11 otadi holola shike shi na sha nokulongifa omadinafimaneko opalongelokalunga meongalo lopaKriste? (Oil. 26:25; Rom. 13:7; 1 Pet. 2:13, 14)

   2. Ovafarisai ova li va ninga shike opo va imbe ovanhu vaha ninge Ovakriste, nongahelipi ovawiliki vomalongelokalunga vokunena tava ningi ngaashi Ovafarisai? (Mat. 23:13; Luk. 11:52; Joh. 9:22; 12:42; 1 Tes. 2:16)

2. Lesha Mateus 24:1-14.

   1. Ongahelipi Mateus 24:13 a divilika efimano lokukala ovalididimiki?

   2. Outumbulilo “exulilo” oo tau hangwa muMateus 24:13 otau ti shike? (Mat. 16:27; Rom. 14:10-12; 2 Kor. 5:10)

3. Lesha Markus 13:3-10.

   Outumbulilo ulipi tau hangwa muMarkus 13:10 oo tau ulike kutya oilonga yokuudifa onghundana iwa oya endelela, neendjovo daJesus odo odi na oku tu kuma ngahelipi? (Rom. 13:11, 12; 1 Kor. 7:29-31; 2 Tim. 4:2)

Ehokololo 99

Jesus novahongwa vaye va ongala monduda yopombada

1. Ngaashi tu shi wete mefano omo, omolwashike Jesus novayapostoli vaye 12 va li va ongala monduda yopombada?

2. Omulumenhu oo u wete mefano omo ta piti mo monduda oye lyelye, nota ka ninga shike?

3. Jesus okwa li a dika po ouvalelo we likalekelwa ulipi konima eshi va mana okudana Opaasa?

4. Opaasa oya li hai dimbulukifa Ovaisrael oshiningwanima shilipi, novashikuli vaJesus ohava dimbulukifwa shike kouvalelo oo we likalekelwa?

5. Jesus okwa li a lombwela ovashikuli vaye shike eshi va mana okudana Ouvalelo wOmwene, nova li va ninga shike?

Omapulo a wedwa po:

1. Lesha Mateus 26:14-30.

   1. Mateus 26:15 ota ulike ngahelipi kutya Judas okwa li a kengelela Jesus owina?

   2. Omalalakano opavali a fimana elipi a wanifwa okupitila mohonde yaJesus yatika? (Mat. 26:27, 28; Jer. 31:31-33; Ef. 1:7; Heb. 9:19, 20)

2. Lesha Lukas 22:1-39.

   Satana okwa li a ya muJudas meityo lilipi? (Luk. 22:3; Joh. 13:2; Oil. 1:24, 25)

3. Lesha Johannes 13:1-20.

   1. PaJohannes 13:2, Judas ota dulu ngoo okupewa oushima eshi a kengelela Jesus, noshike ovapiya vaKalunga vokunena tava dulu okulihonga moshinima osho? (Gen. 4:7; 2 Kor. 2:11; Gal. 6:1; Jak. 1:13, 14)

   2. Jesus okwe tu honga oshilihongomwa sha fimana shilipi? (Joh. 13:15; Mat. 23:11; 1 Pet. 2:21)

4. Lesha Johannes 17:1-26.

   Jesus okwa li a ilikana opo ovashikuli vaye va “kale umwe” meityo lilipi? (Joh. 17:11, 21-23; Rom. 13:8; 14:19; Kol. 3:14)

Ehokololo 100

Jesus moshikunino shaGetsemane

1. Jesus novayapostoli vaye ova li va ya peni eshi va dja monduda yopombada, nokwa li e va lombwela va ninge shike?

2. Jesus eshi a li a alukila kovayapostoli vaye okwa hanga tava ningi shike, nova li ve shi ninga lwoikando ingapi?

3. Oolyelye vali ve ke uya moshikunino osho, na Judas Iskariot okwa li a ninga po shike? (Tala mefano olo.)

4. Omolwashike Judas a li a xupita Jesus, na Petrus okwa li a ninga po shike?

5. Jesus okwa li a lombwela Petrus shike, nomolwashike Jesus a li ina indila Kalunga e mu tumine nande omweengeli umwe?

Omapulo a wedwa po:

1. Lesha Mateus 26:36-56.

   1. Ongahelipi onghedi omo Jesus a li ha pukulula ovahongwa vaye i li oshihopaenenwa shiwa kovakulunhuongalo Ovakriste vokunena? (Mat. 20:25-28; 26:40, 41; Gal. 5:17; Ef. 4:29, 31, 32)

   2. Jesus okwa li a tala ko ngahelipi omunhu oo ta kufile mukwao oshilwifo? (Mat. 26:52; Luk. 6:27, 28; Joh. 18:36)

2. Lesha Lukas 22:39-53.

   Eshi omweengeli umwe a li a holokela Jesus moshikunino shaGetsemane ndele te mu pameke, mbela osho osha hala okutya eitavelo laJesus ola li tali tengauka? Shi yelifa. (Luk. 22:41-43; Jes. 49:8; Mat. 4:10, 11; Heb. 5:7)

3. Lesha Johannes 18:1-12.

   Jesus okwa li a amena ngahelipi ovahongwa vaye kovapataneki vaye, noshike hatu dulu okulihonga moshihopaenenwa osho? (Joh. 10:11, 12; 18:1, 6-9; Heb. 13:6; Jak. 2:25)

Ehokololo 101

Jesus ta dipawa

1. Olyelye lela e na ondjo yokudipawa kwaJesus?

2. Ovayapostoli ova li va ninga po shike eshi Jesus a li a kwatwa po kovawiliki velongelokalunga?

3. Oshike sha li sha ningwa po keumbo laKajafas oo a li omupristeri omukulunhu?

4. Omolwashike Petrus a li a ya pondje ndele ta lili?

5. Ovapristeri ovakulunhu ova li tava uyaana shike eshi Jesus a li a alulilwa keumbo laPilatus?

6. Oshike sha li sha ningilwa Jesus metitano efimbo lomutenya, nokwa li a udanekela shike omukolokoshi umwe oo a li a valelwa pamwe naye?

7. Oparadisa oyo ya popiwa kuJesus otai ka kala peni?

Omapulo a wedwa po:

1. Lesha Mateus 26:57-75.

   Oshike tashi ulike kutya omitima doilyo yomhangu yopombada yOvajuda oda li di yadi oukolokoshi? (Mat. 26:59, 67, 68)

2. Lesha Mateus 27:1-50.

   Omolwashike taku dulu okutiwa kutya Judas ka li e livela ombedi shili? (Mat. 27:3, 4; Mark. 3:29; 14:21; 2 Kor. 7:10, 11)

3. Lesha Lukas 22:54-71.

   Oshike hatu dulu okulihonga moshinima shaPetrus eshi a li e lidimbika Jesus moufiku oo a li a kengelelwa nokwa kwatwa po? (Luk. 22:60-62; Mat. 26:31-35; 1 Kor. 10:12)

4. Lesha Lukas 23: 1-49.

   Jesus okwa li e linyenga ngahelipi omolwouhenouyuki oo a li a ningilwa, noshike hatu dulu okulihonga moshihopaenenwa shaye? (Luk. 23:33, 34; Rom. 12:17-19; 1 Pet. 2:23)

5. Lesha Johannes 18:12-40.

   Oshike tashi hololwa koushili oo kutya nonande Petrus okwa li a kwatwa koumbada wokutila ovanhu oule wokafimbo, okwa ka ninga omalunduluko ndele ta ningi omuyapostoli a tongomana? (Joh. 18:25-27; 1 Kor. 4:2; 1 Pet. 3:14, 15; 5:8, 9)

6. Lesha Johannes 19:1-30.

   1. Etaleko li li pandjele lilipi Jesus a li e na li na sha noinima yopamaliko? (Joh. 2:1, 2, 9, 10; 19:23, 24; Mat. 6:31, 32; 8:20)

   2. Ongahelipi eendjovo daJesus odo a popya eshi a li pokufya tadi ulike kutya okwa lenga ounamapangelo waJehova? (Joh. 16:33; 19:30; 2 Pet. 3:14; 1 Joh. 5:4)

Ehokololo 102

Jesus a nyumuka

1. Omukainhu novalumenhu vavali ovo ve li mefano omo ovo oolyelye, nove li peni?

2. Omolwashike Pilatus a li a lombwela ovapristeri va tume ovakwaita va ka nangele ombila yaJesus?

3. Omweengeli umwe okwa li a ninga po shike ongula yefiku etitatu konima yokufya kwaJesus, ndele ovapristeri ova li va ninga po shike?

4. Ovakainhu vonhumba ova li va kumwa kushike eshi va li ve uya kombila yaJesus?

5. Omolwashike Petrus naJohannes va li va lotokela kombila yaJesus, ndele ova li va hanga mo shike?

6. Oshike sha li sha ningilwa olutu laJesus lopambelela, ndele Jesus okwa li a ninga po shike opo a ulikile ovahongwa vaye kutya okwa nyumuka?

Omapulo a wedwa po:

1. Lesha Mateus 27:62-66; 28:1-15.

   Pefimbo opo Jesus a nyumunwa koufi, ongahelipi ovapristeri ovakulunhu nOvafarisai novakulunhu va li va nyona komhepo iyapuki? (Mat. 12:24, 31, 32; 28:11-15)

2. Lesha Lukas 24:1-12.

   Ehokololo li na sha nokunyumunwa kwaJesus otali ulike ngahelipi kutya Jehova okwa tala ko ovakainhu ve li eendombwedi di shii okulineekelwa? (Luk. 24:4, 9, 10; Mat. 28:1-7)

3. Lesha Johannes 20:1-12.

   Ongahelipi Johannes 20:8, 9 te tu kwafele tu mone kutya otwa pumbwa okulididimika ngeenge katu udite ko filufilu okuwanifwa kwexunganeko lonhumba lOmbibeli? (Omayel. 4:18; Mat. 17:22, 23; Luk. 24:5-8; Joh. 16:12)

Ehokololo 103

Jesus te lihololele ovahongwa vaye fimbo va li monduda ya patwa

1. Maria okwa li a lombwela omulumenhu wonhumba oo a li ta diladila kutya omukeleli wepya a ti ngahelipi, ndele okwe ke shi mona mo ngahelipi kutya omulumenhu oo oJesus shili?

2. Oshike sha li sha ningwa po fimbo ovahongwa vavali va li mondjila tava i komukunda wedina Emaus?

3. Oshinima shikumwifi shilipi sha li sha ningwa po fimbo ovahongwa ovo vavali va li tava hepaululile ovayapostoli kutya ova mona Jesus?

4. Jesus okwa li e lihololela ovashikuli vaye lwoikando ingapi?

5. Tomas okwa ti ngahelipi eshi a li a lombwelwa kovahongwa vakwao kutya ova mona Jesus, ndele oshike sha ka ningwa po lwanima mefiku etihetatu?

Omapulo a wedwa po:

1. Lesha Johannes 20:11-29.

   Eshi Jesus a popya eendjovo odo di li muJohannes 20:23, mbela okwa li a hala okutya ovanhu ova pewa oufemba wokudima po omatimba avamwe? Shi yelifa. (Eps. 49:3, 8; Jes. 55:7; 1 Tim. 2:5, 6; 1 Joh. 2:1, 2)

2. Lesha Lukas 24:13-43.

   Ongahelipi hatu dulu okulongekida omitima detu di kale hadi tambula ko noupu eeshili dOmbibeli? (Luk. 24:32, 33; Esra 7:10; Mat. 5:3; Oil. 16:14; Heb. 5:11-14)

Ehokololo 104

Jesus ta shuna meulu

1. Ovahongwa vangapi va li va mona Jesus pomhito imwe, nokwa li e va lombwela shike?

2. Ouhamba waKalunga oshike, nonghalamwenyo otai ka kala ya tya ngahelipi eshi Jesus ta ka pangela kombada yedu oule womido eyovi e li Ohamba?

3. Jesus okwa kala te lihololele ovahongwa vaye oule womafiku angapi, nokwa li a ninga po shike konima yomafiku oo?

4. Jesus okwa li a lombwela ovahongwa vaye va ninge shike eshi a li pokushuna meulu?

5. Oshike tashi ningwa po mefano olo, noshike sha li sha ningwa po opo ovahongwa vaJesus vaha dule vali oku mu mona?

Omapulo a wedwa po:

1. Lesha 1 Ovakorinto 15:3-8.

   Omolwashike omuyapostoli Paulus a li ta popi shi na sha nenyumuko laJesus e na oushili, nOvakriste otava dulu okupopya ve na oushili kombinga yashike kunena? (1 Kor. 15:4, 7, 8; Jes. 2:2, 3; Mat. 24:14; 2 Tim. 3:1-5)

2. Lesha Oilonga 1:1-11.

   Oilonga yokuudifa oya tamunuka mo shi fike peni, ngaashi sha li sha xunganekwa mOilonga 1:8? (Oil. 6:7; 9:31; 11:19-21; Kol. 1:23)

Ehokololo 105

Ovahongwa vaJesus va teelela muJerusalem va tililwe omhepo iyapuki

1. Ngaashi tu shi wete mefano omo, oshike sha li sha ningilwa ovashikuli vaJesus ovo va li va teelela muJerusalem?

2. Oshike sha li sha kumwifa ovanhu ovo va li ve uya okutalela po muJerusalem?

3. Petrus okwa li a yelifila shike ovanhu ovo?

4. Ovanhu ova li ve udite ngahelipi eshi Petrus a mana okupopya, na Petrus okwa li e va lombwela va ninge shike?

5. Ovanhu vangapi va li va ninginifwa mefiku olo lOpentekoste yomo 33 O.P?

Omapulo a wedwa po:

1. Lesha Oilonga 2:1-47.

   1. Ongahelipi eendjovo daPetrus odo tadi hangwa mOilonga 2:23, 36 tadi ulike kutya oshiwana ashishe shOvajuda oshi na etimba li na sha nefyo laJesus? (1 Tes. 2:14, 15)

   2. Ongahelipi Petrus a tula po oshihopaenenwa shiwa shi na sha nokutomhafana ta longifa Omishangwa? (Oil. 2:16, 17, 29, 31, 36, 39; Kol. 4:6)

   3. Ongahelipi Petrus a li a longifa tete “eeshapi douhamba wokeulu” odo Jesus a li a udaneka kutya ote ke mu pa? (Oil. 2:14, 22-24, 37, 38; Mat. 16:19)

Ehokololo 106

Ovayapostoli tava mangululwa modolongo

1. Oshike sha li sha ningilwa Petrus naJohannes fimbo va li tava i motembli?

2. Petrus okwa li a nyamukula ngahelipi omulumenhu oo a li oshingudu, nokwa li e mu pa shike osho sha li shi na ongushu shi dule oimaliwa?

3. Omolwashike ovawiliki velongelokalunga va li va handuka, nova li va ningila shike Petrus naJohannes?

4. Petrus okwa li a lombwela shike ovawiliki velongelokalunga ovo, novawiliki ovo ova li va londwela ovayapostoli vaha ninge vali shike?

5. Omolwashike ovawiliki velongelokalunga va li va handuka, noshike sha li sha ka ningwa po eshi ovayapostoli va li va tulwa modolongo oshikando oshitivali?

6. Ovayapostoli ova li va nyamukula ngahelipi eshi va li va twalwa kOmhangu yopombada yOvajuda?

Omapulo a wedwa po:

1. Lesha Oilonga 3:1-10.

   Nonande katu na oufembanghenda wokulonga oikumwifilonga kunena, ongahelipi eendjovo daPetrus odo di li mOilonga 3:6 tadi tu kwafele tu kale twa lenga etumwalaka lOuhamba? (Joh. 17:3; 2 Kor. 5:18-20; Fil. 3:8)

2. Lesha Oilonga 4:1-31.

   Ongahelipi hatu dulu okuhopaenena ovamwatate Ovakriste vomefelemudo lotete ngeenge hatu patanekwa moukalele wetu? (Oil. 4:29, 31; Ef. 6:18-20; 1 Tes. 2:2)

3. Lesha Oilonga 5:17-42.

   Ongahelipi ovanhu vamwe vopefimbo letu novopefimbo lonale ovo vehe fi Eendombwedi va ulika kutya oilonga yokuudifa oi li pauyuki? (Oil. 5:34-39)

Ehokololo 107

Stefanus ta dipawa nomamanya

1. Stefanus oye lyelye, na Kalunga okwa li e mu kwafela a ninge shike?

2. Stefanus okwa li a popya shike osho sha li sha handukifa nai ovawiliki velongelokalunga?

3. Eshi ovalumenhu ovo va li va kokololela Stefanus kondje yoshilando, ova li ve mu ninga ngahelipi?

4. Omulumenhu omunyasha oo e li ofika mefano omo ta pashukile oikutu oyo olyelye?

5. Stefanus okwa li a ilikana kuJehova a ti ngahelipi fimbo ina fya?

6. Ongahelipi tu na okuhopaenena Stefanus ngeenge pe na umwe e tu ningila owii wonhumba?

Omapulo a wedwa po:

1. Lesha Oilonga 6:8-15.

   Ovawiliki vomalongelokalunga ohava longifa eenghedi doinheya dilipi nelalakano lokukangheka oilonga yokuudifa yEendombwedi daJehova? (Oil. 6:9, 11, 13)

2. Lesha Oilonga 7:1-60.

   1. Oshike sha li sha kwafela Stefanus opo a pondole eshi a li ta popile onghundana iwa mOmhangu yopombada yOvajuda, noshike hatu dulu okulihonga moshihopaenenwa shaye? (Oil. 7:51-53; Rom. 15:4; 2 Tim. 3:14-17; 1 Pet. 3:15)

   2. Otu na okukala tu na etaleko la tya ngahelipi shi na sha naavo hava pataneke oilonga yetu yokuudifa? (Oil. 7:58-60; Mat. 5:44; Luk. 23:33, 34)

Ehokololo 108

Saulus ta i kuDamaskus

1. Saulus okwa li a ninga shike konima eshi Stefanus a dipawa?

2. Opa li pa ningwa oshikumwifilonga shilipi fimbo Saulus a li mondjila yokuya kuDamaskus?

3. Jesus okwa li a lombwela Saulus a ninge shike?

4. Jesus okwa li a pa Ananias omalombwelo elipi, noshike kwa li sha ningwa po opo Saulus a twikuluke?

5. Saulus okwa ka shiivika nedina lilipi, nokwa li a pewa oshilonga shashike?

Omapulo a wedwa po:

1. Lesha Oilonga 8:1-4.

   Ongahelipi omahepeko manene oo a li a hanga eongalo lopaKriste lomefelemudo lotete olo opo la li la totwa po a li a ningifa eitavelo lopaKriste li tandavele, noshinima sha faafana shilipi hashi ningwa pefimbo letu? (Oil. 8:4; Jes. 54:17)

2. Lesha Oilonga 9:1-20.

   Jesus okwa li a ulika kutya okwa hala Saulus a ka wanife po oinakuwanifwa yopatatu ilipi e li omutumwa? (Oil. 9:15; 13:5; 26:1; 27:24; Rom. 11:13)

3. Lesha Oilonga 22:6-16.

   Ongahelipi hatu dulu okuhopaenena oikala yaAnanias, nomolwashike sha fimana okuninga ngaho? (Oil. 22:12; 1 Tim. 3:7; 1 Pet. 1:14-16; 2:12)

4. Lesha Oilonga 26:8-20.

   Ongahelipi okulidilulula kwaSaulus a ninge Omukriste taku dulu okukala etwomukumo kunena kwaavo ve na ookaume kavo kopahombo vehe fi ovaitaveli? (Oil. 26:11; 1 Tim. 1:14-16; 2 Tim. 4:2; 1 Pet. 3:1-3)

Ehokololo 109

Petrus ta talele po Kornelius

1. Omulumenhu oo u wete mefano omo a twa eengolo oye lyelye?

2. Omweengeli umwe okwa li a lombwela Kornelius shike?

3. Kalunga okwa li a pa Petrus emoniko li na sha nashike fimbo Petrus a li a londa kombada yongulu yaSimon muJoppe?

4. Omolwashike Petrus a li a lombwela Kornelius kutya ine mu twila eengolo noku mu ilikana?

5. Omolwashike ovahongwa Ovajuda ovo va li pamwe naPetrus va li va kumwa?

6. Oshilihongomwa sha fimana shilipi hatu lihongo moshinima shi na sha naPetrus eshi a li a talela po Kornelius?

Omapulo a wedwa po:

1. Lesha Oilonga 10:1-48.

   Eendjovo daPetrus odo tadi hangwa mOilonga 10:42 otadi ulike shike shi na sha noilonga yokuudifa onghundana iwa yOuhamba? (Mat. 28:19; Mark. 13:10; Oil. 1:8)

2. Lesha Oilonga 11:1-18.

   Petrus okwa li a ulika oikala ilipi eshi Jehova a li e mu hololela etaleko laye li na sha novanhu ovo vehe fi Ovajuda, nongahelipi hatu dulu okuhopaenena oshihopaenenwa shaye? (Oil. 11:17, 18; 2 Kor. 10:5; Ef. 5:17)

Ehokololo 110

Timoteus ta ningi omulongi pamwe naPaulus

1. Omulumenhu omunyasha oo u wete mefano omo oye lyelye nokwa li ha di peni, nedina laina nolainakulu olyelye?

2. Timoteus okwa li a nyamukula ngahelipi eshi Paulus a li e mu pula ngeenge okwa hala va ye pamwe naye nosho yo naSilas va ka udifile ovanhu koitukulwa yokokule?

3. Omoshilando shilipi ovashikuli vaJesus va li va ifanwa tete Ovakriste?

4. Konima eshi Paulus, Silas naTimoteus va dja muAntiokia ova li va ka talela po oilando imwe ilipi?

5. Timoteus okwa li a kwafela Paulus ngahelipi, nomapulo elipi ovanyasha vokunena ve na okulipula?

Omapulo a wedwa po:

1. Lesha Oilonga 9:19-30.

   Ongahelipi Omuyapostoli Paulus a li a katuka nelungi eshi a li ta patanekwa pefimbo olo a li ta udifa onghundana iwa? (Oil. 9:22-25, 29, 30; Mat. 10:16)

2. Lesha Oilonga 11:19-26.

   Ongahelipi ehokololo olo tali hangwa mOilonga 11:19-21, 26 tali ulike kutya omhepo yaJehova otai wilike nokuyukifa oilonga yokuudifa?

3. Lesha Oilonga 13:13-16, 42-52.

   Ongahelipi Oilonga 13:51, 52 tai ulike kutya ovahongwa vaJesus kava li va efa omapataneko e va teye omukumo? (Mat. 10:14; Oil. 18:6; 1 Pet. 4:14)

4. Lesha Oilonga 14:1-6, 19-28.

   Ongahelipi outumbulilo “ove va yandja kOmwene” tau tu kwafele tuha kale noshisho sha pitilila ngeenge hatu kwafele ovahongwa vape? (Oil. 14:21-23; 20:32; Joh. 6:44)

5. Lesha Oilonga 16:1-5.

   Eshi Timoteus a li a dimina nehalo liwa okupita etanda otashi ulike ngahelipi kutya osha fimana okuninga ‘aishe omolwevangeli’? (Oil. 16:3; 1 Kor. 9:23; 1 Tes. 2:8)

6. Lesha Oilonga 18:1-11, 18-22.

   Oilonga 18:9, 10 otai ulike shike shi na sha nokukufa ombinga kwaJesus mokuwilika oilonga yokuudifa, naasho otashi tu pe elineekelo lilipi kunena? (Mat. 28:20)

Ehokololo 111

Omumati umwe oo a li a kwatwa keemhofi

1. Omumati oo a nangala pedu oye lyelye, nokwa ninga shike? (Tala mefano.)

2. Paulus okwa li a ninga po shike eshi a mona kutya omumati oo okwa fya?

3. Paulus naTimoteus nosho yo ovaendi pamwe navo ova li tava i peni, noshike sha li sha ningwa po opo va kanghame muMileto?

4. Elondwelo lilipi omuprofeti Agabus a li a pa Paulus, nongahelipi Paulus a li a ningilwa ngaashi omuprofeti oo a li e mu lombwela?

Omapulo a wedwa po:

1. Lesha Oilonga 20:7-38.

   1. Paendjovo daPaulus odo tadi hangwa mOilonga 20:26, 27, ongahelipi hatu dulu okukala tuhe “netimba nande olohonde yomunhu”? (Hes. 33:8; Oil. 18:6, 7)

   2. Omolwashike ovakulunhuongalo ve “nokudama mondjovo ei i shii kulineekelwa” ngeenge tava hongo? (Oil. 20:17, 29, 30; Tit. 1:7-9; 2 Tim. 1:13)

2. Lesha Oilonga 26:24-32.

   Ongahelipi Paulus a li a longifa oukwashiwana waye waRoma opo a wanife po oshinakuwanifwa shokuudifa osho a li a pewa kuJesus? (Oil. 9:15; 16:37, 38; 25:11, 12; 26:32; Luk. 21:12, 13)

Ehokololo 112

Oshikepa ya tekela konhunhu

1. Oshike sha li sha ningilwa oshikepa omo mwa li Paulus fimbo ya li tai ende popepi nonhunhu yaKreta?

2. Paulus okwa li a lombwela shike ovo a li navo moshikepa?

3. Osha li sha enda ngahelipi opo oshikepa oyo inyanyauke po moipambu?

4. Omukulunhu wetangakwaita oo a li ta pashukile oshikepa okwa li a pa ovanhu omalombwelo elipi, novanhu vangapi va li va fika komunghulofuta inava yahamekwa?

5. Paulus noovakwao ovo va li moshikepa oyo ya teka ova li va ya konhunhu ilipi, noshike sha li sha ningilwa Paulus eshi onghalo yomhepo ya li ya alukila kouwa?

Omapulo a wedwa po:

1. Lesha Oilonga 27:1-44.

   Ongahelipi okukala twe lineekela kutya omahokololo Ombibeli oku li paushili tashi tu pameke ngeenge hatu lesha ehokololo li na sha nolweendo laPaulus lokuya kuRoma? (Oil. 27:16-19, 27-32; Luk. 1:3; 2 Tim. 3:16, 17)

2. Lesha Oilonga 28:1-14.

   Ngeenge ovakalimo vomuMelite ovo va li vehe fi Ovakriste ova li ve linyengifwa va ungaunge naPaulus nosho yo ovo va li pamwe naye moshikepa oyo ya li ya teka ‘nolune linene lopanhu,’ Ovakriste ove na okulinyengifwa va ulike shike naunene tuu monghedi ilipi? (Oil. 28:1, 2, NW; Heb. 13:1, 2; 1 Pet. 4:9)

Ehokololo 113

Paulus a etwa muRoma

1. Paulus okwa li a udifila lyelye fimbo a li modolongo muRoma?

2. Omutalelipo oo tu wete mefano omo e li poshitaafula oye lyelye, nota ningile Paulus shike?

3. Epafroditus okwa li lyelye nokwa li a twaalela shike eshi a shuna kuFilippi?

4. Omolwashike Paulus a li a shangela kaume kaye kopofingo Filemon?

5. Paulus okwa li a ninga shike eshi a mangululwa modolongo, nokwa ka ningilwa shike lwanima?

6. Jehova okwa li a longifa lyelye a shange omambo axuuninwa Ombibeli, nembo lEhololo otali tu lombwele kombinga yashike?

Omapulo a wedwa po:

1. Lesha Oilonga 28:16-31 nosho yo Ovafilippi 1:13.

   Paulus okwa li a longifa ngahelipi efimbo laye eshi a li modolongo muRoma, neitavelo laye ihali tengauka ola li la kuma ngahelipi eongalo lopaKriste? (Oil. 28:23, 30; Fil. 1:14)

2. Lesha Ovafilippi 2:19-30.

   Paulus okwa li a ulikila ngahelipi Timoteus naEpafroditus olupandu laye, nongahelipi hatu dulu okuhopaenena oshihopaenenwa shaye? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Lesha Filemon 1-25.

   1. Paulus okwa li a ladipika Filemon a ninge osho sha yuka pakanghameno lashike, nongahelipi oshinima osho tashi dulu okuwilika ovakulunhuongalo kunena? (Filem. 9; 2 Kor. 8:8; Gal. 5:13)

   2. Ongahelipi eendjovo daPaulus odo tadi hangwa muFilemon 13, 14 tadi ulike kutya Paulus okwa li a fimaneka eliudo lavamwe meongalo? (1 Kor. 8:7, 13; 10:31-33)

4. Lesha 2 Timoteus 4:7-9.

   Ngaashi omuyapostoli Paulus, ongahelipi hatu dulu okukala nelineekelo kutya Jehova ote ke tu pa ondjabi ngeenge otwa kanyatele oudiinini wetu fiyo okexulilo? (Mat. 24:13; Heb. 6:10)

Ehokololo 114

Oukolokoshi aushe otau ka xulifwa po

1. Omolwashike Ombibeli ya popya shi na sha neenghambe di li meulu?

2. Oita oyo Kalunga ta ka lwa novakolokoshi kombada yedu ohai ifanwa shike, nelalakano layo ola shike?

3. Mokutala kefano olo, Olyelye ta ka kwatela komesho oita oyo, nomolwashike a djala oshishani neongamukonda laye otali ulike shike?

4. Ngeenge otwa tale Ehokololo eti-10, eti-15 neti-33, omolwashike itashi tu kumwifa eshi Kalunga ta ka hanauna po ovakolokoshi?

5. Ehokololo 36 no 76 otaa ulike ngahelipi kutya Kalunga ota ka hanauna po ovakolokoshi aveshe nonande otave liti kutya oye tava longele?

Omapulo a wedwa po:

1. Lesha Ehololo 19:11-16.

   1. Omishangwa otadi shi ulike nawa ngahelipi kutya Jesus Kristus oye omulondi wonghambe itoka oyo ya popiwa mEhololo? (Eh. 1:5; 3:14; 19:11; Jes. 11:4)

   2. Ongahelipi ohonde omo mwa yavwa oshikutu shaJesus shokombada tai ulike kutya ota ka findana lelalela? (Eh. 14:18-20; 19:13)

   3. Metangakwaita olo tali shikula Jesus oo a londa konghambe itoka otashi dulika mwa kwatelwa oolyelye?

Ehokololo 115

Edu alishe otali ka ninga oparadisa

1. Ombibeli otai ulike kutya ohatu ka hafela eenghalo dilipi meduparadisa?

2. Ombibeli oya udaneka shike shi na sha naavo tava ka kala mOparadisa?

3. Onaini Jesus ta ka shilipaleka kutya omalunduluko aeshe oo makumwifi okwa ningwa?

4. Eshi Jesus a li kombada yedu, okwa li a ninga shike osho tashi ulike osho ta ka ninga monakwiiwa eshi ta ka pangela e li Ohamba yOuhamba waKalunga?

5. Jesus nosho yo ovo tava ka pangela pamwe naye meulu otava ka fya oshisho shashike eshi tava ka pangela kombada yedu okudja meulu?

Omapulo a wedwa po:

1. Lesha Ehololo 5:9, 10.

   Omolwashike hatu dulu okukala tu na elineekelo kutya ovo tava ka pangela kombada yedu pefimbo lOmido Eyovi otava ka kala eehamba novapristeri ovanalukeno novananghenda? (Ef. 4:20-24; 1 Pet. 1:7; 3:8; 5:6-10)

2. Lesha Ehololo 14:1-3.

   Osha hala okutya shike eshi kwa tiwa kutya ovo vo 144 000 ova shangelwa edina laXe nolOdjona moipala yavo? (1 Kor. 3:23; 2 Tim. 2:19; Eh. 3:12)

Ehokololo 116

Osho tu na okuninga opo tu ka kale nomwenyo fiyo alushe

1. Otwa pumbwa okushiiva shike ngeenge otwa hala oku ka kala nomwenyo fiyo alushe?

2. Ongahelipi hatu dulu okulihonga kombinga yaJehova Kalunga nosho yo Jesus, ngaashi sha ulikwa mefano omo kokakadona oko kanini nosho yo kookaume vako ovo?

3. Embo limwe vali lilipi u wete mefano omo, nomolwashike tu na okukala hatu li lesha pandjikilile?

4. Kakele kokulihonga kombinga yaJehova naJesus, oshike vali tu na okuninga opo tu ka mone omwenyo waalushe?

5. Oshilihongomwa shilipi twe lihonga mEhokololo 69?

6. Oshihopaenenwa shiwa shaSamuel oo a li okamati kanini osho tashi hangwa mEhokololo 55 otashi ulike shike?

7. Ongahelipi hatu dulu okushikula oshihopaenenwa shaJesus Kristus, nongeenge otwe shi shikula, ohatu ka dula okuninga shike monakwiiwa?

Omapulo a wedwa po:

1. Lesha Johannes 17:3.

   Omishangwa otadi ulike ngahelipi kutya okushiiva Jehova Kalunga nosho yo Jesus Kristus osha kwatela mo shihapu shihe fi ashike okukala tu shii eeshili donhumba momutwe? (Mat. 7:21; Jak. 2:18-20; 1 Joh. 2:17)

2. Lesha Epsalme 145:1-21.

   1. Otu na vali omatomheno mahapu elipi okutanga Jehova? (Eps. 145:8-11; Eh. 4:11)

   2. Omonghedi ilipi Jehova ‘muwa kuaveshe,’ nongahelipi osho tashi tu linyengifa tu ehene popepi elela naye? (Eps. 145:9; Mat. 5:43-45)

   3. Ngeenge otu hole Jehova nomutima aushe, otashi ke tu linyengifa tu ninge shike? (Eps. 119:171, 172, 175; 145:11, 12, 21)