OMAPULO OPAMBIBELI A NYAMUKULWA

Ondiaboli oya dja peni?

Kalunga ina shita omweengeli omukolokoshi, ponhele yaasho, okwa shita omweengeli oo lwanima e ke lininga mwene Ondiaboli, oo a shiivika nawa Satana. Jesus okwa popya kutya pomhito imwe Ondiaboli oya li inashili noihe na oshipo. Petameko, Ondiaboli oya li omweengeli omonamati waKalunga omuyuki. — Lesha Johannes 8:44.

Ongahelipi omweengeli oo muwa a ninga omunawii?

Omweengeli oo a ka ninga Ondiaboli okwa hoolola okupataneka Kalunga nokwa hongaula yo ovadali vetu votete ve mu waimine. Nokungaha, okwe lininga ye mwene Satana, osho tashi ti Omupataneki. — Lesha Genesis 3:1-5; Ehololo 12:9.

Ngaashi ashike oishitwa ikwao yaKalunga inaendunge, omweengeli oo a ka ninga Ondiaboli naye okwa li e na emanguluko lokuhoolola okulonga osho sha yuka ile osho sha puka, ndele okwa li a hala okulongelwa. Ehalo laye lokupewa efimano ola li li na eenghono li dule lokuhafifa Kalunga. — Lesha Mateus 4:8, 9; Jakob 1:13, 14.

Ongahelipi Ondiaboli ya twikila okunwefa mo ovanhu? Mbela ou na okukala we i tila? Oto dulu okumona omanyamukulo omapulo oo mOmbibeli.