قورىنتتىقتارعا 2-حات
3 سەندەرگە ٶزىمىزدى تاعى دا تانىستىرۋىمىز كەرەك پە؟ الدە ٴبىز دە كەيبىرەۋلەر ىسپەتتى سەندەرگە نەمەسە سەندەردەن كەپىلدەمە حات الۋعا مۇقتاجبىز با؟ 2 جۇرتتىڭ ٴبارى بىلەتىن ٵرى وقيتىن، جۇرەگىمىزگە جازىلعان حات وزدەرىڭسىڭدەر+. 3 ويتكەنى ٴبىزدىڭ قىزمەتىمىز ارقىلى جازىلعان ٴماسىحتىڭ حاتى سەندەر ەكەندەرىڭ كورىنىپ تۇر+. بۇل حات سيامەن ەمەس، ٴتىرى قۇدايدىڭ رۋحىمەن، تاس تاقتاشالارعا ەمەس+، جۇرەكتەرگە جازىلدى+.
4 بۇنى ٴماسىح ارقىلى قۇداي الدىندا سەنىمدىلىكپەن ايتا الامىز. 5 بۇل ٸستى ٶزىمىز جارامدى بولعاندىقتان ەمەس، قۇداي جارامدى ەتكەندىكتەن اتقارۋدامىز+. 6 ول ٴبىزدى جاڭا كەلىسىمنىڭ+، جازباشا زاڭنىڭ ەمەس+، كيەلى رۋحتىڭ قىزمەتشىلەرى بولۋعا جارامدى ەتتى. سەبەبى جازباشا زاڭ ولىمگە كەسەدى+، ال قۇداي رۋحى ٶمىر بەرەدى+.
7 سول ولىمگە اپاراتىن جانە تاسقا قاشالىپ جازىلعان+ زاڭ ۇلىلىقپەن بەرىلگەن ەدى. سەبەبى يسرايل ۇلدارى مۇسانىڭ، وتكىنشى بولسا دا، ۇلىلىق نۇرىن شاشىپ تۇرعان بەت-جۇزىنە قاراپ تۇرا المادى+. 8 وندا رۋحتىڭ قىزمەتىنىڭ+ ۇلىلىعى+ ودان دا زور بولۋ كەرەك ەمەس پە؟ 9 ەگەر ولىمگە كەسەتىن زاڭ+ ۇلى بولعان بولسا+، وندا ادىلدىككە جەتكىزەتىن قىزمەتتىڭ ۇلىلىعى ودان دا زور+! 10 كەزىندە ۇلىلىقپەن بەرىلگەن زاڭ ۇلىلىعى وزىنەن اسىپ تۇسەتىن جاڭا كەلىسىم كەلگەندە، ۇلىلىعىنان ايىرىلدى+. 11 ەگەر وتكىنشى بولعان زاڭ ۇلىلىقپەن بەرىلگەن بولسا+، ٴبىرجولا قالاتىن جاڭا كەلىسىمنىڭ ۇلىلىعى ودان دا زور+!
12 وسىنداي ٷمىتىمىز بولعاندىقتان+، ەمىن-ەركىن سويلەيمىز، 13 ٵرى يسرايل ۇلدارى وتكىنشى زاڭمەن تۇبىندە نە بولاتىنىن كورمەسىن دەپ، بەتىن پەردەمەن جاۋىپ العان مۇسا+ سياقتى ىستەمەيمىز. 14 ولاردىڭ ساناسىن قاراڭعىلىق باسقان ەدى+. ٵلى كۇنگە دەيىن سول پەردە كونە كەلىسىم وقىلعاندا، جابۋلى تۇرادى+. ويتكەنى ول تەك ٴماسىح ارقىلى عانا الىنىپ تاستالادى+. 15 ٴيا، بۇگىن دە مۇسانىڭ جازبالارى وقىلعاندا+، ولاردىڭ جۇرەكتەرى پەردەمەن جابۋلى+. 16 ال ادام ەحوباعا* بەت بۇرسا، بۇل پەردە الىنىپ تاستالادى+. 17 ەحوبا — رۋح+. ەحوبانىڭ رۋحى بار جەردە ازاتتىق بار+. 18 ٴبارىمىز دە بەتىمىزدى جاپپاي ەحوبانىڭ ۇلىلىعىن اينا ىسپەتتى شاعىلىستىرامىز. وسىلاي ەتكەندە ونىڭ ۇلىلىعى بارعان سايىن بويىمىزدان كوبىرەك كورىنىس تاۋىپ، رۋح بولىپ تابىلاتىن ەحوبانىڭ* وزگەرتكەنىنە قاراي وزگەرىپ، ونىڭ ٶزى ىسپەتتى بولامىز+.