مۇسانىڭ 1-جازباسى
23 سارا 127 جىل ٶمىر ٴسۇردى، ونىڭ عۇمىرى+ وسىنشا بولدى. 2 ول قاناحان+ جەرىندەگى كيريات-اربادا+، ياعني حەبروندا+، قايتىس بولدى. ىبىرايىم سارانى جوقتاپ، قايعىردى. 3 كەيىن ٴمايىتتىڭ قاسىنان تۇردى دا، حەتتىڭ+ ۇلدارىنا بارىپ، بىلاي دەدى: 4 «مەن ارالارىڭىزدا تۇرىپ جاتقان جاتجەرلىكپىن ٵرى كەلىمسەكپىن+. ماعان جەرلەرىڭىزدەن ايەلىمنىڭ سۇيەگىن قوياتىن ورىن بەرسەڭىزدەر ەكەن». 5 حەتتىڭ ۇلدارى ىبىرايىمعا بىلاي دەدى: 6 «مىرزا، ٴبىزدىڭ سوزىمىزگە قۇلاق سالىڭىز. ٴسىز ارامىزداعى قۇداي تاڭداعان باسشىسىز*+. مارقۇمدى بىزدەگى ەڭ جاقسى زيراتتىڭ بىرىنە اپارىپ قويساڭىز بولادى. ەشقايسىسىمىز دا ايەلىڭىزدىڭ سۇيەگىن قوياتىن ورىن بەرۋدەن باس تارتپايمىز».
7 سوندا ىبىرايىم ورنىنان تۇرىپ، جەرگىلىكتى حالىققا، ياعني حەتتىڭ+ ۇلدارىنا، ٴيىلىپ تاعزىم ەتتى دە، 8 بىلاي دەدى: «ايەلىمدى وسىندا جەرلەۋگە قارسى بولماساڭىزدار، مەنىڭ مىنا وتىنىشىمە قۇلاق تۇرىڭىزدەر: سوحاردىڭ ۇلى ەفرون 9 ماحپەلاداعى تانابىنىڭ شەتىندەگى ۇڭگىردى ماعان ساتسىن. وعان سىزدەردىڭ كوز الدارىڭىزدا تولىق قۇنىن كۇمىسپەن+ بەرەمىن، سوندا وسى جەر مەنىڭ مەنشىگىمدەگى زيرات+ بولادى».
10 حەتتىك ەفرون حەت ۇلدارىنىڭ* اراسىندا وتىرعان ەدى. ول ىبىرايىمعا حەت ۇلدارىنىڭ، قالا قاقپاسىنىڭ+ ماڭىنداعى بارشا جۇرتتىڭ، الدىندا بىلاي دەدى: 11 «مىرزام، مەنىڭ ايتقانىما قۇلاق ٴتۇرىڭىز: مەن سىزگە وسى تۇرعان حالقىمنىڭ كوزىنشە تاناپتى دا، ونداعى ۇڭگىردى دە بەرەمىن. مارقۇمنىڭ سۇيەگىن سول جەرگە قويىڭىز». 12 سوندا ىبىرايىم سول جەردىڭ حالقىنا ٴيىلىپ تاعزىم ەتتى دە، 13 بارىنە ەستىرتىپ ەفرونعا: «تىڭداڭىزشى، مەن سىزگە تاناپتىڭ تولىق قۇنىن كۇمىسپەن تولەيمىن. ونى قولىمنان قابىل الىڭىز، سوندا مەن ايەلىمنىڭ سۇيەگىن سول جەرگە قويامىن»،— دەدى.
14 ەفرون ىبىرايىمعا جاۋاپ قاتىپ: 15 «مىرزام، مەنىڭ سوزىمە قۇلاق سالىڭىز. تاناپتىڭ قۇنى 400 شەكەل* كۇمىس، ٴبىراق بۇل سىزگە دە، ماعان دا تۇك ەمەس قوي. مارقۇمدى سوندا جەرلەي بەرىڭىز»،— دەدى. 16 ىبىرايىم بۇعان كەلىسىپ، حەت ۇلدارىنىڭ كوزىنشە ەفروننىڭ ايتقان قۇنىن بەردى. ول وعان 400 شەكەل كۇمىستى ساۋداگەرلەردىڭ ولشەمىمەن ولشەپ بەردى+. 17 وسىلايشا مامرەنىڭ تۇسىنداعى ماحپەلاداعى ەفروننىڭ تانابى، سونداعى ۇڭگىر مەن ٶسىپ تۇرعان بارلىق اعاش 18 ىبىرايىمنىڭ مەنشىگىنە ٶتتى. بۇعان حەت ۇلدارى، قالا قاقپاسىنىڭ ماڭىنداعى بارشا جۇرت، كۋا بولدى. 19 سوسىن ىبىرايىم ايەلى سارانىڭ سۇيەگىن مامرەنىڭ، ياعني قاناحان جەرىندەگى حەبروننىڭ، تۇسىنداعى ماحپەلا تانابىنداعى ۇڭگىرگە اپارىپ قويدى. 20 سونىمەن، حەت ۇلدارى تاناپ پەن ونداعى ۇڭگىردى زيرات رەتىندە قولدانۋ ٷشىن ىبىرايىمنىڭ مەنشىگىنە بەردى+.