ەرەميا
27 ياھۋدانىڭ پاتشاسى جوسيا ۇلى ەحوياكىمنىڭ بيلىك قۇرۋىنىڭ باسىندا ەحوبا ەرەمياعا ٴسوزىن ارنادى. 2 سوندا ەحوبا ماعان مىنانى ايتتى: «وزىڭە قايىس تاسپالار مەن مويىناعاشتار* جاساپ، موينىڭا سال. 3 سوسىن ولاردى يەرۋساليمگە ياھۋدانىڭ پاتشاسى سەدەكياعا كەلگەن حابارشىلاردىڭ قولىنا ۇستاتىپ، ەدومنىڭ+ پاتشاسىنا، موابتىڭ+ پاتشاسىنا، امموندىقتاردىڭ+ پاتشاسىنا، تير+ پاتشاسى مەن سيدوننىڭ+ پاتشاسىنا بەرىپ جىبەر. 4 ولار قوجايىندارىنا مىنا بۇيرىقتى جەتكىزسىن.
قوجايىندارىڭا مىنا ٴسوزدى جەتكىزىڭدەر، اسكەرباسى ەحوبا، يسرايلدىڭ قۇدايى بىلاي دەيدى: 5 —جەردى، ادامزاتتى، جەر بەتىندەگى اڭداردى زور كۇشىممەن، قۇدىرەتتى قولىممەن جاراتقان — مەنمىن، ٵرى ونى كوڭىلىم قالاعان ادامعا بەردىم+. 6 مىنا جەردىڭ ٴبارىن ٶز قىزمەتشىم بابىلدىڭ پاتشاسى ناۆۋحودونوسوردىڭ+ قولىنا بەردىم. ٴتىپتى دالاداعى جابايى اڭداردى دا سوعان باعىندىردىم. 7 بارلىق حالىقتار وعان، ونىڭ ۇلىنا جانە نەمەرەسىنە قىزمەت ەتەدى. ٶز ەلىنىڭ باسىنا كۇن تۋىپ+، كوپتەگەن حالىقتار مەن ۇلى پاتشالار ونىڭ ٶزىن قۇل ەتپەيىنشە، بۇل سولاي بولادى+.
8 ەگەر قانداي دا ٴبىر حالىق نە پاتشالىق بابىلدىڭ پاتشاسى ناۆۋحودونوسورعا قىزمەت ەتۋدەن باس تارتىپ، بابىل پاتشاسىنىڭ مويىناعاشىن موينىنا سالماسا، مەن سول حالىقتى سەمسەردىڭ جۇزىمەن+، اشتىقپەن جانە ىندەتپەن جازالايمىن. ونىڭ قولىنان قۇرىپ كەتپەيىنشە، سولاي ەتەمىن،— دەيدى ەحوبا.
9 ولاي بولسا، پايعامبارلارىڭنىڭ، ساۋەگەيلەرىڭنىڭ، ٴتۇس جورۋشىلارىڭنىڭ، سيقىرشىلارىڭ مەن باقسى-بالگەرلەرىڭنىڭ «بابىل پاتشاسىنا قىزمەت ەتپەيسىڭدەر» دەگەن ٴسوزىن تىڭداماڭدار. 10 ويتكەنى ٶز ەلدەرىڭنەن الىسقا اكەتىلۋلەرىڭ ٷشىن، ولار سەندەرگە جالعان پايعامبارلىق ايتۋدا. مەن سەندەردى بىتىراتىپ جىبەرەمىن، ٴسۇيتىپ، قۇريسىڭدار.
11 ال بابىل پاتشاسىنىڭ مويىناعاشىن موينىنا سالىپ، وعان قىزمەت ەتەتىن حالىقتى ٶز جەرىندە قالدىرامىن. ولار ونى وڭدەپ، مەكەن ەتەتىن بولادى،— دەيدى ەحوبا».
12 مەن ياھۋدانىڭ پاتشاسى سەدەكياعا+ دا وسىنداي سوزدەردى ايتىپ، بىلاي دەدىم: «بابىلدىڭ پاتشاسىنىڭ مويىناعاشىن موينىڭىزعا سالىپ، وعان جانە ونىڭ حالقىنا قىزمەت ەتىڭىز، سوندا ٴتىرى قالاسىز+. 13 ٶزىڭىز دە، حالقىڭىز دا بابىلدىڭ پاتشاسىنا قىزمەت ەتپەيتىن حالىقتارعا قاتىستى ايتقان ەحوبانىڭ جازاسىنا ۇشىراپ، سەمسەردىڭ جۇزىنەن+، اشتىقتان+، ىندەتتەن+ قىرىلىپ قايتەسىزدەر؟ 14 پايعامبارلاردىڭ «بابىل پاتشاسىنا قىزمەت ەتپەيسىڭدەر» دەگەنىن تىڭداماڭىزدار+، ويتكەنى ولار سىزدەرگە جالعان پايعامبارلىق ايتۋدا+.
15 —مەن ولاردى جىبەرگەن جوقپىن. ٴبىراق ولار مەنىڭ اتىمنان جالعان پايعامبارلىق ايتۋدا. ەگەر ولاردى تىڭداساڭدار، مەن سەندەردى بىتىراتىپ جىبەرەمىن. سەندەر دە، جالعان پايعامبارلىق ايتىپ جۇرگەن پايعامبارلارىڭ دا قۇرىپ كەتەسىڭدەر+،— دەيدى ەحوبا».
16 ٴدىني قىزمەتكەرلەرگە جانە كۇللى جۇرتقا مەن مىنانى ايتتىم: «ەحوبا بىلاي دەيدى: —پايعامبارلارىڭنىڭ سەندەرگە «مىنە، ەحوبانىڭ ٷيىنىڭ بۇيىمدارى بابىلدان جاقىندا قايتا اكەلىنەدى+» دەگەن پايعامبارلىقتارىن تىڭداماڭدار. ويتكەنى ولار جالعان پايعامبارلىق ايتۋدا+. 17 ولارعا قۇلاق اسپاڭدار. بابىل پاتشاسىنا قىزمەت ەتىڭدەر، سوندا امان قالاسىڭدار+. مىنا قالا نە ٷشىن جەرمەن-جەكسەن بولۋعا ٴتيىس؟ 18 ەگەر ولار پايعامبار بولسا ٵرى ايتىپ جۇرگەندەرى ەحوبانىڭ ٴسوزى بولسا، وندا ەحوبانىڭ ۇيىندە قالعان، ياھۋدا پاتشاسىنىڭ سارايىنداعى جانە يەرۋساليمدە قالعان بۇيىمداردىڭ بابىلعا اكەتىلمەۋىن سۇراپ، اسكەرباسى ەحوباعا جالبارىنسىنشى.
19 اسكەرباسى ەحوبا عيباداتحاناداعى باعانالارعا+، تەڭىزگە+، كەبەجە اربالارعا+ جانە وسى قالادا قالعان باسقا دا بۇيىمدارعا قاتىستى مىنانى ايتادى، 20 (بابىل پاتشاسى ناۆۋحودونوسور ياھۋدا پاتشاسى ەحوياكىمنىڭ ۇلى ەحونيانى ياھۋدا مەن يەرۋساليمنىڭ بەدەلدىلەرىمەن قوسا تۇتقىنداپ+، بابىلعا اكەتكەندە، بۇلاردى قالدىرىپ كەتكەن بولاتىن) 21 ٴيا، ەحوبانىڭ ۇيىندە، ياھۋدا پاتشاسىنىڭ سارايىندا جانە يەرۋساليمدە قالعان بۇيىمدارعا قاتىستى اسكەرباسى ەحوبا، يسرايلدىڭ قۇدايى مىنانى ايتادى: 22 —ولار بابىلعا اكەتىلىپ+، مەن ولارعا قايتادان نازارىمدى اۋدارمايىنشا، سول جەردە قالا بەرەدى. سوسىن مەن ولاردى قايتادان اكەلىپ، ورىندارىنا قويعىزامىن+،— دەيدى ەحوبا».