ەلشىلەردىڭ ىستەرى
7 سوندا باس ٴدىني قىزمەتكەر: «وسىلار راس پا؟»— دەپ سۇرادى. 2 ستەپاننىڭ جاۋابى مىناۋ بولدى: «اعايىندار مەن اقساقالدار، سوزىمە قۇلاق سالىڭىزدار. ارعى اتامىز ىبىرايىم حارانعا قونىستانباس بۇرىن+، مەسوپوتاميادا جۇرگەن كەزىندە، وعان داڭققا بولەنگەن قۇداي كورىنىپ: 3 —جەرىڭدى، تۋعان-تۋىسىڭدى قالدىرىپ، مەن كورسەتەتىن ەلگە بار+،— دەدى. 4 ٴسۇيتىپ، ول حالدەيلەردىڭ جەرىنەن كەتىپ، حارانعا قونىس تەپتى. ال اكەسى قايتىس بولعاندا+، قۇداي وعان قازىر وزدەرىڭىز تۇرىپ جاتقان وسى جەرگە كوشۋدى بۇيىردى+. 5 بۇل جەردە قۇداي ىبىرايىمعا مۇراعا ٴتىپتى الاقانداي* دا جەر بەرمەدى، ٴبىراق ونى وزىنە ٵرى كەيىنگى ۇرپاقتارىنا، ٵلى بالاسى بولماسا دا، يەلىككە بەرۋدى ۋادە ەتتى+. 6 سونداي-اق ۇرپاقتارىنىڭ بوتەن ەلدى مەكەندەيتىنىن جانە 400 جىل بويى قۇل بولىپ، قاسىرەت شەگەتىنىن ايتتى+. 7 قۇداي: —ولاردى قۇلدىقتا ۇستاعان حالىققا ۇكىم شىعارامىن+. سوسىن ولار سول ەلدەن شىعىپ، ماعان وسىندا عيبادات ەتەتىن بولادى+،— دەدى.
8 سونىمەن قاتار قۇداي ىبىرايىممەن سۇندەتتەۋ كەلىسىمىن جاسادى+. ول ۇلدى بولىپ، بالاسى ىسقاقتى+ سەگىزىنشى كۇنى سۇندەتكە وتىرعىزدى+. ىسقاق جاقىپقا اكە بولدى*، ال جاقىپ 12 اۋلەتباسىنا* اكە بولدى. 9 اۋلەتباسىلارى ٴجۇسىپتى كورە الماي+، ونى مىسىرلىقتارعا ساتىپ جىبەردى+. ٴبىراق قۇداي وعان جار بولىپ+، 10 بارلىق قيىندىعىنان قۇتقاردى. وعان دانالىق بەرىپ، مىسىر پاتشاسى پەرعاۋىننىڭ ىقىلاسىنا بولەدى. پەرعاۋىن ونى بۇكىل مىسىر ەلىنىڭ جانە ٶز ٷيىنىڭ ۇستىنەن قاراۋشى ەتىپ تاعايىندادى+. 11 سول كەزدەرى مىسىر مەن قاناحاندى اشتىق جايلاپ، حالىق زور قاسىرەت شەكتى. اتا-بابامىز اس-سۋدان تاپشىلىق كوردى+. 12 جاقىپ مىسىردا مول ازىق قورى بار ەكەنىن ەستىپ، ۇلدارىن سول جاققا جىبەردى+. 13 ەكىنشى رەت بارعان كەزدەرىندە، ٴجۇسىپ باۋىرلارىنا ٶزىنىڭ كىم ەكەنىن ايتتى. سودان پەرعاۋىنعا ٴجۇسىپتىڭ تۋعان-تۋىستارى ٴمالىم بولدى+. 14 ٴجۇسىپ حابار جىبەرىپ، اكەسى جاقىپتى جانە تۋىستارىنىڭ بارلىعىن، باس-اياعى 75 جاندى+، شاقىرتتى+. 15 جاقىپ مىسىرعا قونىس اۋداردى+. سول جەردە ٶزى دە، ۇلدارى دا دۇنيەدەن ٶتتى+. 16 ولاردىڭ سۇيەكتەرى سيحەمگە اپارىلىپ، ىبىرايىم حامور ۇلدارىنان كۇمىس اقشاعا ساتىپ العان قابىرگە قويىلدى+.
17 قۇدايدىڭ ىبىرايىمعا بەرگەن ۋادەسىن ورىندايتىن ۋاقىتى جاقىنداعان سايىن، مىسىردا جۇرگەن يسرايل حالقى كوبەيە بەردى. 18 سول ۋاقىتتا ٴجۇسىپتى بىلمەيتىن باسقا ادام مىسىر پاتشاسى بولدى+. 19 ول حالقىمىزعا زىمياندىق جاساپ، جاڭا تۋعان نارەستەلەرى ٴتىرى قالماۋ ٷشىن، اتا-بابامىزدى ولاردى تاستاپ كەتۋگە ماجبۇرلەدى+. 20 سول كەزدەرى مۇسا دۇنيەگە كەلدى، ول قۇدايدىڭ كوز الدىندا وتە كورىكتى بولدى. اكە-شەشەسى ونى ٷش اي بويى ۇيىندە باقتى+. 21 ال نارەستەلەرىن تاستاپ كەتكەندە+، پەرعاۋىننىڭ قىزى ونى تاۋىپ الىپ، ٶز ۇلىنداي ٶسىردى+. 22 مۇسا مىسىرلىقتاردىڭ بۇكىل دانالىعىن مەڭگەرىپ، سوزىمەن دە، ىسىمەن دە ىقپالدى بولدى+.
23 جاسى 40 قا كەلگەندە مۇسا باۋىرلارىنىڭ، يسرايل ۇلدارىنىڭ، جاعدايىن ٴبىلۋدى شەشتى+. 24 سوندا ٴبىر مىسىرلىقتىڭ يسرايلدىكتى جابىرلەپ جاتقانىن بايقاعان ول باۋىرىن قورعاماق بولىپ، مىسىرلىقتى ٶلتىردى. ٴسۇيتىپ، ول ٷشىن كەك الدى. 25 مۇسا يسرايلدىكتەردى قۇتقارۋ ٷشىن قۇداي ٶزىن قولدانعالى جاتقانىن باۋىرلارى تۇسىنەدى دەپ ويلادى. الايدا ولار مۇنى ۇقپادى. 26 كەلەسى كۇنى مۇسا ەكى يسرايلدىكتىڭ توبەلەسىپ جاتقانىن كورىپ، ولاردى تاتۋلاستىرۋ ٷشىن: —سەندەر ٴبىر-بىرىڭە باۋىر ەمەسسىڭدەر مە؟! نەگە توبەلەسىپ جاتىرسىڭدار؟— دەدى. 27 الايدا باۋىرىن جابىرلەپ جاتقانى بولسا مۇسانىڭ بۇل سوزدەرىن جاقتىرماي، يتەرىپ جىبەرىپ: —كىم سەنى بىزگە بيلەۋشى ٵرى تورەشى ەتىپ قويدى؟ 28 كەشەگى مىسىرلىققا ىستەگەنىڭدى ماعان دا ىستەمەكسىڭ بە؟— دەدى. 29 وسى سوزدەردى ەستىگەننەن كەيىن، مۇسا مىسىردان قاشىپ شىعىپ، ماديان جەرىندە جاتجەرلىك رەتىندە ٶمىر ٴسۇردى. سول جاقتا ۇيلەنىپ، ەكى ۇل ٴسۇيدى+.
30 سودان 40 جىل وتكەن سوڭ، سيناي تاۋىنىڭ ماڭىنداعى ٴشول دالادا* تىكەندى بۇتانىڭ اراسىنان جالىنداعان وت بولىپ ٴبىر پەرىشتە كورىندى+. 31 مۇنى بايقاعان مۇسا قاتتى تاڭعالىپ، انىقتاپ كورۋ ٷشىن جاقىنداعاندا، ەحوبانىڭ داۋسى ەستىلدى. 32 —مەن سەنىڭ اتا-بابالارىڭنىڭ قۇدايىمىن. ىبىرايىمنىڭ، ىسقاقتىڭ جانە جاقىپتىڭ قۇدايىمىن+،— دەدى ول. قاتتى قورىققان مۇسانىڭ ودان ٵرى ٷڭىلىپ قاراۋعا ٴداتى بارمادى. 33 ەحوبا وعان: —ساندالىڭدى شەش، ويتكەنى سەن تۇرعان جەر كيەلى. 34 مەن مىسىرداعى حالقىمنىڭ جابىرلەنىپ جاتقانىن كوردىم، ٵرى ولاردىڭ جانايقايىن ەستىدىم+، سوندىقتان ولاردى قۇتقارۋ ٷشىن تومەن ٴتۇستىم. ەندى مەن سەنى مىسىرعا جىبەرەمىن،— دەدى. 35 كەزىندە باۋىرلارى: —كىم سەنى بىزگە بيلەۋشى ٵرى تورەشى ەتىپ قويدى+؟— دەپ، باس تارتقان وسى مۇسانى قۇداي تىكەندى بۇتادان كورىنگەن پەرىشتە ارقىلى بيلەۋشى ٵرى قۇتقارۋشى ەتىپ جىبەردى+. 36 ول مىسىردا، قىزىل تەڭىزدە+ جانە 40 جىل بويى ٴشول دالادا+ كەرەمەتتەر مەن بەلگىلەر كورسەتىپ+، حالىقتى الىپ شىقتى+.
37 يسرايل ۇلدارىنا: —قۇداي سەندەر ٷشىن باۋىرلارىڭنىڭ اراسىنان مەن سياقتى ٴبىر پايعامبار شىعارادى+،— دەگەن وسى مۇسا ەدى. 38 ول ٴشول دالادا جۇرگەن يسرايل حالقىنىڭ اراسىندا بولدى. سيناي تاۋىندا وزىنە سويلەگەن+ پەرىشتەمەن+ جانە اتا-بابالارىمىزبەن بىرگە ٴجۇرىپ، سىزدەرگە قۇدايدىڭ ٴتىرى دە قاسيەتتى سوزدەرىن جەتكىزگەن كىسى دە وسى مۇسا ەدى+. 39 الايدا اتا-بابالارىمىز وعان باعىنۋدان باس تارتتى+. ولار ونى كەرەك ەتپەي، جۇرەكتەرىندە مىسىرعا قايتۋدى اڭساپ+، 40 حارونعا: —ٴبىزدى باستاپ جۇرەتىن قۇدايلار جاساپ بەر. ويتكەنى ٴبىزدى مىسىردان الىپ شىققان اناۋ مۇسامەن نە بولعانىن بىلمەيمىز+،— دەدى. 41 سودان ولار بۇزاۋ ٴمۇسىنىن جاساپ، وعان قۇرباندىق اكەلدى، ٶز قولدارىنان شىققان مۇسىنگە ارناپ توي جاسادى+. 42 ال قۇداي ولاردان تەرىس اينالىپ، اسپان دەنەلەرىنە تابىنۋلارىنا جول بەردى+. بۇل تۋرالى پايعامبارلار جازبالارىندا: —ۋا، يسرايل ٷيى، ٴشول دالادا 40 جىل بويى ۇسىنعان ٴتۇرلى قۇرباندىقتارىڭدى ماعان ارنامادىڭدار، سولاي ەمەس پە؟ 43 سەندەر تابىنۋ ٷشىن جاساپ العان مۇسىندەرىڭدى — مولوحتىڭ*+ شاتىرىن جانە رەمفان قۇدايىنىڭ جۇلدىز بەينەسىن — وزدەرىڭمەن بىرگە الىپ جۇردىڭدەر. سول ٷشىن مەن سەندەردى بابىلدان ارى جەر اۋدارتىپ جىبەرەمىن+،— دەلىنگەن.
44 ٴشول دالادا جۇرگەن اتا-بابالارىمىزدىڭ كۋالىك شاتىرى بولدى. مۇسا بۇل شاتىردى كورگەن ۇلگىسى بويىنشا، قۇداي ونىمەن سويلەسكەندە قالاي بۇيىرسا، ٴدال سولاي جاسادى+. 45 كەيىنگى بابالارىمىز ونى مۇرا ەتىپ، ەشۋامەن بىرگە وزگە حالىقتار مەكەندەگەن جەرگە الىپ باردى+. قۇداي بۇل حالىقتاردى اتا-بابالارىمىز ٷشىن سول جەردەن قۋعان ەدى+. شاتىر ٴداۋىتتىڭ كۇندەرىنە دەيىن سول جەردە قالا بەردى. 46 قۇدايدىڭ ىقىلاسىنا بولەنگەن ٴداۋىت جاقىپتىڭ قۇدايىنا ارناپ ٷي تۇرعىزۋ مارتەبەسىن بەرۋدى سۇرادى+. 47 الايدا بۇل ٷيدى سۇلەيمەن تۇرعىزدى+. 48 ٴبىراق اللا تاعالا ادام قولىمەن سوعىلعان ۇيلەردە تۇرمايدى+، بۇل جايىندا ٴبىر پايعامبار بىلاي دەگەن ەدى: 49 —كوك — مەنىڭ تاعىم+، ال جەر — تابان تىرەنىشىم+. سوندا ماعان قانداي ٷي تۇرعىزباقسىڭدار؟ مەنىڭ تۇراعىم قايدا بولماق؟ 50 ٴبارى دە مەنىڭ قولىممەن جاراتىلدى ەمەس پە؟— دەيدى ەحوبا+.
51 جۇرەكتەرى مەن قۇلاقتارى جابىق* قىڭىر ادامدار، سىزدەر ۇنەمى كيەلى رۋحقا قارسى شىعىپ، اتا-بابالارىڭىزدىڭ ىستەگەنىن ىستەپ جۇرسىزدەر+. 52 اتا-بابالارىڭىز قاي پايعامباردى قۋدالامادى+؟ ولار ٵدىل ادامنىڭ كەلەتىنىن جاريالاعانداردى ٶلتىردى+. وسى ٵدىل ادامعا سىزدەر وپاسىزدىق جاساپ، قانىن توكتىڭىزدەر+. 53 سىزدەرگە پەرىشتەلەر ارقىلى زاڭ* بەرىلدى+، ٴبىراق ونى ۇستانبادىڭىزدار».
54 مۇنى ەستىگەندە ولاردى اشۋ كەرنەپ، ستەپانعا تىستەرىن قايرادى. 55 ٴبىراق كيەلى رۋحقا كەنەلگەن ستەپان كوككە كوز تىگىپ، قۇدايدىڭ سالتاناتى مەن ونىڭ وڭ جاعىندا تۇرعان يسانى كوردى دە+: 56 «مىنە، مەن كوكتىڭ اشىلعانىن جانە قۇدايدىڭ وڭ جاعىندا تۇرعان+ ادام ۇلىن كورىپ تۇرمىن+!»— دەدى. 57 سوندا ولار قاتتى ايقايلاپ، قۇلاقتارىن جاۋىپ، بارلىعى سوعان قاراي اتىلدى. 58 ونى قالا سىرتىنا سۇيرەپ اپارىپ، تاس لاقتىرا باستادى+. كۋاگەرلەر+ جامىلعىلارىن ساۋل+ ەسىمدى جاس جىگىتتىڭ الدىنا تاستادى. 59 ولار تاس لاقتىرىپ جاتقاندا، ستەپان: «يەم يسا، ٶمىرىمدى* ٶز قولىڭا تابىستادىم»،— دەپ سيىندى. 60 سوسىن تىزەرلەپ تۇرىپ، قاتتى داۋىسپەن: «ەحوبا، ولاردى بۇل كۇنالارى ٷشىن جاۋاپقا تارتا كورمە+!»— دەدى دە، ٶلىم ۇيقىسىنا كەتتى.