مۇسانىڭ 1-جازباسى
49 كەيىنىرەك جاقىپ ۇلدارىن شاقىرىپ، بىلاي دەدى: «ٴبارىڭ قاسىما جينالىڭدار، سەندەرمەن سوڭعى كۇندەرى نە بولاتىنىن ايتىپ بەرەيىن. 2 جاقىپتىڭ ۇلدارى، باس قوسىڭدار دا، تىڭداڭدار. اكەلەرىڭ يسرايلدىڭ سوزىنە قۇلاق سالىڭدار.
3 رۋبەن+، سەن مەنىڭ تۇڭعىشىمسىڭ+، مەنىڭ كۇش-جىگەرىمسىڭ، بەل قۋاتىمنىڭ باستاماسىسىڭ. مارتەبەڭ بيىك، بيلىگىڭ اسقاق ەدى. 4 ٴبىراق سەن اسقاقتاما، ويتكەنى باسسىزدىعىڭ بۋىرقانعان سۋداي تاسىپ، اكەڭنىڭ جاتقان ورنىن اياقاستى ەتتىڭ+. سەن توسەگىمدى بىلعادىڭ. ول مەنىڭ توسەگىمە شىقتى!
5 شيمون مەن لەۋى ەكەۋى اعايىندى+. ولاردىڭ سەمسەرى — زورلىق-زومبىلىقتىڭ قۇرالى+. 6 ۋا، جانىم، ولارعا جاقىنداما. ۋا، ابىرويىم*، ولاردىڭ توبىنا قوسىلما. ويتكەنى اشۋ ۇستىندە ولار كىسى ٶلتىردى+، قىزىق ٷشىن بۇقانىڭ ٴسىڭىرىن كەستى. 7 قارعىس اتسىن ولاردىڭ جۇگەنسىز اشۋىن، لاعىنەت اتسىن ولاردىڭ قاتىگەز قاھارىن+. مەن ولاردى جاقىپتىڭ جەرىنە بىتىراتامىن، يسرايلدىڭ اراسىنا شاشىراتامىن+.
8 ياھۋدا+، باۋىرلارىڭ سەنى ماداقتايدى+. قولىڭ جاۋلارىڭنىڭ جەلكەسىنەن تۇسپەيدى+. اكەڭنىڭ ۇلدارى الدىڭا كەلىپ تاعزىم ەتەدى+. 9 ياھۋدا — ارىستاننىڭ كۇشىگى+. ۇلىم، سەن جەمتىگىڭدى جەپ، ورنىڭنان تۇراسىڭ. ول ارىستانداي جەرگە جاتىپ، كەرىلىپ-سوزىلادى. ونى مازالاۋعا كىمنىڭ ٴداتى بارادى؟ 10 حالىقتار مويىنسۇناتىن+ شيلو* كەلمەيىنشە+، ياھۋدانىڭ قولىنان پاتشا اساتاياعى*+، تىزەسىنىڭ اراسىنان باسقارۋشىنىڭ اساتاياعى* الىنبايدى. 11 ەسەگىن ٴجۇزىم بۇتاسىنا، تايقارىن ەڭ جاقسى ٴجۇزىم بۇتاسىنا بايلاپ، كيىمىن شاراپقا، جامىلعىسىن ٴجۇزىم شىرىنىنا جۋادى. 12 شاراپ ىشكەننەن ونىڭ كوزدەرى قىپ-قىزىل، ٴسۇت ىشكەننەن تىستەرى اپپاق.
13 زابۋلون+ تەڭىز جاعاسىندا، كەمەلەر زاكىر تاستايتىن جاعالاۋدا مەكەندەيتىن بولادى+. ال قيىرداعى شەگاراسى سيدونعا قاراي سوزىلماق+.
14 يساحار+ ەكى قورجىننىڭ ورتاسىندا جاتقان سۇيەگى مىقتى ەسەككە ۇقسايدى. 15 ول تۇراتىن مەكەنىنىڭ جايلى، جەرىنىڭ شۇرايلى ەكەنىن كورەدى. جۇك ارتۋعا يىعىن توسىپ، اۋىر جۇمىسقا كونەتىن بولادى.
16 دان+، يسرايلدىڭ ٴبىر رۋى، بۇكىل حالقىنا سوت جۇرگىزەدى+. 17 دان جول بويىندا جاتقان جىلانعا، جول جيەگىندەگى ٴمۇيىزدى جىلانعا ۇقساسىن. ول اتتى اياعىنان شاعىپ، سالت اتتىنى شالقاسىنان قۇلاتادى+. 18 ۋا، ەحوبا، مەن سەنىڭ قۇتقاراتىن ۋاقىتىڭدى كۇتەمىن.
19 عادقا+ توناۋشىلار توبى شابۋىل جاسايدى، ٴبىراق ول جاۋىن وكشەلەپ قۋاتىن بولادى+.
20 ٵشيردىڭ+ نانى مول بولىپ، پاتشالار جەۋگە لايىقتى تاعامدارمەن قامتاماسىز ەتەدى+.
21 نافتاليم+ سىمباتتى دا جۇيرىك مارالداي. ونىڭ اۋزىنان ادەمى سوزدەر شىعادى+.
22 ٴجۇسىپ+ — جەمىستى اعاشتىڭ وركەنى. ول — بۇلاق باسىندا ٶسىپ، بۇتالارى دۋالدان اسىپ تۇرعان اعاشتىڭ وركەنى. 23 ٴبىراق ساداقشىلار ىزالانىپ، وعان وق اتىپ، ٴتىس قايرادى+. 24 الايدا ونىڭ ساداعى ۇنەمى كەرۋلى تۇردى+، قولدارى كۇشتى ٵرى ەپتى بولدى+. يسرايلدىڭ باعۋشىسى ٵرى سۇيەنىش تاسى — جاقىپتىڭ قۇدىرەتتى قۇدايىنىڭ بەرگەن سيى. 25 ونى* اكەسى سيىنعان قۇداي بەردى. قۇداي ساعان كومەكتەسەدى. قۇدىرەتى شەكسىز قۇداي ساعان جار بولادى. ول ساعان كوكتەن باتا جاۋدىرادى، جەراستى سۋلارىن مولىنان اعىزادى+. بالا-شاعاڭ مەن وتار-تابىنىڭ اسا كوپ بولادى. 26 اكەڭنىڭ باتالارى ماڭگى تۇرعان تاۋلاردىڭ باتالارىنان دا، عاسىرلار بويى تۇرعان قىر-توبەلەردىڭ سۇلۋلىعىنان دا اسىپ تۇسەدى+. بۇل باتالار باۋىرلارىنىڭ اراسىنان تاڭداپ الىنعان ٴجۇسىپتىڭ باسىنا قونا بەرمەك+.
27 بەنيامين+ قاسقىر سياقتى جەمتىگىن پارشالايدى+. تاڭەرتەڭ ول اۋلاعان اڭىن جەيدى، كەشكىسىن ولجاسىن بولىسەدى+».
28 بۇل — يسرايلدىڭ ون ەكى رۋى تاراعان ۇلدارىنا اكەلەرىنىڭ بەرگەن باتاسى. ول ٵر ۇلىنا ٴتيىستى باتاسىن بەردى+.
29 سودان كەيىن اكەسى ۇلدارىنا بىلاي دەپ اماناتىن ايتتى: «مەن اتا-بابالارىما قوسىلعالى* جاتىرمىن+. سۇيەگىمدى حەتتىك ەفروننىڭ جەرىندەگى ۇڭگىرگە+، اكەلەرىمنىڭ قاسىنا، قويىڭدار. 30 قاناحان جەرىندەگى مامرەنىڭ تۇسىنداعى ماحپەلا تانابىنداعى سول ۇڭگىردى مەنشىكتى زيرات ەتۋ ٷشىن، ىبىرايىم حەتتىك ەفروننان ساتىپ العان. 31 ول جەردە ىبىرايىم مەن ايەلى سارانىڭ، ىسقاق پەن ايەلى رابيعانىڭ سۇيەگى جاتىر+. مەن ليانى دا سول قابىرگە قويعانمىن. 32 سول تاناپ ۇڭگىرىمەن قوسا حەت ۇلدارىنان+ ساتىپ الىنعان».
33 وسىلاي جاقىپ ۇلدارىنا اماناتىن ايتىپ بولدى. سوسىن اياعىن سوزىپ توسەگىنە جاتتى دا، سوڭعى دەمىن شىعارىپ، اتا-بابالارىنا قوسىلدى+.