پاتشالار 1-جازبا
4 سۇلەيمەن پاتشا كۇللى يسرايل ەلىنە بيلىك قۇردى+. 2 ونىڭ قاراماعىنداعى لاۋازىمدى قىزمەتكەرلەرى مىنالار بولدى: سادىق+ ۇلى ازارياح — ٴدىني قىزمەتكەر، 3 شيشانىڭ ۇلدارى ەليحورەپ پەن احيا — حاتشى+، احيلۋد ۇلى جوسافات — شەجىرەشى+، 4 ەحوداي ۇلى بەناياح+ — قولباسشى، سادىق پەن ٵبياتار+ — ٴدىني قىزمەتكەر، 5 ناتان+ ۇلى ازارياح — ايماق اكىمدەرىنىڭ باسى، ناتان ۇلى زابۋد — ٴدىني قىزمەتكەر ٵرى پاتشانىڭ دوسى+، 6 احيشار — ٷي باسقارۋشى، ابدا ۇلى ادونيرام+ — باسىبايلى قىزمەتشىلەردىڭ+ قاراۋشىسى.
7 سۇلەيمەننىڭ بۇكىل يسرايلدىڭ ۇستىنەن قارايتىن 12 ايماق اكىمى بولدى. ولار پاتشا مەن ونىڭ ٷي ٸشىنىڭ اس-سۋمەن قامتاماسىز ەتىلۋىنە جاۋاپتى ەدى. اكىمدەر سول مىندەتتەرىن كەزەكپەن جىلىنا ٴبىر اي بويى اتقاراتىن+. 8 ولاردىڭ اتى-جوندەرى كەلەسىدەي: ەفرەم تاۋلى ٶڭىرىنىڭ اكىمى — حۇر ۇلى؛ 9 ماقاس، شاعالبيم+، بەت-شاميش پەن ەلون-بەت-حانان اكىمى — دەكەر ۇلى؛ 10 ارۋبوت اكىمى — حەسەد ۇلى (سوقوت پەن بۇكىل حەفەر جەرى سونىڭ قاراماعىندا ەدى.)؛ 11 دوردىڭ جوتالى ايماعىنىڭ اكىمى — ٵبيناداپ ۇلى (ول سۇلەيمەننىڭ قىزى تافاتقا ۇيلەنگەن ەدى.)؛ 12 تاناق پەن مەگيددونىڭ+ جانە سارەتان ماڭىندا، ەزرەحەلدەن تومەندە جاتقان كۇللى بەت-شەعان ايماعىنىڭ+، سونداي-اق بەت-شەعاننان ابەل-مەحولا مەن ەكموعام ايماعىنا+ دەيىنگى جەردىڭ اكىمى — احيلۋد ۇلى باعان؛ 13 راموت-عالاقاتتىڭ+ اكىمى — گەبەر ۇلى (ونىڭ قاراماعىندا عالاقاتتاعى+ ماناسا ۇلى جايىردىڭ+ شاتىرلى اۋىلدارى جانە باشانداعى+ ارعوب ٶڭىرى+ دە بولدى. بۇل وڭىردە دۋالمەن قورشالىپ، مىس ىسىرما سالىنعان 60 ۇلكەن قالا بار ەدى.)؛ 14 ماحانايم+ اكىمى — يددو ۇلى احيناداب؛ 15 نافتاليم اكىمى — احيماعاس (ول سۇلەيمەننىڭ باسەمات دەگەن قىزىن الدى.)؛ 16 اشير جەرى مەن بەعالوتتىڭ اكىمى — حۋشاي ۇلى باعان؛ 17 يساحار جەرىنىڭ اكىمى — پارۋاح ۇلى جوسافات؛ 18 بەنيامين+ جەرىنىڭ اكىمى — ەلا ۇلى شيمەي+؛ 19 عالاقات+ جەرىنىڭ، ياعني امورلىقتاردىڭ پاتشاسى سيحون+ مەن باشان پاتشاسى وگ+ بيلىك ەتكەن جەردىڭ اكىمى — ۇري ۇلى گەبەر. اتى اتالعان ايماق اكىمدەرىنىڭ ۇستىنەن ٴبىر اكىم قويىلعان ەدى.
20 قۇم قيىرشىقتارىنداي كوپ ياھۋدا مەن يسرايل ەلى+ ٸشىپ-جەپ، قۋانىشپەن ٶمىر كەشىپ جاتتى+.
21 سۇلەيمەن بولسا ەۆفراتتان+ فىلىستىرلەر جەرى مەن مىسىردىڭ شەگاراسىنا دەيىنگى بارلىق پاتشالىقتارعا بيلىك جۇرگىزدى. ولار سۇلەيمەننىڭ كوزى تىرىسىندە وعان قىزمەت ەتىپ، سالىق تولەپ تۇردى+.
22 سۇلەيمەننىڭ سارايىندا كۇندەلىكتى جۇمسالاتىن ازىق-تۇلىك مولشەرى كەلەسىدەي ەدى: 30 كور* تاڭداۋلى ۇن، 60 كور وزگە ۇن؛ 23 بورداقىلانعان 10 جانە جايلاۋدان اكەلىنگەن 20 ٸرى قارا مال، 100 قوي، سونداي-اق بۇعى، كيىك، ەلىك، سەمىرتىلگەن كوكەكتەر. 24 سۇلەيمەن ەۆفراتتىڭ+ باتىس جاعىنداعى تيپساقتان گازاعا+ دەيىنگى ايماققا جانە ونداعى بارلىق پاتشالارعا بيلىك جۇرگىزدى. ونىڭ قاراماعىنداعى ايماقتاردىڭ بارىندە تىنىشتىق بولدى+. 25 سۇلەيمەننىڭ تۇسىندا داننان بەر-شەباعا دەيىنگى ياھۋدا مەن يسرايل ەلى قاۋىپسىز ٶمىر كەشىپ، ٵرقايسىسى ٶز جۇزىمدىگى مەن ٸنجىرىنىڭ استىندا وتىردى.
26 سۇلەيمەننىڭ اربالارعا جەگەتىن جىلقىسىنا ارنالعان 4000* ات قوراسى جانە 12000 جىلقىسى* بار ەدى+.
27 ايماق اكىمدەرى سۇلەيمەن پاتشا مەن ونىڭ داستارقانىنان ٸشىپ-جەيتىندەردىڭ ٴبارىن ازىق-تۇلىكپەن قامتاماسىز ەتەتىن. ولاردىڭ ٵرقايسىسى ٶز كەزەگىن اتقاراتىن ايدا قاجەتتىنىڭ ٴبارى جەتكىلىكتى بولۋىن قاداعالايتىن+. 28 سونداي-اق ٵرقايسىسى ٶز مىندەتىنە ساي، ارباعا جەگىلەتىن جانە باسقا دا اتتارعا ارناپ، قاجەت بولعان جەرلەرگە ارپا مەن سابان جەتكىزىپ تۇراتىن.
29 قۇداي سۇلەيمەنگە اسقان دانالىق پەن اقىل-پاراسات جانە تەڭىز جاعاسىنداعى قۇم قيىرشىقتارىنداي مول تۇسىنىككە تولى جۇرەك سيلادى+. 30 سۇلەيمەننىڭ دانالىعى بۇكىل شىعىس ەلدەرى مەن مىسىر دانىشپاندارىنىڭ دانالىعىنان اسىپ ٴتۇستى+. 31 ول بارلىق ادامداردان اقىلدى بولدى. ونىڭ دانالىعى ەزاراحتىق ەتاننان+، ماحولدىڭ ۇلدارى حەمان+، قالحول+ جانە داردادان دا ارتىق بولىپ، اتاعى اينالاداعى بارلىق حالىقتارعا تارادى+. 32 سۇلەيمەن 3000 ناقىل ٴسوز قۇراستىردى+، 1005 ولەڭ جازدى+. 33 ول ليۆانداعى قاراعايلار سياقتى الىپ اعاشتار جونىندە عانا ەمەس، دۋالدان ٶسىپ شىعاتىن سايساعىز+ سياقتى كىشكەنتاي وسىمدىكتەر تۋرالى دا، سونداي-اق اڭدار+، قۇستار+، باۋىرىمەن جورعالاۋشىلار*+ جانە بالىقتار جايىندا ٴتالىم بەرەتىن. 34 سۇلەيمەننىڭ دانالىعىن تىڭداۋعا بارلىق ۇلت وكىلدەرى كەلەتىن. ونىڭ دانالىعى تۋرالى ەستىگەن پاتشالار دا شارتاراپتان كەلىپ جاتاتىن+.