مۇسانىڭ 2-جازباسى
20 كەيىن قۇداي مىنا سوزدەردى ايتتى+:
2 «مەن سەنى مىسىر ەلىنەن، قۇلدىقتىڭ ۇيىنەن، الىپ شىققان ەحوبا قۇدايىڭمىن+. 3 مەنەن باسقا قۇدايلارىڭ بولماسىن+.
4 اسپانداعى، جەردەگى نە سۋداعى ەش نارسەنىڭ قاشالعان ٴمۇسىنىن نە بەينەسىن جاساما+. 5 ولارعا باس ٴيىپ تابىنبا، قۇلشىلىق تا ەتپە+. ويتكەنى مەن، ەحوبا قۇدايىڭ، وزىمە قالتقىسىز بەرىلۋدى تالاپ ەتەتىن* قۇدايمىن+. مەنى جەك كورەتىندەردىڭ كۇنالارىنىڭ سالدارىن ۇلدارىنا، نەمەرەلەرى مەن شوبەرەلەرىنە دەيىن تارتقىزامىن. 6 ال مەنى جاقسى كورىپ، زاڭدارىمدى ورىندايتىندارعا+ مىڭىنشى ۇرپاعىنا دەيىن اينىماس سۇيىسپەنشىلىك تانىتامىن.
7 ەحوبا قۇدايىڭنىڭ ەسىمىن ورىنسىز اۋزىڭا الما+. ەحوبا ٶز اتىن ورىنسىز قولداناتىن ادامدى جازاسىز قالدىرمايدى+.
8 دەمالىس كۇنىن ۇستانۋدى ۇمىتپاي، ونى كيەلى تۇت+. 9 التى كۇن ەڭبەكتەنىپ، بارلىق جۇمىسىڭدى جاسا+. 10 ال جەتىنشى كۇن — ەحوبا قۇدايىڭا باعىشتالعان دەمالىس كۇنى. سول كۇنى ٶزىڭ دە، ۇل-قىزىڭ دا، قۇل-كۇڭىڭ دە، مالىڭ دا، تۇراتىن جەرىڭدەگى جاتجەرلىك تە ەشقانداي جۇمىس ىستەمەسىن+. 11 ەحوبا التى كۇننىڭ ىشىندە اسپان مەن جەردى، تەڭىز بەن ونداعىنىڭ ٴبارىن جاراتىپ، جەتىنشى كۇنى دەمالدى+. سوندىقتان دا ەحوبا دەمالىس كۇنىنە باتاسىن بەرىپ، ونى قاسيەتتى دەپ جاريالادى.
12 اكە-شەشەڭدى قۇرمەتتە+. سوندا ەحوبا قۇدايىڭ ساعان بەرەتىن جەردە ۇزاق عۇمىر كەشەسىڭ+.
13 كىسى ولتىرمە+.
14 نەكە ادالدىعىن بۇزبا+.
15 ۇرلىق جاساما+.
16 بىرەۋ جايلى جالعان كۋالىك بەرمە+.
17 بىرەۋدىڭ ٷيىن قالاما. ونىڭ ايەلىن، قۇلىن، كۇڭىن، وگىز-ەسەگىن ياكي باسقا دا نارسەسىن قالاۋشى بولما+».
18 ال كۇللى حالىق كۇننىڭ كۇركىرى مەن كەرنەي ٷنىن ەستىپ، نايزاعايدىڭ ويناعانىن جانە تاۋدان ٴتۇتىن شىعىپ جاتقانىن كورگەندە، قورىققاننان دىرىلدەپ الىستا تۇرا بەردى+. 19 ولار مۇساعا: «بىزبەن ٶزىڭ سويلەس، سەنى تىڭدايمىز. بىزبەن قۇداي سويلەسپەسىنشى، ايتپەسە ٶلىپ كەتەمىز»+،— دەدى. 20 سوندا مۇسا حالىققا بىلاي دەدى: «قورىقپاڭدار، قۇداي سەندەردى سىناۋ ٷشىن+ جانە ٵردايىم وزىنەن قورقىپ، كۇنا جاساماۋلارىڭ ٷشىن كەلدى+». 21 حالىق الىستاۋ جەردە تۇرا بەردى. مۇسا بولسا قۇداي تۇرعان جەرگە، قالىڭ بۇلتقا، جاقىنداپ باردى+.
22 ەحوبا مۇساعا بىلاي دەدى: «يسرايلدىكتەرگە مىنانى ايت: —سەندەرگە كوكتەن ٴتىل قاتقانىمدى+ وزدەرىڭ كورىپ-ەستىدىڭدەر. 23 التىننان نە كۇمىستەن وزدەرىڭە ٴتاڭىر جاساماڭدار، ويتكەنى مەنەن باسقا قۇدايلارىڭ بولماۋ كەرەك+. 24 ماعان ارناپ توپىراقتان قۇرباندىق ورنىن جاساپ، ونىڭ ۇستىندە ٸرىلى-ۇساقتى مالىڭنان ماعان ورتەلەتىن قۇرباندىق پەن تاتۋلىق قۇرباندىعىن* ۇسىنىڭدار. اتىم ەسكە الىنۋ ٷشىن تاڭداپ العان كەز كەلگەن ورىنعا كەلىپ+، سەندەرگە باتامدى بەرەمىن. 25 قۇرباندىق ورنىن تاستان سوقساڭدار، تاستارى قاشالماسىن+. ويتكەنى قاشاۋدى قولدانساڭدار، ونى ارامدايسىڭدار. 26 سونداي-اق ادامنىڭ جالاڭاش بۇتى كورىنىپ قالماس ٷشىن، قۇرباندىق ورنىنا باسپالداق جاساماڭدار.