ٴزابۇر
2 نەگە حالىقتار تولقىپ جاتىر؟
نەگە جۇرت كۇبىرلەسىپ*، ىسكە اسپايتىن جوسپار قۇرىپ جاتىر+؟
3 ولار: «بىزگە سالعان بۇعاۋلارىن بۇزىپ،
ارقاندارىن لاقتىرىپ تاستايىق!»— دەيدى.
4 بۇعان كوكتەگى تاعىندا وتىرعان قۇداي كۇلەدى،
ٴيا، ەحوبا ولاردى مازاق ەتەدى.
5 ول اشۋلانا سويلەيدى،
قاھارى لاۋلاپ زارەلەرىن ۇشىرا بىلاي دەيدى:
6 «كيەلى تاۋىم سيوندا+
مەن ٶز پاتشامدى تاعايىندادىم+!»
7 سەندەرگە ەحوبانىڭ جارلىعىن ايتايىن،
ول ماعان بىلاي دەدى: «سەن مەنىڭ ۇلىمسىڭ+،
بۇگىن مەن ساعان اكە بولدىم+.
8 مەنەن سۇرا، سوندا يەلىگىڭە حالىقتاردى بەرەمىن،
بۇكىل جەردى قولىڭا تاپسىرامىن+.
10 ەندەشە، پاتشالار، اقىلعا كەلىڭدەر،
جەرجۇزىندەگى بيلەر، تۇزەتۋدى قابىلداڭدار.
11 ەحوبادان قورقىپ، وعان قىزمەت ەتىڭدەر،
ونى قاستەرلەڭدەر، قۋانىڭدار.
12 ۇلىنا قۇرمەت كورسەتىڭدەر*+،
ايتپەسە قۇداي قاھارىنا مىنەدى دە،
سەندەر قۇرىپ جوق بولاسىڭدار+.
سەبەبى ونىڭ اشۋى لەزدە لاپ ەتە قالادى،
ال قۇدايدى پانالايتىن اركىم باقىتتى بولادى.