مۇسانىڭ 1-جازباسى
6 ادامدار جەر بەتىندە كوبەيە باستادى، ولاردان قىزدار دا تۋىلدى. 2 پەرىشتەلەر*+ ادام قىزدارىنىڭ سۇلۋ ەكەنىن كورىپ، تاڭداعاندارىن ايەلدىككە الا بەردى. 3 سوندا ەحوبا بىلاي دەدى: «مەنىڭ رۋحىم ادام بالاسىنا ماڭگى توزە بەرمەيدى+، ول — نەبارى پەندە*. سوندىقتان ونىڭ عۇمىرى 120 جىل بولادى»+.
4 سول كەزدە دە، سودان كەيىن دە الىپتار* جەردە ٶمىر ٴسۇردى. پەرىشتەلەر ادام قىزدارىمەن جاقىنداسىپ، ولاردان سول الىپتار تۋىلدى. قارا كۇشتىڭ يەسى بولعان بۇلار ەجەلدە اتى شىققان ادامدار ەدى.
5 ەحوبا ادام بالاسىنىڭ جەر بەتىندە جاساعان زۇلىمدىعى وراسان زور ەكەنىن جانە ولاردىڭ ەسىل-دەرتى جاماندىق ىستەۋ ەكەنىن كوردى+. 6 سوندا ەحوبا ٶزى جاراتقان ادامدارعا قاراپ قىنجىلىپ، جۇرەگى اۋىردى+. 7 سوندىقتان ەحوبا: «مەن جەر بەتىنەن ٶزىم جاراتقان ادامداردى، ولارمەن قوسا مالداردى، باۋىرىمەن جورعالاۋشىلار مەن اسپانداعى قاناتتىلاردى قۇرتامىن. ويتكەنى ٶزىم جاراتقان ادامدارعا قاراپ قاتتى قىنجىلامىن»،— دەدى. 8 ال نۇحقا ەحوبا ىقىلاسىن ٴتۇسىردى.
9 نۇح جونىندە:
نۇح ٵدىل* كىسى ەدى+. ول زامانداستارىنىڭ اراسىندا ٴمىنسىز بولىپ، قۇداي جولىمەن* ٴجۇردى+. 10 نۇحتىڭ شام، حام، ٴياپشى دەگەن ٷش ۇلى بولدى+. 11 قۇدايدىڭ كوز الدىندا دۇنيە بۇزىلعان ٵرى زۇلىمدىققا تولى ەدى. 12 ٴيا، قۇداي دۇنيەنىڭ ابدەن بۇلىنگەنىن كوردى+. سەبەبى جەر بەتىندەگى پەندە اتاۋلى ازعىن جولعا تۇسكەن بولاتىن+.
13 سوندا قۇداي نۇحقا مىنانى ايتتى: «مەن بۇكىل تىرشىلىك اتاۋلىنى جويۋدى ۇيعاردىم، ويتكەنى ادامداردىڭ كەسىرىنەن جەر بەتى زۇلىمدىققا تولدى. سوندىقتان ولاردى قۇرتىپ، جەردى تىپ-تيپىل ەتەمىن+. 14 سەن شايىرلى اعاشتان* كەمە* سوق+. ونىڭ ىشىنە بولمەلەر جاساپ، ٸشى-سىرتىن قارامايمەن* سىلا+. 15 ونى بىلاي جاسا: ۇزىندىعى 300، ەنى 50، بيىكتىگى 30 شىنتاق* بولسىن. 16 ال ىشىنە جارىق ٴتۇسىپ تۇرۋ ٷشىن، شاتىردىڭ استىنان بيىكتىگى ٴبىر شىنتاق ەتىپ تەرەزە* جاسا. ەسىگىن بۇيىرىنەن شىعار+، سونداي-اق كەمەنىڭ تومەنگى، ورتاڭعى جانە جوعارعى قاباتى بولسىن.
17 مەن جەر بەتىنە توپان سۋ قاپتاتىپ+، اسپان استىنداعى كەۋدەسىندە دەمى* باردىڭ ٴبارىن قۇرتامىن. جەر بەتىندەگىنىڭ ٴبارى جويىلادى+. 18 ال سەنىمەن كەلىسىم جاساسامىن. ٶزىڭ، ۇلدارىڭ، ايەلىڭ مەن كەلىندەرىڭ كەمەگە كىرەسىڭدەر+. 19 جان-جانۋارلار+ امان قالۋ ٷشىن، ٴارقايسىسىنان ەكى-ەكىدەن وزىڭمەن بىرگە كەمەگە الىپ كىر. ولاردىڭ بىرەۋى ەركەك، بىرەۋى ۇرعاشى بولسىن+. 20 تىرشىلىگىن جالعاستىرۋ ٷشىن قاناتتىلاردىڭ، ٷي جانۋارلارى مەن باۋىرىمەن جورعالاۋشىلاردىڭ ٵر تۇرىنەن قوس-قوستان ىشكە كىرگىز+. 21 سونىمەن قاتار وزىڭە جانە جان-جانۋارلارعا ارناپ جەۋگە جارامدى ٴتۇرلى ازىقتان+ قور جيناپ ال».
22 نۇح ٴبارىن قۇدايدىڭ بۇيىرعانى بويىنشا جاسادى. قۇداي قالاي ايتسا، ٴدال سولاي ىستەدى+.