ايان
7 بۇدان كەيىن مەن جەردىڭ ٴتورت بۇرىشىندا تۇرعان ٴتورت پەرىشتەنى كوردىم. ولار جەر بەتىنە، تەڭىزگە جانە ەشبىر اعاشقا جەل سوقپاس ٷشىن، جەردىڭ ٴتورت جەلىن مىقتاپ ۇستاپ تۇردى. 2 سودان كەيىن كۇنشىعىستان كوتەرىلىپ كەلە جاتقان جانە قولىندا ٴتىرى قۇدايدىڭ ٴمورى بار باسقا ٴبىر پەرىشتەنى كوردىم. ول جەر بەتى مەن تەڭىزدى ٴبۇلدىرۋ تاپسىرىلعان ٴتورت پەرىشتەگە قاتتى داۋىستاپ: 3 «ٴبىز قۇدايىمىزدىڭ قۇلدارىنىڭ ماڭدايىنا بەلگى سالىپ بولمايىنشا+، جەر بەتىنە دە، تەڭىز بەن اعاشتارعا دا زاقىم كەلتىرمەڭدەر»+،— دەدى.
4 سوسىن مەن بەلگى سالىنعانداردىڭ سانى 144000+ ەكەنىن ەستىدىم، ولار يسرايل ۇلدارىنىڭ ٵر رۋىنان شىققان ەكەن+:
5 ياھۋدا رۋىنان بەلگى سالىنعانداردىڭ سانى 12000،
رۋبەن رۋىنان 12000،
عاد رۋىنان 12000،
6 اشير رۋىنان 12000،
نافتاليم رۋىنان 12000،
ماناسا+ رۋىنان 12000،
7 شيمون رۋىنان 12000،
لەۋى رۋىنان 12000،
يساحار رۋىنان 12000،
8 زابۋلون رۋىنان 12000،
ٴجۇسىپ رۋىنان 12000،
بەنيامين رۋىنان 12000.
9 سودان سوڭ قارادىم دا، ٵربىر ۇلتتان، رۋدان، حالىقتان جانە تىلدەن شىققان+، ەشبىر ادام بالاسى ساناي المايتىنداي ۇلى جاماعاتتى كوردىم. ولار تاق پەن توقتىنىڭ الدىندا اق شاپان كيىپ+، قولدارىنا پالما بۇتاقتارىن ۇستاپ تۇر ەكەن+. 10 ولار قاتتى داۋىستاپ: «قۇتقارىلعانىمىز ٷشىن ٴبىز تاقتا وتىرعان قۇدايىمىز+ بەن توقتىعا بورىشتىمىز+»،— دەپ جاتتى.
11 پەرىشتەلەردىڭ ٴبارى تاقتى، اقساقالدار+ مەن ٴتورت تىرشىلىك يەسىن اينالدىرا تۇردى. ولار تاقتىڭ الدىندا تىزە بۇگىپ، قۇدايعا تاعزىم ەتىپ: 12 «اۋمين! ماداق، داڭق، دانالىق، ريزاشىلىق، قۇرمەت، قۇدىرەت پەن كۇش ماڭگىلىك بويى قۇدايىمىزعا تيەسىلى بولسىن+! اۋمين»،— دەدى.
13 سوندا اقساقالداردىڭ ٴبىرى مەنەن: «اق شاپان كيگەن+ مىنا ادامدار كىمدەر، ولار قايدان كەلدى؟»— دەپ سۇرادى. 14 مەن بىردەن: «مىرزام، مۇنى ٶزىڭىز بىلەسىز»،— دەپ جاۋاپ بەردىم. ول ماعان بىلاي دەدى: «بۇلار زور الاپاتتان*+ وتكەندەر. ولار شاپاندارىن توقتىنىڭ قانىنا جۋىپ اعارتتى+. 15 سوندىقتان قۇداي تاعىنىڭ الدىندا تۇرىپ، ونىڭ عيباداتحاناسىندا كۇنى-ٴتۇنى قاسيەتتى قىزمەت اتقارۋدا. تاقتا وتىرعان+ ولاردىڭ ۇستىنەن ٶز شاتىرىن تىگەدى+. 16 بۇدان بىلاي ولار اشىقپايدى دا، شولدەمەيدى دە، ولاردى كۇن دە، ەشقانداي اپتاپ ىستىق تا كۇيدىرمەيدى+. 17 سەبەبى تاقتىڭ قاسىنداعى توقتى+ ولاردىڭ باعۋشىسى بولىپ+، ٶمىر سۋىنىڭ بۇلاقتارىنا جەتەلەيدى+. قۇداي ولاردىڭ ٵربىر كوز جاسىن ٴسۇرتىپ تاستايدى+».