ەزەكيەل
43 بۇدان كەيىن ول مەنى شىعىسقا قاراپ تۇرعان قاقپا عيماراتىنا ەرتىپ اكەلدى+. 2 سول جەردە مەن شىعىس جاقتان كەلە جاتقان يسرايل قۇدايىنىڭ سالتاناتىن+ كوردىم. ونىڭ داۋسى سارقىراپ اققان سۋدىڭ گۇرىلىندەي ەكەن+. اينالا ونىڭ سالتاناتىنان جارقىراپ كەتتى+. 3 بۇل ايان مەن* قالانى قيراتۋعا كەلگەندە جانە كەبار وزەنىنىڭ بويىندا بولعانىمدا كورگەن اياندارعا ۇقسايتىن+. سوندا مەن ەتپەتىمنەن جىعىلا كەتتىم.
4 ەحوبانىڭ سالتاناتى شىعىس قاقپا عيماراتى ارقىلى عيباداتحاناعا كىردى+. 5 رۋح مەنى كوتەرىپ الىپ، ىشكى اۋلاعا اكەلدى. قاراسام، عيباداتحانا ەحوبانىڭ نۇرلى سالتاناتىنا كەنەلىپتى+. 6 سوسىن عيباداتحانادان بىرەۋدىڭ ماعان سويلەگەن داۋسىن ەستىدىم، سوندا ٴبىر كىسى جانىما كەلىپ تۇردى+. 7 قۇداي ماعان بىلاي دەدى: «ادام ۇلى، بۇل جەر — مەنىڭ ماڭگى باقي يسرايل حالقىنىڭ اراسىندا تۇرىپ+، تاعىمدى+ ورناتاتىن جانە تابانىمدى تىرەيتىن جەر+. يسرايل ٷيى ەندى قايتىپ مەنىڭ كيەلى ەسىمىمدى وزدەرى دە، پاتشالارى دا ازعىندىق جاساۋلارىمەن* ٵرى پاتشالارىنىڭ ولەكسەلەرىمەن* قورلامايتىن بولادى+. 8 ولار پاتشالارىنىڭ ولەكسەلەرىنىڭ بوساعاسى مەن تابالدىرىعىن مەنىڭ ٷيىمنىڭ بوساعاسى مەن تابالدىرىعىنىڭ جانىنا سالدى. ٴبىزدىڭ ارامىزدى جالعىز قابىرعا ٴبولىپ تۇردى+، وسىلاي جەركەنىشتى قىلىقتارىمەن مەنىڭ كيەلى ەسىمىمدى قورلادى. سوندىقتان مەن قاھارلانىپ، ولاردى قۇرتىپ جىبەردىم+. 9 ەندى ازعىندىقتارى مەن پاتشالارىنىڭ ولەكسەلەرىن مەنەن اۋلاق اكەتسىن، سوندا ماڭگى باقي ارالارىندا تۇراتىن بولامىن+.
10 ال سەن، ادام ۇلى، يسرايل ۇيىنە عيباداتحانانى سيپاتتاپ بەر+. وسىلايشا ولار جاساعان كۇنالارى ٷشىن ۇيالسىن+، ٵرى عيباداتحانانىڭ سىزبانۇسقاسىن زەرتتەسىن. 11 ەگەر ىستەگەن قىلىقتارىنا ۇيالاتىن بولسا، ولارعا عيباداتحانانىڭ بۇكىل جوباسىن، ونىڭ نوبايىن، شىعاتىن جانە كىرەتىن جەرلەرىن كورسەت+. وسى جوبانى، ونىڭ زاڭدارى مەن جارلىقتارىن كورسەت. بۇكىل جوباعا دەن قويىپ، جارلىقتارىن ۇستانۋلارى ٷشىن+ بارلىعىن كوزدەرىنشە بەينەلەپ بەر. 12 عيباداتحاناعا قاتىستى زاڭ مىناۋ — تاۋ باسىنىڭ اينالاسى ەڭ قاسيەتتى جەر بولسىن+. عيباداتحاناعا قاتىستى زاڭ — وسى.
13 قۇرباندىق وشاعىنىڭ ولشەمدەرى شىنتاقپەن+ (ٵربىر شىنتاقتىڭ ۇزىندىعى ٴبىر شىنتاق ٴتورت ەلىگە تەڭ بولاتىن*) ولشەگەندە مىناداي: ٴتۇبىنىڭ بيىكتىگى مەن ەنى ٴبىر شىنتاقتان، ال ەرنەۋىندەگى ناۋا سياقتى جاسالعان جەرىنىڭ ەنى ٴبىر قارىس*. قۇرباندىق وشاعىنىڭ ٴتۇبى وسىنداي. 14 وشاقتىڭ ٴتۇبىنىڭ ۇستىندە بيىكتىگى ەكى شىنتاق تاعى ٴبىر بولىك بار. بۇل بولىك ۇستىڭگى بولىكتەن سىرتقا قاراي ٴبىر شىنتاق شىعىپ تۇر. ال ٷشىنشى بولىكتىڭ بيىكتىگى ٴتورت شىنتاق. ول دا ۇستىندەگىسىنەن ٴبىر شىنتاق شىعىپ تۇر. 15 قۇرباندىق وشاعىنىڭ مال ورتەيتىن بولىگىنىڭ بيىكتىگى ٴتورت شىنتاق؛ ونىڭ شوشايىپ تۇراتىن ٴتورت ٴمۇيىزى بار+. 16 مال ورتەيتىن بولىگىنىڭ ٴپىشىنى ٴتورتبۇرىشتى، ۇزىندىعى مەن ەنى 12 شىنتاقتان+. 17 ٷشىنشى بولىكتىڭ ٴتورت جاعىنىڭ ۇزىندىعى مەن ەنى 14 شىنتاقتان، ال ەرنەۋى جارتى شىنتاق. ٴتۇبى بولسا اينالا ٴبىر شىنتاق. قۇرباندىق وشاعىنىڭ باسپالداعى شىعىس جاقتا».
18 بۇدان كەيىن ول بىلاي دەدى: «ادام ۇلى، الەمنىڭ ٵمىرشىسى ەحوبا مىنانى ايتادى: —تۇگەل ورتەلەتىن قۇرباندىقتار شالىپ، ولاردىڭ قانىن ۇستىنە بۇركۋ ٷشىن قۇرباندىق وشاعى سالىنعاندا، وسى نۇسقاۋلار ورىندالسىن+.
19 الەمنىڭ ٵمىرشىسى ەحوبا تاعى مىنانى ايتادى: —ماعان قىزمەت ەتەتىن سادىق+ ۇرپاعىنان تاراعان لەۋىلىك ٴدىني قىزمەتكەرلەرگە تابىننان ٴبىر بۇقا بەر+. ولار ونى كۇنا ٷشىن اكەلىنەتىن قۇرباندىق رەتىندە شالسىن. 20 سوسىن بۇقانىڭ قانىن ال دا، قۇرباندىق وشاعىنىڭ ٴتورت ٴمۇيىزى مەن ٷشىنشى بولىگىنىڭ ٴتورت بۇرىشىنا جانە ەرنەۋىنە اينالدىرا جاعىپ، ونى كۇنادان تازارت+. 21 بۇدان كەيىن كۇنا ٷشىن اكەلىنگەن بۇقانى عيباداتحاناداعى ارنايى ورىنعا، كيەلى اۋماقتىڭ سىرتىنا اپارىپ ورتەپ جىبەرۋ كەرەك+. 22 ەرتەڭىنە كۇنا ٷشىن اكەلىنەتىن قۇرباندىق رەتىندە ەش كەمىستىگى جوق ٴبىر تەكەنى قۇرباندىققا شال. ال ولار قۇرباندىق وشاعىن بۇقانىڭ قانىمەن تازارتقانداي، ونى تەكەنىڭ قانىمەن دە كۇنادان تازارتادى.
23 ونى كۇنادان تازارتىپ بولعان سوڭ، قۇرباندىققا شالۋ ٷشىن تابىننان ٴبىر بۇقا جانە وتاردان ٴبىر قوشقار الىپ كەل. مالداردىڭ كەمىستىگى بولماسىن. 24 مالدى ەحوبانىڭ الدىنا اكەلگەنىڭدە، ٴدىني قىزمەتكەرلەر ولاردىڭ ۇستەرىنە تۇز شاشادى دا+، ەحوباعا ارناپ تۇگەلىمەن ورتەپ جىبەرەدى. 25 سەن جەتى كۇن بويى كۇنا ٷشىن اكەلىنەتىن قۇرباندىق+ رەتىندە ٴبىر تەكە، تابىننان ٴبىر بۇقا جانە وتاردان ٴبىر قوشقار اكەلىپ تۇر. الىپ كەلگەن مالىڭنىڭ ەشقايسىسىنىڭ ٴمىنى بولماسىن. 26 ولار قۇرباندىق وشاعىن جەتى كۇن بويى كۇنادان تازارتىپ، قولدانۋعا دايار ەتسىن. 27 بۇدان كەيىن وسى وشاقتىڭ ۇستىندە سەگىزىنشى كۇننەن+ باستاپ، ٵرى قاراي دا ٴدىني قىزمەتكەرلەر سەندەردىڭ تۇگەل ورتەلەتىن جانە تاتۋلىق قۇرباندىقتارىڭدى شالاتىن بولادى. سوندا مەن سەندەرگە ىقىلاسىمدى تۇسىرەمىن+. مۇنى ايتىپ وتىرعان — الەمنىڭ ٵمىرشىسى ەحوبا».