ەزەكيەل
45 جەردى مۇرالى ۇلەستەرگە بولگەندە+، ۇزىندىعى 25000، ەنى 10000 شىنتاق* بولاتىن جەر تەلىمىن+ كيەلى اۋدان رەتىندە ەحوباعا تارتۋ ەتىڭدەر+. وسى جەر تەلىمى شەگارالارىمەن قوسا، كيەلى اۋدان بولىپ سانالادى. 2 ونىڭ ىشىنەن ۇزىندىعى مەن ەنى 500 شىنتاقتان+ بولاتىن ٴتورت بۇرىشتى جەر عيباداتحاناعا ارنالسىن. اينالاسىنان تاعى 50 شىنتاق جەر تەلىمى جايىلىمعا قالدىرىلسىن+. 3 سوسىن ۇزىندىعى 25000، ەنى 10000 شىنتاق بولاتىن جەر تەلىمى ٴبولىنسىن. وندا عيباداتحانا، ياعني ەڭ قاسيەتتى جاي بولادى. 4 بۇل — ەحوبانىڭ الدىندا قىزمەت ەتەتىن ٴدىني قىزمەتكەرلەرگە+، عيباداتحانا قىزمەتشىلەرىنە+، ارنالعان كيەلى اۋدان. ولاردىڭ تۇراتىن ۇيلەرى مەن عيباداتحاناعا ارنالعان كيەلى ورىن سول جەردە بولادى.
5 سونداي-اق ۇزىندىعى 25000، ەنى 10000 شىنتاق بولاتىن جەر تەلىمى عيباداتحانا قىزمەتشىلەرى — لەۋىلىكتەردىڭ ۇلەسىنە تيەدى+. تاعى ولارعا 20 اس بولمە بەرىلەدى+.
6 قالاعا ارناپ ۇزىندىعى كيەلى تارتۋدىڭ ۇزىندىعىنداي، 25000 شىنتاق، ال ەنى 5000 شىنتاق بولاتىن جەر تەلىمى ٴبولىنسىن+. بۇل بۇكىل يسرايل ٷيىنىڭ مەنشىگى بولماق.
7 كيەلى تارتۋدىڭ جانە قالا ٷشىن بولىنگەن جەر تەلىمىنىڭ ەكى جاعىندا باسشىعا ارنالعان جەر بولادى. ول كيەلى تارتۋ مەن قالانىڭ يەلىگىنە بەرىلگەن جەر تەلىمىنە ىرگەلەس، باتىسى مەن شىعىسىندا جاتادى. ونىڭ باتىس شەگاراسىنان شىعىس شەگاراسىنا دەيىنگى ۇزىندىعى رۋلاردىڭ مۇرالى ۇلەستەرىنىڭ بىرىنە تەڭ+. 8 بۇل جەر باسشىنىڭ يسرايلدەگى يەلىگىنە اينالادى. مەن قويعان باسشىلار بۇدان بىلاي حالقىمدى جابىرلەمەيدى+. ولار قالعان جەردى يسرايل ۇيىنە رۋلارى بويىنشا ٴبولىپ بەرەدى+.
9 الەمنىڭ ٵمىرشىسى ەحوبا مىنانى ايتادى: —جەتەر ەندى، يسرايل باسشىلارى! زۇلىمدىق پەن قىسىم جاساۋدى دوعارىپ، زاڭدى دا ٵدىل ارەكەت ەتىڭدەر+. حالقىمنىڭ يەلىگىن تارتىپ الۋدى قويىڭدار+! مۇنى ايتىپ وتىرعان — الەمنىڭ ٵمىرشىسى ەحوبا. 10 تارازىلارىڭ تۋرا، ەفا* مەن بات* ولشەمدەرىڭ دە دۇرىس بولسىن+. 11 ەفا مەن باتتىڭ كولەمى ٴبىر ولشەممەن ولشەنسىن: ەكەۋى دە حومەردىڭ* وننان ٴبىر بولىگىن قۇراسىن. وسىلايشا ولاردىڭ كولەمى حومەرمەن ولشەنسىن. 12 ٴبىر شەكەل*+ 20 گەراحقا* تەڭ بولسىن. سەندەر ٷشىن 20 شەكەل مەن 25 شەكەلدىڭ جانە 15 شەكەلدىڭ قوسىندىسى ٴبىر مانەنى* قۇراسىن.
13 ٵر حومەر بيدايدىڭ التىدان ٴبىر ەفاسىن، ٵر حومەر ارپانىڭ دا التىدان ٴبىر ەفاسىن ساداقا ەتىپ وتىرىڭدار. 14 مايدىڭ تۇراقتى ولشەم بىرلىگى بات بولسىن: ٴبىر بات كوردىڭ* وننان ٴبىر بولىگىن قۇرايدى. ال 10 بات ٴبىر حومەردى قۇرايدى، ويتكەنى 10 بات ٴبىر حومەرگە تەڭ. 15 سونىمەن قاتار يسرايلدىڭ جايىلىمىنداعى ٵر 200 قويدىڭ بىرەۋى بەرىلسىن. وسىنىڭ بارلىعى حالىقتىڭ كۇناسىن وتەۋ ٷشىن+ استىق تارتۋى+، تۇگەل ورتەلەتىن+ جانە تاتۋلىق قۇرباندىقتارى+ رەتىندە قولدانىلادى. مۇنى ايتىپ وتىرعان — الەمنىڭ ٵمىرشىسى ەحوبا.
16 وسى ساداقالاردى يسرايل باسشىسىنا بەرۋگە كۇللى حالىق اتسالىسسىن+. 17 ال باسشىنىڭ مىندەتىنە مەيرامدار كەزىندە+، جاڭا تۋعان اي، دەمالىس كۇنى+ جانە يسرايل ٷيىنىڭ بارلىق بەلگىلەنگەن مەرەكەلەرىنىڭ+ كەزىندە تۇگەل ورتەلەتىن قۇرباندىق+، استىق+ جانە سۇيىق تارتۋلار بەرۋ جاتادى. ول يسرايل ٷيىنىڭ كۇناسى وتەلۋ ٷشىن استىق تارتۋىن، كۇنا ٷشىن اكەلىنەتىن، تۇگەل ورتەلەتىن جانە تاتۋلىق قۇرباندىقتارىن بەرەدى.
18 الەمنىڭ ٵمىرشىسى ەحوبا مىنانى ايتادى: —ٴبىرىنشى ايدىڭ ٴبىرىنشى كۇنى تابىننان ەش كەمىستىگى جوق ٴبىر بۇقا ال دا، عيباداتحانانى كۇنادان تازارتۋ ٷشىن قۇرباندىققا شال+. 19 ٴدىني قىزمەتكەر كۇنا ٷشىن اكەلىنگەن قۇرباندىقتىڭ قانىنان الىپ، عيباداتحانا ەسىگىنىڭ جاقتاۋىنا+، قۇرباندىق وشاعىنىڭ ٷشىنشى بولىگىنىڭ ٴتورت بۇرىشىنا جانە ىشكى اۋلاعا اپاراتىن قاقپا عيماراتىنىڭ جاقتاۋىنا جاقسىن. 20 سول ايدىڭ جەتىنشى كۇنى دە بىلمەستىكتەن نە بايقاماي كۇنا جاساعان ٵربىر ادام ٷشىن سولاي ەت+. عيباداتحانانى كۇنادان وسىلاي تازارتىڭدار+.
21 ٴبىرىنشى ايدىڭ ون ٴتورتىنشى كۇنى قۇتقارىلۋ مەيرامىن+ تويلايسىڭدار. جەتى كۇن بويى اشىماعان نان جەڭدەر+. 22 سول كۇنى باسشى كۇنا ٷشىن اكەلەتىن قۇرباندىق رەتىندە ٴبىر بۇقا بەرەدى. ول بۇقانى ٶزى ٷشىن جانە ەلدىڭ بۇكىل حالقى ٷشىن شالادى+. 23 باسشى جەتى كۇن مەيرامنىڭ ٵر كۇنىندە+ ەحوباعا ارناپ تۇگەل ورتەلەتىن قۇرباندىققا ەش كەمىستىگى جوق جەتى بۇقا، جەتى قوشقار، كۇنا ٷشىن اكەلىنەتىن قۇرباندىققا ٴبىر تەكەدەن بەرىپ وتىرادى. 24 سونىمەن قاتار ٵر بۇقا مەن ٵر قوشقارعا قوسا استىق تارتۋى رەتىندە ٴبىر-ٴبىر ەفا ۇننان، ال ٵر ەفا ۇنعا قوسا ٴبىر حين* مايدان ۇسىنادى.
25 جەتىنشى ايدىڭ ون بەسىنشى كۇنى باستالاتىن جەتى كۇندىك مەيرام+ كەزىندە دە باسشى ٴدال وسىلاي كۇنا ٷشىن جانە تۇگەل ورتەلەتىن قۇرباندىقتار، سونداي-اق استىق تارتۋى مەن ماي ۇسىنسىن.