قولوستىقتارعا
4 قوجايىندار، قۇلدارىڭا ٵدىل بولىپ، دۇرىس قاراڭدار. ويتكەنى وزدەرىڭنىڭ دە كوكتە قوجايىندارىڭ بار ەكەنىن بىلەسىڭدەر+.
2 ٵردايىم دۇعا ەتىڭدەر+، ٵرى بۇعان قاتىستى سەرگەك بولىڭدار. سونداي-اق قۇدايعا ۇنەمى العىس ايتىڭدار+. 3 ٴبىز ٷشىن دە دۇعا ەتە بەرىڭدەر+. حاباردى ۋاعىزداۋىمىزعا قۇداي جول اشا كورسىن، وسىلاي ٴماسىح تۋرالى قاسيەتتى قۇپيانى ايتاتىن بولايىق. ويتكەنى مەن بۇعاۋدا سول ٷشىن وتىرمىن+. 4 وسى قۇپيانى ٴتيىستى تۇردە اشىق جاريالاي الۋىم ٷشىن دە دۇعا ەتىڭدەر.
5 قاۋىمنان تىس ادامدارمەن ارالاسقاندا دانا بولىڭدار، ۋاقىتتارىڭدى بارىنشا ٴتيىمدى پايدالانىڭدار+. 6 سوزدەرىڭ ارقاشان جاعىمدى دا ٴدامدى* بولسىن+. سوندا اركىمگە قالاي جاۋاپ بەرۋ كەرەكتىگىن بىلەسىڭدەر+.
7 مەنىڭ جاعدايىمدى سۇيىكتى باۋىرلاسىم، يەمىزدىڭ ادال قىزمەتشىسى ٵرى ٴبىز سياقتى قۇلى تيحيك+ سەندەرگە تۇگەل ايتىپ بەرەدى. 8 مەن ونى جاعدايىمىز تۋرالى ايتسىن ٵرى سەندەردى جۇباتسىن دەپ جىبەرىپ وتىرمىن. 9 ونىمەن بىرگە ادال دا سۇيىكتى باۋىرلاسىم ٵرى جەرلەستەرىڭ ونيسىم+ بارادى. بۇل جەردە بولىپ جاتقان جاعدايدىڭ ٴبارىن سولاردان بىلەسىڭدەر.
10 مەنىمەن بىرگە تۇتقىندا وتىرعان ارىستارق+ پەن بارنابانىڭ تۋىسى مارقا+ دا سەندەرگە سالەم جولدايدى (مارقا وزدەرىڭە بارسا، ونى جىلى قابىلداڭدار+ دەگەن نۇسقاۋ العانسىڭدار). 11 يۋست دەپ اتالاتىن يسا دا سالەم ايتۋدا. سۇندەتتەلگەندەردىڭ ىشىندەگى وسىلار عانا قۇداي پاتشالىعى ٷشىن قىزمەتتەستەرىم ٵرى تىرەگىم بولىپ ٴجۇر. 12 ٴماسىح يسانىڭ قۇلى ٵرى جەرلەستەرىڭ ەپافراس+ تا سالەم ايتىپ وتىر. ول سەندەردىڭ اقىرىندا كەمەلىنە كەلگەن ٵرى قۇدايدىڭ بۇكىل ەركىنە نىق سەنىمدى ادام رەتىندە تۇرۋلارىڭ ٷشىن، ۇنەمى جانىن سالىپ دۇعا ەتۋدە. 13 ونىڭ سەندەر ٷشىن جانە لاۋديكي مەن يەراپولداعىلار ٷشىن ايانباي ەڭبەكتەنىپ جۇرگەنىنە كۋامىن.
14 سۇيىكتى دارىگەر لۇقا+ دا، ديماس+ تا سالەم جولداۋدا. 15 لاۋديكيدەگى باۋىرلاستارعا، نيمفا مەن ونىڭ ۇيىندە جينالاتىن قاۋىمعا سالەم ايتىڭدار+. 16 وسى حاتتى وقىعان سوڭ، ونىڭ لاۋديكيدەگى قاۋىمدا دا وقىلۋىنا قام جاساڭدار+، ال ولارعا جازىلعان حاتتى سەندەر دە وقىڭدار. 17 ارقىپقا+: «يەمىزدىڭ ٸزباسارى رەتىندە وزىڭە تاپسىرىلعان قىزمەتتى تولىعىمەن اتقارۋعا دەن قوي»،— دەپ ايتىڭدار.
18 مەن، پاۋىل، بۇل سالەمىمدى ٶز قولىممەن جازىپ وتىرمىن+. بۇعاۋدا+ ەكەنىمدى ەستەرىڭنەن شىعارماڭدار. قۇداي سەندەرگە راقىمىن جاۋدىرا بەرسىن!