ەلشىلەردىڭ ىستەرى
4 پەتىر مەن جوحان حالىققا سويلەپ تۇرعاندا، جوعارعى ٴدىني قىزمەتكەرلەر*، عيباداتحانانىڭ باس ساقشىسى جانە ساددۋكەيلەر*+ كەلىپ قالدى. 2 ولار ەلشىلەردىڭ حالىققا ٴتالىم بەرىپ، يسانىڭ قايتا تىرىلگەنىن اشىق جاريالاپ جاتقانىن+ كورىپ، اشۋعا ٴمىندى. 3 ٴسۇيتىپ، ولاردى ۇستاپ الىپ، كەش باتىپ قالعاندىقتان، ەرتەسىنە دەيىن قاماۋدا ۇستادى+. 4 الايدا ەلشىلەردى تىڭداعانداردىڭ كوبىسى سەندى، ولاردىڭ ىشىندە شامامەن 5000 ەر كىسى بولدى+.
5 كەلەسى كۇنى يەرۋساليمدە ەل بيلەۋشىلەرى، اقساقالدار مەن ٴدىن مۇعالىمدەرى جينالدى. 6 ولاردىڭ اراسىندا جوعارعى ٴدىني قىزمەتكەر انناس+، قاياپا+، جوحان، ەسكەندىر جانە جوعارعى ٴدىني قىزمەتكەردىڭ تۋىستارى دا بار ەدى. 7 ولار پەتىر مەن جوحاندى ورتاعا شىعارىپ: «مۇنى قانداي بيلىكپەن، كىمنىڭ اتىنان ىستەدىڭدەر؟»— دەپ تەرگەي باستادى. 8 سوندا پەتىر كيەلى رۋحقا كەنەلىپ+، بىلاي دەدى:
«بيلەۋشىلەر مەن اقساقالدار، 9 بۇگىن سىزدەر وسى مۇگەدەك ادامدى كىمنىڭ ارقاسىندا ساۋىقتىرعانىمىزدى+ بىلگىلەرىڭىز كەلىپ، ٴبىزدى تەرگەپ جاتىرسىزدار. 10 ەندەشە، وسىندا تۇرعانداردىڭ ٴبارى جانە كۇللى يسرايل مىنانى ٴبىلىپ قويسىن: بۇل ادام نازارەتتىك يسا ٴماسىحتىڭ اتىمەن+، وزدەرىڭىز باعاناعا ٸلىپ ولتىرگەن+، ٴبىراق قۇداي ٴتىرىلتىپ+ العان كىسىنىڭ ارقاسىندا ساۋىعىپ، الدارىڭىزدا تۇر. 11 وسى يسا — «قۇرىلىسشىلار، ياعني سىزدەر، مەنسىنبەگەن تاس. ول نەگىزگى بۇرىشتىق تاسقا* اينالدى+». 12 ونىڭ ۇستىنە، ودان باسقا ٴبىزدى ەشكىم قۇتقارا المايدى، ويتكەنى ٴبىزدى قۇتقاراتىن+ ەسىم+ جەردەگىلەردىڭ ەشقايسىسىنا بەرىلگەن جوق».
13 ولار پەتىر مەن جوحاننىڭ باتىلدىقپەن سويلەپ تۇرعانىن ٵرى ارنايى ٴبىلىمى جوق* قاراپايىم ادامدار+ ەكەنىن كورىپ تاڭعالدى. سونداي-اق بۇل ەكەۋىنىڭ كەزىندە يسامەن بىرگە جۇرگەنى ەستەرىنە ٴتۇستى+. 14 ٴبىراق الگى ساۋىققان ادام قاستارىندا تۇرعاندىقتان+، ولارعا قارسى ەشتەڭە ايتا المادى+. 15 ٴسۇيتىپ، ۇشەۋىن جوعارعى كەڭەس* جينالعان جەردەن شىعارىپ جىبەرىپ، بىلاي دەپ اقىلداستى: 16 «ەندى بۇلارمەن نە ىستەيمىز+؟ ولار ارقىلى شىنىمەن دە ەرەكشە بەلگى كورسەتىلدى. بۇعان بۇكىل يەرۋساليم تۇرعىندارى كۋا بولدى+، ال ٴبىز بۇنى جوققا شىعارا المايمىز. 17 الايدا بۇل جايت ەل اراسىنا تاراپ كەتپەس ٷشىن، ولاردى قورقىتىپ، بۇدان بىلاي وسى كىسىنىڭ اتىنان ەشكىمگە سويلەمەسىن دەپ قاتاڭ ەسكەرتەيىك+».
18 سودان ولاردى قايتا شاقىرىپ الىپ، يسانىڭ اتىنان ەشتەڭە ايتپاۋدى جانە ەشقانداي ٴتالىم بەرمەۋدى بۇيىردى. 19 پەتىر مەن جوحان بولسا: «قۇدايدى ەمەس، سىزدەردى تىڭداعانىمىز ونىڭ الدىندا ٴجون بولار ما ەكەن؟ مۇنى وزدەرىڭىز ويلاپ كورىڭىزدەر. 20 ال ٴبىز كورىپ-ەستىگەنىمىز جايلى ٷنسىز قالا المايمىز+»،— دەدى. 21 ولار جازالاۋعا ەش سەبەپ تاپپاعاندىقتان ٵرى بولعان جايت ٷشىن قۇدايدى ماداقتاپ جۇرگەن حالىقتان قورىققاندىقتان+، ەكەۋىنە تاعى دا سەس كورسەتىپ، بوساتىپ جىبەردى. 22 كەرەمەت تۇردە ساۋىققان ادامنىڭ جاسى 40 تان اسقان بولاتىن.
23 بوساتىلعاننان كەيىن ەكەۋى وزگە شاكىرتتەرگە بارىپ، جوعارعى ٴدىني قىزمەتكەرلەر مەن اقساقالداردىڭ ايتقان سوزدەرىن جەتكىزدى. 24 مۇنى ەستىگەندە، جينالعانداردىڭ ٴبارى بىرگە قۇدايعا بىلاي دەپ داۋىستاپ دۇعا ەتتى:
«الەمنىڭ ٵمىرشىسى، سەن كوك پەن جەردى، تەڭىزدى جانە ونداعىنىڭ ٴبارىن دە جاراتتىڭ+. 25 سەن كيەلى رۋح ارقىلى قىزمەتشىڭ ٵرى ارعى اتامىز ٴداۋىتتىڭ اۋزىمەن+: —نەگە ۇلتتار دۇرلىگىپ، حالىقتار ىسكە اسپايتىن نارسەلەردى ويلاستىرۋدا؟ 26 جەرجۇزىنىڭ پاتشالارى باس كوتەردى، بيلەۋشىلەرى ٴبىر كىسىدەي جيىلىپ، ەحوبا مەن ونىڭ مايلانعانىنا* قارسى شىقتى+،— دەگەن ەدىڭ. 27 راسىندا دا، يرود* پەن پونتي پيلات+ باسقا ۇلت ادامدارىمەن جانە يسرايلدەگى حالىقتارمەن بىرىگىپ، ٶزىڭ مايلاعان قاسيەتتى قىزمەتشىڭ يساعا+ قارسى وسى قالادا جينالدى. 28 ولار سەنىڭ الدىن الا ايتقاندارىڭدى ورىنداۋ ٷشىن باس قوستى. بۇنى سەن قۇدىرەتتى قولىڭمەن ٶز ەركىڭە ساي جۇزەگە اسىردىڭ+. 29 ەحوبا، ولاردىڭ قوقان-لوقىسىنا نازار اۋدارىپ، قۇلدارىڭا ٴسوزىڭدى باتىل جاريالاي بەرۋگە كۇش دارىتا كور. 30 سونداي-اق قۇدىرەتتى قولىڭمەن ناۋقاستاردى ساۋىقتىرىپ، قاسيەتتى قىزمەتشىڭ يسانىڭ اتىنان+ بەلگىلەر مەن كەرەمەتتەر كورسەتە بەرگەيسىڭ+».
31 جالبارىنىپ دۇعا ەتكەننەن كەيىن، ولار جينالىپ وتىرعان ٷي سىلكىنىپ كەتتى. بارلىعى كيەلى رۋحقا كەنەلىپ+، قۇداي ٴسوزىن باتىلدىقپەن جاريالاي باستادى+.
32 سول جەردە شاكىرت جولىنا تۇسكەندەر كوپ ەدى. بارلىعىنىڭ دا وي-نيەتى ٴبىر* بولدى. ەشقايسىسى قولدا بار مەنشىگىن وزىنىكى دەپ ەسەپتەمەي، قايتا، وزگەلەرمەن ورتاقتاستى+. 33 ەلشىلەر بولسا يەمىز يسانىڭ قايتا ٴتىرىلۋى جايلى زور كۋالىك بەرۋمەن بولدى+. ال قۇداي ولارعا راقىمىن مولىنان توكتى. 34 ولاردىڭ اراسىندا ەشكىم مۇقتاجدىق كورمەدى+. ويتكەنى تاناپتارى مەن ۇيلەرى بارلاردىڭ ٴبارى دە ونىسىن ساتىپ، تۇسكەن اقشانى اكەلىپ، 35 ەلشىلەرگە تابىستادى+. ال ولار اقشانى اركىمگە قاجەتىنە قاراي ۇلەستىردى+. 36 ەلشىلەر بارنابا+ («جۇباتۋشى» دەگەندى بىلدىرەدى) دەپ اتاپ كەتكەن كيپردەن كەلگەن لەۋىلىك ٴجۇسىپتىڭ 37 تانابى بار ەدى. ول سونى ساتىپ، تۇسكەن اقشانى ەلشىلەرگە اكەلىپ بەردى+.