پەتىردىڭ 1-حاتى
5 مەن، ٴماسىحتىڭ شەككەن ازابىنىڭ كۋاسى بولعان، ال كەلەشەكتە انىق كورىنەتىن ۇلىلىققا+ ورتاقتاساتىن اقساقال، ارالارىڭداعى اقساقالداردى مىناعان شاقىرامىن: 2 باقىلاۋشىلار رەتىندە وزدەرىڭە تاپسىرىلعان قۇدايدىڭ وتارىن+ ىقتيارسىز ەمەس، شىن كوڭىلمەن+، قانداي دا ٴبىر پايدا كوزدەپ ەمەس+، بار ىنتا-جىگەرمەن باعىڭدار؛ 3 سونداي-اق قۇدايدىڭ مەنشىگىنە وكتەمدىك ەتپەي+، قايتا، وتارعا ۇلگى-ونەگە بولىڭدار+! 4 سوندا باس باعۋشى+ انىق كورىنگەندە، سەندەر سولمايتىن ۇلىلىق ٴتاجىن الاسىڭدار+.
5 سول سياقتى، سەندەر، جاسى كىشىلەر، ۇلكەندەرگە* باعىنىڭدار+! ٴبارىڭ دە ٶزارا اراقاتىناستارىڭدا كىشىپەيىل بولىڭدار! ويتكەنى قۇداي تاكاپپارلارعا قارسى تۇرادى، ال كىشىپەيىلدەرگە راقىمىن توگەدى+.
6 سوندىقتان ۋاقىتى كەلگەندە قۇداي سەندەردى جوعارىلاتۋ ٷشىن+، ونىڭ قۇدىرەتتى قولىنىڭ استىنا بويسۇنىڭدار. 7 بار ۋايىمدارىڭدى وعان ارتىڭدار+، سەبەبى ول قامدارىڭدى ويلايدى+. 8 قىراعىلىق ساقتاڭدار، سەرگەك بولىڭدار+! ويتكەنى جاۋلارىڭ ٸبىلىس اقىرعان ارىستانداي اينالانى شارلاپ، كىمدى جالماسام دەپ ٴجۇر+. 9 ٴبىراق سەندەر سەنىمدە بەرىك بولىپ، وعان قارسى تۇرىڭدار+! دۇنيەجۇزىندەگى بارلىق باۋىرلاستارىڭ دا وسىلاي قاسىرەت شەگىپ جۇرگەنىن بىلەسىڭدەر عوي+. 10 ٴبىراق از ۋاقىت قاسىرەت شەككەندەرىڭنەن كەيىن، ماسىحپەن بىرلىكتە بولعاندارىڭ ٷشىن، ماڭگى ۇلىلىعىنا بولەنۋگە شاقىرعان+ ٵرى راقىم اتاۋلىنىڭ قاينار كوزى — قۇدايدىڭ ٶزى تالىمدەرىڭدى اقىرىنا دەيىن جەتكىزىپ، سەندەردى نىعايتىپ+، كۇشەيتەدى+، نەگىزدەرىڭدى بەرىك ەتەدى. 11 قۇدىرەت ماڭگىلىك سوعان تيەسىلى بولسىن! اۋمين.
12 مەن ٶزىم ادال دەپ سانايتىن سيلۋان*+ باۋىرلاسقا وسى بىرەر ٴسوزدى جازدىردىم. ونداعى ماقساتىم — سەندەردى جىگەرلەندىرۋ، قۇدايدىڭ شىنايى راقىمى جايلى بار ىنتاممەن كۋالىك ەتۋ. وسى راقىمنان ايىرىلماڭدار! 13 وزدەرىڭ سياقتى تاڭدالىپ الىنعان بابىلداعى حانىم*، سونداي-اق ۇلىم مارقا+ سەندەرگە سالەم جولداۋدا. 14 سۇيىسپەنشىلىكتەرىڭدى ٴبىلدىرىپ، ٴبىر-ٴبىرىڭدى ٴسۇيىپ امانداسىڭدار.
ماسىحپەن بىرلىكتەگى سەندەردىڭ بارىڭە تىنىشتىق تىلەيمىن!