قولوستىقتارعا
2 مەنىڭ سەندەر ٷشىن، لاۋديكيلىكتەر+ ٷشىن جانە مەنىمەن جەكە جۇزدەسپەگەندەردىڭ ٴبارى ٷشىن بارىنشا كۇرەسىپ جۇرگەنىمدى بىلسەڭدەر ەكەن دەيمىن. 2 كۇرەسىمنىڭ ماقساتى — ولاردىڭ جۇبانىش تابۋى+، سۇيىسپەنشىلىكپەن بىرلىكتە بولۋى+، سونداي-اق زور بايلىققا، ياعني وزدەرى كامىل سەنەتىن شىندىق تۋرالى تۇسىنىككە جانە قۇدايدىڭ قاسيەتتى قۇپياسى جايلى، اتاپ ايتقاندا ٴماسىح جايلى+، تۋرا بىلىمگە يە بولۋى. 3 ال ماسىحتە دانالىق پەن ٴبىلىمنىڭ بۇكىل قازىناسى جاسىرىلعان+. 4 مەن مۇنى ەشكىم سەندەردى اقىلعا قونىمدى بولىپ كورىنەتىن سوزدەرىمەن الداپ كەتپەسىن دەپ ايتىپ وتىرمىن. 5 مەن تانىممەن قاستارىڭدا بولماسام دا، جۇرەگىممەن ورتالارىڭدا بولىپ، ارالارىڭداعى جاقسى ٴتارتىپتى+ جانە ماسىحكە دەگەن سەنىمدەرىڭنىڭ بەرىك+ ەكەنىن كورىپ قۋانۋدامىن.
6 سونىمەن، يەمىز ٴماسىح يسانى قالاي قابىلداعان بولساڭدار، سولاي ونىمەن تىعىز بايلانىستا جۇرىڭدەر. 7 العان بىلىمدەرىڭە ساي، وعان تامىر جايىپ، نىعايا بەرىڭدەر+، سەنىمدەرىڭدى دە بەرىك ساقتاڭدار+. قۇدايعا شەكسىز العىس ايتىڭدار+.
8 بايقاڭدار، بىرەۋ سەندەردى ادامداردىڭ داستۇرىنە نەگىزدەلگەن پالساپاسىمەن ٵرى بوس، الدامشى ويلارىمەن+، ٴماسىح تۋرالى ەمەس، وسى دۇنيەنىڭ قاعيدالارىنا نەگىزدەلگەن ىلىمدەرىمەن تورعا ٴتۇسىرىپ الماسىن. 9 ويتكەنى قۇدايدىڭ بار قاسيەتى ٴماسىحتىڭ بويىنان كورىنىس تاپقان+. 10 سەندەر دە بۇكىل ۇكىمەت پەن بيلىكتىڭ باسى ٴماسىحتىڭ+ ارقاسىندا ەشتەڭەدەن قۇرالاقان ەمەسسىڭدەر. 11 سەندەر ونىمەن بايلانىستارىڭنىڭ ارقاسىندا سۇندەتتەلدىڭدەر. بۇل — قولمەن جاسالعان سۇندەت ەمەس، كۇناكار تاندەرىڭنەن ارىلۋ+. ٴماسىحتىڭ قىزمەتشىلەرى وسىلاي سۇندەتتەلەدى+. 12 ويتكەنى سونىكىندەي شومىلدىرۋ راسىمىنەن وتۋلەرىڭمەن سەندەر ونىمەن بىرگە كومىلدىڭدەر+، ٵرى ونى ولىمنەن قايتا تىرىلتكەن+ قۇدايدىڭ قۇدىرەتتى ىسىنە سەنگەندىكتەن، ماسىحپەن قارىم-قاتىناستارىڭنىڭ ارقاسىندا ونىمەن بىرگە قايتا تىرىلدىڭدەر+.
13 سەندەر كۇنالارىڭنىڭ كەسىرىنەن ٶلى ٵرى سۇندەتتەلمەگەن ەدىڭدەر، ٴبىراق ماسىحپەن بىرلىكتە بولۋلارىڭ ٷشىن قۇداي سەندەردى ٴتىرىلتتى+. ول مەيىرىممەن كۇنالارىمىزدىڭ ٴبارىن كەشىردى+. 14 سونداي-اق جارلىقتاردان تۇرعان+ جانە بىزگە قارسى جاسالعان+ قۇجاتتى مۇلدەم جويدى+. قۇداي ونى ازاپ باعاناسىنا* ٸلۋ+ ارقىلى جولدان الىپ تاستادى. 15 ول ۇكىمەتتەر مەن بيلىكتەردى تالقاندادى، ٵرى ولاردى سول* ارقىلى جەڭىلگەندەر+ رەتىندە سالتاناتتى شەرۋدە الىپ ٶتىپ، ەل-جۇرتقا كورسەتتى.
16 سوندىقتان ەشكىم سەندەردى بەلگىلى ٴبىر تاعامدار مەن سۋسىندار ٷشىن+ نەمەسە قانداي دا ٴبىر مەرەكەنى، جاڭا تۋعان اي مەيرامىن+ تويلامايتىندارىڭ نە دەمالىس كۇنىن* ۇستانبايتىندارىڭ ٷشىن ايىپتاماسىن+. 17 سەبەبى بۇلار كەلۋى كەرەك نارسەلەردىڭ كولەڭكەسى+، ال كولەڭكەنى ٴتۇسىرىپ تۇرعان دەنە — ٴماسىح+. 18 كىشىپەيىلسىنۋدەن، پەرىشتەلەرگە تابىنۋدان* راقات الاتىن ەشكىم سەندەردى سيلارىڭنان+ ايىرىپ جۇرمەسىن. مۇندايلار كورگەن اياندارىنىڭ دۇرىستىعىن قايتپاي دالەلدەيدى جانە پەندەلىك ساناسىنا سۇيەنىپ، ەش سەبەپسىز كەۋدە كوتەرەدى. 19 ٴبىراق ولاردىڭ باسپەن بايلانىستارى جوق+. ال باس بۇكىل دەنەنى باسقارىپ وتىرادى. دەنە بولسا ٶزارا بۋىندارمەن، سىڭىرلەرمەن تۇتاسىپ، سول ارقىلى ٴنار الادى، ٵرى قۇداي بەرگەن وسىممەن وسە بەرەدى+.
20 ەگەر وسى دۇنيەنىڭ قاعيدالارىنان باس تارتىپ+، ماسىحپەن بىرگە ولگەن بولساڭدار، وندا نەگە وسى دۇنيەدە ٶمىر ٴسۇرىپ جاتقانداي، ٵلى دە 21 «ۇستاما، جەمە، قول تيگىزبە» دەگەن قاعيداعا+ باعىناسىڭدار؟ 22 بۇلاردىڭ ٴبارى قولدانۋ بارىسىندا تۇبىندە جوق بولادى عوي، ٵرى ولار ادام ويىنان شىققان پارىزدار مەن ىلىمدەر+. 23 بۇلار ٶز قالاۋىنشا تابىنۋ، كىشىپەيىلسىنۋ، تىم كوپ شەكتەۋلەرمەن تاندەرىن قالجىراتۋدان+ كورىنىس تاۋىپ، سىرتكوزگە دانا بولىپ كورىنەدى، ٴبىراق ٴتان قۇمارلىقتارىمەن كۇرەستە ەش پايداسى جوق.