ۋاعىزداۋشى
12 جاستىق شاعىڭدا ۇلى جاراتۋشىڭدى ەستە ۇستا+! ازاپتى كۇندەر مەن «ولاردان ەش راقات تاپپادىم» دەيتىن جىلدار كەلمەي تۇرعاندا+؛ 2 كۇننىڭ، اي مەن جۇلدىزداردىڭ جارىعى كومەسكىلەنبەي+، نوسەردەن كەيىن* قويۋ بۇلتتار قايتا جينالماي تۇرعاندا، ونى ۇمىتپا. 3 سول كۇنى ٷيدىڭ ساقشىلارى دىرىلدەيدى؛ مىقتى ەرلەر بۇگىلەدى؛ سانى ازايعاندىقتان، ايەلدەر ديىرمەن تارتۋىن دوعارادى؛ تەرەزەدەن قاراعان بيكەشتەر قاراڭعىلىقتى عانا كورەدى+؛ 4 كوشەگە شىعاتىن ەسىكتەر جابىلادى؛ استىق تارتقان ديىرمەننىڭ دىبىسى باسەڭدەيدى؛ ادام قۇستىڭ ۇنىنە ويانادى؛ ٵن ايتقان بارلىق قىزداردىڭ داۋسى جاي شىعادى+. 5 سونداي-اق ول بيىك جەرلەردەن قورقادى، كوشەدەن ۇرەيلەنەدى. بادام اعاشى گۇلدەيدى+؛ شەگىرتكە سۇيرەتىلىپ ارەڭ قوزعالادى؛ كاپەرس* جەمىسى جارىلادى. سەبەبى ادام ۇزاق تۇراتىن ۇيىنە بارا جاتىر+، ال كوشەدە جوقتاۋشىلار جۇرەدى+. 6 كۇمىس ارقان ۇزىلمەي، التىن توستاعان سىنباي، بۇلاق باسىنداعى قۇمىرا قيراماي جانە قۇدىقتان سۋ تارتاتىن شىعىر سىنباي تۇرعاندا، جاراتۋشىڭدى ەستە ۇستا. 7 سول ۋاقىت كەلگەندە، توپىراق ٶزى الىنعان جەرگە ورالادى+، ال ٶمىر* ونى سيلاعان قۇدايعا كەرى قايتادى+.
8 «ناعىز بوس اۋرەشىلىك!— دەدى ۋاعىزداۋشى+.— ٴبارى دە بوس اۋرەشىلىك»+.
9 ۋاعىزداۋشى دانا بولىپ قانا قويماي، بىلگەندەرىن حالىققا ۇنەمى ۇيرەتىپ وتىردى+. سونداي-اق كوپتەگەن ناقىل ٴسوز قۇراستىرۋ* ٷشىن، ويلانىپ-تولعاندى جانە جان-جاقتى ىزدەنىستەر جۇرگىزدى+. 10 ۋاعىزداۋشى قۇلاققا جاعىمدى سوزدەردى تابۋعا تىرىستى+ جانە شىندىق سوزدەرىن تۋرا ەتىپ جازىپ قويدى.
11 دانىشپانداردىڭ ٴسوزى ۇشى ۇشكىر تاياق* ىسپەتتى+، جيناقتاعان سوزدەرى مىقتاپ قاعىلعان شەگەلەر سياقتى. بۇلاردىڭ ٴبارىن بەرگەن — ٴبىر باعۋشى. 12 وسى ايتىلعانداردىڭ باسقاسىنان، بالام، ساق بول: كىتاپ جازا بەرگەننىڭ شەگى بولمايدى، كوپ وقىعاننان ٴتان شارشايدى+.
13 وسى ايتىلعان بارلىق ٴسوزدىڭ توقەتەرى مىناۋ: قۇدايدان قورقىپ+، بۇيرىقتارىن ورىندا+، سەبەبى ادام بالاسىنىڭ بار پارىزى — وسى+. 14 قۇداي ادامنىڭ ٵربىر ىسىنە، ٴتىپتى جاسىرىن جاساعان ىسىنە دە، جاقسى نە جامان دەگەن باعا بەرىپ سوتتايدى+.