تيتكە
1 قۇدايدىڭ قۇلى جانە يسا ٴماسىحتىڭ ەلشىسى ٵرى قۇداي تاڭداپ العانداردىڭ سەنىمىنە جانە شىندىق جايلى تۋرا بىلىمگە يە پاۋىلدىڭ حاتى. بۇل شىندىق قۇدايعا شىن بەرىلگەندىكپەن ۇيلەسىمدىلىكتە 2 ٵرى ماڭگىلىك ومىرگە+ دەگەن ۇمىتكە نەگىزدەلگەن. ال بۇل ٶمىردى وتىرىك ايتا المايتىن قۇداي+ ۇزاق ۋاقىت بۇرىن ۋادە ەتكەن. 3 ول ٶزى بەلگىلەگەن ۋاقىت جەتكەندە، ۋاعىزداۋ ٸسى ارقىلى ٴسوزىن ٴمالىم ەتتى. قۇتقارۋشىمىز قۇدايدىڭ بۇيرىعى بويىنشا وسى ٸس ماعان تاپسىرىلدى+. 4 بۇل حاتتى ٴبىر سەنىمدەگى شىنايى بالام تيتكە جازىپ وتىرمىن.
قۇداي اكەمىز جانە قۇتقارۋشىمىز ٴماسىح يسا ساعان راقىمى مەن تىنىشتىعىن سيلاسىن!
5 مەن سەنى كريتتە سونداعى ولقىلىقتاردى تۇزەتسىن، قالالاردا اقساقالدار تاعايىنداسىن دەپ قالدىردىم. مەنىڭ مىنا نۇسقاۋلارىمدى ۇستان: 6 اقساقال ەتىپ ەش ايىبى جوق ٵرى ٴبىر عانا ايەلگە ۇيلەنگەن كىسىنى تاعايىندا. ال بالالارى جۇگەنسىز، بەتىمەن كەتكەن ەمەس، سەنۋشى بولسىن+. 7 باقىلاۋشى قۇداي تاعايىنداعان باسقارۋشى رەتىندە ەش ايىبى جوق بولۋى ٴتيىس. ول ٶز دەگەنىن ىستەتەتىن+، قىزبا+، ماسكۇنەم، قاتىگەز بولماۋى، سونداي-اق اشكوزدىكپەن ارام ولجا ىزدەمەۋى كەرەك. 8 قايتا، قوناقجاي+، ىزگىلىك اتاۋلىنى جاقسى كورەتىن، ەستى+، ٵدىل ٵرى ادال+، ۇستامدى+ بولۋى ٴتيىس. 9 ول دۇرىس ٸلىم+ ارقىلى جىگەرلەندىرە الۋ ٷشىن* جانە وسى ىلىمگە قايشى سويلەيتىندەردى اشكەرەلەي+ الۋ ٷشىن ٴتالىم بەرگەندە، شىنايى سوزدەردەن اۋىتقىماۋ كەرەك+.
10 ويتكەنى بۇلىكشىل، مىلجىڭ، الدامپاز ادامدار كوپ، اسىرەسە سۇندەتتەلۋ ٴداستۇرىن ۇستانۋشىلار+ اراسىندا. 11 مۇندايلاردىڭ اۋزىن جابۋ كەرەك. ويتكەنى ولار ارام پايدا ٷشىن ۇيرەتپەۋ كەرەك نارسەلەردى ۇيرەتىپ، كەيبىر وتباسىلارىن تۇگەلدەي سەنىمنەن ايىرىپ ٴجۇر. 12 ٶز ارالارىنان شىققان ٴبىر پايعامبار: «كريتتىكتەر — بارىپ تۇرعان وتىرىكشىلەر، قاۋىپتى جابايى اڭدار، جاتىپىشەر مەشكەيلەر»،— دەگەن.
13 بۇل — شىندىق. سوندىقتان ولارعا قاتاڭ ەسكەرتۋ جاساۋدان تالما. سوندا سەنىمدەرى بەرىك بولىپ، 14 ياھۋديلەردىڭ اڭىز اڭگىمەلەرى مەن شىندىقتان تايعان ادامداردىڭ وسيەتتەرىنە دەن قويمايتىن بولادى. 15 تازا ادامدار ٷشىن ٴبارى دە تازا+. ال ارامدالعان، سەنىمى جوق ادامدار ٷشىن ەش نارسە دە تازا ەمەس، ويتكەنى ولاردىڭ سانالارى دا، ار-ۇجداندارى دا ارامدالعان+. 16 ولار جۇرتتىڭ كوزىنشە قۇدايدى بىلەمىز دەگەندەرىمەن، ٸس-ارەكەتتەرىمەن ودان باس تارتادى+. سەبەبى ولار جەكسۇرىن، ٴتىلازار ٵرى ەشقانداي يگى ٸس جاساۋعا جارامسىز ادامدار.