قورىنتتىقتارعا 1-حات
10 ال ەندى، باۋىرلاستار، مىنانى بىلگەندەرىڭدى قالايمىن: اتا-بابالارىمىزدىڭ ٴبارى بۇلت استىندا بولدى+، ٴبارى دە تەڭىزدەن ٶتتى+، 2 ٴبارى مۇسانىڭ سوڭىنان ەرىپ، بۇلت جانە تەڭىز ارقىلى شومىلدىرۋ راسىمىنەن ٶتتى، 3 ٴبارى بىردەي قۇداي بەرگەن تاماقتى جەدى+، 4 سۋدى ٸشتى+. سەبەبى ولار قۇداي بەرگەن ٵرى سوڭدارىنان ەرىپ وتىرعان «جارتاستان» سۋ ٸشتى. ال بۇل «جارتاس» ٴماسىحتى بەينەلەدى+. 5 سويتكەنمەن دە ولاردىڭ باسىم كوپشىلىگى قۇدايعا ۇنامدى بولماي، ٴشول دالادا ٶلىم قۇشتى+.
6 بۇل بىزگە ساباق بولدى. سوندىقتان سولار سياقتى جاماندىققا قۇمار+ نە 7 كەيبىرى ىسپەتتى پۇتقا تابىنۋشى بولمايىق. ولار تۋرالى: «حالىق وتىرىپ، ٸشىپ-جەدى، كەيىن ورىندارىنان تۇرىپ، كوڭىل كوتەرە باستادى»،— دەلىنگەن+. 8 ازعىندىق* جاساعان كەيبىرى سياقتى ازعىندىققا دا سالىنبايىق. سونىڭ كەسىرىنەن ٴبىر كۇندە ولاردىڭ 23000 ى ٶلدى+. 9 سونداي-اق كەيبىرىنە ۇقساپ ەحوبانى سىنامايىق+. سول ٷشىن ولاردى جىلاندار شاعىپ ٶلتىردى+. 10 كەيبىرەۋلەرى سياقتى كۇڭكىلشىل بولمايىق+، سول ٷشىن ولاردى قىرىپ-جويۋشى مەرت قىلدى+. 11 سولاردىڭ باستارىنان وتكىزگەندەرى باسقالارعا ساباق بولدى جانە زامانداردىڭ* سوڭىندا ٶمىر ٴسۇرىپ جاتقان بىزدەرگە ەسكەرتۋ رەتىندە جازىلىپ قالدىرىلدى+.
12 سوندىقتان كىم نىق تۇرمىن دەپ ويلاسا، قۇلاپ قالۋدان ساق بولسىن+! 13 سەندەر كەزىگىپ جۇرگەن ازعىرۋلار وزگەلەردىكىنەن ەرەكشە ەمەس+. قۇداي ٶز سوزىنە ادال: ول شامادان تىس سىنالۋلارىڭا جول بەرمەيدى+. ازعىرىلعاندا ادال بولىپ قالۋلارىڭ ٷشىن، ودان شىعۋدىڭ جولىن كورسەتەدى+.
14 سوندىقتان، سۇيىكتى باۋىرلاستارىم، پۇتقا تابىنۋشىلىقتان اۋلاق بولىڭدار*+! 15 سەندەردى تۇسىنىگى بار دەپ ايتىپ وتىرمىن، مۇنى وزدەرىڭ اقىلعا سالىڭدار. 16 ٴبىز قۇدايعا دۇعا ەتىپ، باتا سۇراعان توستاعان ٴماسىحتىڭ قانىنان ۇلەس الۋدى+، ال ٴبىز سىندىرعان نان ٴماسىحتىڭ دەنەسىنەن ۇلەس الۋدى بىلدىرەدى ەمەس پە+؟ 17 نان بىرەۋ بولعاندىقتان، كوپ بولساق تا، ٴبىز ٴبىر دەنەمىز+، سەبەبى ٴبارىمىزدىڭ جەيتىنىمىز — سول ٴبىر نان.
18 يسرايل حالقىنا قاراڭدارشى: قۇرباندىقتان جەگەندە، ولار قۇرباندىق ورنىنان ۇلەس الادى ەمەس پە+؟ 19 سوندا مەن پۇتقا باعىشتالعان قۇرباندىقتىڭ شىنىمەن ٴمانى بار نە پۇتتىڭ ٶزى شىنىمەن دە قۇداي دەپ تۇرمىن با؟ 20 جوق، مەنىڭ ايتپاعىم — باسقا ۇلتتار قۇرباندىقتارىن قۇدايعا ەمەس، جىندارعا باعىشتايدى+. ال مەن سەندەردىڭ جىندارمەن ۇلەستەس بولعاندارىڭدى قالامايمىن+. 21 ەحوبانىڭ دا، جىنداردىڭ دا توستاعانىنان بىردەي ىشە المايسىڭدار! ەحوبانىڭ دا+، جىنداردىڭ دا داستارقانىنان بىردەي جەي المايسىڭدار! 22 الدە «ەحوبانىڭ قىزعانىشىن وياتپاقپىز با»+؟ ٴبىز ودان كۇشتى ەمەسپىز عوي!
23 ٴبارىن ىستەۋگە بولادى، ٴبىراق ٴبارى بىردەي پايدالى ەمەس. ٴبارىن ىستەۋگە بولادى، ٴبىراق ٴبارى بىردەي رۋحاني نىعايتپايدى+. 24 اركىم ٶزىنىڭ ەمەس، وزگەنىڭ يگىلىگىن ويلاسىن+.
25 بازاردان الىنعان كەز كەلگەن ەتتى سۇراستىرماي-اق، تازا ار-ۇجدانمەن جەي بەرىڭدەر. 26 ويتكەنى «جەر مەن ونداعىنىڭ ٴبارى ەحوباعا تيەسىلى»+. 27 ەگەر سەندەردى سەنۋشى ەمەس بىرەۋ تاماققا شاقىرىپ، بارۋعا كەلىسسەڭدەر، الدارىڭا نە قويىلسا دا سۇراستىرماي-اق، تازا ار-ۇجدانمەن جەي بەرىڭدەر. 28 ٴبىراق الدەكىم: «بۇل قۇرباندىققا شالىنعان»،— دەسە، وسىنى ايتقان كىسىگە جانە ار-ۇجدانعا بولا ونى جەمەڭدەر+. 29 مەن سەندەردىڭ ەمەس، سول كىسىنىڭ ار-ۇجدانىن ايتىپ تۇرمىن. باسقا بىرەۋدىڭ ار-ۇجدانىنىڭ مەنىڭ ەركىندىگىمدى ايىپتاعانىن قالامايمىن+. 30 مەن ريزاشىلىق ٴبىلدىرىپ جەسەم، وندا نەگە ٶزىم ريزاشىلىق بىلدىرگەن+ تاماق ٷشىن داتتالۋىم كەرەك؟
31 سوندىقتان ىشسەڭدەر دە، جەسەڭدەر دە نە باسقا نارسە ىستەسەڭدەر — ٴبارىن قۇدايدى دارىپتەۋ ٷشىن ىستەڭدەر+! 32 ياھۋديلەردىڭ دە، گرەكتەردىڭ دە، قۇداي قاۋىمىنداعىلاردىڭ دا سۇرىنۋىنە سەبەپ بولماڭدار+. 33 مەن دە بارىنە بارلىق جاعىنان ۇنامدى بولۋعا تىرىسىپ، سولار قۇتقارىلسىن دەپ+، جەكە باسىمنىڭ ەمەس، جۇرتتىڭ يگىلىگىن ويلاپ ٴجۇرمىن+.