ايان
2 ەفەستەگى+ قاۋىمنىڭ حابارشىسىنا+ مىنانى جاز: «وڭ قولىنا جەتى جۇلدىز ۇستاپ، جەتى التىن شامدال اراسىندا جۇرگەن+ بىلاي دەيدى: 2 —مەن ىستەرىڭدى، ەڭبەگىڭ مەن تاباندىلىعىڭدى، جامان ادامدارعا توزە المايتىنىڭدى جانە ەلشى بولماسا دا، وزدەرىن سولاي اتايتىنداردى سىناپ+، وتىرىكشى ەكەندەرىن انىقتاعانىڭدى بىلەمىن. 3 سونداي-اق تاباندىلىق تانىتىپ ٴجۇرسىڭ، مەنىڭ ەسىمىم ٷشىن كوپ قيىنشىلىققا ٴتوزىپ+، قاجىمادىڭ+. 4 دەسە دە ساعان ايتار نارازىلىعىم بار: سەن العاشقى سۇيىسپەنشىلىگىڭدى جوعالتىپ الدىڭ.
5 سوندىقتان قايدان قۇلاعانىڭدى ەسىڭە الىپ، وكىن+ ٵرى باستاپقىداعى ىستەرىڭدى ىستە. ال وكىنبەسەڭ، كەلەمىن دە، شامدالىڭدى+ ورنىنان الىپ تاستايمىن+. 6 سويتسە دە سەندەگى ٴبىر جاقسىلىق — مەن جەك كورەتىن نيكولاس سەكتاسىنىڭ+ ىستەرىن سەن دە جەك كورەسىڭ. 7 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن+: جەڭىمپازعا+ قۇدايدىڭ جۇماعىنداعى ٶمىر اعاشىنىڭ جەمىسىنەن بەرەمىن+».
8 سميرناداعى قاۋىمنىڭ حابارشىسىنا مىنانى جاز: «بۇرىن ولگەن، ال قازىر ٴتىرى+ «العاشقى جانە سوڭعى»+ بىلاي دەيدى: 9 —مەن باسىڭا تۇسكەن قيىندىقتارىڭدى، كەدەيلىگىڭدى (شىندىعىندا، سەن بايسىڭ+) جانە وزدەرىن ياھۋدي دەيتىندەردىڭ (نەگىزىندە، ولار — ياھۋدي ەمەس، شايتاننىڭ ٴماجىلىسحاناسى+) ساعان ٴتىل تيگىزەتىنىن بىلەمىن. 10 باسىڭا تۇسكەلى تۇرعان ازاپتاردان قورىقپا+. مىنە، تولىق سىنالۋلارىڭ ٷشىن جانە ون كۇن قيىندىق كورۋلەرىڭ ٷشىن، ٸبىلىس كەيبىرەۋلەرىڭدى تۇرمەگە جاپتىرادى. ولە-ولگەنشە ادال بول، سوندا ساعان ٶمىر ٴتاجىن بەرەمىن+. 11 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن+: جەڭىمپاز+ ەشقاشان ەكىنشى ٶلىمدى كورمەيدى+».
12 پەرگامداعى قاۋىمنىڭ حابارشىسىنا مىنانى جاز: «ەكى ٴجۇزى وتكىر ۇزىن سەمسەرى بار+ بىلاي دەيدى: 13 —شايتاننىڭ تاعى ورنالاسقان جەردە تۇراتىنىڭدى بىلەمىن. ايتسە دە مەنىڭ ەسىمىمدى بەرىك ۇستانىپ كەلەسىڭ+، سونداي-اق سەنىڭ قالاڭدا، شايتان تۇراتىن جەردە، ولتىرىلگەن+ ادال كۋاگەرىم+ انتيپاستىڭ تۇسىندا دا ماعان دەگەن سەنىمىڭنەن باس تارتپادىڭ+.
14 دەسە دە ساعان ايتار نارازىلىعىم بار: اراڭدا بالاعامنىڭ ٸلىمىن ۇستانۋشىلار بار+. ول كەزىندە بالاققا+ يسرايل ۇلدارىن كۇناعا ازعىرۋدى ۇيرەتىپ، ولارعا پۇتتارعا ارنالعان قۇرباندىقتاردى جەگىزدى جانە ازعىندىق جاساتتى+. 15 سونداي-اق اراڭدا نيكولاس سەكتاسىنىڭ+ ٸلىمىن بەرىك ۇستاناتىندار دا بار. 16 سوندىقتان وكىن، ايتپەسە ساعان تەز ارادا كەلىپ، ولارمەن اۋزىمداعى ۇزىن سەمسەرمەن+ شايقاسامىن.
17 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن+: جەڭىمپازعا+ جاسىرىلعان ماننادان سيلايمىن+ جانە جاڭا ەسىم جازىلعان اق تاس بەرەمىن. بۇل ەسىمدى ونى العان كىسىدەن باسقا ەشكىم بىلمەيدى».
18 تياتيراداعى+ قاۋىمنىڭ حابارشىسىنا مىنانى جاز: «كوزى جالىنداعان وتتاي+، اياعى تازا مىستاي قۇداي ۇلى*+ بىلاي دەيدى: 19 —سەنىڭ ىستەرىڭدى، سۇيىسپەنشىلىگىڭدى، سەنىمىڭ مەن قىزمەتىڭدى، تاباندىلىعىڭدى جانە قازىرگى ىستەرىڭنىڭ بۇرىنعىدان كوپ ەكەنىن بىلەمىن.
20 دەسە دە ساعان ايتار نارازىلىعىم بار: ٶزىن پايعامبارمىن دەيتىن ەزابەل+ ىسپەتتى ايەلگە ٴتوزىپ ٴجۇرسىڭ. ول قۇلدارىما ازعىندىق جاساۋدى+ جانە پۇتتارعا ارنالعان قۇرباندىقتاردى جەۋدى ۇيرەتىپ، اداستىرۋدا. 21 مەن وعان وكىنۋگە ۋاقىت بەردىم، ٴبىراق ول جاساعان ازعىندىعى* ٷشىن وكىنگىسى كەلمەيدى. 22 سوندىقتان ونى اۋرۋعا شالدىقتىرىپ، توسەك تارتقىزامىن. ال ونىمەن ازعىندىق جاساپ جۇرگەندەر سونىكى سياقتى ىستەرىنە وكىنبەسە، ولارعا قاتتى ازاپ شەككىزەمىن. 23 ونىڭ بالالارىن ايىقپاس دەرتكە ۇشىراتامىن. سوندا قاۋىمداردىڭ ٴبارى مەنىڭ ادامنىڭ كوڭىل تۇبىندەگى وي-سەزىمدەرى* مەن جۇرەگىن تەكسەرىپ، اركىمگە ىسىنە قاراي قارىمتاسىن بەرەتىنىمدى+ بىلەتىن بولادى.
24 ال تياتيراداعى وزگەلەرىڭە — ەزابەلدىڭ ٸلىمىن ۇستانبايتىنداردىڭ بارىنە، ياعني شايتاننىڭ «تەرەڭ قۇپيالارى»+ دەپ اتالاتىندى بىلمەيتىندەرگە — ايتامىن: سەندەرگە بۇدان باسقا ەشتەڭە جۇكتەمەيمىن. 25 ٴبىراق مەن كەلگەنشە، وزدەرىڭدە باردى بەرىك ۇستانىڭدار+. 26 مەنىڭ ىستەرىمدى اقىرىنا دەيىن ورىنداپ شىققان جەڭىمپازعا حالىقتاردىڭ ۇستىنەن بيلىك بەرەمىن+. 27 اكەمنىڭ ماعان بيلىك بەرگەنىندەي، مەن دە وعان حالىقتارعا تەمىر اساتاياقپەن ٵمىر ەتۋگە بيلىك بەرەمىن+. سوندا ولاردىڭ قىش ىدىستاي تاس-تالقانى شىعادى. 28 سونداي-اق وعان تاڭعى جۇلدىزدى+ بەرەمىن. 29 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن».