ناقىل سوزدەر
17 جانجالدى ٷيدىڭ مول داستارقانىنان* گورى+
تىنىش* جەردەگى ٴبىرۇزىم قاتقان نان ارتىق+.
2 تۇسىنىگى مول قىزمەتشى ارسىز ۇلدى بيلەر،
ونىڭ باۋىرلارىمەن بىرگە مۇرا بولىسەر.
3 كۇمىستى ىدىستا، التىندى پەشتە بالقىتىپ تازارتار+،
ال ادامنىڭ جۇرەگىن ەحوبا تەكسەرىپ سىنار+.
4 زۇلىم زياندى سوزگە دەن قويار،
ارامزا زالىم تىلگە قۇلاق تۇرەر+.
5 بەيشارانى مازاق ەتكەن ونىڭ جاراتۋشىسىن قورلايدى+،
بىرەۋدىڭ باقىتسىزدىعىنا قۋانعان جازاسىز قالمايدى+.
6 قارتتاردىڭ ٴتاجى — نەمەرەلەرى،
بالالاردىڭ ماقتانىشى — اكەلەرى*.
10 اقىماققا سوعىلعان ٴجۇز دۇرەدەن گورى+
تۇسىنىگى بارعا بەرىلگەن ٴبىر سوگىستىڭ اسەرى زور+.
11 جامان تەك بۇلىك شىعارۋدى كوزدەيدى،
ونى جازالاۋعا قاتال حابارشى جىبەرىلەدى+.
12 ەسسىزدىڭ ناداندىعىنا تاپ بولعاننان گورى+،
قونجىعىنان ايىرىلعان ايۋعا كەزىككەن ارتىق.
13 جاقسىلىققا جاماندىقپەن قايتارعاننىڭ
ۇيىنەن جاماندىق كەتپەس+.
14 باستالعان ۇرىس بوگەتتى بۇزعان تاسقىنداي،
كەتىپ قال سول جەردەن جانجال باستالماي+.
15 زۇلىمدى اقتاۋ، ٵدىلدى ايىپتاۋ+ —
ەكەۋى دە ەحوبا ٷشىن جەركەنىشتى.
18 پارىقسىز قول الىسىپ، كەلىسىم جاسار،
وسىلاي بىرەۋ ٷشىن كۋاگەردىڭ الدىندا كەپىل بولار+.
20 جۇرەگى بۇزىلعان يگىلىك كورمەيدى+،
جالعان سويلەيتىن جاماندىققا ۇشىرايدى.
21 اقىماق ۇل اكەسىن قايعىعا باتىرار،
ەسسىز بالا اكەسىن قۋانىشتان ايىرار+.
23 زۇلىم قوينىنا تىعىپ پارا الار،
وسىلاي ادىلەت جولىن بۇرمالار+.
24 دانالىق تۇسىنىگى باردىڭ تۋرا الدىندا،
اقىماقتىڭ كوزى جەردىڭ تۇكپىر-تۇكپىرىندە+.
25 اقىماق ۇل — اكەسىنىڭ سورى،
تۋعان اناسىنىڭ كۇيىنىشى+.
26 ٵدىل ادامدى جازالاۋ* جاقسى ەمەس،
قادىرلى كىسىگە دۇرە سوعۋ دۇرىس بولماس.
28 ۇندەمەسە، اقىماقتى دا دانا دەر،
سويلەمەسە، ادام تۇسىنىگى بارداي كورىنەر.