قورىنتتىقتارعا 1-حات
4 ادامدار ٴبىزدى ٴماسىحتىڭ قىزمەتشىسى، قۇدايدىڭ قاسيەتتى قۇپيالارى+ سەنىپ تاپسىرىلعان باسقارۋشى دەپ قاراستىرسىن. 2 ال باسقارۋشىدان ادال بولۋ تالاپ ەتىلەدى. 3 مەنى سەندەردىڭ نە قانداي دا ٴبىر سوتتىڭ تەكسەرىپ سوتتاعانى مەن ٷشىن اسا ماڭىزدى ەمەس. ول تۇگىل ٶزىم دە ٶزىمدى تەكسەرىپ سوتتامايمىن. 4 مەنىڭ ار-ۇجدانىم تازا. ٴبىراق بۇل ٵدىل ەكەنىمنىڭ دالەلى ەمەس، ويتكەنى مەنى سوتتايتىن — ەحوبا+. 5 سوندىقتان ۋاقىتى كەلمەيىنشە، ياعني يەمىز كەلمەيىنشە، ەشتەڭەگە قاتىستى تورەلىك ەتپەڭدەر+. ول تۇنەكتە جاسىرىلعانداردى جارىققا شىعارادى جانە ادامنىڭ جۇرەگىندەگى نيەتىن اشىپ كورسەتەدى. سوندا اركىم قۇدايدان لايىقتى ماقتاۋ الادى+.
6 باۋىرلاستار، بۇلاردى سەندەردىڭ پايدالارىڭ ٷشىن وزىمە جانە اپوللوسقا+ بايلانىستىرىپ ايتتىم. سەبەبى ٴبىرىڭدى بىرىڭنەن جوعارى قويىپ، كەۋدە كوتەرىپ كەتپەۋلەرىڭ ٷشىن+، ٴبىزدىڭ ۇلگىمىزگە قاراپ، «جازىلعانداردى عانا ۇستانىڭدار» دەگەن قاعيدانى ۇعىپ الساڭدار ەكەن دەيمىن. 7 كىم سەنى وزگەدەن ارتىق قىلدى؟ قۇدايدان الماعان نەڭ بار+؟ العان بولساڭ، نەگە ەشتەڭە الماعانداي ماقتاناسىڭ؟
8 سەندەر بولىپ-تولىپ قالدىڭدار ما؟ بايىپ كەتتىڭدەر مە؟ الدە ٴبىزسىز پاتشالىق ەتە باستادىڭدار ما+؟ پاتشالىق ەتە باستاعاندارىڭدى شىنىمەن قالار ەدىم، سوندا ٴبىز دە سەندەرمەن پاتشا بولىپ بيلىك ەتەر ەدىك+. 9 مەنىڭشە، قۇداي ٴبىزدى، ەلشىلەردى، ولىمگە كەسىلگەندەر+ رەتىندە ساحناعا ەڭ سوڭىندا شىعاردى: ٴبىز وسى دۇنيە ٷشىن، پەرىشتەلەر مەن ادامدار ٷشىن ساحنالىق كورىنىس سياقتى بولدىق+. 10 ماسىحكە قىزمەت ەتكەنىمىز ٷشىن ٴبىز اقىماق+، ال ماسىحپەن بايلانىستاعى سەندەر اقىلدى، ٴبىز ٵلسىز، سەندەر كۇشتى، ٴبىز قادىرسىز، ال سەندەر قادىرلىسىڭدەر. 11 ٴبىز وسى كۇنگە دەيىن اسقا دا، سۋعا دا جارىماي+، جۇپىنى كيىنىپ، تاياق جەپ+، ٷيسىز-كۇيسىز ٴجۇرمىز، 12 ٶز قولىمىزبەن اۋىر ەڭبەك ەتىپ كەلەمىز+. ٴبىزدى قورلاعاندارعا باتا تىلەيمىز+، قۋعىنداسا، توزەمىز+، 13 جالا جاپقاندارعا جىلى جاۋاپ بەرەمىز+. ٵلى كۇنگە دەيىن وسى دۇنيەنىڭ قوقىسى، سىپىرىندىسى بولىپ ەسەپتەلەمىز.
14 بۇلاردى سەندەردى ۇيالتۋ ٷشىن ەمەس، سۇيىكتى بالالارىم رەتىندە اقىلعا شاقىرۋ ٷشىن جازىپ وتىرمىن. 15 ماسىحپەن بىرلىكتەگى 10000 قامقورشىڭ* بار شىعار، ٴبىراق اكەلەرىڭ كوپ ەمەس. ال مەن ىزگى حابار ارقىلى ٴماسىح يسامەن بىرلىكتەگى اكەلەرىڭ بولدىم+. 16 سوندىقتان ماعان ەلىكتەۋگە شاقىرىپ وتىرمىن+. 17 سول ٷشىن سەندەرگە تىموتەنى جىبەرىپ وتىرمىن، ول — يەمىزبەن بىرلىكتەگى+ سۇيىكتى ٵرى ادال بالام. ول مەنىڭ قاي جەردەگى قاۋىمدا بولماسىن، ٴتالىم بەرگەندە قولداناتىن ٴماسىح يسانىڭ جولىنداعى تاسىلدەرىمدى ەستەرىڭە سالادى.
18 مەنى كەلمەيدى دەپ، كەيبىرەۋلەر مەنمەنسىپ كەتىپتى. 19 ٴبىراق، ەحوبانىڭ قالاۋى بولسا، جۋىردا سەندەرگە بارماقپىن. سوندا مەنمەنسىنگەندەردىڭ ٴسوزىن ەمەس، كۇشىن كورەمىن. 20 ويتكەنى قۇداي پاتشالىعى ٴسوز ارقىلى ەمەس، كۇش ارقىلى كورىنەدى. 21 قايسىسىن قالايسىڭدار، تاياقپەن+ كەلگەنىمدى مە، الدە سۇيىسپەنشىلىكپەن، جۇمساقتىقپەن كەلگەنىمدى مە؟