مۇسانىڭ 5-جازباسى
10 سوندا ەحوبا ماعان: —العاشقى تاقتاشالار ىسپەتتى تاستان ەكى تاقتاشا قاشاپ الىپ+، مەنىڭ قاسىما تاۋعا كوتەرىل. سونداي-اق اعاشتان ساندىق جاسا. 2 مەن جاڭا تاقتاشالارعا ٶزىڭ سىندىرىپ تاستاعان تاقتاشالارداعى سوزدەردى جازىپ بەرەمىن. سوسىن ولاردى ساندىققا سالىپ قوي،— دەدى. 3 مەن قاراعان اعاشىنان ساندىق جانە تاستان قاشاپ، العاشقىلارىنا ۇقساس ەكى تاقتاشا جاساپ الدىم. ٴسۇيتىپ، ەكى تاقتاشانى قولىما الىپ، تاۋعا كوتەرىلدىم+. 4 ەحوبا ولارعا العاشقىلارىنا جازعان سوزدەردى+، ون زاڭدى*، جازدى+. بۇلاردى ول سەندەر تاۋ ەتەگىندە جينالعان كۇنى+ وت ىشىنەن ايتقان ەدى+. سودان ەحوبا تاقتاشالاردى ماعان بەردى. 5 مەن كەرى بۇرىلىپ، تاۋدان ٴتۇستىم دە+، ەحوبا بۇيىرعانداي، تاقتاشالاردى ٶزىم جاساعان ساندىققا سالىپ قويدىم. ولار ٵلى كۇنگە دەيىن سونىڭ ىشىندە.
6 كەيىن يسرايلدىكتەر بەروت-بەنە-جاقاننان موسەرگە كوشتى. سول جەردە حارون قايتىس بولىپ، سوندا جەرلەندى+. ونىڭ ورنىنا ۇلى ەلازار ٴدىني قىزمەتكەر بولدى+. 7 سول جەردەن عۇدعوداعا، ال عۇدعودادان اڭعارلارىندا اعىپ جاتقان وزەندەرى بار جوتباتاعا+ كوشتى.
8 سول ۋاقىتتا ەحوبا لەۋى رۋىن+ ەحوبانىڭ كەلىسىم ساندىعىن كوتەرىپ ٴجۇرۋ ٷشىن+، ەحوبانىڭ الدىندا قىزمەت ەتۋ ٷشىن جانە ونىڭ اتىنان حالىققا باتا بەرۋ ٷشىن ٴبولىپ الدى+. ولار وسى قىزمەتتى بۇگىنگى كۇنگە دەيىن اتقارۋدا. 9 مىنە، سوندىقتان دا لەۋى رۋى باۋىرلارىنىڭ اراسىنان ۇلەس نە مۇرا العان جوق. ەحوبا قۇدايلارىڭ لەۋىلىكتەرگە ايتقانداي، ولاردىڭ ۇلەسى — ەحوبانىڭ ٶزى+. 10 مەن، العاشقى جولعىداي، تاۋدا 40 كۇن، 40 ٴتۇن بولدىم+. ەحوبا مەنى بۇل جولى دا تىڭدادى+، سول سەبەپتى دە ەحوبا سەندەردى جويعان جوق. 11 سودان كەيىن ەحوبا ماعان: —حالىقتى جولعا دايىنداپ، مەن اتا-بابالارىنا بەرەمىن دەپ ۋادە ەتكەن جەردى يەمدەنۋى ٷشىن ولاردى باستاپ الىپ ٴجۇر،— دەدى+.
12 ۋا، يسرايل، ەحوبا قۇدايىڭ سەنەن نەنى تالاپ ەتەدى+؟ ەحوبا قۇدايىڭنان قورقۋدى+، ونىڭ جولدارىمەن ٴجۇرۋدى+، ونى ٴسۇيۋدى، ەحوبا قۇدايىڭا بار جۇرەگىڭمەن جانە بۇكىل جان-تانىڭمەن قىزمەت ەتۋدى+، 13 سونداي-اق وزىڭە جاقسى بولۋ ٷشىن، ەحوبانىڭ بۇگىن مەن ارقىلى بۇيىرىپ وتىرعان زاڭدارى مەن نۇسقاۋلارىن ورىنداۋدى عانا ەمەس پە+؟! 14 مىنە، كوك تە، كوكتىڭ كوگى دە، جەر مەن ونداعىلاردىڭ ٴبارى دە ەحوبا قۇدايلارىڭا تيەسىلى+. 15 ەحوبا تەك سەندەردىڭ عانا اتا-بابالارىڭدى وزىنە جاقىنداتىپ، سۇيىسپەنشىلىگىن تانىتتى. ولاردىڭ ۇرپاقتارى بولعان سەندەردى عانا قۇداي بارلىق حالىقتاردىڭ اراسىنان تاڭداپ الدى+. ەندى ونىڭ حالقىسىڭدار. 16 سوندىقتان جۇرەكتەرىڭدى تازارتىپ*+، توڭمويىندىقتى قويىڭدار+. 17 ويتكەنى ەحوبا قۇدايلارىڭ — قۇدايلاردىڭ قۇدايى*+، يەلەردىڭ يەسى، قاستەرلى سەزىم وياتاتىن، ۇلى دا قۇدىرەتتى قۇداي. ول ەشكىمدى الالامايدى+، پارا دا المايدى. 18 ول جەتىم-جەسىرلەر ٷشىن ادىلدىك ورناتادى+، جاتجەرلىكتى جاقسى كورىپ+، اس-سۋمەن جانە كيىممەن قامتاماسىز ەتەدى. 19 سەندەر دە جاتجەرلىكتەردى جاقسى كورىڭدەر، ويتكەنى وزدەرىڭ دە مىسىر ەلىندە جاتجەرلىك بولعانسىڭدار+.
20 ەحوبا قۇدايلارىڭنان قورقىڭدار، سوعان عانا قىزمەت ەتىپ+، ەتەنە جاقىن بولىڭدار، تەك سونىڭ ەسىمىمەن انت بەرىڭدەر. 21 ونى عانا ماداقتاڭدار+. ول — ٶز كوزىڭمەن كورگەن ۇلى ىستەردى، قاستەرلى سەزىم وياتاتىن ىستەردى جاساعان قۇدايلارىڭ+. 22 مىسىرعا كەلگەندە، اتا-بابالارىڭ تەك 70 جان بولاتىن+، ال قازىر ەحوبا قۇدايلارىڭ سەندەردى اسپانداعى جۇلدىزدارداي كوبەيتىپ وتىر+.