ەۆرەيلەرگە
10 زاڭ — بولاشاق باتالاردىڭ ٶزى ەمەس، تەك كولەڭكەسى عانا+. سوندىقتان جىل سايىن بىردەي قۇرباندىقتار ۇسىنۋدى تالاپ ەتەتىن زاڭ* قۇدايعا جاقىنداعىسى كەلەتىندەردى كەمەلدى ەتە المايدى+. 2 ولاي بولعان كۇندە، قاسيەتتى قىزمەت اتقارىپ جۇرگەندەر ٴبىرجولا تازارىپ، بۇدان بىلاي وزدەرىن كۇنالى سەزىنبەي، قۇرباندىق شالۋ دوعارىلماس پا ەدى؟ 3 قايتا، بۇل قۇرباندىقتار جىل سايىن كۇنالاردى ەسكە سالىپ تۇرادى+. 4 سەبەبى بۇقالار مەن ەشكىلەردىڭ قانى كۇنادان تازارتا المايدى.
5 سوندىقتان ٴماسىح وسى دۇنيەگە كەلگەندە، قۇدايعا بىلاي دەگەن: «سەن قۇرباندىق پەن سي-تارتۋدى قالامادىڭ، ٴبىراق ماعان دەنە دايىنداپ قويدىڭ. 6 تۇگەل ورتەلەتىن جانە كۇنا ٷشىن بەرىلەتىن قۇرباندىقتاردى جاراتپادىڭ+. 7 سونداي-اق مەن بىلاي دەدىم: —ٴبىر شيىرشىقتا مەن تۋرالى جازىلعانداي، ۋا، قۇداي، مىنە، مەن سەنىڭ ەركىڭدى ورىنداۋعا كەلدىم+». 8 الدىمەن، ول: «سەن قۇرباندىقتار مەن سي-تارتۋلاردى، تۇگەل ورتەلەتىن جانە كۇنا ٷشىن بەرىلەتىن قۇرباندىقتاردى قالامادىڭ دا، جاراتپادىڭ دا»،— دەپ، زاڭعا ساي شالىناتىن قۇرباندىقتار جايلى ايتتى. 9 سوسىن: «مىنە، مەن سەنىڭ ەركىڭدى ورىنداۋعا كەلدىم»+،— دەدى. ول ەكىنشىسىن ورناتۋ ٷشىن ٴبىرىنشىسىن جوققا شىعاردى. 10 ٴبىز، قۇدايدىڭ وسى «ەركى» بويىنشا+، يسا ٴماسىح دەنەسىن ٴبىرجولا ۇسىنعاندىقتان قاسيەتتى بولدىق+.
11 سونداي-اق ٵربىر ٴدىني قىزمەتكەر كۇن سايىن ٶز ورنىندا قاسيەتتى قىزمەتىن اتقارىپ+، قايتا-قايتا بىردەي قۇرباندىقتار ۇسىنادى+. ٴبىراق بۇلار ەشقاشان كۇنادان تولىعىمەن ارىلتا المايدى+. 12 ال بۇل ادام كۇنالاردان ارىلتۋ ٷشىن تەك ٴبىر رەت قۇرباندىق ۇسىندى دا، قۇدايدىڭ وڭ جاعىنا وتىردى+. 13 سودان بەرى ول جاۋلارىنىڭ اياعىنىڭ استىنا سالىنىپ بەرىلۋىن كۇتۋدە+. 14 ول قاسيەتتى بولىپ جاتقانداردى ٴبىر قۇرباندىق ۇسىنۋىمەن ٴبىرجولا كەمەلدى ەتتى+. 15 كيەلى رۋح تا بىزگە وسىنى راستاپ، الدىمەن، بىلاي دەيدى: 16 «سول كۇندەردەن كەيىن ولارمەن كەلىسىم جاساسامىن. زاڭدارىمدى ولاردىڭ جۇرەكتەرىنە سالامىن جانە سانالارىنا جازىپ قويامىن،— دەيدى ەحوبا»+. 17 سوسىن كيەلى رۋح: «مەن ولاردىڭ كۇنالارى مەن زاڭسىز ىستەرىن بۇدان بىلاي ەسىمە المايمىن»+،— دەيدى. 18 ال مۇنداي كۇنالار كەشىرىلەتىن بولسا، وندا قۇرباندىق ۇسىنۋدىڭ قاجەتى جوق.
19 سوندىقتان، باۋىرلاستار، يسانىڭ قانىنىڭ ارقاسىندا جول اشىلدى. سول ارقىلى ٴبىز قاسيەتتى ورىنعا+ باتىل كىرە الامىز 20 (ال ومىرگە اپاراتىن وسى جاڭا جولدى شىمىلدىق+، ياعني ٶز دەنەسى، ارقىلى يسا اشتى)، 21 سونداي-اق ٴبىزدىڭ قۇداي ٷيىنىڭ ۇستىنەن قارايتىن ۇلى ٴدىني قىزمەتكەرىمىز بار+. 22 سول سەبەپتى جۇرەگىمىزدى بۇلىنگەن ار-ۇجداننان بۇركىپ تازارتىپ+ جانە دەنەمىزدى تازا سۋمەن جۋىپ+، قۇدايعا شىن جۇرەكتەن ٵرى بەرىك سەنىممەن جاقىندايىق. 23 ەل الدىندا ٷمىتىمىز جايلى ەش كۇماندانباي ٵرى تالماي جاريالاي بەرەيىك+، سەبەبى ۋادە بەرگەن قۇداي سوزىنە ادال. 24 سۇيىسپەنشىلىككە جانە يگى ىستەرگە تالپىندىرۋ ٷشىن، ٴبىر-بىرىمىزگە كوڭىل بولەيىك+. 25 كەيبىرەۋلەر سياقتى جينالىستارعا بارماي قالۋدى ادەتكە اينالدىرمايىق+، قايتا، ٴبىر-ٴبىرىمىزدى جىگەرلەندىرە بەرەيىك+. سول كۇننىڭ جاقىن قالعانىن بىلگەندىكتەن، بۇلاردى بۇرىنعىدان دا كوبىرەك ىستەيىك+.
26 ەگەر شىندىق جايلى تۋرا ٴبىلىم العاننان كەيىن دە، ادەيى كۇنا جاساي بەرسەك+، وندا كۇنالارىمىزدان ارىلتاتىن باسقا ەشقانداي قۇرباندىق جوق+. 27 قايتا، قورقىنىشتى سوت پەن قۇدايعا قارسى شىققانداردى جالماعالى تۇرعان وتتى قاھارعا ۇشىراۋدى كۇتۋدەن باسقا ەشتەڭە دە قالمايدى+. 28 ەگەر كىمدە-كىم مۇسا زاڭىنا نەمكەتتى قاراسا، ٵرى بۇنى ەكى-ٷش كۋاگەر راستاسا، ول اياۋسىز ولىمگە كەسىلەدى+. 29 ولاي بولسا، قۇداي ۇلىن اياقپەن تاپتاعان، ٶزىن قاسيەتتى ەتكەن كەلىسىم قانىن+ باعالاماعان جانە راقىمىن كورسەتىپ وتىرعان قۇدايدىڭ رۋحىن قورلاعان ادام ودان دا اۋىر جازاعا لايىق ەمەس پە+؟ 30 ويتكەنى «كەك الۋ — مەنىڭ ٸسىم. ەسەسىن مەن قايتارامىن» دەگەن سوزدەردى قۇداي ايتقانىن بىلەمىز. سونداي-اق: «ەحوبا ٶز حالقىن سوتتايدى»+،— دەپ جازىلعان. 31 ٴتىرى قۇدايدىڭ قولىنا ٴتۇسىپ، جازالانۋ قانداي قورقىنىشتى!
32 بۇرىنعى كۇندەردى ەسكە الىڭدارشى، شىندىقتى بىلگەننەن كەيىن+، سەندەر ازاپ شەگە ٴجۇرىپ ايانباي كۇرەستىڭدەر، ٵرى توتەپ بەردىڭدەر. 33 كەيدە جۇرت الدىندا قورلىق كورىپ، ازاپ شەكسەڭدەر، كەيدە وسىنداي جاعدايعا تاپ بولعانداردىڭ قاسىرەتىنە ورتاقتاستىڭدار. 34 تۇرمەگە تۇسكەن باۋىرلاستارعا دا جاناشىرلىق تانىتتىڭدار. دۇنيە-مۇلىكتەرىڭ تالان-تاراجعا سالىنعاندا، بۇنى قۋانىشپەن قابىلدادىڭدار+، ويتكەنى بۇدان الدەقايدا قۇندى ٵرى ماڭگىلىك مۇرالارىڭنىڭ بار ەكەنىن بىلدىڭدەر+.
35 سوندىقتان باتىل سويلەۋدى دوعارماڭدار، سوندا زور سيعا يە بولاسىڭدار+. 36 قۇدايدىڭ ەركىن ورىنداپ، ونىڭ ۋادە ەتكەنىن يەمدەنۋ ٷشىن، تاباندى بولۋلارىڭ قاجەت+. 37 ويتكەنى «ازعانا ۋاقىت» قالدى+، «كەلە جاتقان ول كەلىپ جەتەدى، ەش كەشىكپەيدى»+. 38 «ال مەنىڭ ٵدىل قىزمەتشىم سەنىمىنىڭ ارقاسىندا ٶمىر سۇرەدى»+، «ەگەر قايمىعىپ، كەرى شەگىنسە، ونى جانىم جاراتپايدى»+. 39 ٴبىز بولساق كەرى شەگىنىپ، جويىلاتىنداردىڭ ەمەس+، جانىن امان ساقتاۋ ٷشىن سەنىمگە يە بولعانداردىڭ قاتارىنانبىز.