ناقىل سوزدەر
22 جاقسات زور بايلىقتان ارتىق+،
قادىرلى بولۋ التىن-كۇمىستەن ارتىق.
2 باي مەن كەدەيگە ورتاق جايت:
ەكەۋىن دە ەحوبا جاراتتى+.
3 پاراساتتى قاتەردى كورىپ، باس ساۋعالار،
اڭعال* العا ٴجۇرىپ، جاپا شەگەر.
4 كىشىپەيىلدىلىك پەن ەحوبادان قورقۋ
بايلىققا، ابىروي مەن ومىرگە جەتكىزەر+.
5 بۇزىلعان ادامنىڭ جولى تىكەن مەن تۇزاققا تولى،
ٶمىرىن باعالايتىن جان ولاردان اۋلاق جۇرەدى+.
7 باي كەدەيدى بيلەپ-توستەر،
قارىزدار جان قارىز بەرۋشىنىڭ قۇلى بولار+.
9 جومارت جان جارىلقانادى،
ويتكەنى ازىعىن كەدەي-كەپشىكپەن بولىسەدى+.
10 كەمسىتۋشىنى قۋساڭ، جانجال توقتار،
داۋ باسىلىپ، ٴجابىر تىيىلار.
12 ەحوبانىڭ كوزى ٴبىلىمدى ساقتايدى،
ول وپاسىزدىڭ ٴسوزىن جوققا شىعارادى+.
13 جالقاۋ ادام: «دالادا ارىستان ٴجۇر!
الاڭ ورتاسىندا جارىپ كەتەدى»،— دەپ سىلتاۋ ايتار+.
14 ازعىن ايەلدىڭ اۋزى — تەرەڭ ور+،
ەحوبا جازاعا كەسكەن ادام سوعان قۇلار.
19 ەحوباعا سەنىمدى بولۋىڭ ٷشىن،
بۇگىن ساعان ٴبىلىم بەرىپ وتىرمىن.
20 بۇعان دەيىن دە ساعان جازىپ،
اقىل مەن ٴبىلىم بەرمەپ پە ەدىم؟!
21 وسىلاي ٶزىڭدى جىبەرگەنگە تۋرا جاۋاپ بەرۋىڭ ٷشىن،
شىن ٵرى سەنىمدى سوزدەردى ۇيرەتپەپ پە ەدىم؟!
23 ەحوبانىڭ ٶزى ولاردىڭ مۇددەسىن قورعايدى+،
ولاردى الداعانداردى ومىرىنەن ايىرادى.
24 قىزبا مىنەزدىمەن جولداس بولما،
اشۋشاڭمەن بايلانىسپا.
25 ايتپەسە وعان ەلىكتەپ كەتەسىڭ،
جانىڭدى تۇزاققا تۇسىرەسىڭ+.
26 بىرەۋدىڭ قارىزى ٷشىن قول الىسىپ،
كەپىل بولاتىنداردىڭ قاتارىنا جاتپا+.
27 تولەيتىن تۇگىڭ بولماسا،
استىڭداعى توسەگىڭ تارتىپ الىنار!
28 ەجەلدە اتا-باباڭ بەلگىلەگەن
شەگارا مەجەسىن جىلجىتپا+.
29 ٶز ىسىنە شەبەر جاندى كورگەنسىڭ بە؟
ول قاراپايىم ادامداردىڭ ەمەس،
پاتشالاردىڭ الدىندا تۇرادى+.