ەفەستىكتەرگە
6 بالالار، اتا-انالارىڭا مويىنسۇنىڭدار+، ويتكەنى بۇل قۇدايدىڭ ەركىنە ساي ٵرى دۇرىس. 2 «اكە-شەشەڭدى قۇرمەتتە»+. بۇل — كەلەسى ۋادەمەن قوسا بەرىلگەن العاشقى زاڭ: 3 «سوندا وزىڭە جاقسى بولادى، ٵرى جەردە ۇزاق عۇمىر كەشەسىڭ». 4 ال سەندەر، اكەلەر، بالالارىڭدى ىزالاندىرماڭدار+، كەرىسىنشە، ەحوبا ايتقانداي تاربيەلەپ+، ونىڭ اقىل-كەڭەسىن بەرىپ وسىرىڭدەر+.
5 قۇلدار، قوجايىندارىڭا، ماسىحكە مويىنسۇنعانداي، زور قۇرمەتپەن ٵرى شىن جۇرەكتەن مويىنسۇنىڭدار+. 6 مۇنى ادامدارعا جاعىنعىسى كەلەتىندەر سياقتى كوزگە ٴتۇسۋ ٷشىن عانا ىستەمەڭدەر+، قايتا، ٴماسىحتىڭ قۇلدارى رەتىندە قۇدايدىڭ ەركىن جان-تاندەرىڭمەن ورىنداڭدار+. 7 ادامدارعا ەمەس، ەحوباعا قىزمەت ەتىپ جۇرگەندەي، بار ىنتالارىڭمەن ەڭبەك ەتىڭدەر+. 8 ويتكەنى يگى ٸس جاساعان ٵربىر ادام، قۇل نە ەرىكتى بولسىن، ەحوبادان قارىمتاسىن الاتىنىن بىلەسىڭدەر+. 9 قوجايىندار، سەندەر دە قۇلدارىڭا سونداي كوزقاراستا بولىپ، ولارعا سەس كورسەتۋدى قويىڭدار. سەبەبى ولاردىڭ دا، وزدەرىڭنىڭ دە كوكتە قوجايىندارىڭ بار ەكەنىن بىلەسىڭدەر+. ول ەشكىمدى الالامايدى.
10 سوڭىندا سەندەردى مىناعان شاقىرامىن: يەمىزدەن كۇش الىپ+، ونىڭ قۇدىرەتىمەن نىعايا بەرىڭدەر. 11 ٸبىلىستىڭ زىميان ٸس-ارەكەتتەرىنە تويتارىس بەرە الۋلارىڭ ٷشىن، قۇداي بەرگەن ساۋىت-سايمانمەن تۇگەل جابدىقتالىڭدار+. 12 ويتكەنى ٴبىز ادام بالاسىنا* قارسى ەمەس، ۇكىمەتتەرگە، بيلەۋشىلەرگە جانە تۇنەكتەگى وسى دۇنيەنى بيلەپ-توستەپ وتىرعان اكىمدەرگە قارسى، ياعني كوكتەگى زۇلىم رۋحتارعا+ قارسى كۇرەسۋدەمىز+. 13 سوندىقتان قۇداي بەرگەن ساۋىت-سايمانمەن تۇگەلدەي جابدىقتالىڭدار+، سوندا زۇلىم كۇن كەلگەندە قارسى تۇرا الاسىڭدار، ٵرى ٴبارىن تولىق ورىنداعان سوڭ، بەرىك تۇراسىڭدار.
14 ەندەشە نىق تۇرىپ، بەلدەرىڭە شىندىقتى بەلدىك ەتىپ تاعىڭدار+، ادىلدىكتى ساۋىت قىلىپ كيىڭدەر+. 15 اياقكيىمدەرىڭدى دە كيىپ، تاتۋلىق تۋرالى ىزگى حاباردى ۋاعىزداۋعا دايىن بولىڭدار+. 16 بۇلارعا قوسا، سەنىمنىڭ ۇلكەن قالقانىن الىڭدار+، ونىمەن زۇلىمنىڭ* وتتى جەبەلەرىنىڭ ٴبارىن ٶشىرىپ تاستاي الاسىڭدار+. 17 سونداي-اق باستارىڭا قۇتقارىلۋدىڭ دۋلىعاسىن كيىڭدەر+ جانە قولدارىڭا رۋحتىڭ سەمسەرىن، ياعني قۇداي ٴسوزىن+ الىڭدار. 18 قۇدايعا ٵرتۇرلى دۇعا ايتىڭدار+ جانە جالبارىنىڭدار، ٵر جاعدايدا رۋح ارقىلى سيىنا بەرىڭدەر+. بۇل ٷشىن ٵردايىم سەرگەك بولىپ، بۇكىل قاسيەتتىلەر ٷشىن جالبارىنا بەرىڭدەر. 19 ىزگى حاباردىڭ قاسيەتتى قۇپياسىن باتىل جاريالاي الۋىم ٷشىن، اۋزىما قاجەتتى ٴسوز ٴتۇسسىن دەپ، مەن ٷشىن دە دۇعا ەتىڭدەر+. 20 وسى حاباردى جەتكىزۋگە جىبەرىلگەن وكىل+ رەتىندەگى قىزمەتىمدى شىنجىرلانعان كۇيى اتقارۋدامىن. سوندىقتان ونى ٴتيىستى تۇردە باتىل ايتا الۋىم ٷشىن دۇعا ەتىڭدەر.
21 مەنىڭ جاعدايىمدى جانە نە ىستەپ جاتقانىم تۋرالى سۇيىكتى باۋىرلاسىمىز ٵرى يەمىزدىڭ ادال قىزمەتشىسى تيحيك+ سەندەرگە ٴبارىن ايتىپ جەتكىزەدى+. 22 مەن ونى ٴبىزدىڭ جاعدايىمىز تۋرالى ايتسىن، ٵرى سەندەردى جۇباتسىن دەپ جىبەرىپ وتىرمىن.
23 قۇداي اكەمىز بەن يەمىز يسا ٴماسىح بارلىق باۋىرلاستارعا تىنىشتىق، سۇيىسپەنشىلىك پەن سەنىم سيلاي كورسىن. 24 يەمىز يسا ٴماسىحتى شىن سۇيگەندەرگە قۇدايدىڭ راقىمى جاۋسىن!