قورىنتتىقتارعا 2-حات
11 مەنىڭ ازداعان اقىماقتىعىما توزسەڭدەر ەكەن دەيمىن. نەگىزى، ٴتوزىپ تە كەلەسىڭدەر. 2 قۇداي سەندەردى قالاي قىزعىشتاي قورعاسا، مەن دە سولاي قورعايمىن. ويتكەنى سەندەردى ٴبىر كۇيەۋگە، ماسىحكە، قوسۋدى ۋادە ەتكەنمىن، ٵرى وعان پاك كۇيلەرىڭدە بەرگىم كەلەدى+. 3 ٴبىراق جىلان حاۋا انانى قۋلىقپەن ازعىرعانداي+، سەندەردىڭ دە وي-سانالارىڭ بۇزىلىپ، ماسىحكە دەگەن شىنايىلىقتارىڭ مەن پاكتىكتەرىڭنەن ايىرىلىپ قالماساڭدار ەكەن دەپ قورقامىن+. 4 سەبەبى سەندەرگە بىرەۋ كەلىپ، ٴبىز ۋاعىزداعاننان وزگە يسانى ۋاعىزداسا، نە وزدەرىڭ قابىلداعاننان باسقا رۋحتى، ياكي وزدەرىڭ قابىلداعاننان باسقا ىزگى حاباردى+ اكەلسە، وعان توزەسىڭدەر. 5 مەن ٶزىمدى «كەرەمەت ەلشىلەرىڭنەن» ەش كەم ەمەسپىن دەپ ەسەپتەيمىن+. 6 سوزگە شەشەن بولماسام دا+، ٴبىلىمىم جەتكىلىكتى. مۇنى سەندەرگە بارلىق جاعىنان تولىقتاي كورسەتتىك.
7 الدە سەندەردى جوعارىلاتۋ ٷشىن ٶزىمدى تومەندەتىپ، قۇدايدىڭ ىزگى حابارىن ەش اقىسىز+ قۋانا جاريالاۋىممەن كۇنا جاسادىم با؟ 8 وزدەرىڭە قىزمەت ەتۋ ٷشىن باسقا قاۋىمداردان كومەك الىپ، ولاردى توناعانداي بولدىم+. 9 ال ارالارىڭدا ٴجۇرىپ، مۇقتاجدىق كورگەندە، ەشكىمگە اۋىرتپالىق سالمادىم. سەبەبى ماكەدونيادان كەلگەن باۋىرلاستار قاجەتىمدى مولىنان قامتاماسىز ەتتى+. ٴيا، سەندەرگە ەشقانداي سالماق تۇسىرمەۋگە تىرىستىم، بۇدان بىلاي دا سويتەمىن+. 10 ٴماسىحتىڭ ٸزباسارى رەتىندە شىن ايتامىن، احايا ايماعىندا ماقتانۋىما ەشكىم كەدەرگى بولا المايدى+. 11 نەگە سەندەرگە سالماق تۇسىرمەدىم؟ جاقسى كورمەگەندىكتەن بە؟ وزدەرىڭدى جاقسى كورەتىنىم قۇدايعا ايان.
12 ٴبىز دە ەلشىمىز دەپ ماقتانىپ، بىزبەن تەڭ بولعىسى كەلىپ جۇرگەندەردىڭ ماقتانۋعا سەبەپتەرى بولماس ٷشىن، ىستەپ جاتقانىمدى ٵرى قاراي دا ىستەي بەرەمىن+. 13 ولار وزگەلەردى الداپ، وزدەرىن ٴماسىحتىڭ ەلشىلەرى ەتىپ كورسەتەتىن جالعان ەلشىلەر+. 14 بۇعان تاڭعالۋدىڭ قاجەتى جوق: شايتان دا ٶزىن جارىق پەرىشتەسى ەتىپ كورسەتەدى+. 15 سوندىقتان ونىڭ قىزمەتشىلەرىنىڭ دە وزدەرىن ادىلدىكتىڭ قىزمەتشىلەرى ەتىپ كورسەتەتىنى تاڭعالدىرمايدى. ٴبىراق ولاردىڭ اقىرى ىستەرىنە ساي بولماق+.
16 قايتالاپ ايتامىن، ەشكىم مەنى اقىماق دەپ ويلاماسىن. ال ەگەر سولاي ويلاساڭدار، وندا اقىماق ادام رەتىندە قابىلداڭدار. سوندا مەن دە ازداپ ماقتانا الامىن. 17 مۇنى يەمىزدىڭ ۇلگىسىنە ەلىكتەپ ەمەس، سەنىمدىلىكپەن ماقتاناتىن اقىماق كىسىدەي ايتىپ وتىرمىن. 18 كوپ ادام وسى دۇنيەلىك نارسەلەرمەن ماقتاناتىندىقتان، مەن دە سولاي ماقتانايىن. 19 ويتكەنى «سونداي اقىلدى» سەندەر اقىماقتارعا قۋانا توزەسىڭدەر. 20 ٴيا، سەندەر وزدەرىڭدى قۇل ەتكەندەرگە، مۇلىكتەرىڭدى جالماعاندارعا، بارلارىڭدى تارتىپ العاندارعا، وزدەرىڭدى باسىنعاندارعا، جاقتارىڭنان ۇرعاندارعا توزەسىڭدەر.
21 مۇنى ايتۋدىڭ ٶزى ۇيات، ويتكەنى ٴبىز السىزدىك جاساعانداي كورىنەمىز.
ٴبىراق وزگەلەر باتىل ارەكەت ەتسە، اقىماق كىسىدەي ايتىپ تۇرمىن، مەن دە باتىل ارەكەت ەتەيىن. 22 ولار ەۆرەي مە؟ مەن دە ەۆرەيمىن+. ولار يسرايلدىك پە؟ مەن دە يسرايلدىكپىن. ولار ىبىرايىمنىڭ ۇرپاعى ما؟ مەن دە سونىڭ ۇرپاعىمىن+. 23 ولار ٴماسىحتىڭ قىزمەتشىسى مە؟ ەسىنەن اداسقان كىسىدەي ايتىپ تۇرمىن، مەن ولاردان الدەقايدا اسىپ تۇسەمىن: كوبىرەك ەڭبەك ەتتىم+، كوبىرەك تۇرمەدە بولدىم+، تالاي تاياق جەدىم، كوپ رەت ولىممەن بەتپە-بەت كەلدىم+. 24 ياھۋديلەر بەس رەت وتىز توعىزدان دۇرە سوقتى+، 25 ٷش رەت شىبىقپەن سابالدىم+، ٴبىر رەت تاسپەن اتقىلاندىم+، ٷش رەت كەمە اپاتىنا ۇشىرادىم+، ٴبىر تاۋلىك بويى اشىق تەڭىزدە قالىپ قويدىم. 26 ٴجيى ساپارعا شىقتىم، تالاي رەت وزەندەردە قاتەرگە تاپ بولدىم، قاراقشىلاردان، ٶز ۇلتتاستارىمنان+، باسقا ۇلت ادامدارىنان+، قالادا+، ٴشول دالادا، تەڭىزدە، جالعان باۋىرلاستار اراسىندا باسىما قاۋىپ ٴتوندى. 27 ماڭداي تەرىمدى توگىپ ەڭبەك ەتتىم، تالاي تۇندەردى ۇيقىسىز وتكىزدىم+، اشتىق پەن ٴشولدىڭ نە ەكەنىن بىلەمىن+، كوپ رەت تاماقسىز قالدىم+، سۋىقتا دا، كيىمسىز دە ٴجۇردىم.
28 بۇلاردىڭ بارىنە قوسا، بارلىق قاۋىمداردى ويلاپ، كۇندە ۋايىمدايمىن+. 29 بىرەۋ ٵلسىز بولسا، مەن دە ٶزىمدى ٵلسىز سەزىنبەيمىن بە؟ بىرەۋ جولدان تايسا، سول ٷشىن كۇيىپ-پىسپەيمىن بە؟
30 ەگەر ماقتانۋعا ٴتيىس بولسام، ٵلسىز ەكەنىمدى كورسەتەتىن جايتتارمەن ماقتانامىن. 31 يەمىز يسانىڭ ماڭگىلىك ماداققا لايىق اكەسى ٵرى قۇدايى شىندىقتى ايتىپ تۇرعانىمدى بىلەدى. 32 داماسكىدە ارەتا پاتشانىڭ ٴبىر ٵمىرشىسى مەنى ۇستاپ الماق بولىپ، قالانى كۇزەتتى. 33 ٴبىراق باۋىرلاستار مەنى سەبەتپەن قالا قابىرعاسىنداعى تەرەزەدەن تومەن ٴتۇسىرىپ جىبەردى+، وسىلاي ودان قاشىپ قۇتىلدىم.