دانيال
12 سول ۋاقىتتا ميكايل+، حالقىڭنىڭ مۇددەسىن قورعاپ تۇرعان ۇلى ٵمىرشى+، ارەكەت ەتەتىن بولادى. سوندا حالىق پايدا بولعالى بەرى، بۇرىن-سوڭدى باسقا تۇسپەگەن قيىن-قىستاۋ ۋاقىت بولادى. سول ۋاقىتتا سەنىڭ حالقىڭ، كىتاپتا جازىلعان اركىم+، امان قالادى+. 2 جەر قوينىندا ۇيىقتاپ جاتقانداردىڭ كوبى ويانادى. ولاردىڭ كەيبىرى ماڭگى ٶمىر ٴسۇرۋ ٷشىن ويانسا، ال وزگەلەرى ماسقارا بولىپ، ماڭگىلىك بويى جەككورىنىشپەن ەسكە الىنادى.
3 تەرەڭ تۇسىنىگى بارلار اسپان كۇمبەزىندەي جارقىراپ نۇر شاشادى، كوپشىلىكتى ادىلدىككە جەتكىزەتىندەر جۇلدىزدارداي ماڭگى باقي جارقىرايدى.
4 ال سەن، دانيال، اقىرعى ۋاقىتقا دەيىن بۇل سوزدەردى قۇپيا ساقتاپ، كىتاپتى مورمەن بەكىتىپ قوي+. كوپ ادام تىڭعىلىقتى ىزدەستىرىپ*، شىنايى ٴبىلىم مولايا تۇسەدى+».
5 سوسىن مەن، دانيال، قاراسام، باسقا ەكى تۇلعانىڭ تۇرعانىن كوردىم: ٴبىرى اعىستىڭ بەرگى جاعاسىندا، ال ەكىنشىسى ارعى جاعاسىندا تۇر ەكەن+. 6 ونىڭ بىرەۋى زىعىر ماتادان كيىم كيگەن+ ٵرى اعىستىڭ ۇستىندە تۇرعاننان: «وسى عاجايىپ جايتتار ورىندالىپ بىتكەنگە دەيىن قانشا ۋاقىت وتەدى؟»— دەپ سۇرادى. 7 سوندا مەن زىعىر ماتادان كيىم كيگەن ٵرى اعىستىڭ ۇستىندە تۇرعان كىسىنىڭ وڭ قولى مەن سول قولىن كوككە كوتەرىپ، ماڭگى جاسايتىن تۇلعامەن+ انت ەتىپ، بىلاي دەگەنىن ەستىدىم: «بەلگىلەنگەن ٴبىر ۋاقىت، بەلگىلەنگەن ەكى ۋاقىت جانە جارتى ۋاقىت* وتەدى. قاسيەتتى حالىقتىڭ كۇشىن كۇيرەتۋ سوڭىنا جەتىسىمەن+، وسى جايتتاردىڭ ٴبارى بىتەدى».
8 ال مەن بولسام، ەستىسەم دە، تۇسىنبەدىم+. سوندىقتان: «ۋا، يەم، مۇنىڭ ٴبارى نەمەن بىتەدى؟»— دەپ سۇرادىم.
9 سوندا ول بىلاي دەدى: «بار، دانيال، سەبەبى اقىرعى ۋاقىتقا دەيىن بۇل سوزدەر قۇپيا ساقتالىپ، مورمەن بەكىتۋلى بولادى+. 10 كوپ ادام وزدەرىن تازارتادى، اعارتادى، سونداي-اق ولار سىنالاتىن بولادى+. زۇلىمدار زۇلىمدىعىن جاسايدى، ولاردىڭ ەشقايسىسى بۇل سوزدەردى ۇقپايدى. ٴبىراق اقىل-پاراساتى بارلار ۇعادى+.
11 ۇدايى شالىناتىن قۇرباندىقتار+ توقتاتىلىپ، قاڭىراتىپ بوس قالدىراتىن جەركەنىشتى نارسە ورناتىلعاننان+ باستاپ 1290 كۇن وتەدى.
12 1335 كۇن بىتكەنشە، كۇتەتىن* ادام باقىتتى!
13 ٶزىڭ سوڭىنا دەيىن ادالدىق ساقتا. سەن تىنىم تاباسىڭ، ال كۇندەردىڭ سوڭىندا ۇلەسىڭدى الۋ ٷشىن تۇراسىڭ+».