سالونيكالىقتارعا 1-حات
2 باۋىرلاستار، سەندەرگە بارعانىمىزدىڭ ناتيجەسىز بولماعانى وزدەرىڭە ايان+. 2 الدىمەن فىلىپىدە ازاپ شەگىپ، قورلىق كوردىك، مۇنى وزدەرىڭ دە بىلەسىڭدەر+. سويتسە دە قاتتى قارسىلىق كورگەنىمىزگە قاراماي*، سەندەرگە ىزگى حاباردى ايتۋ ٷشىن قۇدايدىڭ ارقاسىندا باتىلدىققا يە بولدىق+. 3 ٴبىز ناسيحاتىمىزدى ٶزىمىز اداسىپ جۇرگەندىكتەن نە ارام پيعىلمەن ايتىپ جاتقان جوقپىز، سەندەردى الداۋدان دا اۋلاقپىز. 4 قۇداي ٴبىزدى تەكسەرىپ، ىزگى حاباردى ۋاعىزداۋعا لايىق دەپ تاپتى. سوندىقتان ونى ادامدارعا ەمەس، جۇرەگىمىزدى سىنايتىن قۇدايعا+ ۇنامدى بولۋ ٷشىن ايتىپ ٴجۇرمىز.
5 شىنىندا دا، وزدەرىڭ بىلەتىندەي، ٴبىز ەشقاشان سەندەرگە جاعىمپازدانىپ سويلەگەن ەمەسپىز. پايدا كورۋدى دە كوكسەگەن ەمەسپىز+، بۇعان قۇداي كۋا! 6 ٴماسىحتىڭ ەلشىلەرى رەتىندە كوپ شىعىنعا ۇشىراتىپ، سەندەرگە اۋىرتپالىق سالۋىمىزعا بولار ەدى، ٴبىراق ٴبىز ادامداردان — نە سەندەردەن، نە وزگەلەردەن — اتاق-داڭق ىزدەپ جۇرگەن جوقپىز+. 7 كەرىسىنشە، سەندەردى بالاسىن ەمىزىپ، ماپەلەگەن اناداي ايالادىق. 8 وزدەرىڭە اياۋلى سەزىمىمىز بولعاندىقتان، قۇدايدىڭ ىزگى حابارىن جەتكىزىپ قانا قويماي، جانىمىزدى بەرۋگە دايىن بولدىق+، ويتكەنى وزدەرىڭدى جاقسى كورىپ كەتتىك+.
9 باۋىرلاستار، ٴبىزدىڭ اۋىر ەڭبەگىمىز بەن بەينەتىمىز ەستەرىڭدە عوي. كوپ شىعىنعا ۇشىراتىپ، ەشقايسىسىڭا اۋىرتپالىق سالماۋ ٷشىن كۇنى-ٴتۇنى جۇمىس ىستەي ٴجۇرىپ+، سەندەرگە قۇدايدىڭ ىزگى حابارىن ۋاعىزدادىق. 10 سەندەردىڭ، سەنۋشىلەردىڭ، الدارىڭدا ٴبىز ادال دا ٵدىل، ٴمىنسىز بولىپ جۇرگەنىمىزگە وزدەرىڭ دە، قۇداي دا كۋا. 11 اكەسى+ بالاسىنا ناسيحات ايتىپ، جۇباتىپ، اقىل-كەڭەس بەرىپ وتىراتىنىنداي، ٴبىز دە ٴارقايسىسىڭا ۇنەمى سولاي ەتكەنىمىزدى جاقسى بىلەسىڭدەر+. 12 مۇنى ٶزىنىڭ پاتشالىعىنا+ جانە ۇلىلىعىنا+ ورتاقتاسۋعا شاقىرىپ وتىرعان قۇدايدىڭ الدىندا وعان ۇنايتىنداي ٴجۇرىپ-تۇرۋلارىڭ ٷشىن ىستەدىك+.
13 سونداي-اق بىزدەن ەستىگەن قۇداي ٴسوزىن ادامنىڭ ەمەس، قۇداي ٴسوزى رەتىندە — شىنىمەن دە بۇل سولاي — قابىلداعاندارىڭ ٷشىن ۇنەمى قۇدايعا العىس ايتامىز+. ول سەندەرگە، سەنۋشىلەرگە، اسەر ەتىپ تە جاتىر. 14 ويتكەنى، باۋىرلاستار، سەندەر ٴماسىح يسامەن بىرلىكتە تۇرعان ياھۋدەياداعى قاۋىمدارعا ۇقسادىڭدار. ولاردىڭ ەلدەستەرىنىڭ قولىنان جاپا شەگىپ جاتقانىنداي، سەندەر دە ٶز جەرلەستەرىڭنىڭ قولىنان جاپا شەكتىڭدەر+. 15 ياھۋديلەر ٴتىپتى يەمىز يسانى جانە پايعامبارلاردى ولتىرگەن+، ولار ٴبىزدى دە قۋدالادى+. ولار قۇدايعا ۇنامسىز، ٵرى بۇكىل ادامزاتقا قاستىق جاساپ ٴجۇر. 16 سەبەبى ياھۋديلەر باسقا ۇلت ادامدارى امان قالۋ ٷشىن ولارعا ۋاعىزداۋىمىزعا كەدەرگى جاساۋعا تىرىسىپ+، كۇنالارىنا كۇنا قوسۋدا. ٴبىراق، اقىرىندا، ونىڭ ولارعا قاھارىن توگەتىن ۋاقىتى كەلدى+.
17 ال ٴبىز، باۋىرلاستار، از ۋاقىتقا سەندەردەن اجىراپ قالىپ، وزدەرىڭدى كورە الماساق تا، ٵردايىم ەسىمىزدە ۇستادىق. جۇزدەرىڭدى كورۋدى قاتتى قالاعاندىقتان، وزدەرىڭە بارۋ ٷشىن قولدان كەلگەننىڭ ٴبارىن جاسادىق. 18 سول سەبەپتى ٴبىز — دالىرەك ايتقاندا، مەن، پاۋىل — سەندەرگە ەكى رەت بارعىمىز كەلدى، ٴبىراق شايتان جولىمىزدى كەس-كەستەدى. 19 ويتكەنى يەمىز يسا وسىندا بولاتىن كەزدە* ونىڭ الدىندا ٴبىزدىڭ ٷمىتىمىز، قۋانىشىمىز بەن ماقتانىش ٴتاجىمىز سەندەر بولماعاندا، كىم بولماق+؟ 20 ٴيا، ماقتانىشىمىز بەن قۋانىشىمىز وزدەرىڭسىڭدەر.