ٴزابۇر
ٵن-كۇي جەتەكشىسىنە. ٴداۋىتتىڭ جىرى. ٵن.
68 لايىم قۇداي تۇرەگەلسىن، لايىم جاۋلارى بىتىراپ كەتسىن،
ونى جەك كورەتىندەر الدىنان تىم-تىراقاي قاشسىن+.
2 جەلدىڭ ٴتۇتىندى سەيىلتىپ جىبەرەتىنىندەي، سەن دە ولاردى سەيىلتىپ جىبەرشى.
بالاۋىزدىڭ وتقا ەرىپ كەتەتىنىندەي،
زۇلىمدار قۇداي الدىنان قۇرىپ كەتسە ەكەن+.
4 قۇدايعا ارناپ ٵن سالىڭدار، ەسىمىن ماداقتاپ شىرقاڭدار+،
ٴشولدى اڭعارمەن* ٶتىپ بارا جاتقان وعان ارناپ ٵن سالىڭدار.
ەسىمى ونىڭ — ەحوبا*+! ونىڭ الدىندا قۋانىڭدار!
ال قىڭىرلار قۋاڭ جەردە ٶمىر سۇرەدى+.
7 ۋا، قۇداي، سەن حالقىڭدى باستاپ الىپ جۇرگەنىڭدە+،
ٴشول دالامەن وتكەنىڭدە، (سەلا)
8 جەر ٴدۇمپىپ كەتتى+؛
قۇدايدىڭ الدىندا اسپاننان جاڭبىر قۇيدى.
يسرايل قۇدايىنىڭ الدىندا سيناي تاۋى شايقالىپ كەتتى+.
9 ۋا، قۇداي، سەن كول-كوسىر جاڭبىر جاۋدىردىڭ،
ابدەن قاجىعان حالقىڭا قايتا كۇش دارىتتىڭ.
10 ولار سەنىڭ قوسىڭداعى شاتىرلاردا تۇردى+؛
ىزگىلىگىڭمەن كەدەي-كەپشىكتىڭ قامىن جاسادىڭ، ۋا، قۇداي.
11 ەحوبا بۇيرىق بەرەدى؛
ىزگى حاباردى جاريالايتىن قىز-كەلىنشەكتەر قالىڭ قولدى قۇرايدى+.
12 ۇيدە قالعان ايەل ولجادان ۇلەس الىپ جاتقاندا+،
جاۋ اسكەرلەرىنىڭ پاتشالارى قاشىپ بارادى+، ولار قاشىپ بارادى!
13 سەندەر قوستاعى وتتاردى اينالا* جاتساڭدار دا،
قاۋىرسىندارى جاسىل سارى التىنمەن،
قاناتتارى كۇمىسپەن كومكەرىلگەن كەپتەردىكىندەي قاناتتارىڭ بولادى.
14 قۇدىرەتى شەكسىز قۇداي وسى جەردىڭ پاتشالارىن بىتىراتىپ جىبەرگەندە+،
سالمونعا قار تۇسكەندەي بولدى.
15 باشان تاۋى+ — قۇدايدىڭ تاۋى،
باشان تاۋى — شىڭدارى بار تاۋ.
16 ەي، شىڭدارى بار تاۋلار!
نەگە قۇداي ٶز تۇراعى ەتۋ ٷشىن تاڭداعان تاۋعا قىزعانا قارايسىڭدار+؟
ەحوبا سول جەردە ماڭگى باقي مەكەندەيتىن بولادى+.
17 قۇدايدىڭ سوعىس اربالارى ونداعان مىڭ، سان مىڭداعان+.
ەحوبا سينايدان كيەلى ورىنعا كەلدى+.
18 سەن زاڭعار بيىككە كوتەرىلدىڭ+،
تۇتقىنداردى الىپ كەتتىڭ،
ادامداردى سي رەتىندە الدىڭ+،
ٴيا، ەحوبا* قۇداي، سولاردىڭ اراسىندا مەكەندەۋىڭ ٷشىن، ٴتىپتى قىڭىرلارىن دا الدىڭ+.
19 كۇندەلىكتى اۋىرتپالىعىمىزدى كوتەرەتىن ەحوبا دارىپتەلسىن+،
ٴبىزدى قۇتقاراتىن شىنايى قۇداي دارىپتەلسىن. (سەلا)
20 شىنايى قۇداي — ٴبىز ٷشىن قۇتقارۋشى قۇداي+؛
الەمنىڭ ٵمىرشىسى ەحوبا ولىمنەن امان ساقتايدى+.
21 ٴيا، قۇداي جاۋلارىنىڭ باسىن جارادى،
كۇنا جاساۋىن قويمايتىنداردىڭ قاق توبەسىنەن ۇرادى+.
22 ەحوبا بىلاي دەيدى: «مەن ولاردى باشاننان قايتىپ اكەلەمىن+،
تەڭىز تۇڭعيىعىنان قايتا شىعارىپ الامىن،
23 وسىلاي سەن اياعىڭدى قانعا جۋاسىڭ+،
يتتەرىڭ جاۋلارىڭنىڭ قانىن جالايدى».
24 ولار سەنىڭ سالتاناتتى شەرۋىڭدى كورەدى، ۋا، قۇداي!
ولار مەنىڭ قۇدايىمنىڭ، پاتشامنىڭ، كيەلى ورىنعا بارا جاتقان سالتاناتتى شەرۋىن كورەدى+.
25 الدىندا انشىلەر، ولاردان كەيىن ىشەكتى اسپاپتا وينايتىندار+،
ال ارالارىندا داڭعىرادا ويناپ قىز بالالار كەلەدى+.
26 جيىنداردا قۇدايدى ماداقتاڭدار،
يسرايلدىڭ قاينارىنان ٶمىر العاندار، ەحوبانى ماداقتاڭدار+!
27 كەنجە بەنيامين+ جۇرتتى باعىندىرادى،
شۋلى نوپىرىمەن ياھۋدا بەكزادالارى،
زابۋلون مەن نافتاليم بەكزادالارى دا ولاردى باعىندىرادى.
28 قۇدايىڭ سەنى مىقتى بولادى دەپ ۇيعاردى.
ۋا، ٴبىزدىڭ يگىلىگىمىز ٷشىن ارەكەت ەتەتىن قۇداي، كۇش-قۋاتىڭدى كورسەتشى+.
29 يەرۋساليمدەگى عيباداتحاناڭ+ ٷشىن پاتشالار ساعان سي-تارتۋ اكەلەدى+.
30 قامىس اراسىنداعى جابايى اڭداردى،
جينالعان بۇقالاردى دا+ بۇزاۋلارىمەن قوسا ايىپتاشى،
جۇرت ساعان كۇمىس اقشا اكەلىپ، باس ۇرعانشا سولاي ەتشى.
ال سوعىسقۇمار ادامداردى سەن بىتىراتىپ جىبەرەسىڭ.
32 ەي، جەردەگى پاتشالىقتار، قۇدايعا ٵن شىرقاڭدار+،
ەحوباعا ماداق ٵنىن شىرقاڭدار. (سەلا)
33 ول ەجەلدەن بار بولعان زاڭعار كوكتە ٴجۇرىپ كەلەدى+.
تىڭداڭدار، ول كەرەمەت زور داۋسىمەن كۇركىرەيدى!
34 قۇدايدىڭ كۇشىن مويىنداڭدار+!
ول ۇلىلىقپەن يسرايلگە بيلىك جۇرگىزەدى،
ونىڭ كۇشى اسپاندا.
35 ۇلى عيباداتحاناسىندا قۇداي قاستەرلى سەزىمگە بولەيدى+.
ول — ٶز حالقىنا كۇش پەن قۇدىرەت بەرەتىن يسرايلدىڭ قۇدايى+.
قۇدايدى ماداقتاڭدار!