مۇسانىڭ 5-جازباسى
6 ەحوبا قۇدايلارىڭ سەندەرگە ۇيرەت دەپ ماعان بۇيىرعان كەلەسى زاڭداردى، نۇسقاۋلار مەن شەشىمدەردى وزەننىڭ ارعى بەتىنەن يەلىككە الاتىن جەردە تۇرىپ جاتقان كەزدەرىڭدە ورىنداۋلارىڭ كەرەك. 2 وزدەرىڭ دە، ۇلدارىڭ مەن نەمەرەلەرىڭ دە ەحوبا قۇدايلارىڭنان قورقىپ، ونىڭ مەن ارقىلى بەرىپ وتىرعان نۇسقاۋلارى مەن زاڭدارىن ٶمىر بويى ۇستانىڭدار+. سوندا عۇمىرلارىڭ ۇزاق بولادى+. 3 ۋا، يسرايل، سولاردى تىڭداپ، ۇقىپتىلىقپەن ورىندا. سوندا ەحوبا قۇدايىڭ اتا-باباڭا ۋادە ەتكەندەي، اعى مەن بالى اعىل-تەگىل مول ەلدە ٶسىپ-ٶنىپ، وركەندەيتىن بولاسىڭ.
4 تىڭدا، ۋا، يسرايل، قۇدايىمىز ەحوبا — جالعىز ەحوبا+. 5 قۇدايىڭ ەحوبانى بار جۇرەگىڭمەن، بۇكىل جان-تانىڭمەن+ جانە بار كۇش-قۋاتىڭمەن* ٴسۇي+. 6 مەن بۇگىن بۇيىرعان وسى سوزدەر جۇرەگىڭنەن ورىن السىن. 7 ولاردى بالالارىڭنىڭ قۇلاعىنا قۇيىپ+، ۇيدە وتىرعاندا دا، جول جۇرگەندە دە، جاتقاندا دا، تۇرعاندا دا ايتاتىن بول+. 8 ولار قولىڭا بايلانعان بەلگى، ماڭدايىڭا تاڭىلعان ەسكەرتپە ىسپەتتى بولسىن+. 9 ولاردى ەسىگىڭنىڭ جاقتاۋىنا جانە قالاڭنىڭ قاقپاسىنا جازىپ قوي.
10 ەحوبا قۇدايلارىڭ سەندەردى اتا-بابالارىڭ ىبىرايىم، ىسقاق پەن جاقىپقا ۋادە ەتكەن جەرگە الىپ كىرىپ+، وزدەرىڭ تۇرعىزباعان ۇلكەن دە اسەم قالالاردى+، 11 وزدەرىڭ جيناماعان دۇنيە-مۇلىككە تولى ۇيلەردى، وزدەرىڭ قازباعان سۋ قويمالارىن، وزدەرىڭ وتىرعىزباعان جۇزىمدىكتەر مەن ٴزايتۇن اعاشتارىن بەرەدى. سوندا ٸشىپ-جەپ، تويىنعاندا+، 12 مىسىر ەلىنەن، قۇلدىق ۇيىنەن، الىپ شىققان ەحوبانى ۇمىتىپ كەتۋدەن اباي بولىڭدار+. 13 ەحوبا قۇدايلارىڭنان قورقىپ+، سوعان عانا قىزمەت ەتىڭدەر+، سونىڭ عانا ەسىمىمەن انت بەرىڭدەر+. 14 وزگە قۇدايلارعا، اينالاداعى حالىقتاردىڭ قۇدايلارىنا، قۇلشىلىق ەتپەڭدەر+، 15 سەبەبى ارالارىڭداعى ەحوبا قۇدايلارىڭ — وزىنە قالتقىسىز بەرىلۋدى تالاپ ەتەتىن قۇداي+. ايتپەسە ەحوبا قۇدايلارىڭ سەندەرگە قاھارىن توگىپ+، جەر بەتىنەن كوزدەرىڭدى قۇرتادى+.
16 ەحوبا قۇدايلارىڭدى ماسسادا سىناعانداي+ سىناۋشى بولماڭدار+. 17 ەحوبا قۇدايلارىڭ بۇيىرعان زاڭداردى، ەسكەرتپەلەر مەن نۇسقاۋلاردى ىجداعاتپەن ورىنداڭدار. 18 ەحوبانىڭ كوز الدىندا دۇرىس ٵرى جاقسى بولاتىن ىستەردى جاساڭدار. سوندا مۇنىڭ يگىلىگىن كورىپ، ەحوبا قۇدايلارىڭ اتا-بابالارىڭا ۋادە ەتكەن شۇرايلى جەرگە كىرىپ، ونى يەمدەنەسىڭدەر+. 19 سونداي-اق ەحوبا ۋادە ەتكەندەي، جاۋلارىڭدى تۇگەل قۋىپ شىعاسىڭدار+.
20 بولاشاقتا بالالارىڭ: —ەحوبا قۇدايىمىز سىزدەرگە ورىنداۋدى بۇيىرعان وسى ەسكەرتپەلەردىڭ، نۇسقاۋلار مەن شەشىمدەردىڭ قانداي ٴمانى بار؟— دەپ سۇراسا، 21 ولارعا: —ٴبىز مىسىر ەلىندە پەرعاۋىننىڭ قۇلى بولعان ەدىك. ٴبىراق ەحوبا ٴبىزدى قۇدىرەتتى قولىمەن مىسىردان الىپ شىقتى. 22 سوندا ەحوبا كوز الدىمىزدا مىسىرعا، پەرعاۋىنعا جانە ونىڭ بۇكىل ٷي ىشىنە قارسى جويقىن دا عالامات كەرەمەتتەر مەن ىستەر جاسادى+. 23 ول سول ەلدەن ٴبىزدى اتا-بابامىزعا ۋادە ەتكەن وسى جەرگە+ اكەلۋ ٷشىن الىپ شىقتى. 24 امان-ەسەن ٴجۇرۋىمىز ٷشىن+، ەحوبا وسى نۇسقاۋلاردى ورىنداۋدى جانە ماڭگىلىك يگىلىگىمىز ٷشىن قۇدايىمىز ەحوبادان قورقۋدى بۇيىردى+. وسىنىڭ ارقاسىندا امان-ەسەن ٴجۇرمىز دە. 25 ەگەر ەحوبا قۇدايىمىزعا مويىنسۇنىپ، ٶزى بۇيىرعانداي، وسى زاڭداردى ۇقىپتىلىقپەن ورىندايتىن بولساق، ونىڭ الدىندا ٵدىل بولامىز+،— دەپ جاۋاپ بەرىڭدەر.