ەزەكيەل
40 جەر اۋدارىلعانىمىزعا+ 25 جىل، ال يەرۋساليمنىڭ كۇيرەگەنىنە+ 14 جىل بولعاندا، جىلدىڭ باسىندا، ياعني ٴبىرىنشى ايدىڭ ونىنشى كۇنى، تاپ سول كۇنى ماعان ەحوبانىڭ قۇدىرەتى قونىپ، يەرۋساليمگە الىپ باردى+. 2 ول مەنى اياندا يسرايل ەلىنە اپارىپ، وتە بيىك تاۋدىڭ باسىنا تۇرعىزدى+. تاۋدىڭ وڭتۇستىك بەتكەيىندە قالاعا ۇقسايتىن عيمارات بار ەكەن.
3 ول مەنى سول جەرگە اكەلگەندە، قاقپا الدىندا تۇرعان بىرەۋدى كوردىم. ونىڭ تۇلا بويى مىس سياقتى جالتىراپ تۇردى+، ال قولىندا زىعىر ارقانى مەن ولشەۋىش تاياعى* بار ەدى+. 4 ول ماعان: «ادام ۇلى، مەن ساعان كورسەتكەلى جاتقان نارسەلەردىڭ بارىنە مۇقيات قاراپ، ايتقاندارىمدى زەر سالىپ تىڭدا. ويتكەنى سەن مۇندا سول ٷشىن اكەلىندىڭ. كورگەنىڭنىڭ ٴبارىن يسرايل ۇيىنە جەتكىز+»،— دەدى.
5 سودان، قاراسام، عيباداتحانا* اينالا دۋالمەن قورشالعان ەكەن. الگى كىسى قولىنداعى ولشەۋىش تاياقپەن دۋالدى ولشەپ ەدى، ونىڭ ەنى مەن بيىكتىگى ولشەۋىش تاياقتىڭ ۇزىندىعىمەن بىردەي بولىپ شىقتى. ال تاياقتىڭ ۇزىندىعى التى شىنتاق ەدى (ٵربىر شىنتاقتىڭ ۇزىندىعى ٴبىر شىنتاق ٴتورت ەلىگە تەڭ بولاتىن*).
6 بۇدان كەيىن ول شىعىسقا قارايتىن قاقپا عيماراتىنا كەلىپ+، باسپالداقتارمەن كوتەرىلدى. ونىڭ بوساعاسىن ولشەپ ەدى، ەنى ولشەۋىش تاياقتىڭ ۇزىندىعىنا تەڭ بولىپ شىقتى. وزگە بوساعانىڭ دا ەنى وسىنداي ەكەن. 7 كۇزەتشىلەر بولمەلەرىنىڭ+ ۇزىندىعى مەن ەنى دە ولشەۋىش تاياقتىڭ ۇزىندىعىنا تەڭ بولدى. ولاردىڭ ارالارىنداعى قاشىقتىق بولسا بەس شىنتاقتان ەكەن. قاقپا عيماراتىنىڭ كىرەبەرىس ٴدالىزىنىڭ ىشكى جاق بوساعاسى ولشەۋىش تاياقتىڭ ۇزىندىعىنا تەڭ بولدى.
8 ول قاقپا عيماراتىنىڭ ىشكى جاعىنداعى كىرەبەرىس ٴدالىزدى ولشەگەن ەدى، ولشەۋىش تاياقتىڭ ۇزىندىعىمەن بىردەي بولدى. 9 بۇدان كەيىن قاقپا عيماراتىنىڭ كىرەبەرىس ٴدالىزىن ولشەپ ەدى، سەگىز شىنتاق، ال تىرەكتەرى ەكى شىنتاقتان بولدى. بۇل قاقپا عيماراتىنىڭ ىشكى جاعىنداعى كىرەبەرىس ٴدالىز ەدى.
10 شىعىس جاقتاعى قاقپا عيماراتىنىڭ ەكى جاعىندا ٷش-ۇشتەن ورنالاسقان كۇزەتشىلەر بولمەسى بولدى. بولمەلەردىڭ كولەمى بىردەي ەدى، ولاردىڭ تىرەكتەرىنىڭ دە ۇلكەندىگى بىردەي بولدى.
11 الگى كىسى قاقپا عيماراتىنا كىرەتىن جەردىڭ ەنىن ولشەگەندە، 10 شىنتاق، ال عيماراتتى سىرت جاعىنان ولشەگەندە، تولىق ۇزىندىعى 13 شىنتاق بولىپ شىقتى.
12 قاقپا عيماراتىنىڭ ەكى جاعىنداعى كۇزەتشىلەر بولمەلەرىنىڭ ٴارقايسىسىنىڭ الدىندا ىلگەرى قاراي ٴبىر شىنتاق شىعىپ تۇراتىن بوگەتى بار ورىنجاي بولدى. ال بولمەلەردىڭ ٶزى التى شىنتاقتان ەدى. ەكى جاقتاعى بولمەلەردىڭ ۇلكەندىگى بىردەي بولدى.
13 سوسىن ول قاقپا عيماراتىنىڭ ەنىن ولشەگەندە، ٴبىر كۇزەتشىلەر بولمەسىنىڭ توبەسىنەن باستاپ قارسى ورنالاسقان بولمەنىڭ توبەسىنە دەيىن 25 شىنتاق بولىپ شىقتى+. بولمەلەردىڭ كىرەبەرىستەرى ٴبىر-بىرىنە قاراما-قارسى ورنالاسىپتى. 14 ول تىرەكتەرىن ولشەپ ەدى، بيىكتىگى 60 شىنتاق ەكەن. اۋلانى اينالا ورنالاسقان قاقپا عيماراتتارىنىڭ تىرەكتەرىنىڭ بيىكتىگى دە وسىنداي ەدى. 15 ال قاقپا عيماراتىنىڭ سىرتقى كىرەبەرىسىنەن ىشكى كىرەبەرىسىنە دەيىنگى اراقاشىقتىق 50 شىنتاق بولدى.
16 قاقپا عيماراتىنىڭ ىشىندەگى كۇزەتشىلەر بولمەلەرى مەن ونىڭ ەكى جاق قابىرعاسىنداعى تىرەكتەرىندە سىرتقا قاراعان جاعى تارلاۋ بولىپ كەلەتىن تەرەزەلەر بار ەكەن+. كىرەبەرىس دالىزدەردىڭ دە ەكى جاعىندا وسىنداي تەرەزەلەر بار ەدى. ال تىرەكتەرگە پالما اعاشىنىڭ بەينەلەرى ٴتۇسىرىلىپتى+.
17 بۇدان كەيىن ول مەنى سىرتقى اۋلاعا الىپ باردى. قاراسام، اۋلانى اينالدىرا تاس توسەلىپتى، اينالا سالىنعان اس بولمەلەر دە بار+. اس بولمەلەردىڭ سانى 30 ەكەن. 18 قاقپا عيماراتتارىنا دەيىنگى تاس توسەلگەن جەرلەردىڭ ەنى عيماراتتاردىڭ ۇزىندىعىنا تەڭ بولاتىن. بۇل تومەنگى تاس توسەلگەن جەر ەدى.
19 الگى كىسى تومەنگى قاقپا عيماراتى مەن ىشكى اۋلاعا اپاراتىن قاقپا عيماراتىنىڭ اراسىن ولشەپ ەدى، 100 شىنتاق بولىپ شىقتى. شىعىس جانە سولتۇستىك قاقپا عيماراتتارىنىڭ اراقاشىقتىعى دا سونداي بولدى.
20 سىرتقى اۋلادا سولتۇستىككە قاراعان قاقپا عيماراتى بار ەدى، ول سول عيماراتتىڭ ۇزىندىعى مەن ەنىن ولشەدى. 21 عيماراتتىڭ ەكى جاعىندا ٷش-ۇشتەن ورنالاسقان كۇزەتشىلەر بولمەسى بولدى، ٵرى ونىڭ تىرەكتەرى مەن كىرەبەرىس ٴدالىزىنىڭ ولشەمى ٴبىرىنشى قاقپا عيماراتىنىڭ ولشەمىنە تەڭ ەدى. عيماراتتىڭ ۇزىندىعى 50، ەنى 25 شىنتاق بولاتىن. 22 ونىڭ تەرەزەلەرى مەن كىرەبەرىس ٴدالىزىنىڭ جانە پالما اعاشتارى بەينەلەرىنىڭ+ ولشەمدەرى شىعىس قاقپا عيماراتىنىكىنە تەڭ كەلەتىن. عيماراتقا كىرەبەرىس ٴدالىزدىڭ الدىنداعى جەتى باسپالداق ارقىلى كوتەرىلۋگە بولاتىن.
23 ىشكى اۋلادا سولتۇستىك جانە شىعىس قاقپا عيماراتتارىنا قارسى ورنالاسقان قاقپا عيماراتتارى بار ەدى. ول قارسى ورنالاسقان سول عيماراتتاردىڭ اراسىن ولشەپ ەدى، 100 شىنتاق بولىپ شىقتى.
24 بۇدان كەيىن الگى كىسى مەنى وڭتۇستىككە قاراي الىپ باردى. سول جەردەن مەن وڭتۇستىككە قاراپ تۇرعان قاقپا عيماراتىن كوردىم+. ول عيماراتتىڭ تىرەكتەرى مەن كىرەبەرىس ٴدالىزىن ولشەگەندە، ولشەمدەرى باسقا قاقپا عيماراتتاردىكىمەن بىردەي بولىپ شىقتى. 25 قاقپا عيماراتىنىڭ ەكى جاعى مەن كىرەبەرىس دالىزىندە باسقا قاقپا عيماراتتاردىكىندەي تەرەزەلەرى بار ەدى. عيماراتتىڭ ۇزىندىعى 50، ەنى 25 شىنتاق بولاتىن. 26 وعان كىرەبەرىس ٴدالىزدىڭ الدىنداعى جەتى باسپالداق ارقىلى كوتەرىلۋگە بولاتىن+. ال ەكى جاقتاعى قابىرعانىڭ تىرەكتەرىنە پالما اعاشىنىڭ بەينەلەرى تۇسىرىلگەن ەدى.
27 ىشكى اۋلادا دا وڭتۇستىككە قاراپ تۇرعان قاقپا عيماراتى بار ەكەن. الگى كىسى قاقپا عيماراتتارىنىڭ اراسىن ولشەپ ەدى، 100 شىنتاق بولىپ شىقتى. 28 سوسىن ول مەنى وڭتۇستىكتەگى قاقپا عيماراتى ارقىلى ىشكى اۋلاعا اكەلدى. ول وڭتۇستىككە قاراعان قاقپا عيماراتىن ولشەگەندە، ولشەمدەرى باسقا قاقپا عيماراتتاردىكىمەن بىردەي بولدى. 29 ونىڭ كۇزەتشىلەر بولمەلەرى، تىرەكتەرى مەن كىرەبەرىس ٴدالىزىنىڭ ولشەمدەرى دە باسقالارىمەن بىردەي ەدى. سونداي-اق ونىڭ ەكى جاعى مەن كىرەبەرىس دالىزىندە باسقا قاقپا عيماراتتاردىكىندەي تەرەزەلەرى بار ەدى. عيماراتتىڭ ۇزىندىعى 50، ەنى 25 شىنتاق بولاتىن+. 30 ىشكى اۋلاعا اپاراتىن قاقپا عيماراتتارىنىڭ بارىندە كىرەبەرىس ٴدالىز بولدى. ولاردىڭ ۇزىندىعى 25، ال ەنى 5 شىنتاقتان ەدى. 31 عيماراتتىڭ كىرەبەرىس ٴدالىزى سىرتقى اۋلاعا قاراپ تۇردى، ال تىرەكتەرىندە پالما اعاشىنىڭ بەينەلەرى بولدى+. دالىزگە سەگىز باسپالداق ارقىلى كوتەرىلۋگە بولاتىن+.
32 الگى كىسى مەنى شىعىستان ىشكى اۋلاعا اكەلدى دە، سونداعى قاقپا عيماراتىن ولشەدى. عيماراتتىڭ ولشەمدەرى باسقالارىمەن بىردەي ەكەن. 33 ونىڭ كۇزەتشىلەر بولمەلەرى، تىرەكتەرى مەن كىرەبەرىس ٴدالىزىنىڭ ولشەمدەرى دە باسقالارىمەن بىردەي بولدى. سونداي-اق ونىڭ ەكى جاعى مەن كىرەبەرىس دالىزىندە باسقا قاقپا عيماراتتاردىكىندەي تەرەزەلەرى بار ەدى. عيماراتتىڭ ۇزىندىعى 50، ەنى 25 شىنتاق بولاتىن. 34 ونىڭ كىرەبەرىس ٴدالىزى سىرتقى اۋلاعا قاراپ تۇردى، ال ەكى جاقتاعى تىرەكتەرىندە پالما اعاشىنىڭ بەينەلەرى بولدى. دالىزگە سەگىز باسپالداق ارقىلى كوتەرىلۋگە بولاتىن.
35 بۇدان كەيىن ول مەنى سولتۇستىككە قاراعان قاقپا عيماراتىنا اكەلدى دە+، ونى ولشەپ شىقتى. ونىڭ ولشەمدەرى باسقالارىمەن بىردەي ەكەن. 36 عيماراتتىڭ كۇزەتشىلەر بولمەلەرى، تىرەكتەرى مەن كىرەبەرىس ٴدالىزىنىڭ ولشەمدەرى دە باسقالارىمەن بىردەي بولدى، ەكى جاعىندا بولسا تەرەزەلەرى بار ەدى. عيماراتتىڭ ۇزىندىعى 50، ەنى 25 شىنتاق بولاتىن. 37 ونىڭ ەكى جاعىنداعى تىرەكتەرى سىرتقى اۋلاعا قاراپ تۇردى، تىرەكتەرگە پالما اعاشىنىڭ بەينەلەرى تۇسىرىلگەن ەدى. قاقپا عيماراتىنا سەگىز باسپالداق ارقىلى كوتەرىلۋگە بولاتىن.
38 قاقپا عيماراتتارىنىڭ تىرەكتەرىنىڭ تۇسىندا كىرەبەرىسى بار اس بولمە بولدى. سول جەردە تۇگەل ورتەلەتىن قۇرباندىقتار جۋىلاتىن+.
39 سولتۇستىككە قاراعان قاقپا عيماراتىنىڭ كىرەبەرىس ٴدالىزىنىڭ ەكى جاعىنا ەكى-ەكى ۇستەلدەن قويىلىپتى. سولاردىڭ ۇستىندە تۇگەل ورتەلەتىن+، كۇنا ٷشىن اكەلىنەتىن+ جانە ايىپ قۇرباندىقتارى شالىنادى ەكەن+. 40 سولتۇستىك قاقپا عيماراتىنىڭ كىرەبەرىسىنىڭ سىرت جاعىندا ەكى ۇستەل تۇردى. عيماراتتىڭ كىرەبەرىس ٴدالىزىنىڭ ىشكى جاعىنا دا ەكى ۇستەل قويىلىپتى. 41 وسىلايشا قاقپا عيماراتىنىڭ ٸشى مەن سىرتىندا ٴتورت-ٴتورت ۇستەلدەن — باس-اياعى سەگىز ۇستەل تۇردى. ولاردىڭ ٴبارى قۇرباندىق شالۋ ٷشىن قولدانىلاتىن. 42 تۇگەل ورتەلەتىن قۇرباندىقتارعا ارنالعان ٴتورت ۇستەل قاشالعان تاستان جاسالىپتى. ولاردىڭ ۇزىندىعى مەن ەنى ٴبىر جارىم، ال بيىكتىگى ٴبىر شىنتاقتان ەدى. ۇستەلدەردە تۇگەل ورتەلەتىن، سونداي-اق باسقا دا قۇرباندىقتار شالعاندا قولدانىلاتىن قۇرالدار جاتادى ەكەن. 43 قابىرعالارعا اينالدىرا ەنى ٴتورت ەلى سورەلەر بەكىتىلىپتى. قۇرباندىقتاردىڭ ەتى ۇستەلدەرگە قويىلاتىن.
44 ىشكى قاقپا عيماراتىنىڭ سىرت جاعىندا انشىلەرگە+ ارنالعان اس بولمەلەر بولدى. ولار ىشكى اۋلاداعى سولتۇستىك قاقپا عيماراتىنىڭ جانىندا وڭتۇستىككە قاراپ ورنالاسىپتى. شىعىس قاقپا عيماراتىنىڭ جانىندا سولتۇستىككە قاراپ تۇرعان تاعى ٴبىر اس بولمە بار ەكەن.
45 الگى كىسى ماعان بىلاي دەدى: «وڭتۇستىككە قاراپ تۇرعان اس بولمە عيباداتحانادا مىندەتتەرىن اتقاراتىن ٴدىني قىزمەتكەرلەرگە+ ارنالعان. 46 ال سولتۇستىككە قاراپ تۇرعان اس بولمە قۇرباندىق وشاعىنىڭ باسىندا مىندەتتەرىن اتقاراتىن ٴدىني قىزمەتكەرلەرگە ارنالعان+. سادىق+ ۇرپاعىنان تاراعان بۇل ٴدىني قىزمەتكەرلەر ەحوبانىڭ الدىنا كەلىپ، وعان قىزمەت ەتۋگە تاعايىندالعان لەۋىلىكتەرگە جاتادى+».
47 بۇدان كەيىن ول ىشكى اۋلانى ولشەپ شىقتى. اۋلا ٴتورت بۇرىشتى، ۇزىندىعى دا، ەنى دە 100 شىنتاق ەكەن. عيباداتحانانىڭ الدىندا قۇرباندىق وشاعى تۇردى.
48 سوسىن ول مەنى عيباداتحانانىڭ كىرەبەرىس+ دالىزىنە الىپ كەلدى دە، ونىڭ ەكى جاعىندا تۇرعان تىرەكتەردى ولشەدى. ولاردىڭ ەنى ٴبىر تۇسىنان بەس شىنتاق، ال ەكىنشى تۇسىنان ٷش شىنتاق ەكەن.
49 ال كىرەبەرىس ٴدالىزدىڭ ۇزىندىعى 20، ەنى 11* شىنتاق بولدى. دالىزگە باسپالداقتارمەن كوتەرىلۋگە بولاتىن. ەكى جاقتا تۇرعان تىرەكتەردىڭ قاسىندا باعانالار بار ەدى+.