ناقىل سوزدەر
25 بۇلار دا سۇلەيمەننىڭ ناقىل سوزدەرى+. ولاردى ياھۋدا پاتشاسى ەزەكيانىڭ+ ادامدارى كوشىرىپ، جيناقتاعان.
2 قۇدايدىڭ داڭقى — قۇپيانى ساقتاعانى+،
پاتشالاردىڭ داڭقى — ٸستى جان-جاقتى زەرتتەگەنى.
3 اسپاننىڭ زاڭعار بيىك، جەردىڭ تەرەڭ ەكەنىندەي،
پاتشانىڭ جۇرەگىندەگىسىن بىلمەس ەشكىم تۇگەلدەي.
4 كۇمىستى بالقىتىپ، قوسپادان تازارت،
سوندا ول تاپ-تازا بولىپ شىعار+.
5 زۇلىمدى پاتشانىڭ الدىنان اكەت،
سوندا تاعى ونىڭ ادىلدىكپەن نىعايار+.
6 پاتشانىڭ الدىندا ٶز-ٶزىڭدى دارىپتەمە+،
ۇلىقتاردىڭ اراسىنان ورىن الما+،
7 ويتكەنى تورەنىڭ الدىندا جەر بولعانشا+،
پاتشانىڭ ساعان: «جوعارى شىق»،— دەگەنى ارتىق.
8 سوتتاسىپ داۋلاسۋعا اسىقپا،
كەيىننەن قارسىلاسىڭ ماسقارا قىلسا، قايتەسىڭ+؟
10 ايتپەسە تىڭداۋشىڭ ۇيالتار سەنى،
تاراتقان وسەگىڭدى قايتارا الماسسىڭ كەرى.
11 ۋاقىتىندا ايتىلعان ٴسوز
كۇمىس تاباققا سالىنعان التىن الماداي+.
12 تىڭدايتىن قۇلاققا دانا تۇزەتۋشى
التىن سىرعا مەن ساف التىننان جاسالعان اشەكەي ىسپەتتى+.
13 وراق كەزىندەگى مۇزداي قار* سەكىلدى،
جىبەرگەن ادال حابارشىسى
قوجايىنىنىڭ جانىن سەرگىتەدى+.
14 بەرمەيتىن سيىنا ماقتاناتىن ادام
قۇرعاق جەل مەن جاۋماس بۇلتقا ۇقسايدى+.
15 شىدامدىلىقپەن باسشىنى كوندىرۋگە،
جۇمساق تىلمەن سۇيەكتى سىندىرۋعا بولادى+.
16 بال تاپساڭ، شاماڭا قاراي جە،
ارتىق جەپ قويساڭ، قۇسىپ تاستارسىڭ+.
17 كورشىڭنىڭ ۇيىنە ٴجيى بارا بەرمە،
ايتپەسە سەنەن مەزى بوپ، جەك كورىپ كەتەر.
18 بىرەۋگە قارسى جالعان كۋالىك بەرگەن ادام+
سويىل، سەمسەر جانە ۇشكىر جەبە ىسپەتتى.
19 قيىن شاقتا ٷمىت ارتۋ سەنىمسىز* ادامعا
ۇقسار سىنىق ٴتىس پەن اقساق اياققا.
20 قايعىرعان جۇرەككە ٵن ايتقان ادام+
ۇقسايدى سۋىق كۇندە كيىمىن شەشكەن،
سىلتىگە* سىركە سۋىن قۇيعان جانعا.
21 جاۋىڭ اشىقسا، جەيتىن نان بەر،
شولدەسە، ىشەتىن سۋ بەر+.
23 سولتۇستىك جەل نوسەر اكەلەر،
وسەكشى ٴتىل بەتكە اشۋ شىعارار+.
24 ۇرىسقاق ايەلمەن ٴبىر ۇيدە تۇرعانشا،
ٷي توبەسىنىڭ ٴبىر بۇرىشىندا تۇرعان ارتىق+.
25 الىس جەردەن كەلگەن جاقسى حابار+
شارشاعان جانعا بەرگەن سالقىن سۋداي بولار.
26 زۇلىمنىڭ ىرقىنا كونگەن ٵدىل ادام
لايلانعان بۇلاق پەن قيراعان قۇدىققا ۇقسايدى.
28 ٶز-وزىنە يە بولا المايتىن جان
ۇقسايدى قالاعا قابىرعاسى قيراعان+.