فىلىپىلىكتەرگە
2 سونىمەن، ماسىحپەن بايلانىستاعى سەندەر ٴبىر-ٴبىرىڭدى جىگەرلەندىرسەڭدەر، سۇيىسپەنشىلىكپەن جۇباتساڭدار، ٴبىر-ٴبىرىڭنىڭ قامدارىڭدى ويلاساڭدار، بار كوڭىلمەن جاقسى كورىپ، جاناشىرلىق تانىتساڭدار، 2 مەنىڭ قۋانىشىمدى ارتتىراسىڭدار. سوندىقتان نيەتتەس بولىڭدار، ٴبىر-ٴبىرىڭدى سۇيىڭدەر، ٶزارا بىرلىكتە ٵرى پىكىرلەس بولىڭدار+. 3 كۇنشىل+ نە اتاققۇمار بولماي+، قايتا، كىشىپەيىلدىلىكپەن باسقالاردى وزدەرىڭنەن جوعارى قويىڭدار+. 4 تەك ٶز مۇددەلەرىڭدى ەمەس+، باسقالاردىڭ دا مۇددەسىن ويلاڭدار+.
5 سەندەر دە ٴماسىح يسا سياقتى ويلاڭدار+. 6 ول قۇدايدىڭ كەيپىنە يە بولا تۇرا+، ونىڭ دارەجەسىنە قول سۇعۋدى، ياعني ونىمەن تەڭ بولۋدى ويلاعان جوق+. 7 قايتا، بارلىعىنان ٶز ەركىمەن باس تارتىپ، قۇلدىڭ كەيپىن قابىلداپ+، ادام بولىپ كەلدى+. 8 ال ادام بولىپ ٶمىر سۇرگەندە، ٶزىن تومەن تۇتىپ، ولە-ولگەنشە، ٴتىپتى ازاپ باعاناسىندا* ولگەنشە+، مويىنسۇنعىش بولدى+. 9 سوندىقتان قۇداي ونى بۇرىنعىدان دا جوعارىلاتىپ+، بارلىق ەسىمنەن جوعارى ەسىمدى سيلادى+. 10 يسانىڭ ەسىمىنىڭ الدىندا كوكتەگى، جەردەگى جانە جەر استىنداعىلاردىڭ ٴبارى تىزە بۇگۋ ٷشىن+ 11 جانە ٴتىل اتاۋلى يسا ٴماسىحتى يەمىز دەپ اشىق مويىنداپ+، قۇداي اكەنى ماداقتاۋ ٷشىن وسىلاي بولدى.
12 قىمباتتى باۋىرلاستارىم، سەندەر ٵردايىم مويىنسۇنىپ جۇرسىڭدەر. مەن قاستارىڭدا بولعاندا عانا ەمەس، قازىر قاستارىڭدا جوق كەزىمدە بۇعان بۇرىنعىدان دا ىقىلاستىسىڭدار. سوندىقتان ٵرى قاراي دا مويىنسۇنعىش بولىپ، قالتىراي قورقىپ، قۇتقارىلۋعا ۇمتىلا بەرىڭدەر. 13 سەبەبى وزىنە ۇنايتىندى ىستەۋلەرىڭ ٷشىن، قۇدايدىڭ ٶزى بويلارىڭدا ىقىلاس وياتىپ، كۇش بەرىپ وتىر. 14 نە ىستەسەڭدەر دە، نارازىلىقسىز+، داۋ-جانجالسىز ىستەڭدەر+. 15 سوندا وسى دۇنيەدە شىراقتاي نۇر شاشىپ جۇرگەن+ سەندەر بۇزىلعان، ازعىن ۇرپاق+ اراسىندا تازا دا كىناراتسىز جانە قۇدايدىڭ ٴمىنسىز بالالارى بولاسىڭدار+. 16 مەن بوسقا جۇگىرمەگەنىمە جانە ەڭبەگىم زايا كەتپەگەنىنە ٴماسىحتىڭ كۇنى قۋانا الۋىم ٷشىن ٶمىر ٴسوزىن بەرىك ۇستانىڭدار+. 17 سەنىمدەرىڭ ارقىلى اتقارىپ جاتقان قاسيەتتى قىزمەتتەرىڭ قۇرباندىق ىسپەتتى. ال مەن سول قۇرباندىقتىڭ+ ۇستىنە قۇيىلاتىن سۇيىق تارتۋ سياقتى توگىلىپ جاتسام دا+، بارىڭمەن بىرگە قۋانىپ شاتتانامىن. 18 سەندەر دە مەنىمەن بىرگە قۋانىپ شاتتانىڭدار.
19 يەمىز يسا قالاسا، جاقىندا سەندەرگە تىموتەنى جىبەرمەك ويىم بار+. وسىلايشا سەندەر تۋرالى حابار الىپ، ٴبىر مارقايىپ قالايىن. 20 ول سياقتى مەنىمەن نيەتتەس، شىن كوڭىلدەن قامدارىڭدى ويلايتىن باسقا ەشكىمىم جوق. 21 وزگەلەردىڭ ٴبارى يسا ٴماسىحتىڭ ەمەس، ٶز مۇددەلەرىن ويلايدى. 22 ال تىموتە سەنىمدى ەكەنىن كورسەتتى، مۇنى وزدەرىڭ دە بىلەسىڭدەر. ول ىزگى حاباردى تاراتۋدا اكەسىنە قولعابىس ەتكەن بالاداي+ مەنىمەن بىرگە قىزمەت ەتىپ كەلەدى. 23 مىنە، سوندىقتان دا ٸسىمنىڭ نەمەن اياقتالاتىنىن بىلگەن بويدا، سەندەرگە ونى جىبەرەمىن دەپ ۇمىتتەنەمىن. 24 يەمىز قالاسا، جاقىندا ٶزىم دە بارامىن دەپ كامىل سەنەمىن+.
25 ال ازىرشە قىزمەتتەس باۋىرلاسىم جانە مايدانداس سەرىگىم ٵرى وزدەرىڭ ماعان قولعابىس بولسىن دەپ جىبەرگەن وكىلدەرىڭ ەپافروديتتى دە سەندەرگە جىبەرۋدى قاجەت دەپ تاپتىم+. 26 ويتكەنى ول ٶزىنىڭ اۋىرىپ قالعانى تۋرالى سەندەرگە حابار جەتكەنىنە قاتتى كۇيزەلىپ، وزدەرىڭدى كورۋگە قۇشتار بولىپ ٴجۇر. 27 شىنىندا دا، ول قاتتى اۋىرىپ، ٶلىم اۋزىندا جاتتى. ٴبىراق قۇداي وعان مەيىرىمىن ٴتۇسىردى، وعان عانا ەمەس، قاسىرەتىمە قاسىرەت قوسىلماۋى ٷشىن ماعان دا مەيىرىمىن ٴتۇسىردى. 28 سوندىقتان ونى كورىپ، سەندەر قايتا قۋانسىن، مەنىڭ دە ۋايىمىم ازايسىن دەپ، ەپافروديتتى سەندەرگە جىبەرۋگە قاتتى اسىعىپ وتىرمىن. 29 ادەتتە يەمىزدىڭ ٸزباسارلارىن قالاي قارسى الساڭدار، ونى دا سولاي زور قۋانىشپەن قارسى الىڭدار، ٵرى مۇنداي ادامداردى قۇرمەتتەڭدەر+. 30 سەبەبى ول ٴماسىحتىڭ ٸسى* ٷشىن ٶلىم اۋزىنان قالدى. ورىندارىڭدى جوقتاتپاي، سەندەر كورسەتە الماعان كومەكتى ول ماعان باسىن قاتەرگە تىگە وتىرىپ كورسەتتى+.