ەفەستىكتەرگە
4 سونىمەن، يەمىز ٷشىن تۇرمەدە وتىرعان مەن+ مىنانى ٶتىنىپ سۇرايمىن: شاقىرىلعاندارىڭا ساي ٶمىر سۇرىڭدەر+، 2 ٵردايىم كىشىپەيىل+، جۇمساق، شىدامدى بولىڭدار+ ٵرى سۇيىسپەنشىلىكپەن ٴبىر-بىرىڭە توزىمدىلىك تانىتىڭدار+، 3 ٶزارا تاتۋ بولىپ، كيەلى رۋح ارقىلى يەمدەنگەن بىرلىكتەرىڭدى ساقتاپ قالۋعا بارىنشا ۇمتىلىڭدار+. 4 وزدەرىڭ يە بولۋعا شاقىرىلعان ٷمىتتىڭ بىرەۋ+ بولعانى سياقتى، دەنە دە بىرەۋ+، رۋح تا بىرەۋ+، 5 يە دە بىرەۋ+، سەنىم دە بىرەۋ، شومىلدىرۋ ٴراسىمى دە بىرەۋ، 6 ٴبارىنىڭ اكەسى — قۇداي دا بىرەۋ. ول بارىنەن جوعارى، ٴبارى ارقىلى جانە ٴبارىنىڭ بويىندا ارەكەت ەتەدى.
7 ٴارقايسىسىمىزعا ٴماسىح بەلگىلەگەن مولشەردە سيعا راقىم بەرىلدى+. 8 سوندىقتان قۇداي: «ول زاڭعار بيىككە كوتەرىلىپ، تۇتقىنداردى الىپ كەتتى، سي رەتىندە ادامدار بەردى»+،— دەدى. 9 «ول كوتەرىلدى» دەگەن نەنى بىلدىرەدى؟ بۇل ونىڭ تومەنگە، ياعني جەرگە، تۇسكەنىن دە بىلدىرەدى. 10 ال تومەنگە تۇسكەن ول ٴبارىن تولىق جۇزەگە اسىرۋ ٷشىن كوكتىڭ ەڭ بيىگىنە+ دە كوتەرىلدى+.
11 ول بىرەۋلەرىن ەلشى+، بىرەۋلەرىن پايعامبار+، بىرەۋلەرىن ىزگى حاباردى جاريالاۋشى+، تاعى بىرەۋلەرىن باعۋشى جانە ۇستاز رەتىندە بەردى+. 12 ولار قاسيەتتىلەردى تۇزەتۋ*، وزگەلەرگە قىزمەت كورسەتۋ جانە ٴماسىحتىڭ دەنەسىن نىعايتۋ ٷشىن بەرىلدى+. 13 مۇنى ولار سەنىم جاعىنان دا، قۇداي ۇلى تۋرالى تۋرا ٴبىلىم جاعىنان دا ٴبارىمىز بىرلىككە جەتكەنگە دەيىن، سونداي-اق ٴماسىحتىڭ كەمەلىنە ساي كەلەتىن تولىسقان ادام+ بولعانىمىزعا دەيىن ىستەمەك. 14 ايلاكەر ادامداردىڭ الداپ-ارباۋىنان تۋعان ىلىمدەردى+ ۇستاناتىندار جەل ايداپ، تولقىن قۋعان قايىققا ۇقسايدى. ال ٴبىز بۇدان بىلاي جاس بالا ىسپەتتى بولماۋىمىز كەرەك. 15 قايتا، شىندىقتى ايتىپ، دەنەنىڭ باسى — ٴماسىحتىڭ+ دەڭگەيىنە دەيىن سۇيىسپەنشىلىكپەن جان-جاقتى ٶسىپ جەتىلە بەرەيىك. 16 سەبەبى ٴماسىح ارقىلى دەنەنىڭ بارلىق مۇشەسى+ ٶزارا ۇيلەسە بىرىگىپ، ٵرتۇرلى قاجەتتى بۋىندار ارقىلى بىرلەسە ارەكەت ەتەدى. ٵر مۇشەسى ٶز مىندەتىن دۇرىس اتقارعاندا، دەنە ٶسىپ، سۇيىسپەنشىلىك ارقىلى نىعايا تۇسەدى+.
17 سوندىقتان يەمىزدىڭ اتىنان سويلەپ، سەندەردى مىناعان شاقىرامىن: تۇككە تۇرعىسىز ويلارىنىڭ جەتەگىندە جۇرەتىن+ وسى دۇنيەلىكتەر ىسپەتتى ٶمىر ٴسۇرۋدى قويىڭدار+. 18 ولار نادان ٵرى جۇرەكتەرى سەزىمسىز بولعاندىقتان سانالارىن قاراڭعىلىق باسىپ، قۇدايدان كەلەتىن ومىردەن شەت قالعان. 19 ۇياتتان ابدەن بەزگەن ولار ورەسكەل قىلىقتار* جاساپ+، ارقيلى ارام ىستەردى تويىمسىزدىقپەن ىستەيدى.
20 ٴبىراق سەندەر تانىپ-بىلگەن ٴماسىح مۇنداي ەمەس! 21 سەندەر ونىڭ ايتقاندارىن ەستىپ، ودان ٴتالىم العان ەدىڭدەر عوي، ويتكەنى شىندىق يسادا. 22 سول العان تالىمدەرىڭە ساي، بۇرىنعى ٶمىر سالتتارىڭا ٴتان ٵرى الدامشى قۇمارلىقتاردىڭ اسەرىنەن ٴبۇلىنىپ جاتقان+ ەسكى بولمىستارىڭنان ارىلىڭدار*+. 23 وي-سانالارىڭدى ارەكەتكە تالپىندىراتىن كۇشتى جاڭارتا بەرىڭدەر+. 24 قۇدايدىڭ ەركىنە ساي جاراتىلعان ٵرى شىنايى ادىلدىك پەن ادالدىققا ساي كەلەتىن جاڭا بولمىسقا يە بولىڭدار*+.
25 وتىرىكتى تاستاعاندىقتان، ەندى ٴارقايسىسىڭ وزگەگە شىندىقتى ايتىڭدار+، ويتكەنى ٴبىز ٴبىر دەنەنىڭ مۇشەسىمىز+. 26 اشۋلانعاندا، كۇنا جاساماڭدار+. كۇن باتپاي تۇرىپ اشۋلارىڭدى باسىڭدار+. 27 ٸبىلىستىڭ وزدەرىڭە ىقپال ەتۋىنە جول بەرمەڭدەر+! 28 ۇرى بولعان ەندى ۇرلاماسىن، قايتا، مۇقتاجدارمەن بولىسەتىن نارسەسى بولۋ ٷشىن ٶز قولىمەن ادال ەڭبەك ەتسىن+. 29 اۋىزدارىڭنان شىرىگەن ەمەس+، تەك جاقسى ٴسوز شىقسىن. وسىلايشا تىڭداۋشىلارىڭدى قاجەت كەزىندە نىعايتىپ، پايدالارىنا اسسىن+. 30 قۇدايدىڭ كيەلى رۋحىن رەنجىتپەڭدەر+. قۇتقارىلاتىن كۇن كەلگەندە، تولەم ارقىلى ازات ەتىلۋلەرىڭ ٷشىن+، سەندەرگە سول كيەلى رۋحپەن ٴمور باسىلعان عوي+.
31 ارقيلى وشپەندىلىك+، اشۋ-ىزا، ايقايلاسۋ، قورلىق سوزدەر+ جانە بۇكىل جاماندىق اتاۋلىدان ارىلىڭدار+! 32 قايتا، ٴبىر-بىرىڭە مەيىرىمدى دە بارىنشا جاناشىر بولىڭدار+. قۇداي وزدەرىڭدى ٴماسىح ارقىلى كەڭپەيىلمەن كەشىرگەندەي، سەندەر دە ٴبىر-ٴبىرىڭدى سولاي كەشىرىڭدەر+.