ناقىل سوزدەر
26 جازدا جاۋعان قارداي، وراق كەزىندەگى جاڭبىرداي،
سي-قۇرمەت تە اقىماققا جاراسپاس+.
2 تەكتەن-تەككە تورعاي پىر ەتپەس، قارلىعاش تا ۇشپاس،
ادام دا سەبەپسىز قارعىسقا ۇشىراماس.
4 اقىماققا اقىماقتىعىنا قاراي جاۋاپ بەرمە،
ايتپەسە ٶزىڭدى سوعان تەڭ ەتەرسىڭ.
5 اقىماققا اقىماقتىعىنا قاراي جاۋاپ بەر،
ايتپەسە ول ٶزىن اقىلدىمىن دەر+.
6 ٸسىن اقىماققا سەنىپ تاپسىرعان ادام
اياعىن مەرتىكتىرىپ، وزىنە زاقىم كەلتىرگەنگە ۇقسار.
7 ناداننىڭ اۋزىنان شىققان ناقىل ٴسوز
اقساقتىڭ اقساڭداعان اياعىنداي بولار+.
8 اقىماققا قوشەمەت كورسەتۋ
ساقپانعا تاستى بايلاپ قويۋمەن بىردەي+.
9 اقىماقتىڭ اۋزىنان شىققان ناقىل ٴسوز
ماستىڭ قولىنداعى تىكەن بۇتاعى سەكىلدى.
10 ناداندى يا كورىنگەن ادامدى جالداۋشى
بەتالدى جاراقات سالاتىن ساداقشىعا ۇقسايدى.
11 توبەت قايتا ورالار قۇسىعىنا،
قايتالار ناداندىعىن اقىلسىز دا+.
12 ٶزىن دانىشپان سانايتىن ادامنان گورى
اقىماقتىڭ تۇزەلەتىنىنە ٷمىت كوبىرەك+.
13 جالقاۋ: «كوشەدە جاس ارىستان ٴجۇر!
الاڭ ورتاسىندا ارىستان تۇر!»— دەپ سىلتاۋراتار+.
14 ەسىك توپساسىندا اينالار،
جالقاۋ توسەگىندە اۋناپ جاتار+.
15 جالقاۋ قولىن تاباققا سالار،
ٴبىراق اۋزىنا اپارۋعا قينالار+.
16 ەرىنشەك ٶزىن اقىلمەن جاۋاپ بەرەتىن
جەتەۋدەن دە دانا سانار.
17 جولشىباي وزگەنىڭ جانجالىنا كۇيىپ-پىسكەن*،
ۇقسايدى ادامعا ٴيتتىڭ قۇلاعىنان ۇستاپ العان+.
18 وتتى قارۋ مەن قاۋىپتى جەبە لاقتىراتىن ەسالاڭ قانداي بولسا،
19 بىرەۋدى الداپ، ارتىنان «جاي قالجىڭ عوي» دەيتىن دە ٴدال سونداي+.
20 وتىن جوق جەردە وت وشەر،
جالاقور جوق جەردە، ۇرىس-كەرىس بىتەر+.
21 كومىر — شوققا، وتىن — وتقا،
ال ۇرىسقاق ادام — داۋ-جانجالعا+.
22 جالاقوردىڭ ٴسوزى ٴدامدى تاعامداي،
وڭاي جۇتىلىپ، ىشكە تۇسەر+.
23 زۇلىم جۇرەكتەن شىققان جۇمساق ٴسوز*
قىش سىنىققا جالاتىلعان كۇمىستەي+.
24 وزگەلەردى جەك كورەتىن ادام مۇنى تىلىمەن جاسىرار،
ٴبىراق جۇرەگىندە ۇيالاعان ارامدىق بار.
25 قانشا مايدا سويلەسە دە، وعان سەنبە،
ويتكەنى جەتى سۇمدىق جاتىر جۇرەگىندە.
26 قۋلىقپەن جەككورىنىشىن جاسىرسا دا،
زۇلىمدىعى اشكەرە بولار قاۋىمدا.
27 ور قازعان ادام وعان ٶزى تۇسەر،
تاستى ورنىنان دومالاتقان ونىڭ استىندا قالار+.
28 جالعان ٴتىل ٶز قۇربانىن جەك كورەر،
جاعىمپاز اۋىز وزگەنى ويران ەتەر+.