ناقىل سوزدەر
28 زۇلىم ەشكىم قۋماسا دا قاشار،
ٵدىل ادام ارىستانداي باتىل بولار+.
2 ەلدە زاڭ تاپتالسا*، بيلەۋشى تۇراقتاماس+،
پارىقتى دا بىلىكتى كەڭەسشىنىڭ كومەگىمەن ول ۇزاق تۇرار+.
3 بەيشارالاردى الداپ تونايتىن كەدەي+
بار ازىقتى شايىپ كەتەتىن جاڭبىر سياقتى.
4 زاڭدى بۇزعاندار زۇلىمدى دارىپتەيدى،
ال زاڭدى ۇستاناتىندار ولارعا ىزالانادى+.
5 زۇلىمدار ادىلەتتى ۇقپايدى،
ەحوبانى ىزدەيتىندەر ٴبارىن تۇسىنەدى+.
6 ارام جولمەن جۇرگەن بايدان گورى
ٴمىنسىز جۇرگەن كەدەي ارتىق+.
7 تۇسىنىگى بار بالا زاڭدى ۇستانار،
مەشكەيلەرمەن دوستاسقان اكەسىن ۇياتقا قالدىرار+.
8 داۋلەتىن پايدا كوزدەپ، ٶسىم الۋمەن كوبەيتكەن+،
ونىسىن كەدەيگە قامقور بولعانعا جينار+.
9 زاڭعا قۇلاق اسقىسى كەلمەيتىننىڭ
ٴتىپتى دۇعاسى دا جەركەنىشتى+.
10 شىنشىلدى اداستىراتىن ادام قازعان ورىنا ٶزى تۇسەر+،
ال كىناراتسىز جان يگىلىككە كەنەلەر+.
12 ادىلدەر جەڭىسكە جەتسە، سالتانات ورنار،
زۇلىمدار ۇستەمدىك ەتسە، حالىق تىعىلار+.
14 ٵردايىم ساق جۇرگەن جان باقىتتى،
جۇرەگىن قاسارىستىرعان اپاتقا ۇشىرايدى+.
15 بەيشارا حالىقتى بيلەگەن زۇلىم ٵمىرشى
اقىرعان ارىستان مەن تاپ بەرگەن ايۋعا ۇقسار+.
16 پارىقسىز كوسەم بيلىگىن تەرىس قولدانار+،
ال ارام پايدانى جەك كورەتىن جان ٶمىرىن ۇزارتار+.
17 كىسى ولىمىنە جاۋاپتى كورگە تۇسكەنشە قاشقىن بولار+،
بولماسىن ەشكىم ونى قولدار.
19 جەرىن وڭدەگەننىڭ نانى مول بولادى،
بوس نارسەگە ۇمتىلعان جوقشىلىقتان كوز اشپايدى+.
21 ادامدى الالاۋ جاقسى ەمەس+؛
پەندە ٴبىرۇزىم نان ٷشىن دە جاماندىقتان تايىنباس.
22 قىزعانشاقتىڭ* ەسىل-دەرتى بايلىق بولار،
تۇبىندە جوقشىلىق كورەتىنىنەن ول بەيحابار.
23 جاعىمپازدان گورى تۇزەتۋشى+
سوڭىندا كوبىرەك كورەر قۇرمەتتى+.
27 كەدەيلەرگە قولى اشىق جوقشىلىق كورمەس+،
ولارعا كوز جۇماتىن كوپ قارعىسقا ۇشىرار.
28 زۇلىمدار ۇستەمدىك ەتسە، جۇرت تىعىلار،
ولار جويىلسا، ادىلدەر كوبەيەر+.