شەجىرەلەر 2-جازبا
16 اسانىڭ بيلىك قۇرۋىنىڭ وتىز التىنشى جىلى يسرايل پاتشاسى باعاسا+ ياھۋداعا قارسى اتتانىپ، ياھۋدا پاتشاسى اسانىڭ جەرىنە ەشكىم كىرىپ-شىعا الماۋ ٷشىن راماق+ قالاسىن سوعا باستادى*+. 2 سوندا اسا پاتشا ەحوبانىڭ ٷيى مەن پاتشا سارايىنىڭ قازىناسىنداعى بار التىن مەن كۇمىستى+ الىپ، داماسكىدە تۇراتىن سيريا پاتشاسى بەن-حادادقا جىبەردى+. 3 اسا وعان: «ەكەۋمىزدىڭ دە، اكەلەرىمىزدىڭ دە اراسىندا جاساسقان كەلىسىم بار ەمەس پە؟! مەن سىزگە التىن-كۇمىس جىبەرىپ وتىرمىن. يسرايل پاتشاسى باعاسا مەنىڭ جەرىمنەن كەرى شەگىنۋ ٷشىن، ونىمەن جاساسقان كەلىسىمىڭىزدەن باس تارتا كورىڭىز»،— دەگەن سالەم جولدادى.
4 بەن-حاداد اسا پاتشانىڭ سوزىنە قۇلاق اسىپ، اسكەرىنىڭ قولباسىلارىن يسرايل قالالارىنا قارسى اتتاندىرىپ، يون+، دان+، ابەل-مايم قالالارىن جانە نافتاليم جەرىندەگى قامبالارى بار بارلىق قالالاردى شاپتى+. 5 مۇنى ەستىگەن بويدا، باعاسا راماقتى بەكىتۋدى قويىپ، ونداعى جۇمىستاردى دوعاردى. 6 اسا پاتشا بولسا بۇكىل ياھۋدانى شاقىرىپ الىپ، باعاسا پاتشا راماقتاعى+ قۇرىلىسقا پايدالانعان تاستار مەن بورەنەلەردى تاسىپ اكەلۋدى بۇيىردى+. پاتشا سولارمەن بەنيامين جەرىندەگى گەبا+ مەن ميسپا+ قالالارىن سالدى*.
7 سول كەزدە ياھۋدا پاتشاسى اساعا حاناني+ كورەگەن* كەلىپ بىلاي دەدى: «سەن قۇدايىڭ ەحوباعا ەمەس، سيريا پاتشاسىنا ارقا سۇيەگەندىكتەن، سيريا پاتشاسىنىڭ اسكەرى قولىڭا تۇسپەي، قۇتىلىپ كەتتى+. 8 ەفيوپيالىقتار مەن ليۆيالىقتار كوپتەگەن سوعىس اربالارى مەن سالت اتتىلارى بار جەر قايىستىرعان اسكەرمەن كەلمەپ پە ەدى؟! ايتسە دە سەن ەحوباعا ارقا سۇيەدىڭ، سوندىقتان ول جاۋىڭدى ۋىسىڭا سالىپ بەرىپ ەدى عوي+. 9 سەبەبى ەحوبا وزىنە بار جۇرەگىمەن بەرىلگەندەردى+ قولداۋ ٷشىن، بۇكىل جەر بەتىن مۇقيات باقىلاپ وتىر+. بۇل جولى سەن ۇلكەن اقىماقتىق جاسادىڭ. سوندىقتان بۇدان بىلاي سوعىستان كوز اشپايتىن بولاسىڭ+».
10 ٴبىراق اسانىڭ حاناني كورەگەننەن قاتتى كوڭىلى قالدى. پاتشا اشۋعا بۋلىعىپ، ٴحانانيدىڭ اياق-قولىن بۇعاۋلاپ، تۇرمەگە تاستادى. سول كەزدەرى پاتشا باسقالارعا دا قىسىم كورسەتە باستادى. 11 اسانىڭ باسقا دا ىستەرى ياھۋدا جانە يسرايل پاتشالارىنىڭ تاريحى باياندالعان كىتاپتا جازىلعان+.
12 بيلىك قۇرۋىنىڭ وتىز توعىزىنشى جىلى اسا اياق اۋرۋىنا شالدىعىپ، ناۋقاسى قاتتى اسقىنىپ كەتتى. ٴبىراق ول سوندا دا ەحوباعا بەت بۇرمادى، قايتا، ەمشىلەردىڭ كومەگىنە جۇگىندى. 13 اقىرىندا اسا اتا-بابالارىنا قوسىلدى+. ول بيلىك قۇرۋىنىڭ قىرىق ٴبىرىنشى جىلى كوز جۇمدى. 14 ونىڭ سۇيەگى ٴداۋىتتىڭ قالاسىنداعى+ كەزىندە ٶزى دايارلاپ قويعان ۇلكەن قابىرگە قويىلدى. پاتشانىڭ دەنەسى بالزام جانە ٴتۇرلى حوش ٴيىستى زاتتار قوسىلعان ٴيىسماي تولتىرىلعان تابىتقا سالىندى+. سونىمەن قاتار پاتشانىڭ جەرلەۋ راسىمىندە ۇلكەن وت جاعىلدى*.