قورىنتتىقتارعا 1-حات
1 مەن، قۇدايدىڭ ەركىمەن يسا ٴماسىحتىڭ ەلشىسى بولۋعا شاقىرىلعان پاۋىل+، قاسىمدا سوستەن باۋىرلاس بار، 2 قورىنت قالاسىنداعى+ قۇدايدىڭ قاۋىمىنا جازىپ وتىرمىن. قۇداي ٴماسىح يسامەن بايلانىستاعى سەندەردى قاسيەتتى ەتتى+ جانە ٴبارىمىزدىڭ يەمىز يسا ٴماسىحتى+ بارلىق جەردە مويىنداپ جۇرگەندەرمەن بىرگە سەندەردى دە قاسيەتتى بولۋعا شاقىردى.
3 قۇداي اكەمىز بەن يەمىز يسا ٴماسىح سەندەرگە راقىمى مەن تىنىشتىعىن سيلاسىن!
4 قۇداي سەندەرگە ٴماسىح يسا ارقىلى راقىمىن سيلاعانى ٷشىن، ٵردايىم وعان العىس ايتامىن. 5 ويتكەنى سەندەر ماسىحپەن بايلانىستا بولعاندىقتان، قۇداي ٴسوزىن ۋاعىزداۋ قابىلەتى مەن تولىق ٴبىلىمدى قوسا العاندا، بارلىعىنا مولىنان يە بولدىڭدار+. 6 سەبەبى ٴماسىح تۋرالى كۋالىك+ سەندەردە بەرىك ورنىقتى. 7 وسىلايشا يەمىز يسا ٴماسىحتىڭ اشىق كورىنۋىن+ اڭساي كۇتىپ جۇرگەن سەندەر ەشبىر سيدان قۇر قالعان جوقسىڭدار. 8 سونداي-اق يەمىز يسا ٴماسىحتىڭ كۇنىندە+ ەش ايىپسىز بولۋلارىڭ ٷشىن، قۇداي سەندەردى سوڭىنا دەيىن نىعايتپاق. 9 سەندەردى ٶزىنىڭ ۇلى ٵرى ٴبىزدىڭ يەمىز يسا ماسىحپەن بايلانىستا بولۋعا شاقىرعان قۇداي ٶز سوزىنە ادال+.
10 باۋىرلاستار، يەمىز يسا ٴماسىحتىڭ اتىنان سەندەردى مىناعان شاقىرامىن: ايتقاندارىڭ ٴبىر جەردەن شىقسىن، جىككە بولىنبەي+، قايتا، ويلارىڭ مەن پىكىرلەرىڭ بىردەي بولىپ، تولىقتاي بىرلىكتە تۇرىڭدار+. 11 سەبەبى، باۋىرلاستارىم، حىلويدىڭ ٷي ىشىندەگىلەرىنىڭ كەيبىرىنەن ارالارىڭدا الاۋىزدىق بار ەكەنىن ەستىدىم. 12 مەنىڭ ايتىپ وتىرعانىم — سەندەر «مەن پاۋىلدىڭ شاكىرتىمىن»، «ال مەن اپوللوستىكىمىن»+، «مەن كەفانىكىمىن*»، «ال مەن ماسىحتىكىمىن» دەپ بولىنەدى ەكەنسىڭدەر. 13 ٴماسىح جىكتەلىپ ٴبولىنىپ كەتتى. سەندەر ٷشىن باعاناعا ىلىنگەن پاۋىل ما؟ جوق الدە پاۋىلدىڭ اتىنان شومىلدىرۋ راسىمىنەن وتتىڭدەر مە؟ 14 قۇدايعا شۇكىر، مەن كريسىپ+ پەن گايدان+ باسقا ەشكىمدى شومىلدىرۋ راسىمىنەن وتكىزگەن جوقپىن. 15 سوندىقتان ەشقايسىسىڭ دا مەنىڭ اتىمنان شومىلدىرۋ راسىمىنەن ٶتتىم دەي المايسىڭدار. 16 راس، ستەپاننىڭ ٷي ٸشىن دە وتكىزگەنمىن+. ال بۇلاردان باسقالاردى وتكىزدىم بە، جوق پا، ەسىمدە ەمەس. 17 ويتكەنى ٴماسىح مەنى شومىلدىرۋ راسىمىنەن وتكىزۋگە ەمەس، ىزگى حاباردى جاريالاۋعا جىبەردى+. ول مەنى دانىشپاندىقپەن سويلەسىن دەپ تە جىبەرگەن جوق، ايتپەسە ٴماسىحتىڭ ازاپ باعاناسىنداعى* ٶلىمىنىڭ ەش پايداسى بولماس ەدى.
18 ازاپ باعاناسى تۋرالى حابار — جويىلاتىندار ٷشىن اقىماقتىق+، ال قۇتقارىلاتىن بىزدەر ٷشىن قۇدايدىڭ قۇدىرەتى+. 19 سەبەبى بىلاي دەپ جازىلعان: «مەن دانىشپانداردىڭ دانالىعىن قۇرتامىن، اقىلدىلاردىڭ اقىلىن جوققا شىعارامىن»+. 20 وسى زاماننىڭ* دانىشپاندارى، ٴدىن مۇعالىمدەرى* مەن ايتىسقۇمارلارى قايدا؟ قۇداي وسى دۇنيەنىڭ دانالىعى اقىماقتىق ەكەنىن كورسەتتى ەمەس پە؟ 21 وسى دۇنيە ٶز دانالىعىمەن+ ونى تانىپ-بىلمەدى+. ٴبىراق قۇداي وزگەلەرگە اقىماقتىق بولىپ كورىنەتىن+ ۋاعىز ارقىلى سەنۋشىلەردى قۇتقارۋدى ٴجون كوردى. وسىلاي ٶزىنىڭ دانالىعىن پاش ەتتى.
22 ياھۋديلەر بەلگى كورسەتۋدى سۇرايدى+، گرەكتەر* بولسا دانالىق ىزدەيدى. 23 سويتسە دە ٴبىز باعاناعا ىلىنگەن ٴماسىح تۋرالى ۋاعىزدايمىز. بۇل — ياھۋديلەر ٷشىن سۇرىندىرەتىن تاس، ال باسقا ۇلتتار ٷشىن اقىماقتىق+. 24 الايدا ياھۋديلەر مەن باسقا ۇلتتاردان شاقىرىلعاندار ٷشىن ٴماسىح — قۇدايدىڭ قۇدىرەتى مەن دانالىعى+. 25 قۇدايدىڭ اقىماقتىق بولىپ كورىنگەن ٸسى ادامداردىكىنەن الدەقايدا دانا، ال السىزدىك بولىپ كورىنگەن ٸسى الدەقايدا قۇدىرەتتى+.
26 باۋىرلاستار، وزدەرىڭ كورىپ جۇرگەندەي، شاقىرىلعان سەندەردىڭ ارالارىڭدا، ادامي تۇرعىدان قاراعاندا، دانالار، كۇشتىلەر نە اقسۇيەكتەر كوپ ەمەس+. 27 ٴبىراق دانىشپان دەگەندەردى ۇيالتۋ ٷشىن، قۇداي وسى دۇنيە اقىماق دەپ سانايتىنداردى، ال كۇشتى دەگەندەردى ۇيالتۋ ٷشىن، وسى دۇنيە ٵلسىز دەپ سانايتىنداردى تاڭداپ الدى+. 28 قۇداي بار بولعانداردى جوق قىلۋ ٷشىن+، جوق بولعانداردى، ياعني وسى دۇنيە تۇككە تۇرعىسىز دەپ مەنسىنبەي قارايتىنداردى، تاڭداپ الدى. 29 سوندىقتان قۇدايدىڭ الدىندا ەشكىم دە ماقتانا المايدى. 30 قۇدايدىڭ ارقاسىندا سەندەر ٴماسىح يسامەن بىرلىكتەسىڭدەر. ول بىزگە قۇدايدىڭ دانالىعىن، ادىلدىگى+ مەن قاسيەتتىلىگىن+ پاش ەتتى جانە تولەم ارقىلى ازاتتىققا جول اشتى+. 31 وسىلايشا جازباداعى مىنا سوزدەر جۇزەگە اسادى: «كىم ماقتاناتىن بولسا، ەحوبانى* ايتىپ ماقتانسىن»+.