مۇسانىڭ 5-جازباسى
22 ەگەر قايسىبىرىڭ باۋىرىڭنىڭ اداسىپ جۇرگەن بۇقاسىن نە قويىن كورىپ قالساڭ، كورمەگەنسىپ ٶتىپ كەتپە+. مالدى مىندەتتى تۇردە يەسىنە اپارىپ بەر. 2 ەگەر مالدىڭ يەسى الىستا تۇراتىن بولسا نە ونىڭ كىم ەكەنىن بىلمەسەڭ، مالدى ۇيىڭە الىپ بار. باۋىرىڭ ونى ىزدەپ كەلگەنشە، مالدى ۇيىڭدە ۇستا. سوسىن ونى يەسىنە قايتارۋىڭ كەرەك+. 3 باۋىرىڭنىڭ ەسەگىن، كيىمىن نە جوعالعان باسقا دا نارسەسىن تاۋىپ الساڭ، وسىلاي ىستەيتىن بول. بۇعان نەمكەتتى قاراما.
4 ەگەر باۋىرىڭنىڭ ەسەگى نە بۇقاسى جول بويىندا قۇلاپ جاتقانىن كورسەڭ، كورمەگەنسىپ جانىنان ٶتىپ كەتپە. وعان مالىن تۇرعىزۋعا مىندەتتى تۇردە كومەكتەس+.
5 ايەل ادام ەركەكتىڭ كيىمىن، ال ەر ادام ايەلدىڭ كيىمىن كيمەسىن، سەبەبى وسىلاي ىستەيتىن اركىم ەحوبا قۇدايلارىڭا جەركەنىشتى.
6 ەگەر جولشىباي ٴبىر قۇستىڭ اعاشتاعى نە جەردەگى ۇياسىنا تاپ بولىپ، بالاپاندارىنىڭ قاسىندا وتىرعان نە جۇمىرتقا باسىپ وتىرعان قۇستى كورسەڭ، وندا اناسىن بالاپاندارىمەن قوسا الما+. 7 اناسىن مىندەتتى تۇردە بوساتىپ جىبەر، ال بالاپاندارىن الۋعا بولادى. وسىلاي ەتسەڭ، يگىلىك كورىپ، ۇزاق عۇمىر كەشەسىڭ.
8 ەگەر جاڭا ٷي سوقساڭ، وندا ٷيدىڭ توبەسىنە* قورشاۋ جاسا+. ايتپەسە ٷيىڭنىڭ توبەسىنەن الدەبىرەۋ قۇلاپ كەتىپ، ونىڭ قانى ٷي ىشىڭە جۇكتەلەدى.
9 جۇزىمدىگىڭە باسقا تۇقىم ەكپە+. ايتپەسە ەككەن تۇقىمىڭنىڭ دا، جۇزىمدىگىڭنىڭ دە بارلىق ٶنىمى قاسيەتتى ورىنعا بەرىلەدى.
10 بۇقا مەن ەسەكتى بىرگە جەگىپ، جەر جىرتپا+.
11 ٴجۇن مەن زىعىردى ارالاستىرىپ توقىعان ماتادان كيىم كيمە+.
12 جامىلعىڭنىڭ ٴتورت بۇرىشىنا شاشاق جاساپ قوي+.
13 ەگەر بىرەۋ ايەل الىپ، جاقىنداسقاننان كەيىن، ونى جەك كورىپ قالسا*، 14 ٴسۇيتىپ، ايەلىن جەڭىل جۇرىسكە باردى دەپ ايىپتاپ: «مەن مىنا ايەلگە ۇيلەنىپ، جاقىنداسقاننان كەيىن، پاك ەمەستىگىن ٴبىلدىم»،— دەپ جاماناتتى ەتسە، 15 وندا اتا-اناسى قىزدارىنىڭ پاكتىگىنىڭ دالەلىن الىپ، قالا قاقپاسىنىڭ الدىندا وتىرعان اقساقالدارعا بارسىن. 16 سوسىن قىزدىڭ اكەسى اقساقالدارعا: «مىنا كىسىگە قىزىمدى ايەلدىككە بەرىپ ەدىم، ول ونى جاقتىرماي قالىپتى. 17 ال ەندى ول: —قىزىڭىز پاكتىگىنەن ايىرىلعان ەكەن،— دەپ ونى ايىپتاپ وتىر. مىنە — قىزىمنىڭ پاكتىگىنىڭ بەلگىسى»،— دەسىن دە، توسەنىشتى جايىپ، قالا اقساقالدارىنا كورسەتسىن. 18 سوندا قالا اقساقالدارى+ الگى كىسىنى جازالاسىن+. 19 وعان قىزدىڭ اكەسىنە 100 كۇمىس شەكەل* ايىپپۇل تولەتسىن. ويتكەنى ول يسرايلدىڭ پاك قىزىن قارالادى+. ال قىز ونىڭ ايەلى بولىپ قالا بەرەدى، كۇيەۋىنىڭ ٶمىر بويى ونىمەن اجىراسۋىنا بولمايدى.
20 ال ەگەر الگى ادامنىڭ تاققان ايىبى راستالىپ، قىزدىڭ پاكتىگىنە دالەل بولماسا، 21 قىزدى اكەسىنىڭ ٷيىنىڭ الدىنا اكەلىپ، قالانىڭ ەركەكتەرى تاس اتقىلاپ ٶلتىرسىن. ويتكەنى ول اكەسىنىڭ ۇيىندە جۇرگەندە+، ازعىندىققا* بارىپ، يسرايل ەلىندە ماسقارا قىلىق+ جاسادى. وسىلاي ارالارىڭنان زۇلىمدىقتى الاستاتىڭدار+.
22 ەگەر الدەبىرەۋ وزگەنىڭ ايەلىمەن جاتقان جەرىندە ۇستالسا، ەكەۋى دە — ايەلمەن جاتقان ەركەك تە، ايەلدىڭ ٶزى دە — ٶلتىرىلسىن+. وسىلاي يسرايلدەن زۇلىمدىقتى الاستاتىڭدار.
23 ەگەر ەر ادام قالادا بىرەۋدىڭ اتاستىرىلعان قالىڭدىعىن كەزدەستىرىپ، ونىمەن جاقىنداسسا، 24 ەكەۋىن دە قالا قاقپاسىنا اپارىپ، تاسپەن اتقىلاپ ولتىرىڭدەر. قىزدى قالا ىشىندە ايعايلاپ كومەككە شاقىرماعانى ٷشىن، ال ەركەكتى وزگەنىڭ قالىڭدىعىن قورلاعانى ٷشىن ٶلتىرۋ كەرەك+. وسىلاي ارالارىڭنان زۇلىمدىقتى الاستاتۋلارىڭ قاجەت.
25 ال ەگەر الدەكىم اشىق دالادا بىرەۋدىڭ اتاستىرىلعان قالىڭدىعىن كەزدەستىرىپ، كۇش كورسەتىپ، ونىمەن جاقىنداسسا، ەركەكتىڭ ٶزىن عانا ولتىرىڭدەر. 26 ال قىزعا تيىسپەڭدەر، ول ولىمگە لايىقتى كۇنا جاساعان جوق. بۇل جاعداي بىرەۋدىڭ باسقا ادامعا تاپ بەرىپ، ولتىرۋىمەن پاراپار+. 27 ويتكەنى الگى ادام قىزدى اشىق دالادا ۇستاپ العاندىقتان، قىز ايعايلاسا دا، كومەككە كەلەتىن ەشكىم بولمادى.
28 ەگەر ەر ادام ايتتىرىلماعان قىزدى كەزدەستىرىپ، ونى ۇستاپ الىپ، جاقىنداسسا جانە بۇل جاعداي ٴمالىم بولسا+، 29 وندا ول قىزدىڭ اكەسىنە 50 كۇمىس شەكەل بەرسىن دە، قىزدى ايەلدىككە السىن+. ونىڭ ابىرويىن توككەندىكتەن، ٶمىر بويى اجىراسۋىنا بولمايدى.
30 ەشكىم ٶز اكەسىنىڭ ايەلىنە ۇيلەنبەسىن، ايتپەسە اكەسىنىڭ ابىرويىن توگەدى+.