لۇقا
8 سودان كەيىن كوپ ۇزاماي يسا قالالار مەن اۋىلداردى ارالاپ، قۇداي پاتشالىعى تۋرالى ىزگى حاباردى جاريالاپ ٴجۇردى+. ال وعان 12 ەلشىسى 2 جانە جىندارىنان ارىلعان ٵرى اۋرۋلارىنان ايىققان ٴبىراز ايەلدەر ەرىپ ٴجۇردى. ولاردىڭ اراسىندا جەتى جىننان ارىلعان ماعدالالىق دەپ اتالاتىن ٴماريام، 3 يرودتىڭ ٷي باسقارۋشىسى حۋزانىڭ ايەلى جوحاننا+، سۋزاننا جانە تاعى باسقا كوپتەگەن ايەلدەر بولدى. بۇلار قولدا بارلارىمەن يسا مەن ونىڭ ەلشىلەرىنە قىزمەت كورسەتىپ ٴجۇردى+.
4 قالادان قالاعا سوڭىنان ەرىپ جۇرگەندەرگە قالىڭ جۇرت كەلىپ قوسىلعاندا، يسا ولارعا مىناداي مىسال كەلتىردى+: 5 «ٴبىر ديقان تۇقىم سەبۋگە شىعىپتى. ول سەۋىپ جۇرگەندە، تۇقىمنىڭ كەيبىرى جول بويىنا ٴتۇسىپ، تاپتالىپ قالادى. قۇستار ۇشىپ كەلىپ، ولاردى شوقىپ جەپ كەتەدى+. 6 وزگە بىرەۋلەرى تاستاق جەرگە* تۇسەدى دە، كوكتەپ ٶسىپ شىعادى، ٴبىراق ىلعال بولماعاندىقتان قۋراپ قالادى+. 7 تاعى بىرەۋلەرى تىكەن اراسىنا تۇسەدى. تىكەن ٶسىپ، ولاردى تۇنشىقتىرىپ تاستايدى+. 8 ال باسقا تۇقىمدار جاقسى توپىراققا تۇسەدى دە، كوكتەپ شىققان سوڭ، ٴجۇز ەسەدەن ٶنىم بەرەدى+». وسىنى ايتقاننان كەيىن، ول قاتتى داۋىستاپ: «قۇلاعى بارلار تىڭداپ السىن!»+— دەدى.
9 سوندا شاكىرتتەرى بۇل مىسالدىڭ ماعىناسىن سۇرادى+. 10 يسا ولارعا بىلاي دەدى: «قۇداي پاتشالىعىنىڭ قاسيەتتى قۇپيالارىن ٴتۇسىنۋ سەندەرگە بەرىلگەن، ال باسقالار ٷشىن بۇلار مىسال كۇيىندە قالادى+. بۇل ولار قاراسا دا، كورمەۋ ٷشىن، ەستىپ تۇرسا دا، ٴمانىن ۇقپاۋ ٷشىن وسىلاي بولدى+. 11 مىسالدىڭ ماعىناسى مىناداي: تۇقىم قۇداي ٴسوزىن بىلدىرەدى+. 12 ال جول بويىنا تۇسكەندەرى كەلەسىدەي ادامداردى بەينەلەيدى: ولار ٴسوزدى ەستيدى، ٴبىراق ٸبىلىس كەلىپ، سەنبەسىن ٵرى قۇتقارىلماسىن دەپ، جۇرەكتەرىندەگى ٴسوزدى الىپ كەتەدى+. 13 تاستاق جەرگە تۇسكەندەرى بولسا ٴسوزدى ەستىپ، قۋانا قابىلدايتىن، الايدا تامىر جايمايتىن ادامداردى بىلدىرەدى. ولار ۋاقىتشا سەنەدى، ال سىناق كەزىندە سەنىمنەن تايىپ كەتەدى+. 14 تىكەن اراسىنا تۇسكەندەرى بولسا مىنالاردى بەينەلەيدى: ولار ٴسوزدى ەستيدى، ٴبىراق وسى ٶمىردىڭ ۋايىم-قايعىسىنا، بايلىعى مەن ٴلاززات-ەرمەگىنە بەرىلىپ+، تولىعىمەن تۇنشىعىپ قالادى دا، جەمىسى ٴپىسىپ جەتىلمەيدى+. 15 ال جاقسى توپىراققا تۇسكەندەرى مىنالاردى بەينەلەيدى: تازا دا ىزگى جۇرەكتى ادامدار+ ٴسوزدى ەستىگەننەن كەيىن، ونى كوڭىلدەرىندە ساقتاپ، توزىمدىلىكپەن ٶنىم بەرەدى+.
16 شام جاققان سوڭ، ەشكىم ونى ىدىسپەن بۇركەمەيدى نە توسەك استىنا قويمايدى. قايتا، ۇيگە كىرگەندەر جارىقتى كورە الۋ ٷشىن شامدالعا قويادى+. 17 جاسىرىن نارسەنىڭ ٴبارى ٴمالىم بولادى، ال جاقسىلاپ جاسىرىلعان نارسە اشىلادى ٵرى ايان بولادى+. 18 سوندىقتان قالاي تىڭدايتىندارىڭا نازار اۋدارىڭدار! ويتكەنى كىمدە بار بولسا، سوعان تاعى بەرىلەدى+، ال كىمدە جوق بولسا، وزىندە بار دەگەنى دە الىنىپ قويىلادى+».
19 سوسىن يساعا اناسى مەن باۋىرلارى+ كەلدى، ٴبىراق حالىقتىڭ كوپتىگىنەن ونىڭ قاسىنا بارا المادى+. 20 سوندىقتان بىرەۋ وعان: «سىرتتا اناڭىز بەن باۋىرلارىڭىز كەلىپ، سىزگە جولىققىسى كەلىپ تۇر»،— دەدى. 21 بۇعان ول: «قۇداي ٴسوزىن ەستىپ، ورىندايتىندار مەنىڭ انام جانە باۋىرلارىم»+،— دەپ جاۋاپ قاتتى.
22 ٴبىر كۇنى ول شاكىرتتەرىمەن بىرگە قايىققا ٴمىنىپ، ولارعا: «كولدىڭ ارعى بەتىنە وتەيىك»،— دەدى. ٴسۇيتىپ، ولار ٴجۇزىپ كەتتى+. 23 قايىقتا يسا ۇيىقتاپ قالدى. سول كەزدە قاتتى داۋىل كوتەرىلىپ، قايىق سۋعا تولا باستاپ، ولارعا قاۋىپ ٴتوندى+. 24 شاكىرتتەرى يساعا بارىپ، ونى وياتىپ: «ۇستاز! ۇستاز! قۇريتىن بولدىق!»— دەدى. ول تۇرىپ، جەل مەن دولدانعان سۋعا تيىم سالدى. سوندا ولار باسىلىپ، تىنىشتىق ورنادى+. 25 يسا شاكىرتتەرىنە: «سەنىمدەرىڭ قايدا؟»— دەدى. ۇرەيلەرى ۇشىپ، اڭ-تاڭ بولعان ولار ٴبىر-بىرىنە: «جەلگە دە، سۋعا دا بۇيرىق بەرىپ، باعىندىراتىن بۇل كىم ٶزى؟»— دەستى+.
26 ولار عاليلەيانىڭ قارسى بەتىندەگى گەراسالىقتاردىڭ جەرىنە ٴجۇزىپ كەلدى+. 27 يسا جاعاعا شىققاندا، وعان سول ماڭداعى قالادا تۇراتىن بويىن جىن بيلەگەن ٴبىر كىسى كەزدەسە كەتتى. ول ٴبىراز ۋاقىتتان بەرى كيىم كيمەي، ۇيدە ەمەس، قابىرلەر اراسىندا تۇرىپ جۇرگەن بولاتىن+. 28 يسانى كورگەندە ول ايعايلاپ جىبەرىپ، اياعىنا جىعىلدى دا، قاتتى داۋىستاپ: «قۇداي تاعالانىڭ ۇلى يسا، مۇندا نەگە كەلدىڭ؟ جالىنامىن، مەنى جازالاي كورمە!»— دەدى+. 29 (سەبەبى يسا جىنعا ودان شىعۋدى بۇيىرعان بولاتىن. جىن ول كىسىنى تالاي رەت* قىسقان ەدى+. جۇرت ونى قايتا-قايتا شىنجىرمەن، كىسەنمەن بۇعاۋلاپ تاستاپ، كۇزەتسە دە، ول بۇعاۋلارىن ٷزىپ، جىننىڭ ايداۋىمەن ەلسىز جەرلەرگە كەتىپ قالاتىن.) 30 يسا ودان: «اتىڭ كىم؟»— دەپ سۇراعاندا، ول: «قالىڭ قول*»،— دەدى. ويتكەنى ونىڭ بويىنا كوپ جىن كىرىپ العان ەدى. 31 ولار يسادان قادالا ٶتىنىپ، تۇڭعيىققا+ تۇسىرمەۋىن سۇرادى. 32 سول جەردە تاۋ بەتكەيىندە كوپ شوشقا+ جايىلىپ جۇرگەن ەدى. جىندار سول شوشقالارعا كىرۋگە رۇقسات ەتۋىن ٶتىندى. يسا رۇقسات ەتكەندە+، 33 جىندار الگى ادامنىڭ بويىنان شىعىپ، شوشقالارعا كىردى. سوندا شوشقالاردىڭ ٴبارى جاردان كولگە قارعىپ، سۋعا باتىپ، قىرىلىپ قالدى. 34 ال مۇنى كورگەن باقتاشىلار قاشىپ كەتىپ، بولعان جايتتى قالا مەن اۋىلدارعا تاراتتى.
35 سودان جۇرت نە بولعانىن كورۋگە شىقتى. ولار يساعا كەلگەندە، الگى كىسىنىڭ ۇستىنە كيىم كيىپ، اقىل-ەسى كىرىپ، ونىڭ جانىندا وتىرعانىن كورىپ، زارەلەرى قالمادى. 36 وسىنىڭ ٴبارىن ٶز كوزىمەن كورگەندەر ولارعا الگى كىسىنىڭ جىندارىنان قالاي ارىلعانىن ايتىپ بەردى. 37 سوندا گەراسالىقتاردىڭ جەرىنەن كەلگەن جۇرتتىڭ ٴبارى يسادان سول ماڭنان كەتۋىن ٶتىندى، ويتكەنى ولاردى قاتتى ۇرەي بيلەگەن ەدى. يسا قايىققا وتىرىپ كەتپەك بولعاندا، 38 جىندارىنان ارىلعان كىسى ونىمەن بىرگە جۇرۋگە رۇقسات ەتۋىن جالىنىپ سۇرادى. ٴبىراق يسا رۇقسات بەرمەي+: 39 «ۇيىڭە قايت. قۇدايدىڭ وزىڭە نە ىستەگەنىن بارىنە ايتىپ جەتكىز»،— دەدى. ول بارىپ، يسانىڭ وزىنە نە ىستەگەنىن بۇكىل قالاعا جاريالادى.
40 يسا عاليلەياعا قايتا ورالعاندا، قالىڭ جۇرت ونى جىلى قارسى الدى، سەبەبى ٴبارى ونى كۇتىپ جۇرگەن ەدى+. 41 سول كەزدە جايىر ەسىمدى ٴبىر ٴماجىلىسحانا جەتەكشىسى كەلىپ، يسانىڭ اياعىنا جىعىلدى دا، ۇيىنە كەلۋىن وتىنە باستادى+. 42 ويتكەنى ونىڭ 12 جاس شاماسىنداعى جالعىز قىزى حال ۇستىندە جاتقان ەدى.
يسا ونىڭ ۇيىنە بارا جاتقاندا، حالىق ونى جان-جاقتان قىسپاقتادى. 43 حالىق اراسىندا 12 جىل بويى قان كەتىپ اۋىرىپ+، ەشكىمنەن ەم تابا الماعان ٴبىر ايەل بار ەدى+. 44 ول يسانىڭ ارت جاعىنان كەلىپ، جامىلعىسىنىڭ شاشاعىنا+ قولىن تيگىزدى. سول ساتتە قانى توقتادى. 45 يسا: «كىم ماعان قولىن تيگىزدى؟»— دەپ سۇرادى. مۇنى ەشكىم مويىنداماعان سوڭ، پەتىر: «ۇستاز، قالىڭ جۇرت ٴسىزدى قاۋمالاپ، قىسپاقتاپ تۇر عوي!»— دەدى+. 46 بۇعان يسا: «بىرەۋ ماعان قولىن تيگىزدى، ويتكەنى بويىمنان كۇش+ شىققانىن سەزدىم»،— دەپ جاۋاپ بەردى. 47 جاسىرىن قالا المايتىنىن تۇسىنگەن ايەل دىرىلدەپ كەلىپ، ونىڭ اياعىنا جىعىلدى دا، نەگە وعان قول تيگىزگەنىن جانە قالاي بىردەن ساۋىعىپ كەتكەنىن جۇرت الدىندا ايتىپ بەردى. 48 ٴبىراق يسا وعان: «قىزىم، سەنىمىڭنىڭ ارقاسىندا ايىقتىڭ، ۋايىمداماي قايتا بەر»،— دەدى+.
49 ول ٵلى سويلەپ تۇرعاندا، ٴماجىلىسحانا جەتەكشىسىنىڭ ۇيىنەن ٴبىر كىسى كەلىپ: «قىزىڭىزدان ايىرىلىپ قالدىق. ەندى ۇستازدى اۋرەلەمەي-اق قويىڭىز»،— دەدى+. 50 مۇنى ەستىگەن يسا جايىرعا: «قورىقپاڭىز، تەك سەنىمىڭىز بولسىن! قىزىڭىز امان قالادى»+،— دەدى. 51 ونىڭ ۇيىنە جەتكەندە، يسا وزىمەن پەتىر، جوحان، جاقىپ جانە قىزدىڭ اتا-اناسىنان باسقا ەشكىمنىڭ ىشكە كىرۋىنە رۇقسات ەتپەدى. 52 ال جۇرت بولسا قىزدى جوقتاپ زار ەڭىرەپ، كوكىرەكتەرىن ۇرىپ قايعىرىپ جاتقان ەدى. يسا ولارعا: «جىلاماڭىزدار+! قىز ولگەن جوق، ۇيىقتاپ جاتىر+»،— دەدى. 53 بۇنى ەستىگەندە، ولار ونى مىسقىلداپ كۇلە باستادى، ويتكەنى قىزدىڭ ٶلىپ قالعانىن بىلەتىن. 54 يسا قىزدى قولىنان ۇستاپ، داۋىستاپ: «بالام، تۇرەگەل!»— دەدى+. 55 سوندا قىز ٴتىرىلىپ*+، بىردەن ورنىنان تۇردى+. يسا وعان تاماق بەرۋدى بۇيىردى. 56 ال اتا-اناسى اڭ-تاڭ بولدى، ٴبىراق يسا بۇل جايلى ەشكىمگە ٴتىس جارماۋدى ەسكەرتتى+.