ريمدىكتەرگە
16 كەنحرەياداعى+ قاۋىمدا قىزمەت ەتەتىن باۋىرلاسىمىز فوبەنى جىلى قارسى الىڭدار*. 2 ونى يەمىز ٷشىن قاسيەتتىلەرگە لايىق قابىلداپ، قانداي كومەك قاجەت بولسا دا، جاردەمدەسىڭدەر+. ويتكەنى ول كوپ باۋىرلاستارعا قورعانىش بولدى، سولاردىڭ اراسىندا مەن دە بارمىن.
3 ٴماسىح يساعا مەنىمەن بىرگە قىزمەت ەتىپ جۇرگەن پريسكا* مەن اقيلاعا+ سالەم ايتىڭدار. 4 ولار مەنىڭ جانىم ٷشىن باستارىن قاتەرگە تىكتى+. ولارعا مەن عانا ەمەس، باسقا ۇلت قاۋىمدارىنىڭ ٴبارى دە العىس ايتۋدا. 5 سولاردىڭ ۇيىندە جينالاتىن قاۋىمعا دا سالەم جولداڭدار+. ازيادا* ٴماسىح جولىنا تۇسكەن العاشقىلاردىڭ ٴبىرى — سۇيىكتى ەپەنەتكە سالەم ايتىڭدار. 6 سەندەر ٷشىن ايانباي ەڭبەك ەتكەن ٴماريامعا سالەم جولداڭدار. 7 تۇرمەدە بىرگە وتىرعان اعايىندارىم اندرونيك پەن يۋنياسقا دا سالەم+. ەلشىلەرگە تانىمال ولار ٴماسىح جولىنا مەنەن بۇرىن تۇسكەن.
8 يەمىزبەن بايلانىستاعى سۇيىكتى باۋىرلاسىم امپليعا دا سالەم. 9 بىزبەن بىرگە ماسىحكە قىزمەت ەتىپ جۇرگەن ۇربانعا جانە سۇيىكتى باۋىرلاسىم ستاقيعا سالەمىمدى جەتكىزىڭدەر. 10 ٴماسىحتىڭ جولىندا جاقساتقا يە بولعان اپەللەسكە دە سالەم. اريستوبۋلدىڭ ۇيىندەگىلەرگە دە سالەم ايتىڭدار. 11 تۋىسىم يروديونعا سالەم جولداڭدار. نارقىستىڭ ٷي ىشىندەگى يەمىزدىڭ ٸزباسارلارىنا دا سالەمىمدى جەتكىزىڭدەر. 12 يەمىز ٷشىن ايانباي ەڭبەك ەتىپ جۇرگەن تريفەنا مەن تريفوزاعا سالەم ايتىڭدار. يەمىز ٷشىن كوپ ەڭبەك سىڭىرگەن سۇيىكتى پەرسيداعا دا سالەم. 13 يەمىزدىڭ تاڭداۋلىسى رۋف پەن ونىڭ ماعان دا انا بولعان اناسىنا سالەم. 14 اسينكريت، فلەگون، گەرمەس، پاتروب، گەرماس پەن ولاردىڭ قاسىنداعى باۋىرلاستارعا سالەم جولداڭدار. 15 فيلولوگ پەن يۋلياعا، نەرە مەن ونىڭ قارىنداسىنا*، وليمپاعا جانە ولاردىڭ قاسىنداعى قاسيەتتىلەردىڭ بارىنە سالەم ايتىڭدار. 16 ٴبىر-ٴبىرىڭدى باۋىرلاستىق سۇيىسپەنشىلىكپەن ٴسۇيىپ امانداسىڭدار. ٴماسىحتىڭ قاۋىمدارىنىڭ ٴبارى سەندەرگە سالەم جولداۋدا.
17 باۋىرلاستار، سەندەردى مىناعان شاقىرامىن: ارالارىڭدا ىرىتكى سالىپ، العان ىلىمدەرىڭە قايشى ارەكەت ەتىپ، وزگەلەردى سۇرىندىرەتىن جاعدايلار تۋدىرىپ جۇرگەندەردى نازاردا ۇستاڭدار، ٵرى ولاردان اۋلاق جۇرىڭدەر+. 18 مۇندايلار — يەمىز ٴماسىحتىڭ ەمەس، ٶز قۇلقىنىنىڭ قۇلدارى. ولار مايدا سويلەپ، جاعىمپازدانىپ، اقكوڭىل ادامداردى* ازعىرادى. 19 سەندەردىڭ مويىنسۇنعىش ەكەندەرىڭ جۇرتتىڭ بارىنە ٴمالىم بولدى. سوندىقتان سەندەر ٷشىن قۋانامىن. ايتسە دە جاقسىلىققا كەلگەندە دانا، جاماندىققا كەلگەندە كىناراتسىز بولساڭدار ەكەن دەيمىن+. 20 تىنىشتىق سيلايتىن قۇداي جۋىردا سەندەرگە شايتاندى جانىشتايتىن بيلىك بەرەدى+. يەمىز يسانىڭ راقىمى سەندەرمەن بولسىن!
21 قىزمەتتەسىم تىموتە جانە تۋىستارىم ٴلۇسي، ياسون، سوسيپاتىر سەندەرگە سالەم جولداۋدا+.
22 وسى حاتتى قاعازعا تۇسىرگەن مەن، تەرتي، ماسىحشىلىك سالەمىمدى جولدايمىن.
23 مەنى جىلى قابىلداعان گايدان+ جانە ونىڭ ۇيىندە جينالاتىن بۇكىل قاۋىمنان دا سالەم. قالانىڭ قارجى باستىعى ەراست پەن باۋىرى كۋارت سالەم ايتۋدا. 24 * ——
25 قۇداي سەندەردى مەن جاريالاپ جۇرگەن ىزگى حابار جانە يسا ٴماسىح تۋرالى ۋاعىز ارقىلى نىعايتا الادى. بۇل حابار قۇدايدىڭ قاسيەتتى قۇپياعا قاتىستى اشقاندارىمەن ۇيلەسەدى. قاسيەتتى قۇپيا+ بولسا ۇزاق ۋاقىتتان بەرى اشىلماي كەلگەن ەدى. 26 ال ەندى اشىلدى، ٵرى ول ماڭگى ٴتىرى قۇدايدىڭ بۇيرىعى بويىنشا، پايعامبارلار جازبالارى ارقىلى بارلىق ۇلتتارعا بەلگىلى بولدى. وسىلايشا ولار قۇدايعا سەنىپ، مويىنسۇناتىن بولادى. 27 دانالىقتىڭ بىردەن-ٴبىر يەسى+ — قۇداي يسا ٴماسىح ارقىلى ماڭگى باقي داڭقتالا بەرسىن! اۋمين.