ەۆرەيلەرگە
12 ەندەشە بۇلت ىسپەتتى وسىنشاما كوپ كۋاگەر قورشاپ تۇرعاندىقتان، ٴبىز دە اۋىرتپالىق بولاتىن كەز كەلگەن نارسەدەن جانە تەز شىرماپ الاتىن كۇنادان ارىلىپ+، الدىمىزداعى قاشىقتىقتى تاباندىلىقپەن جۇگىرىپ وتەيىك+. 2 ال مۇنى سەنىمىمىزدىڭ باس جەتەكشىسى ٵرى جەتىلدىرۋشىسى يساعا+ بار نازارىمىزدى تىگە وتىرىپ ىستەيىك. ٶزىن كۇتىپ تۇرعان قۋانىش ٷشىن ول قورلىقتى ەلەمەي، ازاپ باعاناسىندا ٶلدى، سوسىن قۇداي تاعىنىڭ وڭ جاعىنا وتىردى+. 3 وزدەرىنە زيان كەلتىرەتىن كۇناكارلاردىڭ قاستىق سوزدەرىنە+ شىداعان يسا تۋرالى جاقسىلاپ ويلانىڭدار. سوندا قاجىمايسىڭدار، ۇنجىرعالارىڭ دا تۇسپەيدى+.
4 كۇناعا قارسى كۇرەستەرىڭدە سەندەر ٵلى قاندارىڭ توگىلگەنشە الىسقان جوقسىڭدار. 5 سەندەر قۇدايدىڭ ۇلدارى رەتىندە وزدەرىڭە ايتىلعان مىنا اقىل-كەڭەستى مۇلدەم ۇمىتتىڭدار: «بالام، ەحوبا جونگە سالعاندا، مەنسىنبەي جۇرمە، ال تۇزەتكەندە، كوڭىلىڭ تۇسپەسىن. 6 ويتكەنى ەحوبا كىمدى جاقسى كورسە، سونى جونگە سالادى. كىمدى ۇلىنداي كورسە، سونى جازالايدى+».
7 باستارىڭا تۇسكەن ازاپتارعا ٴتوزىپ، مۇنى وزدەرىڭدى جونگە سالۋدىڭ ٴبىر جولى دەپ بىلىڭدەر. قۇداي سەندەرگە بالالارىنا قاراعانداي قارايدى+. ال اكەسى جونگە سالمايتىن بالا بار ما+؟ 8 ەگەر وزگەلەر سياقتى جازالانباساڭدار، وندا شىنايى ەمەس، نەكەسىز تۋىلعان بالالارسىڭدار. 9 كەزىندە تۋعان اكەلەرىمىز جونگە سالدى، ٴبىز ولاردى قۇرمەتتەدىك. ولاي بولسا، ٶمىر ٴسۇرۋىمىز ٷشىن رۋحاني ٶمىر بەرگەن اكەمىزگە ودان دا كوبىرەك باعىنۋىمىز كەرەك ەمەس پە+؟ 10 ولار ٶز بىلگەندەرىنشە، ٴبىزدى از ۋاقىت جونگە سالدى. ال قۇداي ٴبىزدىڭ يگىلىگىمىزدى ويلاپ، ٶزى سياقتى قاسيەتتى بولۋىمىز ٷشىن+ جونگە سالادى. 11 راس، جونگە سالىنىپ جاتقاندا، بۇل قۋانتپايدى، قايتا، اۋىر تيەدى. ٴبىراق سول ارقىلى تاربيەلەنگەندەرگە بۇل سوڭىنان تاتۋلىق پەن ادىلدىك جەمىسىن بەرەدى.
12 سوندىقتان السىرەگەن قولدار مەن تىزەلەردى نىعايتىڭدار+. 13 اقساپ جۇرگەندەر ودان بەتەر جاراقاتتانىپ قالماي، قايتا، ساۋىعۋ ٷشىن، اياقتارىڭنىڭ استىنا ٴتۇزۋ جول سالىڭدار+. 14 بارلىق ادامدارمەن تاتۋ بولۋعا ۇمتىلىڭدار+، قاسيەتتى بولىڭدار+. ويتكەنى قاسيەتتى بولماسا، ەشكىم دە يەمىزدى كورە المايدى. 15 ەشقايسىسىڭ قۇدايدىڭ راقىمىنان ايىرىلىپ قالماۋىڭ ٷشىن، سونداي-اق ارالارىڭدا ۋلى تامىر شىعىپ، قيىندىق تۋدىرىپ، كوبىڭدى ارامداماۋ ٷشىن ساق بولىڭدار+. 16 ارالارىڭدا ازعىن* نە ەساۋ سياقتى قاسيەتتى نارسەنى باعالامايتىن ادام دا بولماسىن. ول تۇڭعىشتىق جولىن ٴبىر توستاق تاماققا ايىرباستاي سالدى+. 17 وزدەرىڭ بىلەتىندەي، كەيىنىرەك باتا العىسى كەلگەندە، ونىڭ ٶتىنىشى قابىلدانبادى. ول جىلاپ تۇرىپ اكەسىنىڭ شەشىمىن وزگەرتۋگە تىرىسقانمەن+، وزگەرتە المادى.
18 سەندەر قولمەن ۇستاۋعا بولاتىن ٵرى وت جالىنداپ تۇرعان+ تاۋعا+، قارا بۇلتقا، تاس تۇنەككە، داۋىلعا+، 19 كەرنەي ۇنىنە+ ياكي ەستىلىپ جاتقان سوزدەرگە+ جاقىنداعان جوقسىڭدار. ونى ەستىگەن حالىق مۇسادان وزدەرىنە بۇدان باسقا ەشتەڭە ايتىلماسا ەكەن دەپ وتىنگەن ەدى+. 20 ويتكەنى ولار «تاۋعا ٴتىپتى مال تۇياعى تيسە، تاسپەن اتقىلانىپ ٶلتىرىلسىن!»+ دەگەن بۇيرىقتان قورىقتى. 21 وسى كورىنىستىڭ قورقىنىشتى بولعانى سونشا — مۇسانىڭ ٶزى: «مەن قورىققاننان قالتىراپ تۇرمىن»+،— دەدى. 22 ال سەندەر سيون تاۋىنا+، ٴتىرى قۇدايدىڭ قالاسى — كوكتەگى يەرۋساليمگە+، جينالعان كوپتەگەن پەرىشتەلەرگە، 23 ەسىمدەرى كوكتە جازىلعان قۇداي تۇڭعىشتارىنىڭ قاۋىمىنا+، ٴبارىن سوتتاۋشى قۇدايعا+، كەمەلدىلىككە جەتكىزىلگەن+ ادىلدەردىڭ رۋحاني ومىرىنە+، 24 جاڭا كەلىسىمنىڭ+ كەلىستىرۋشىسى يساعا+ جانە بىزگە بۇركىگەن ونىڭ قانىنا جاقىندادىڭدار. ال ونىڭ قانى ٵبىلدىڭ قانىنان+ جاقسى سويلەيدى.
25 بايقاڭدار، سويلەپ تۇرعانعا قۇلاق اسپاي جۇرمەڭدەر! ويتكەنى قۇدايدىڭ ەسكەرتۋىن جەردەگى ادامدارعا جەتكىزگەنگە قۇلاق اسپاعاندار جازادان قۇتىلمادى. ولاي بولسا، كوكتەن سويلەگەن قۇدايعا تەرىس قاراساق، ٴبىز قالاي قۇتىلامىز+؟ 26 سول كەزدە ونىڭ داۋسى جەردى شايقالتتى+، ال قازىر ول: «مەن تاعى دا جەردى عانا ەمەس، اسپاندى دا شايقالتامىن»+،— دەپ ۋادە بەردى. 27 «تاعى دا» دەگەن ٴسوز شايقالمايتىن نارسەلەر قالۋ ٷشىن، شايقالاتىن، ياعني قۇداي جاراتپاعان، نارسەلەردىڭ قۇريتىنىنا نۇسقايدى. 28 ولاي بولسا، شايقالمايتىن پاتشالىققا يە بولاتىنىمىزدى بىلەتىندىكتەن، قۇدايدىڭ راقىمىنان باس تارتپايىق. ويتكەنى وسى راقىمنىڭ ارقاسىندا قۇدايعا دەگەن قاسيەتتى قىزمەتىمىزدى وعان ۇنامدى بولاتىنداي ەتىپ، قورقىنىشپەن ٵرى زور قۇرمەتپەن اتقارا الامىز. 29 سەبەبى ٴبىزدىڭ قۇدايىمىز جالماپ قوياتىن وت ىسپەتتى+.