قورىنتتىقتارعا 1-حات
5 ماعان ارالارىڭدا ازعىندىق*+، ٴتىپتى باسقا ۇلت ادامدارى جاسامايتىن ازعىندىق، بار دەگەن حابار جەتتى: الدەكىم اكەسىنىڭ ايەلىمەن تۇرىپ جاتىر ەكەن+. 2 سەندەر سوعان ماقتانىپ جۇرسىڭدەر مە؟ قايتا، قايعىرىپ+، وسىنداي قىلىق ىستەگەن ادامدى ورتالارىڭنان شىعارىپ تاستاۋلارىڭ كەرەك ەمەس پە+؟! 3 ٴتانىم الىستا بولعانمەن، رۋحىممەن قاستارىڭدامىن. سوندىقتان ارالارىڭدا جۇرگەندەي، وسىنى ىستەگەن ادامعا ۇكىم شىعارىپ قويدىم. 4 يەمىز يسانىڭ اتىنان جينالعاندارىڭدا، يەمىز يسانىڭ قۇدىرەتىمەن بىرگە مەنىڭ دە رۋحىممەن قاستارىڭدا ەكەنىمدى بىلگەندىكتەن، 5 الگى ادامنىڭ كۇناكار ىقپالىن قۇرتۋ ٷشىن، ونى شايتانعا تاپسىرىڭدار+. سوندا يەمىزدىڭ كۇنىندە قاۋىمنىڭ رۋحى ساقتالادى+.
6 ماقتانعاندارىڭ دۇرىس ەمەس. ازعانا اشىتقى بۇكىل قامىردى اشىتاتىنىن+ بىلمەيسىڭدەر مە؟ 7 جاڭا قامىر بولۋ ٷشىن ەسكى اشىتقىدان ارىلىڭدار. وسىلاي ارالارىڭدا اشىتاتىن ەش نارسە بولماۋ كەرەك. سەبەبى قۇتقارىلۋ مەيرامىنىڭ* توقتىسى ٴماسىح+ ٴبىز ٷشىن قۇرباندىققا شالىندى+. 8 ەندەشە مەيرامدى ەسكى اشىتقىمەن نەمەسە جاماندىق پەن زۇلىمدىقتىڭ اشىتقىسىمەن ەمەس، شىنايىلىق پەن ادالدىقتىڭ اشىماعان نانىمەن تويلايىق+.
9 سەندەرگە جازعان حاتىمدا ازعىندارمەن ارالاسپاۋ كەرەكتىگىن ايتقانمىن. 10 ٴبىراق مەن وسى دۇنيەلىك ازعىن+، اشكوز، توناۋشى نە پۇتقا تابىنۋشى ادامدار جونىندە ايتقان جوق ەدىم. ايتپەسە وسى دۇنيەدەن بەزىپ كەتۋلەرىڭ كەرەك بولار ەدى+. 11 ال ەندى سەندەرگە مىنانى جازىپ وتىرمىن: باۋىرلاس اتالعانمەن، ازعىن، اشكوز+، پۇتقا تابىنۋشى، بالاعاتشىل، ماسكۇنەم+ نە توناۋشى بولىپ جۇرگەندەرمەن+ ارالاسۋدى دوعارىڭدار+، وندايلارمەن ٴتىپتى داستارقانداس تا بولماڭدار. 12 قاۋىمنان تىس ادامداردى سوتتاۋ مەنىڭ شارۋام با؟ سەندەر قاۋىمداعىلاردى سوتتاۋلارىڭ كەرەك ەمەس پە؟ 13 ال ودان تىس ادامداردى قۇداي سوتتايدى+. «زۇلىم ادامدى ارالارىڭنان الاستاتىڭدار»+.